სახელის ეს ვერსია თუ ჩემი ასოციაციიდან გამომდინარე დაასკვენი, ვგმობ!
ბარემ ცოტა უსაქმურად ვარ და გავშლი.
კონკრეტული პლანეტა ვთქვი, იუპიტერი. ვისაც იუპიტერის ქარიშხალის ფოტოები ,,ახლოდან" უნახავს, დამეთანხმება რომ მსგავსი ფერები და ფორმებია იქაც. შესაბამისად იუპიტერი გვაქვს.
,,კოსმიური" ზედმეტად ხმამაღლა ჟღერს. სამყარო ამხელაა, იუპიტერი კიდე ერთი პააატარა პლანეტაა. ამიტომ - ვგმობ ,,კოსმიურს" და მოვითხოვ პირველი სიტყვა იყოს ,,იუპიტერი".
რაც შეეხება ძუძუებს ...
ნახატზე ბევრი სიმრგვალეა. + ამ სიმრგვალეებში გამოირჩევა რამდენიმე ღაჟღაჟა, მრგვალი ლაქა, რომელიც ამოვარდნილია საერთო ფერებიდან, როგორც ფერადი კერტები (და არა ,,კვირტები"
) - ,,უფერო" ძუძუებზე. აქედან წამოვიდა ეს ასოციაცია. მაგრამ, დასახელებაში ,,ძუძუები" მგონი ვულგარულად ჟღერს. ,,ვნება" გამოდგებოდა ნახატი რომ უფრო ცეცხლოვანი იყოს, მაგრამ რაღაცნაირი რბილი ნახატია, ცეცხლი რომ მიინავლება ისეთი. ვნებას კი მეტი მუდმივი ,,აგრესია" სჭირდება. თან თავად იუპიტერი - ვნებაა, მანდ ისეთი ქარიშხლები ტრიალებს რომაა..
ამიტომ ,,ვნება"-ც სხვა ალტერნატიული სიტყვით უნდა ჩანაცვლდეს.
ალბათ ,,დაისი" მოუხდებოდა. კი, ნამდვილად ეს ასოციაცია მოდის.
მოკლედ, ჩემი ვარიანტია ,,იუპიტერის დაისი".
არც გაბედო სხვა რამის არჩევა. არცერთს არ დაუსაბუთებია ასე მშვენივრად.
პ.ს. მწვანეღეროიან ყვავილს ჯიუტად არ ვიმჩნევ. იდეაში მთავარი ,,პერსონაჟი" ეგაა და მის გარშემოა ნახატი აგებული, მაგრამ მე თუ მკითხავს ვინმე - სრულიად ზედმეტია.
ხომ მკითხავთ? მკითხეთ.
ესეც ასე, მოვრჩი.
თუ ვინმემ რამე ვერ გაიგო, ჩემს მდივანს დაუკავშირდით და მიღებაზე ჩაეწერეთ.
· 
არტ-თერაპია ნაწილი V, Andrà Tutto Bene
