საოჯახო მეურნეობა - სოფელში დასახლება

kaxaberski66

როგორც ვიცი, დაგიფარათ ღმერთმა კახეთი - დღეს ჩემებს ველაპარაკე ყვარელში და ოდნავ იყო წაყინული, კვირტები არაა გაფუჭებულიო. მით უფრო - ვენახი, რომელიც ახლა იწყებს გამოსვლასო.
არადა, ახლა რომ ქართლ-კახეთი მოეყინა, კორონა, გაჭირვება და შიმშილი მერე გენახა საქართველოში.

შენს გახარებას, ერთი ცალი გადმომაწოდე რა!
პ.ს. იმედია, მალე მეც მექნება ანალოგიური შესაბოლი.
პ.ს. პ.ს. ლამაზი ეზო გქონია. მეორე ფოტოზე, ქოთანში ის წითელფოთლებიანი რა მცენარეა? ფოტინიას მივამსგავსე.
სულ ბოლო სურათზეც, ნაწილი რომ მოჩანს მოყვითალო მცენარისა, ეგ ეონიმუსია თუ - ფრანგული კვიპაროსი? (ჩვენში ასე ეძახიან და ისე კი ვინ იცის, სინამდვილეში რა ჰქვია ).
ამ ბოლო დროს, ძირითადად ფაროსანას შიშით (ამას ვერ შეჭამს-მეთქი), მარადმწვანე საბაღე-დეკორატიულ მცენარეებზე გადავერთე. დავკანკალებ თავზე.
koba1973

ამასაც ამწნილებენ? ჯონჯოლში ურევენო, კი გამიგონია.

tavadze

მარტივია მაგის გაკეთება. ერთი რკინის კასრი იშოვე და დანარჩენს მე გეტყვი როგორ უნდა გააკეთო.
გადმოწოდებით გადმოგაწვდიდი მაგრამ შენ ალთას ხარ მე ბალთას.

არ ვიცი რა ჰქვია. სკვერებში რომ რგავენ გამწვანებისთვის ეგ არის. მერე ფორმას აძლევენ.

რაღაც ბზის სახეობაა, ბიოლოგიურად რა ჰქვია არ ვიცი. კვიპაროსი რომ იყოს არ მგონია.

კი ამწნილებენ სანამ კოკორია.

kaxaberski66

ჰოდა, ეგაა - ფოტინია. შემოდგომაზე ან ადრე გაზაფხულზე ეგ გასხალი - დაიბუჩქება და უკეთეს ფორმას მიიღებს.

მაშინ ეონიმუსია. ისე კი ის კვიპაროსიც მთლად კვიპაროსს არა ჰგავს.

tavadze

როდის აჯობებს რომ გავსხლა? ეხლა მივცე თავისუფლად ზრდის საშუალება და სემოდგომაზე გავსხლა თუ ეხლავე გავსხლა.
პრინციპში გასასხლავიც არაფერი აქვს. სულ ორი ტოტი აქვს.

შეიძლება. შარშან ერთი ბეწვა იყო და წლეულს კარგად წამოვიდა. ახლოდან გადაღებულ ფოტოს დავდებ რომ უკეთესად დაინახო.
კიდევ ერთი პატარა მაგის მსგავსია და იმასაც დავდებ. იქნებ ისიც იცოდე რა მცენარეა.

kaxaberski66

ახლა უკვე დაგვიანებულია გასხვლა. შემოდგომაზე ჯობია.

აჯობებს.

მიდი, დაჰკა - გამოუშვი!

