ძალიან ფართო კითხვაა და ძალიან მარტივად დასვი და მარტივ პასუხს ვერ მიიღებ.
საერთოდ, სანამ რამეს ვიტყოდეთ უნდა ითქვას რომ ეს ამბები ძალიან ინდივიდუალურია და უამრავ ფაქტორზეა დამოკიდებული. სანამ იმ შენს მიერ დასმულ ფაქტორთა შედარებამდე მივალთ, მანამდე ესა თუ ის ღვინო, ადგილი, მეღვინე, ვენახი, ადგილმდებარეობა, მიწის და კლიმატის მონაცემები, მიკროკლიმატი ზოგან, მოკლედ ტერუარი იმდენად განსხვავებულია და ბევრნაირი კონფიგურაცია ჯდება, რომ თავისუფლად შესაძლებელია კონვენციონალურად მოყვანილი (ანუ ქიმიის გამოყენებით) ყურძნისგან ტექნოლოგიურად დამზადებული რომელიღაც A ღვინო საზიზღრად ჯობდეს რომელიღაც B ბიო ან ბიოდინამიურ, ან უბიოდინამიურეს ღვინოს.
.
რახან ეს ვთქვით, ახლა შენი კითხვის კონკრეტიკაზე გადავიდეთ:
ბიო და ბიოდინამიური რამდენად განსხვავდება მაგის თქმა ძნელია ჩემი აზრით.
რაც შეეხება კენვენციონალურსა (ტერმინი "შეწამლული" აქ არასწორია და გაუგებარი, ვინაიდან ბიოც იწამლება და ბიოდინამიურიც. თუ არ შეწამლი დაავადებები დედას უტირებს ვენახს. ანუ გააჩნია რითი წამლი, თორემ შეწამვლით ყველა წამლის და ყველანაირი უნდა შეწამლო.
სწორი იქნებოდა ქიმიური პრეპარატების გამოყენებით შეწამლილი და ბიო პროდუქტების გამოყენებით შეწამლილი რომ გეთქვა) და ბიოს შორის განსხვავებას, ეგ შედარებით უფრო ადვილია (თუმცა სულ თავში თქმულს რომ გაიაზრებ და დაუშვებ, მას მერე.).
ბიო რა არის ეგეც დასაკონკრეტებელია (მაგალითად, შეიძლება ყურძენი მოიყვანო მხოლოდ ბიო პრეპარატებით, მათ შორის სასუქებიც ბიო იყოს და ღვინის დაყენებისას გამოიყენეო არა ინდიგენური (აბორიგენული) საფუარები, არამედ სელექციური საფუარები. ამით შენი ღვინო მაინც ბიო იქნება.). უფრო ადვილია ისაუბრო ნატურალურ ღვინოზე. ანუ ისეთ ღვინოზე, რომელსაც არ აქვს არაბუნებრივი ჩარევები (ისევ მაგალითად სელექციის შედეგად მიღებული საფუარებზე არ არის დადუღებული და არის დადუღებული საკუთარ, დაწურულ ყუძნის კანზე არსებულ მკვიდრ საფუარებზე.). თუმცა აქაც მაინც ყველაფერი შედარებითია, ვინაიდან ნატურალისტებიც და ბიო ან ბიოდინამიურის მმდევრებიც იყენებენ გარკვეული რაოდენობის ქიმიას. მაგალითად გოგირდის გამოყენების გარეშე ძალიან ძნელია რომ ღვინო არ გაგიფუჭდეს (მითუმეტეს, როდესაც დიდი რაოდენობით მის დამზადებაზეა საუბარი.), ზოგიერთები მიდიან ამ ნაბიჯზეც, მაგრამ ძალიან სარისკოა, შეიძლება მთელი მოსავალი დაკარგო.
მოკლედ, გამიგრძელდა, იმის თქმა მინდოდა რომ უამრავი ნიუანსია და გადაჭრით ვერ იტყვი.
თუმცა, ჩემი გამოცდილებით, ნატურალურ ღვინოს უფრო მეტი შინაარსი აქვს. ეს შეიძლება იმის გამოც იყოს, რომ:
ასეთი ვენახი შაქარს უფრო ადვილად კრეფს;
მკვიდრი საფუარები უფრო მეტად ხაზს უსვავენ ამა თუ იმ სახეობის ღვინის ტიპურობას;
ქვევრის, ჭურის (ანუ ჭურჭლის) თემაც არის (შენახვასთან დაკავშირებით ნაკლებად, მაგრამ დუღილის პროცესთან დაკავშირებით, და დაღვინების დროს, ნამდვილად).
როგორც გამოცდილი ხალხი ამბობს, ღვინის სიკარგის 80% წყდება ვენახში, 20% უკვე მარანში, აქ კიდევ არის მეასამე რამ, მეღვინის ოსტატობა, გამოცდილება, პატიოსნება და რაღაც უხილავი რამ, სიყვარულით და საქმისადმი ერთგული რწმენით რომ შეიძლება მიიღო და მხოლოდ ამით მიიღება "მართალი" ღვინო.
ვენახის გაშენება თითოეული პროცედურა ნაბიჯ ნაბიჯ, როგორ უნდა გავაშენოთ ახალი ვენახი
