Katutu 
თქვენ კიდევ ნახავთ რას მიაღწევს კატუტუ,
ნახავთ ცერნში კალკულიატორი ვინ იქნება,
ნახავთ სამსახურში ვინ ივლის უშიტოკო მინი კუპერით
და მწარედ ინანებთ ამ უსამართლო სამიანს ბატონო მაქსიმე
* * *
37 წლის მაქსიმე ნიჟარაძეს ხელში ცარცი შემოეფშვნა და ბავშვებს რომ არ დაენახათ გაფხვიერებული ცარცი ველვეტის პიჯაკის ჯიბეში ჩაიყარა სადაც რამოდენიმე ღერი საღამოსთვის შემონახული სიგარეტი ედო
ჩაიზე მისაყოლებლად.
- ჯანდაბას გავასუფთავებ- იფიქრა მაქსიმემ- მაგრამ ლაწირაკებს უკვე მოხუცი ვგონივარ. ამას რა ეშველება?
* * *
მეორე დღეს რობერტ სტურუამ პრემიერა გამოუშვა რუსთაველის თეატრში.
კარლო გოციი - "ქალი გველი".
მაქსიმე ჯინსებით მივიდა 25 წუთით ადრე.
და გულისწორის გამორჩევას შეეცადა ადამიანების მომცრო ჯგუფში თუმცაღა სრულიად დარწმუნებული იყო რომ იმ ხალხში არ იქნებოდა.
და საერთოდ მინიმუმ 15 წუთით დააგვიანებდა.
რაც დაახლოებით მეორე ზარს უნდა დამთხვეოდა.
საათს დახედა. ვიღაც ლამაზმა გოგომ საათი კითხა. ალბათ მორცხვი გოგო იყო. იმას კითხა ვინც დანამდვილებით იცოდა რომ საათი ქონდა. და აი აქ დაენძრა ბატონ მაქსიმეს. საათს კი დახედა მაგრამ მიახლებითაც კი არ დაუმახსოვრებია .
* * *
- არ მაქვს საათი- თავი იმართლა მაქსიმემ- იმის მაგივრად რომ მეორეჯერ დაეხედა.
გოგო თითქოს დაიჯღანაო.
ეს მოწყობილობა დიაბეტის ტაიმერია. საკვების მიღების დროს მიჩვენებს.
ააა. ეხლა უკვე გოგო დაუხერხულდა. ავადმყოფის შეწუხების გამო. მაგრამ ვერ მოისაზრა რომ გაცლოდა .
აი ჩემი ჭამის დროც მოსულა. ზუსტად დროზე თუ არ ვჭამე თვალებში თეთრი ნისლი მიდგება.
და მოწყვეტით გავარდა რუსთაველის ქუჩის გადაღმა საცხობ კავკასიაში. თუმცა როგორც წესი მიწისქვეშა ქვეშგადასვლელით სარგებლობდა.
* * *
მიწისქვეშა ქვეშგადასასვლელებზე მერე მოგიყვებით.
ახლა კი ბატონი მაქსიმე ჩებურეკს ილუკმება და კაფესაცხობი კავკასიის ვიტრინიდან ქუჩის გადაღმა თეატრთან შეკრებილ საზოგადოებას აკვირდება. უფრო დაზუსტებით თეთრ მოხდენილ პალტოებს. რაც ბრბოს დაახლოებით 1 პროცენტს შეადგენს თვალით თუ გავზომავთ
* * *
რატო იცმევს ყველა ერთნაირად?- ფიქრობს მაქსიმე. საათს ამჯერად საჭიროების გამო აკვირდება. თუმცა აქამდე კედლის თეთრს საათს ბევრჯერ შეხედა რომელზეც QUARTZ დიდი ასოებით ეწერა.
დროა!- 5 წუთში მიწისქვეშასაც გაივლის და გულისწორიც შეიძლება მოსული დახვდეს თუ ფეხს აუჩქარებს და ვიტრინებში ჩოხებში ჩაცმულულ ალადასტურის ბოთლებს თვალიერებას არ დაუწყებს.