ბზობას გილოცავთ მამულიშვილნო. მრავალს დაგვასწროს უფალმა.

kaxaberski66

+100000000000000!

tavadze
აი ეს არის ეონიმუსი?

kaxaberski66

დასტურ - ჭრელი ეონიმუსია. ძალიან ადვილად - ტოტითაც კი მრავლდება და უპრეტენზიო მცენარეა. სამაგიეროდ, ეზოში ლამაზია.

tavadze

მართლაც რამოდენიმე ტოტი მოვაჭერი შემოდგომაზე, მიწაში ჩავურჭვი და არ გახმა. ეხლა ნიშანი აქვს ახალი მწვანე ამონაყარის.
სილამაზითაც ნამდვილად ლამაზია.
ფეისბუქის გვერდზე ვნახე, ერთმა კახელმა თავისი ეზოს სურათები დადო. თან კორონას მადლობას უხდიდა რომ ეზოსთვის მოვიცალეო.
ეზო კი არა ბაღი ჰქონდა ლამაზად გაკეთებული. ფეისბუქზე ძებნა არ ვიცი და ვერარ ვპოვულობ.

kaxaberski66

ჯერ წყალი არ მიაკლო მაინც - ვიდრე ნერგი კარგად არ მოძლიერდება. თუმცა ზაფხულის სიცხეებშიც მიაშველე წყალი.

საბედნიეროდ, ბევრია მასეთი ეზოები. რაც მე მინსკის ბოტანიკური ბაღი ვნახე, მაგათ ადგილას, თავისუფლად შეიძლება მაგ ეზოების ტურისტულ ბიზნესად ქცევა, როგორც შევარდნაძემ აქცია გარდენია. მინსკში იასამნები, აჭარული კაკალი და კიდევ რაღაც ერთი მცენარე ჰქონდათ (აღარ მახსოვს, რომელი იყო), ჩვენთან რომ ყოველ ნაბიჯზე იზრდება. ორანჟრეაშიც ოთახის ისეთი მცენარეები ჰქონდათ, ლამის ყოველ მეორე ოჯახში რომ ნახავ. იასამნები დაყვავილებული იყო, მაგრამ ფოთლებით ხომ ვიცანი და თან იმდენი ედგათ ბოტანიკურში, ვიფიქრე, სხვა რამე ხომ არაა-მეთქი. სახელი ვკითხე და რომ მითხრეს, ტან დამიწყეს ახსნა, ასეთი და ასეთი ყვავილები აქვს, ასეთი ლამაზიაო... გამეცინა - მე ვთქვი, რას მიხსნით, ეზოში მიდგას და ჩვენთან ეგ ლამის ყველა ეზოშია-მეთქი. მერე რომ ვუთხარი, ჩვენთან თეთრი ფერისაც არსებობს და უკვე ყვითელიც გამოჩნდა-მეთქი, თვალები დააჭყიტეს გაოცებისგან - ქალი და ახალგაზრდა კაცი იყვნენ. იქ რაც ვნახე, მაშინ ვიფიქრე, ამათ ბოტანიკურზე ბევრად ლამაზი ეზოებია ჩვენთან-მეთქი და მაშინ გამიჩნდა აზრი, რომ მსგავსი ეზოების ბიზნესად ქცევა შეიძლება - სადაც იასამანზე ისე აღტაცებით ლაპარაკობდნენ...

ბაზალეთის მხარეს როგორი მიწებია ხომ არ იცით? საკრამულო, მლაშე - ამ სოფლების არეალში. იქნებ შემთხვევით გქონდეთ ინფორმაცია ეს მლაშე თავიდანვე საეჭვოდ ჟღერს, ალბათ მანდ მაღალ მჟავიანობის მიწაა.

This post has been edited by Grows on 13 Apr 2020, 21:09

tavadze

ეხ ჩემო ირაკლი. ეგ იყო კორონამდე. ეხლა ეზოების ბიზნესი კი არა, ეზოში მეზობელიც აღარ შემოდის.
თვითონ მეც ვარიდებ ყველას თავს. აბეზარი ბუზივით ყველგან მიწევს ყოფნა. დაწყებული ეკლესიიდან, დამთავრებული დღეში 20-25 მაღაზიის პერსონალით.
იმდენი კი ვიცი თუ როგორ უნდა მოვიქცე რომ არ დავინფიცირდე, მაგრამ მაინც თავს ვიზღვევ.
მე რაც არ უნდა შემხვდეს, ის მე შემხვდება მაგრამ, ჩემგან სხვას რომ არ გადაედოს იმიტომ თითქმის გავანულე ჩემი კავშირი სამეგობრო წრესთან.

