გასაგებია.
მგონი მესმის რასაც ამბობ და ვფიქრობ რომ გადაუჭრელი არაა ეგ პრობლემა. და კიდევ უფრო დავრწმუნდი ახლა რომ თვითშეფასების საკითხი კარგად გაქვს შესასწავლი. მგონი არ დგახარ შენს სიმაღლეზე და დაუფიქრდი მაგ ამბავს.
რაც ეხება ნათესაობას. გასაგებია ნათესავია, ბავშვობის მეგობარი, ერთად გაიზარდეთ და ზრდილობა გიშლის ხელს გადამწყვეტი ზომების მიღებაში. აბსოლუტურად ნორმალური მოვლენაა. თუმცა ვეცდები დაგანახო ამ სიტუაციის მეორე მხარეც. მაგალითად, ასე შეხედე - რატომ ხდება ისე, რომ ეს თქვენი ბავშვური მეგობრობა შენ ხელს გიშლის, რომ ის მიიღო რაც გეკუთვნის, მას კი სულაც არ უშლის ხელს, რომ დაგამციროს... ზრდილობა და მეგობრობა რატომაა მხოლოდ შენთვის და არა მისთვის? დისბალანსი აშკარაა. ეს კი იმას ნიშნავს, რომ შენ უფრო მეტს თმობ, ვიდრე უნდა დათმო.
და შენ თმობ საკუთარ პატივს და ღირსებას და შენს თავმოყვარეობას. და შენ გგონია, რომ ესაა სწორი ბალანსი თქვენს ამ მეგობრობას შორის. არადა არა. სწორი ბალანსი არის მხოლოდ თანაბარი და თანასწორი ურთიერთობა ადამიანებს შორის.თუ შენ უფრო მეტს დებ ურთიერთობაში, ვიდრე ის, მაშინ ბალანსი კი არა, დისბალანსი გამოდის. შენს შემთხვევაში კი აშკარად შენ უფრო მეტს დებ, ვიდრე ის.
ახლა რაც ეხება რა მოსულა და რა არ მოსულა ნათესავებს შორის. მე მტკიცედ მწამს, რომ ამოსავალი ღირებულება ადამიანის პატივი და ღირსებაა. ზრდილობა და ეთიკა კი მხოლოდ ქცევის წესებია ღირსეულ ადამიანთა შორის კონტაქტისას გამოსაყენებელი. შენ ზრდილობის და ეთიკურობის გამო მსხვერპლად გაიღებ უმთავრესს რაც ადამიანს როგორც პიროვნებას გააჩნია - მისი პიროვნული ღირსება. შენ ზრდილობისა და ეთიკურობის გამო ადამიანს უფლებას აძლევ დაგამციროს.
შენი შეხედულება ზრდილობაზე და ეთიკაზე და ნათესაობაზე, მაშასადამე, არასწორია. ვინ თქვა ან სად წერია რომ ნათესავს უფლება უნდა მისცე დაგამციროს? ნათესავი ჩვეულებრივი ადამიანია. ნათესაობა არ არის ინდულგენცია იმისთვის, რომ სხვას შეურაცხყოფა მიაყენო და დაამცირო.
ზრდილობას და ნათესაობას არ უნდა მივცეთ იმაზე მეტი მნიშვნელობა ადამიანთა შორის ურთიერთობაში, ვიდრე მას სინამდვილეში აქვს. შენ თუ შეურაცხყოფას გაყენებენ, იქ ზრდილობის ნორმები უკვე დიდი ხანია დარღვეულია და შენც არ ხარ ვალდებული საკუთარი დამცირების ხარჯზე ზრდილობის ნორმების დაცვა განაგრძო უსასრულოდ
თანაც, ხმის ამოღება დამცირების საწინააღმდეგოდ სულაც არ არის უზრდელობა ან არაეთიკურობა. უზრდელობა სწორედაც დამცირება და ჩაგვრაა. ასე რომ, ნუ შეგეშინდება რომ ვიღაც არასწორად გაიგებს და გაგაკრიტიკებს. დაიცავი თავი. შეცვალე შენს თავში შენი ღირსების შესახებ შეხედულებები და შეცვალე ეს შეხედულებები სხვებშიც.
მეტსაც გეტყვი - სავარაუდოდ ამ შენს მეგობარს შენი დამცირება ასე ადვილად იმიტომ გამოსდის, რომ შენ თავად მიეცი ამის უფლება. როგორც ჩანს ერთხელ ასე დაგცინა და შენ ამ ვითომ ზრდილობის გამო გაუტარე. ერთს მეორე მოჰყვა და ორივეს ტვინებში ჩამოყალიბდა სტერეოტიპი - ერთი მჩაგვრელის, მეორეში ჩუმი და ხმაამოუღებელი ჩაგრულის.
ბოლოს მაგალითსაც მოვიყვან და ამით დავასრულებ. ჩემი ახლო ნათესავი ასევე ბიჭი, ჩემი თაობის, რომელთან ერთადაც გავიზარდე ფაქტიურად (შენსავით) მშვენიერი ბიჭი იყო და ახლაც არის. მაგრამ ერთხელ რაღაც ძალიან შეეშალა ჩემთან. მე ძალიან გავბრაზდი და მისაღები მივაღებინე. ისიც მიხვდა თავის შეცდომას და მსგავსი ან მასთან მიახლოებული ჩემთან ურთიერთჴბაში მას მერე აღარ ჩაუდენია.
ჰოდა ის დროა შენც დაიცვა საკუთარი თავი
გავარტყი ისეთ ზრდილობას, სხვის ღირსების შელახვაზე რომ გადის :-*
This post has been edited by ინაველ on 20 Dec 2016, 01:57 
დაცინვა ვისაც გევასებათ მოდით აბა