* * *
... მალე მობილურებში ფილმებს ვუყურებთ...
...
... მაგას #####ან დედის ტრაკი და მაგის აქ ჩამომთრევს კიდე...
..კაფკა და მოსაწევის დამიქსვა აყლევებს...
....
შემთხვევით გამორჩეული ფრაზებიდან ამ უკანასკნელმა უცნაურად იმოქმედა მაქსიმეზე.
უნებურად ფეხი შეუნელდა . ვერც კი მიხვდა როგორ გაჩერდა. მზერა გუგულის ბუდეზე შეაჩერა. რომელიც სრულიად უადგილოდ მიერჭოთ თეატრალური უნივერსიტეტის სტუდენტებს გადაბელილ ჭადარზე.
-რატო აყლევებს კაფკა და მოსაწევი? ცალ ცალკე რო აყლევებს ეგ კამათგარეშეა რადგან ბევრი ვიცით მაგალითი. მაგრამ ერთად რატო?
- მაქს. მაქს! აქ ვარ სად იყურები? - მაქსიმეს წითელკაბიანი ქალბატონი უახლოვდება
* * *
- შენ რა ჩებურეკი ჭამე? ეკითხება წითელკაბიანი ქალბატონი მაქსიმეს და თან საყელოს უსწორებს. წამოდი გვაგვიანდება.
რუსთაველის თეატრის ფოიე დიდებულია. თქვენ მისი დიდებულება მაშინ უნდა გენახათ როცა მანდ მოწევა შეიძლებიდა. თითქმის ისეთივე დიდებული იყო როგორც მონტე კარლოს კაზინოები სანამ ოქროს მონეტებს პლასტმასის ჩიპები ჩაანაცვლებდნენ.
ანტრაქტის რიტუალი წმინდა და ხელუხლებელი.
მაქსიმე მოსაწევად გამოვიდა წითელკაბიანი ქალბატონი კი პარტერში დარჩა რადგან ჯერესერთი არ ეწეოდა და მეორეც ვერ იტანდა სიგარეტის სუნს.
- ასანთი ხომ არ გაქვთ? - თეთრპალტოიანი გოგონა სახეში უყურებს მაქსიმეს და სულაც არ ეღიმება
* * *
-მოგწონთ?
-ვერაფერი ვერ გავიგე.
-ვერც მე.
- თეატრში ყოველ შაბათს დადიხართ?
- არა რატო?
- რავიცი. ზოგი დადის.
- პირველად ვარ თეატრში.
- მეც.
თვითონ ვერ მიხვდა რატომ თქვა ტყუილი მაქსიმემ და საათს დახედა.
-რომელია?
* * *
სასამართლო ერთერთი ადგილია სადაც ბატონი მაქსიმე სრულიად უმოტივოდ დადის და პროცესებს ესწრება. გატაცებასაც ვერ დაარქმევ. რადგან პროცესის შინაარსი დიდად არ აინტერესებს.
მის უძილობას უცნაური კითხვები იწვევს. რატომ იყო მოდერნის ადამიანი თანამედროვე ადამიანზე უბედური. მიუხედავად იმისა რომ მეტი პირობა ჰქონდა არ ყოფილიყო ასეთი.
ამოუხსნელი კითხვები უძილობას უწყობს ხელს და ბატონი მაქსიმე თავის საუკეთესო კოსტუმს რატომღაც სამალავიდან იღებს , ყურადღებით და გულდასმით იცმევს. სარკეშიც კი იყურება. საყელოს თვითონ ისწორებს. ამოწმეს ხომ არ ჩაყვა შარვლის ტოტი წინდაში. ერთადერთი დეტალი რომელიც მხოლოდ მკითხველმა შეიძლება შენიშნოს- ფეხსაცმელების გაწმენდა ავიწყდება. თითქოს არც აცვია ფეხსაცმელიო.
* * *
ღამის პროცესებს გაცილებით მეტი ხალხი ესწრება ვიდრე დღის. რაც უცნაური ოდნავაც არ არის. რადგან ეს ის ხალხია ვინც დღისით სამსაურებში ელოდება მოსაღამოვებას, როგორც თავად მაქსიმე ნიჟარაძე, მათემატიკის ბაკალავრი და მოქმედი პედაგოგი.
