კოკაიმ და ტოჩინოშინიმ სექტემბრის ბაშო დადებითი ბალანსით დაასრულეს
ქართველმა სუმოისტებმა ლევან ცაგურიამა (კოკაი) და ლევან გორგაძემ (ტოჩინოშინი) სექტემბრის ბაშო დადებითი ბალანსით დაასრულეს და მომავალი ტურნირისთვის წოდებაში დაწინაურება გაინაღდეს.
ტოკიოს “რიოგოკუ კოკუგიკანში” გამართულ სუპერტურნირზე კოკაი აღმოსავლეთის მე-16 მაეგაშირას სტატუსით ირჯებოდა და წარუმატებლობის შემთხვევაში, უმაღლესი მაკუუჩი დივიზიონიდან დაქვეითება ემუქრებოდა, ტოჩინოშინი კი ასევე აღმოსავლეთის მე-10 მაეგაშირას ტიტულით ირჯებოდა.
ბაშოს დასრულებამდე 4 დღით ადრე ქართველ რიკიშებს 7 გამარჯვება და 4 მარცხი გააჩნდათ და კატიკოსამდე (დადებითი ბალანსი) სულმ მცირედი აშორებდათ, თუმცა, მათ ზედიზედ სამ-სამი შერკინება დათმეს და მიზანს მხოლოდ დასკვნით ტურშიღა მიაღწიეს.
უკანასკნელ შერკინებაში კოკაის ტოკიოელი მე-13 მაეგაშირა კიტატაიკი გადაეყარა, რომელსაც ჩვენებურის დარად უცილობლად გამარჯვება სჭირდებოდა და მაგრადაც იბრძოლა.
იაპონელი ცაგურიას პირველ ძალისმიერ იერიშს გაუმკლავდა, თუმცა, ლევანის მეორე მიძალების შემდეგ დოჰიოს მიღმა აღმოჩნდა და ბაშო უარყოფითი ბალანსით (მაკეკოსი) დაასრულა.
დამაჯერებლად იმარჯვა ლევან გორგაძემ. მან მონღოლ ტამავაშის გამარჯობის თქმა არ აცალა და მარცხენა ხელით ილეთ უვატენაგეთი ააყირავა.
სექტემბრის ტურნირი დამაჯერებლად მოიგო 23 წლის მონღოლმა იოკოძუნა ჰაკუჰომ, რომელმაც ბაშოზე ჩატარებული 15 შერკინებიდან მხოლოდ 1 დათმო და იმპერატორის თასი მერვედ დაისაკუთრა.
მებრძოლის სულის გამოვლინებისთვის პრიზი 22 წლის იაპონელმა გოეიდომ მიიღო, რომელმაც ტოკიოში 10 გამარჯვება იზეიმა და მე-5 მაეგაშირას ტიტულის კვალობაზე ჩინებული შედეგი აჩვენა.
სანახაობრივი ასპარეზობისთვის 12 ბრძოლის მომგები სეკივაკე ამა დაჯილდოვდა, მე-2 დივიზიონ ძურიოს ჩემპონად კი რუსი ალან გაბარაევი იგივე არანი გამოცხადდა, რომელმაც 15-დან 12 შერკინებაში იმარჯვა.
http://www.msofsport.com/more.aspx?id=12585სჯობს გვიან ვიდრე არასდროს
მიულოცავ სუ,ოს ქართველ ქომაგებს ჩვენი ფალავნების წარმატებით ასპარეზობას,უკეთესის იმედით შემდეგ ბაშოზე
· 
სუმო
