თეონა ქუმსიაშვილი

თეონა ქუმსიაშვილი - გოგო რომელსაც უყვარდა წვიმა; იორზე ნამღერი. (ვიდეო)

This post has been edited by AraGviani on 22 Mar 2013, 13:54

http://youtu.be/nmA9GyvMSG4
თეონა ქუმსიაშვილი - დილაო ავდრიანაო

თეონა ქუმსიაშვილი
1. იორზე ნამღერი. ლექსი და მუსიკა თეონა ქუმსიაშვილის;
2. მოდი. ლექსი და მუსიკა თეონა ქუმსიაშვილის.
3. დილაო ავდრიანაო. ლექსი: ტარიელ ხარხელაურის; მუსიკა: თეონა ქუმსიაშვილის.
ხევსურული საღამო მზიურში. 2007 წელი.

ძალიან მაგარი ხმა ქონდა ნათელში ამყოფოს ღმერთმა ( ძალიან ტეხავს

თეონას ბავშვობა. დაბა სიონი.
ჩანაწერში 13-14 წლისაა.

ვერცხლის თასადამც მაქცია
ლექსი: ხვარამზე მინდოდაურის.
მუსიკა: ლელა თათარაიძის.

2013 წლის 2 ივლისს, გამომცემლობა “საუნჯე”, ტექნიკური უნივერსიტეტის სტუდენტური თვითმმართველობა და ა(ა)იპ “ჩვენი ფშავი” ტექნიკური უნივერსიტეტის თეატრის დარბაზში აწყობენ თეონა ქუმსიაშვილის წიგნის და აუდიო დისკის “უფლისჩიტა” წარდგინებას.

ამონარიდი წიგნის წინასიტყვაობიდან:

“ეს წიგნი ტრაგიკულად დაღუპული თეონა ქუმსიაშვილის, ნიჭიერი ადამიანის სახელზე ნათქვამი მცირედი სახსოვარია. თეოს საკუთარი სიმღერებია აქ, თეოს ლექსები და თეოზე დაწერილი ჩანახატები და სტრიქონები. სტუდიური ჩანაწერების გარდა, ის ნამღერებიც, რომლებიც შინაურ გარემოში სრულდებოდა. ყველაფერი ერთად კიდევ ერთხელ და აწ უკვე სამუდამოდ (რადგან წიგნის ფურცლებზე დაიბინადრა) გაგვახსენებს თეოს მათ, ვინც იცნობდა და გააცნობს მათ, ვინც არ იცოდა მისი პატარა, ლამაზი და ტრაგიკული სიცოცხლის ლეგენდა. თეონას სიმღერებს და მის ლექსებზევე შექმნილ მუსიკას დღეს სხვადასხვა შემსრულებლების მიერ მრავალნაირი ინტერპრეტირებით მოისმენთ, მაგრამ ჩვენი მიზანი იყო, ამ წიგნითა და დისკით, თქვენთვის შეგვენარჩუნებინა იგი, ისეთივე ბუნებრივი, როგორიც იყო თავისი თანდაყოლილი, გამორჩეული საშემსრულებლო მანერითა და ხასიათით, ხმის მდიდარი, სავსე, ფერადოვანი და ღრმა ტემბრით და ბავშვურად მიამიტური და გულმართალი ლექსებით…”

წიგნის და აუდიოდისკის შეძენა შესაძლებელი იქნება წარდგინებაზევე.

დასაწყისი 19:00 საათზე.

დასწრება თავისუფალია.

მისამართი: კოსტავას ქ. №69, ტექნიკური უნივერსიტეტის მეორე კორპუსი.

მთის ბულბული , მართლაც .................

ქეთა წიკლაური | ქეთევან ვარდიაშვილი | თეონა ქუმსიაშვილის ხსოვნას
ლექსი და მუსიკა: ქეთევან ვარდიაშვილის.
თეონა ქუმსიაშვილის წიგნის და აუდიოდისკის "უფლისჩიტა" წარდგინება.
საქართველოს ტექნიკური უნივერსიტეტის დარბაზი.
ხმის ოპერატორი დარბაზში: დათო დევდარიანი.
2013 წლის 2 ივლისი.

თეონა ქუმსიაშვილის წიგნის და აუდიო დისკის "უფლისჩიტა" წარდგინება
2013 წლის 2 ივლისი. თბილისი, საქართველოს ტექნიკური უნივერსიტეტის დარბაზი.
ხმის ოპერატორი დარბაზში: დათო დევდარიანი.

თეონა ქუმსიაშვილს

1. ჩემი ფშავლის ქალა გალობს...


შაშვი დადუმდა, არაგვი გაირინდა,
მზემდე ცაბაურთა ჰყუდავ ჩაღრუბლული,
ჯაბანიშვილების კოხტა აივნიდან
ციდა ფშავლის ქალა გალობს – მთის ბულბული.
ხელს ცამდე იწვდიან მისი გვარ-ჯიშანი,
ამ ცა-მზეს გაუმრავლდი, ბულბულის ცალო.
ჰყუდავ ცაბაურთა ჯავარ-ზავთიანი,
გული ყელში მჩრია, ჩემს სათქმელს გალობს...
ერთპირ გაუხსნია ზეცას ცხრავე კარი,
მთავარანგელოზი გვფარავს და გვწყალობს,
ხევისპირ, ფიცრული კოხტა აივნიდან,
ჩემი ფშავლის ქალა გალობს...


