ჩემი პირადი სუბიექტური აზრია, რომ ტელეფონს რომ ვეძებდე და ყიდვა მინდოდეს ამას არ ვიყიდიდი არასდროს.
ვერ ვხედავ ამ ტელეფონში ისეთ რამეს რის გამოც ღირს, რომ ამხელა ფული გადაიხადო
დაიწერება ამის საპასუხოდ, რომ სწრაფია, დიდი ელემენტი აქვს მაგარი დიზაინი და რაც მთავარია გუგლის ასისტენტი.
დავიწყოთ იქიდან, რომ დიზაინი არის ჩვეულებრივი, არაფერი ინოვაციური და განსხვავებული იმისგან რასაც უშვებს ცნობილი მწარმოებელი ბრენდები სამსუნგი და ეფლი.
სისწრაფეს რაც შეეხება, სტაბილურობა და სწრაფი მუშაობა მითუმეტეს ფლაგმანურ სმარტებში დღესდღეობით მგონი არავის უკვირს.
კამერა გასაგებია, რომ აქვს ძალიან კარგი, თუმცა ისევ და ისევ ჩემი აზრია, რომ ტელეფონს მომხმარებელი არ ყიდულობს იმის პრიორიტეტით, რომ მას ჰქონდეს ძალიან მაგარი კამერა, ვინაიდან ამისთვის არცებობს ციფრული ფოტო აპარატები, რა თქმა უნდა ტელეფონი უნდა იღებდეს მაგარ სურათებს, თუმცა ავიღოთ LG G4 ან თუნდაც Galaxy S7 Edge და კიდევ ბევრი სხვა ტელეფონი, რომლებსაც მართლაც რომ შესანიშნავი კამერები აქვთ და მათ შორის ფოტოს ხარისხზე დავა ჩემი აზრით სისულელეა ისევ და ისევ იმიტომ რომ ტელეფონია და 5000 დოლარიანი ციფრული აპარატის ხარისხს ვერც ასე მოვთხოვთ და ვერც ისე. ასე რომ კამერის გამო ამ ტელეფონის ყიდვა არაგამართლებულად მიმაჩნია.
დადებით სიახლეს ვთვლი სწრაფი დატენვის მექანიზმს, თუმცა ინოვაციური რა თქმა უნდა არ არის. მინუსი არის ის რომ როგორც ვიცი wirless ჩარჯინგი არ აქვს, რაც ვინც არ იცით უდიდესი მინუსია ვისაც ეს სიამოვნება არ გამოგიცდიათ.
გუგლის ასისტენტი - სიახლე რაზეც გადაირია ყველა და ყველაფერი - დავიწყოთ იქიდან, რომ ეს არის პროგრამული უზრუნველყოფა და არა ჰარდი, რომელსაც პიქსელის გამოსვლამდე მე პირადად უკვე ვიყენებდი Google Allo-ს აპლიკაციაში.
რაც შეეხება დანარჩენს განახლებების უკანა ფონზე გაკეთება და ასე შემდეგ, ეჭვი არავის შეგეპაროთ რომ გიგანტი მწარმოებლები პირველივე განახლებაში ამ სიახლეებს რისი დამატებაც პროგრამული უზრუნველყოფით შეიძლება მალევე დაამატებენ.
უდიდესი მინუსი ამ ტელეფონის არის ფასი.
თუმცა ბოლოს ვიტყვი, რომ ყველაფერი გემოვნების ამბავია და სხვა არაფერი
· 
Google Pixel და Pixel XL, ყველაფერი მათ შესახებ