პროცესების განრიგი და ადგილმდებარეობა გაზეთი "რესპუბლიკის" ბოლო გვერდზე იბეჭდება ნეკროლოგების რატომღაც ქვემოთ.
მაქსიმე ჯერ ღამის ავტობუსს ელოდება რომელიც უგანრიგოდ დადის თუმცა თითქმის არასდროს არ აგვიანებს რადგან მ. ყველგან 25 წუთით ადრე მიდის და მხოლოდ მას შემდეგ შლის "რესპუბლიკის" ფურცლებს რაც ადგილს დაიკავებს ბოლოს წინა რიგში. თუმცა არაერთხელ გადმომჯდარა ერთი რიგით წინ რომ ვინმეს სერეოტიპულ ქცევაში არ გაეყვანა მისი ასეთი საქციელი.
* * *
სასამართლოს დარბაზში სავარაუდოდ იმდენი ხალხია . რომ დაქსაქსული კორიდორებიც ხალხითაა სავსე, თუმცა ზოგიერთი მეტად მოძრავი ადამიანი ახერხებს რამოდენი მეტრით წინ წაწევას. ხანდახან ისეთს შემთხვევებსაც შეესწრები კორიდორიდან დარბაზი შეღწევასაც რომ ახერხებენ.
სავარაუდოდ ისინი რაღაცა ტიპის მსახურებაში არიან ამ დაწესებულებაში თუნდაც დარაჯად ან დამლაგებლად და თუკი ისინი ამ შედარებითი პრივილეგიებით სარგებლობენ მაშინ არ არის გამორიცხული ადვოკატები და მათი თანაშემწეები სრულიად სხვა, თავისუფალი კორიდორებით ხვდებოდნენ საკუთარ ლოჟებში.
* * *
პროცესი დაწყებულია. დარბაზში დასწრეები ჩურჩულით აწვდიან ცნობებს უკანა რიგებს. კარებთან შეჯგუფებულები ეკითხებიან წინ მდგომებს - "რაო რა ხდება?" მიღებულ პასუხს კარების გარეთ დარჩენილ ადამიანებს აწვდიან. ისინი უკან და უკან კორიდორის გავლით სანამ მოსაწევ ადგილთან არ მივა ცნობა - "დაწყებულა უკვე დაწყებულა". რაღაც დროის შემდეგ მოდის ჩურჩულის ტალღა "ბრალდებული შემოყავთ უკვე"
* * *
მაქსიმე ცდილობს გაიგოს რა ეტაპზეა პროცესი. მაგრამ მისი ტექნიკური მოწყობის ტვინის გამო ეს მწირი ინფორმაცია რაც დარბაზიდან გამოდის არაა საკმარის საერთოდ რამე დასკვნა გააკეთოს. თუმცაღა ვერსიები დაუგროვდა. და ამიტომ ყურს კედელს ადებს...
კედელს ჩურჩულით ნათქვამი ფრაზები მოყვება. რომლებიც ერთი შეხედვით საერთოდ არაფერ შუაშია პროცესის მიმდინარეობასთან. მაგრამ ამ ფრაზებს შორის ხანდახან ისეთებიც გამოერევა რომელიც შეიძლება ადვოკატსაც ეკუთვნოდეს და მით უკეთესი თუ ბრალდებულს.
ხდება ისე რომ ნაცნობი ხმაც გამოერევა ხანდახან. ნაცნობი რომელიღაცა სხვა პროცესიდან. აი ეხლაც ხმა რომელიც ამბობს "ფეხებზე შემამცივნა" და სავარაუდოდ დარბაზის კარებამდე რამოდებიმე მეტრი უკლია სულ ორიოდ მეტრში გაიგონა ერთი კვირის წინ სრულიად გარკვევით ამბობდა "გაზაფხულზე ბავშვებს ქვიშხეთში გავუშვებო"
* * *
ანტრაქტიდან დაბრუნებული მ. წითელ კაბიან ქალბატონს მიუჯდა გვერდზე რომელმაც წამით შეხედა და თავისი ფეხსაცმლის თითის ბალიშით წმენდა განაგრძო, რომელიც მანამდე
მორიდებით ვითომ საიდუმლოდ და არც დასამალი მაქვს რამე სახით დანერწყვა.