2. ნამით პირნაბანი სამყურები

როგორ ციმციმებენ ალმასივით,
ზეცის თითობეწო ნაჟურები,
ახლა აღარაფერს აღარ ვჩივი,
შენც თუ შეგაყვარე სამყურები...
…
კარგაძალი გზაა შატილამდე
და შავი არაგვი მიგვაცილებს
ჩვენს დუმილს ვიხსენებ ამდილანდელს,
უხმო სინანული მინაპირებს...

თურმე რა ლამაზი ფიქრი იცი,
სურვილს გვიზიარებ არცთუ იოლს,
ბევრს ვერ დაგპირდები, თეო, წინწინ,
ცხენები ბლომად ჰყავთ შატილიონთ...

შენთვის ლამაზ თეთრონს ამოვარჩევ,
(მე წაბლა მომწონდა თავიდანვე),
ჭენებით მივიდეთ არდოტამდე
და იქ გავითიოთ სამი ღამე.

დღისით ვიქეიფოთ ხევსურებთან,
ვწრუპოთ ქალაქური შავი ღვინო,
ლექსით თრობის ეშხში შესულებმა
გათენებმდე ვერ დავიძინოთ...

უფრო მომინდება შენი ნახვა
მერე, თბილისში რომ დავბრუნდებით,
თუკი შენც ჩემსავით შეგიყვარდა
ნამით პირნაბანი სამყურები.



3.
მუცოს რძალო, ჩემო ქალთარაფერავ!..

ჩაგაცმევენ საქორწინო წითელ კაბას,
ლამაზ თვალებს ვერ დამალავ მანდილში,
თავსდამტყდარი ემგვანება უცხო ამბავს,
ორხევიდან წაგიყვანენ შატილში....

ქედს გადაღმა მშობლიური იალნოა,
არდოტისკენ კვლავ საავდრო ნისლია,
სიყვარული ცოტა უფრო გვიან მოვა,
თვალებს ცრემლით ნუ იშავებ, ნიბლიავ!

ალუდას და ზვიადაურს დანაფერი
სიძე მაყრებს მოიყოლებს მის მგვანებს,
ქმარ-მაზლანი გიმღერებენ “არხოტოს” და
კარკუჩით რომ ქალი ჩამაიყვანეს...

ცხენზე ჯდომას გასწავლიან ფშავლის ქალას,
ვერცხლის შიბით დაიქარგავ საკინძეს,
კოპალა და იახსარი დაგიფარავს,
კაცრიელი გინდაც ყველა გაგიწყრეს...

გალაღდები, ქალის ჯარში დამშვენდები,
გაივსები, მტერსაც მოეწონები,
გაის ამ დროს ტყუპი ვაჟით გაბევრდები,
გულისგულში შეგნატრებენ სწორები...

შენი სულის და ოცნების ლურჯი ჩიტი
სიმღერებად თუ გადმოსკდა ნაპირებს,
შენს ქმარს აღარ დასჭირდება ბარად ჩასვლა,
ზამთრის დღეებს ისე გაუაპრილებ...

ხევსურ ქმარ-შვილს შეავედრებ მამისხატებს,
მიმწუხრისას ფშაურ ფანდურს მაჰხელავ,
დრო მოვა და სხვა სიზმრებსაც ამიცხადებ...
მუცოს რძალო, ჩემო ქალთარაფერავ!..


4.
სამყურა

ჩარგლულა დაწრეტილა, ცრემლად დის,
ნატვრის ხეს გაჰხმობია ფესვი.
სადღაც დაგიკარგავს იმედი,
ნუგეშად გაქვს ჩემი ლექსი...
ნისლი მოუბურავთ ფშავის ხევებს,
ტაროსი ირევა ცუდად.
ჩემსკენ გამოშვერილ ფერმკრთალ ხელებს
გულის შეშველება უნდა...
ნათალ თითებშუა თოთო ბალახს
ქარი ანანვებს ნელა,
ხვალ არ ეყოლება თბილის-ქალაქს
შენზე ბედნიერი, მჯერა.
- “ნატვრის ხეო...” - ჩუმად ჩაიმღერებ,
ქვეყნად ურწმუნოებს წყევლი,
ჩემს ძუნწ ალერსს უხმოდ შეიფერებ,
თვალში გაგიკრთება ცრემლი.
შენი ცრემლი წმინდა მირონია,
სულში უნებურად დამთბა.
“ოთხყურა”სამყურა გიპოვნია,
ღმერთმა აგიხდინოს ნატვრა!


5. ნათლისღების ნათელ დღესა

ნათლისღების ნათელ დღესა,
ვეგებები დილის მზესა,
ვიფაქიზებ სულს და ხელსა,
სუნთქვას ვაყურადებ შენსას...
გელოდებით მკათათევეში,
ორთა მოციქულთა დღესა,
გელოდებით, ვემზადებით,
შენით ვისხამთ ფერადებსა...
სახლს მამაშენი გიშენებს,
დედა გიმღერს ნანინებსა,
ბიძებისთვის იმედი ხარ,
გააჯავრებ იმათ მტერსა.
ერთი ბებო - სანათაც გყავს,
ზის და გიქსოვს ჭრელ-ჭრულებსა...
ენას ჭიკჭიკით აიდგამ,
გაამრავლებ ხევსურეთსა...
დააბედებ შენ დედმამას
წელჩაგდებით სამ-ოთხ ძესა.
გეფერებით, გელოდებით,
ზუსტად ლაშარობის დღესა...
ლაშარს სამწლისთავზე მიგგვრით,
უფალს - მეორმეოცე დღესა...
აღმოსავლის ცის კიდურზე
ლოცვით ვეგებები მზესა...
ნათლისღების ალიონზე
სიხარულად მოხველ ჩვენსას...

მარიამ ხუცურაული (სანათა)

სამწუხაროა ძალიან

-

-

-

-