შემოსავალი დამოკიდებულია:
1. მონეტიზებული ნახვების რაოდენობაზე თვის განმავლობაში და არა არხის ჯამური ნახვების რაოდენობაზე თვის განმავლობაში.
მაგალითად, შეიძლება ნახვების ჯამური რაოდენობა თვეში იყოს 700 000, მაგრამ მონეტიზებული ნახვების რაოდენობა ანუ როცა ვიდეოს რეკლამა ადევს იმ ნახვების რაოდენობა იყოს მხოლოდ 30 000 ან 100 000 თვის განმავლობაში.
2. რომელ ქვეყანაში უყურეს მონეტიზებულ ვიდეოებს.
სხვადასხვა ქვეყნების მიხედვით შემოსავალი განსხვავდება და მაგალითად ამერიკისთვის ყოველ ათას მონეტიზებულ ნახვაზე თუ 8-15 დოლარის ფარგლებში მერყეობს ხოლმე, საქართველოდან ვიდეოების ნახვის შემთხვევაში ყოველ ათას მონეტიზებულ ნახვაზე 0,52 ცენტიდან 2 დოლარამდე მერყეობს.
3. ყველაზე ეფექტური და შემოსავლიანი - ქლიქების ანუ რეკლამაზე დაწკაპუნების რაოდენობა.
როდესაც მაყურებელი რეკლამაზე აწკაპუნებს, ითვლება, რომ რეკლამამ დააინტერესა და თავის მიზანს მიაღწია, ამიტომაც cpc ანუ cost per click (ერთი დაწკაპუნების ღირებულება) გაცილებით მაღალია ვიდრე cpm ანუ cost per mile (1000 მონეტიზებული ნახვის ღირებულება). მე მქონდა ასეთი კურიოზული შემთხვევა - ერთი ვიდეო მაქვს, ძალიან ძალიან მდარე გემოვნებაზე გათვლილი ხოდა ამ ვიდეოს მაყურებლების უმეტესობამ გასაგები მიზეზების გამო არ იცის როგორ უნდა დახუროს რეკლამა და ამის ნაცვლად ზედ რეკლამაზე აწკაპუნებდნენ. შესაბამისად კარგად მოქონდა შემოსავალი სანამ არ მობეზრდა ხალხს და სანამ მაყურებელი ყავდა.
ანალოგიური ხდება საბავშვო ნიშაშიც - ბავშვების უმეტესობა რეკლამა რომ ფარავს გამოსახულების ნაწილს, ზედ რეკლამაზე აწკაპუნებს x-ის ნაცვლად რომ დახურონ აბეზარი რეკლამა და მოდის და მოდის ფული.
გასათვალისწინებელია ერთი ნიუანსიც: როგორი მაღალი cpc-ც არ უნდა იყოს, ეცემა ქლიქების მატების პროპორციულად. ანუ რაც მეტი აწკაპუნებს რეკლამაზე, მით უფრო ნაკლებია თითო წკაპის ფასი.
ზოგადად კი საშუალოდ, ყოველ 4000 ნახვაზე 1 დოლარს გამოიმუშავებს იუტუბერი ისეა მონეტიზაციის ალგორიტმი აწყობილი. ყოველ შემთხვევაში 3 წლის წინ ეგრე იყო.
სხვის არხებზე არ ვიცი, მაგრამ ჩემთან საშუალოდ არხის ჯამურ ნახვებთან მიმართებაში მხოლოდ მეათედი მოდიოდა მონეტიზებული. ეხლა თვის ჯამური ნახვების მესამედია მონეტიზირებული, მაგრამ შემოსავალმა მკვეთრად დაიკლო. ფაქტიურად, საშუალოდ თვეში 60-70 ევროზე რომ ადიოდა, ეხლა 30 ევრომდეც კი უჭირს ასვლა.
ერთი მომენტია კიდევ: როცა ვიღაცა ვიდეოს გპარავს და თავის არხზე ტვირთავს, რომ უსაჩივრებ, გასაჩივრებული ჩანაწერის სარეკლამო მიმზიდველობა მკვეთრად ვარდება და ჩანაწერი, რომელიც თვეში 30-40 ევროს გამოიმუშავებდა, გასაჩივრების შემდეგ 2-3 ევროს გამოიმუშავებს და ნელნელა, თვეების შემდეგ მატულობს მისი შემოსავლიანობა. არ გაუსაჩივრებ და ჩანაწერზე მიმართვიანობა იყოფა, რეიტინგი ეცემა, საძიებო სისტემებშიც დაბლა და დაბლა ინაცვლებს და ბოლოს ორივე იძირება. დედანიც და მოპარულიც.
სხვების არხებზე არ ვიცი როგორ იყო, მაგრამ 2012 წლიდან დღემდე საკუთარ არხს რასაც ვაკვირდებოდი, ასეთი რამე გამოვიდა.
· 
ფულის შოვნა, YouTube-ს საშუალებით, L, Georgian Youtubers 