-რა უაზრო სახელია ლენი და რა ლამაზი ხარ.
- ა! მე მითხარი რამე? -თავი აწია წითელკაბიანმა.
-არაფერი არ მითქვამს.
* * *
5 სა და 10 წუთს შორის იქნებოდა გასული. მ. მა ქუსლი იატაკს შეახო წითელკაბიანი ქალბატონისკან მოტრიალდა და თვალის კუთხესთან აკოცა. ქალბატონმა ოდნავ გაიღიმა სხვა რეაქციები არ ქონია ან შეიძლება გადამალა კიდეც.
მეორედ მაქსიმემ 2 ნანომეტრით უფრო ახლოს აკოცა თვალთან. რაზეც წითელკაბიან ქალბაყონს უფრო მეტად გაეღიმა და მ.- ი ხელით გაწია.
დანარჩენი კოცნები ძირითადად საფეთქელთან მოუწია. ზოგი იქეთ ზოგი აქეთ
* * *
ბრალდებული რაღაცას ხმამაღლა და თავდაჯერებულად ამტკიცებს. ხმა უკეთესად მოყვება კედელს. გამოირჩევა სიტყვები "კორუფცია" "ძირგამომპალი სისტემა" " მძინარეს დამაცხრნენ" . ეს უკანასკნელი უსიამოვნო გრძნობას იწვევს მაქსიმეში. როგორია მძინარეს რო წამოგაგდებენ. ხომ შეეძლოთ დაეცადათ და საუზმემდე არ დაეპატიმრებინათ ბრალდებული? თუმცა კარგად ესმის რომ ბრალდებულებიდან გამომდინარე დაპატიმრების მეთოდი შეიLEBA ბევრად უფრო უხეშიც ყოფილიყო.
მ. მა ვერ მიუსწრო ბრალის წარდგენის მომენტს . ასე რომ გადაჭრით ვერც სამართალდაცავ სისტემას დაადანაშაულებდა. ასევე გასათვალისწინებელია სიტყვები რომლებიც ბრალდებულმა გააჟღერა. " კორუფცია" "ძირგამომპალი" რომელთა გულწრფელობაც არაა გამორიცხული.
ერთი რამაა უეჭველი ამ პროცესში. ყველაფერი კარგად უნდა გაირკვეს
* * *
კურაჟში შესული მაქსიმე შეეცადა ოდნავ მაინც წაეწია წინ რათა უკეთესად ან საერთოდ გაეგო რამ გამოიწვია დარბაზიდან მარჯვენა კორიდორში გავრცელებული ხორხოცი.
რამოდენიმე ნაბიჯის გადადგმაც კი მოახერხა. იქ 3 კაციანი ჯგუფიც დაიშალა და თავის საქმეებზე წავიდა. ერთერთი მათგანის ადგილის ხარჯზეც წინ წაიწია. ერთ მომენტში ორ კაცს შუაც გაძვრა ბოდიშის მოხდით და საფულეც გადაამოწმა თავის ადგილზე. და აქ მიხვდა რომ წინ კიარა გვარიანად უკან აღმოჩნდა. თითქმის აუთსაიდერებთან მოსაწევ კუთხეში. სიგარეტი ინსტიქტურად ამოიღო და გაუკიდა.
-ჯანდაბა დღეს ალბათ ვეღარაფერს გავიგებ. ხმამაღლაც თქვა მ. მა და გაიფიქრა კიდეც
* * *
მოსაწევ კუთხესტან ვიღაც მოცლილები ნარდს აგორავებდნენ.