la reine - აჰა, შეპირებული სურათები: ნაწილი II.
მაგნოლია:

ცისფერი კესანე (ჩემი აპარატი ფერებს ვერ იჭერს, თორემ რეალურად ბევრად ლამაზი ლურჯი ფერისაა)

ტიტები (პირველი რა უცნაურია!). იმ თეთრზე კი, ამას წინათ დისშვილი მესტუმრა და ეს მე ქაღალდისგან მეგონა გამოჭრილიო.

;;;;;;;;;;;;;;;;;;;;;;;;;;;;;;;;;;;;;;;;;

;;;;;;;;;;;;;;;;;;;;;;;;;;;;;;;;;;;;;;;;;;

;;;;;;;;;;;;;;;;;;;;;;;;;;;;;;;;;;;;;;;;


kaxaberski66 - შენ დაგპირდი, რომ იმ მთების უკეთეს ფოტოს დავდებდი და ინებე, ბატონო! სოფლის ხედი და მის ფონზე ეგ მთები.
მანდ მთავარი გზიდან ჩემს უბანში ჩასასვლელი გზა მოჩანს - დაბლა რაც ჩადის, ეგაა ჩემი უბანი. უკან, სულ ბოლოს ორკეს მთა მოჩანს, ადრე რომ ვწერდი, საკულტო-საკურორტო მთა ყოფილა-მეთქი. მაგის უკან, ორივე მხარეს ოდნავ მოჩანს მთების ხაზები - ეგენი უკვე ვანის მთებია. მაქედან ვანის სოფლებამდე დაახლოებით 2 საათის გზაა. მარცხნივ რომ მთები მოჩანს, მაგათ გადაღმა სამტრედიის სოფლებია, ნახევარი საათიც არ უნდა იქამდე.

ეს მთები მაგ ორკეს გაგრძელებაა - მარჯვენა მხარეს. სულ მარჯვნივ რომ მთებია, მაგათ გადაღმა სუფსის ხეობაა - აბრაგებით განთქმული მხარე, პირდაპირი ხაზით კი ბახმარო-საირმეს მთებში ადიხარ.



ეს ხედი სოფელ თხილაგანზე, რომელიც ჩემი საგვარეულო სოფელია და მაგ ორკეს მთის გადაღმაა. ახლა თითქმის დაცლილია, თუმცა მანდ სოფლის ძაან მცირე ნაწილი მოჩანს - სახლები უფრო აქეთ მხარესაა და ხეები მეფარებოდა.


This post has been edited by tavadze on 14 Apr 2020, 01:10

tavadze

მეც მიდგას ეზოში. მერე დავდებ სურათს.
ირაკლი ძალიან ლამაზი ყვავილებია.
შენი მცენარეების ცოდნა ჩემთვის სასიამოვნო აღმოჩენაა.
ძალიან ლამაზი ადგილებია. პირველ სურათზე გზა რომ ჩაუყვება, რომელიც შენს უბანში ჩადის, იმ გზის პირზე დიდი ტერიტორიაა შემოღობილი და შიგნით ტყესავით მოსჩანს. მანდ ქეიფს არაფერი ემჯობინება.
დათა თუთაშხია მახსენდება. ქაფიანიძე რომ ეუბნება დათას. ეს ჩვენი საქართველო ყველგან კარგია სააბრაგოდო.
ერთხელ იმერეთში ვიყავი გასვენებაში ზესტაფონს მაღლა სოფელია რაღაც, ზესტაფონს გადმოჰყურებს და თვითონ მთის ფერდობზეა გაშენებული.
ულამაზესი სოფელი და მხარე იყო.