სტივ ო’დუაიერი თბილისში გასამართ WSOP Circuit-ზე ითამაშებსპოკერის ერთ-ერთი უდიდესი სუპერვარსკვლავი სტივ ო’დუაიერი, თბილისში, WSOP Circuit-ის ღონისძიებაში მიიღებს მონაწილეობას - ამის შესახებ ინფორმაციას თავად ო’დუაიერი ადასტურებს.
„საქართველოზე ძალიან ბევრი კარგი მსმენია, მათ შორის ქართულ პოკერსამყაროზე და ბედნიერი ვარ, რომ საქართველოში თამაშის საშუალება მეძლევა. ერთი სული მაქვს, მარტში აჭარაბეთის WSOP Circuit-ის ტურნირში მივიღო მონაწილეობა“, - განაცხადა ო’დუაიერმა.
სტივ ო’დუაიერს კარიერის მანძილზე ცოცხალ ტურნირებში $14,863,825 აქვს მოგებული, რაც ყველა დროის მე-14 საუკეთესო შედეგია. ამერიკელი მოთამაშე ბოლო წლებია პოკერსცენაზე ერთ-ერთი საუკეთესოა და High Roller თამაშების სპეციალისტად ითვლება.
ო’დუაიერმა 2016 წელი ფენომენალურად დაიწყო, ორი ტიტული მოიგო და 4-ჯერ ფინალურ მაგიდასთან ითამაშა. იანვრის დასაწყისში EPT-ის $50,000 No-Limit Hold'em Eight Max-ში გაიმარჯვა და $945,495 დაიმსახურა. თებერვლის დასაწყისში კი 2016 Aussie Millions-ის AUD$250,000 No-Limit Hold'em-ის ღონისძიებაში პირველობა არავის დაუთმო, რისთვისაც $736,371 მოიპოვა.
ამერიკელი მოთამაშე Card Player-ის 2016 წლის საუკეთესო მოთამაშეების რეიტინგში მეორე ადგილზე იმყოფება.
შეგახსენებთ, რომ 3-9 მარტს WSOP და Adjarabet.com თბილისში WSOP Circuit-ის ღონისძიებების სერიას გამართავენ. სპორტის სასახლე რეგიონში პოკერის ისტორიაში უდიდეს ტურნირს უმასპინძლებს. ტურნირზე 19 ღონისძიება იქნება და, რაც მთავარია, 7 ოქროს ბეჭედი გათამაშდება. ტურნირის გარანტირებული საპრიზო ფონდი $700,000 იქნება, რაც რეგიონში, პოკერის ისტორიაში, სარეკორდო მაჩვენებელია.
http://cardplayer.adjaranet.com/%E1%83%A1%...%83%91%E1%83%A1
· 
სპორტული პოკერი LXIII, ყველაფერი პოკერზე