-ნეტა სად იშოვეს სკამები?!- გაიფიქრა თუ არა მ.მა მაშინვე გაიგონა ზურგს უკან ნაწილობრივ ოფიციალურად ნაწილობრივ სიბრალულით ნათქვამი:
-დაბრძანდით დაიღლებოდით.
ხმას სილამაზეც მოყვებოდა როგორც ზოგიერთი მომღერლალი გეჩვენება ულამაზესი რადიოში მოსმენით. ან იქნებ დაღლილობის გამოც მოეჩვენა და თვითონ ნათქვამის შინაარსმა განაწყო უბრალოდ დადებითად .
მაქსიმე მოტრიალდა და აქ პირველად და უკანასკნელად შეხედა თვალებში T.-ს.
T-ს სკამი მკერდის სიმაღლეზე ეჭირა. ზედ ვიღაცის მოსმული კაკაოს ჭიქა იდგა. T-ს დაკრული ფრჩხილები აქვს. რაში ჭირდება ნეტა ამ კანცელარიისმაგრავრ დაწესებულებაში მოხატული ფრჩხილები. T.-ს მოტკეცილი შავი ქვედაკაბა და თეთრი პერანგი ეცვა ეს გასაგები და მისაღებია ასეთ ოფიციალურ ღონისძიებებზე. მაგრამ ფრჩხილების ფერადი მოხატულობა ვერანაირად ვერ ჯდებოდა საჭიროების ლოგიკაში.
- უი! ბოდიში. ამ სკამზე ბუღალტერის თანაშემწე იჯდა. მისი სმენა დამთავრდა და სასწრაფოდ ტრამვაის გაეკიდა. კაკაოს დალევა კი დაავიწყდა და ნაუცბათევად სკამზე დადგა. ეხლა არ ვიცი როგორ მოვიქცე ჩემი მოვალეობაა მორიგე კომენდანტის დავალებით სკამი გადმოგცეთ და ამავე დროს კაკაო იმ ბიჭის კერძო საკუთრებაა. თუმცა თუ თქვენ სკამს მიიღებთ და ჭიქას ხელში დაიჭერთ პროცედურულად არაფერი დაშავდება... მგონი.
ნარდის მოთამაშეებმა წამით თამაში შეწყვიტეს და ყურადღება მ და ტ-ს წყვილზე გადამოიტანეს.
-დიახ დიახ. - ერთხმად აყაყანდნენ- რა თქმაუნდა სწორი გამოსავალია. აი რას ნიშნავს ქალი რომ ორგანოებში მუშაობს. სულ სხვა ტვინის მოწყობაა. დაბრძანდით დაბრძანდით. თამაშს უყურეთ. თუ დაიღლებით ჭიქის ჭერით შეგენქცვლებით.
- არა არ არის საჭირო. თქვა ბატონმა მაქსიმემ . ტ ეს სკამი გამოართვა ჭიქით . სკამი ისე დაუმიზნა რომ თამაშისთვის ეყურებინა. ჭიქა დაიჭირა. ჩამოჯდა . სკამი ისე გაასწორა რომ სრულიად შუაში არ ყოფილიყო მოასპარეზეთა შორის. ერთერთის მხარე ოდნავ მეტად დაიჭირა. სკამი კიდევ ერთხელ გაასწორა რადგან ის ჭრიალებდა და რაღაც სპირალისებურად ცხდილობდა ჩაკეცვას. რის გამოც ტანის სიმძიმე ფეხებზე გადაიტანა და ფაქტიურად ჩაკუზული იდგა.
მონარდეებმა კამათელი მხოლოდ მას შემდეგ გააგორეს რაც მაქსიმე დალაგდა თავის ადგილზე და ფეზის ქუსლი იატაკს შეახო.
უაღრესი დისკომფორტი მაშინ დასრულდა ტ,-ს მკლავები მ-ის ბეჭებზე რომ დაეყრდნო რატომღაც.
საკუთარ ხმაზე ლამაზია ალბათ
* * *
მოდერ ბოლო პოსტი წაშალე თუ შეიძლება.
This post has been edited by PANTALONE on 8 Dec 2021, 17:49
რა იყო ხუთოსნების პრობლემა?
