ქართული რაგბი. III ნაწილი, ბორჯღალოსნები, ეროვნული ჩემპიონატი

ხოდა ზუსტად მაგ ბოჭვის არეში თამაშგარეზე მაქვს საუბარი >>> მოკლედ დღეს თუ არა ხვალ მაინც ჩავუჯდები ღამე და ხელახლა ვუყურებ რომ მოვუსმინო და დაავამუღამო ახალი წესები

datoch

Experimental Law Variations (ELVs) in 2008 Investec Super 14

Spectators and fans will witness a quicker and more exciting brand of rugby in 2008, following a decision by the South African, New Zealand and Australian Rugby Unions (SANZAR) to adopt a range of the Experimental Law Variations (ELVs) for the 2008 Super 14 competition.

The variations adopted by SANZAR for the 2008 Super 14 relate to the Laws governing:

• Posts and flags around the field
• Inside the 22 metre line
• Lineout
• Breakdown (tackle/post tackle)
• Scrum
• Sanctions

The primary aim of the ELVs is to keep the ball in play longer, with fewer stoppages and more running rugby, thereby creating a more free-flowing, faster and exciting style of play.

The ELVs also make the game simpler to understand, for players and spectators alike.

Developed at Stellenbosch University in South Africa, the ELVs have already been successfully trialled in the Stellenbosch Hostel League, New Zealand’s provincial Men’s B competition, Australian Rugby Championship, Sydney and Brisbane club competitions and the UK.

The following ELVs are to be applied in the 2008 Super 14:

Posts and flags around the field
1. Posts and flags around the field (ARC variation)
a. Corner posts will be positioned at the outside junction of the goal line and the touch line.

i. If a player is in possession of the ball and touches a corner post he will not be in touch unless he touches

the touchline or the ground beyond the touchline.

ii. If the ball is not being carried by a player and it touches the corner post the ball will be deemed to be touch in goal.


Inside the 22 metre line
2. When a defending player receives the ball outside the 22 metre line and passes, puts or takes the ball back inside the 22, the following can occur.
a. If the ball is then kicked directly into touch, the lineout is in line with where the ball was kicked.

b. If a tackle, ruck or maul is subsequently formed and the ball is then kicked directly into touch, the lineout is where the ball

crossed the touch line.


Lineout
3. On a quick throw in, the ball can be thrown straight or backwards towards the defenders goal line, but not forward towards the opposition goal line.




Breakdown (tackle/post tackle)
4. Players entering the breakdown area must do so through the gate.
5. Immediately the tackle occurs there are offside lines.
6. The half back should not be touched unless he has his hands on the ball.



Scrum
7. The offside line for players who are not in the scrum and who are not the teams scrum half, is 5 metres behind the hindmost foot of the scrum.



Sanctions
8. For all offences other than offside, not entering through the gate, and Law 10-Foul Play, the sanction is a Free Kick.


* * *

David_S აი ამაზე ვამბობ, ეგ წესი არ იყო ადრე, ანუ ბოჭვას გააკეთებ თუ არა, რაქში გადასვლას და მოთამაშის მიწაზე წაქცევას არ ელოდები, ეგრევე ივლება წარმოსახვითი ხაზი, ადრე მასე არ იყო. მე მგონი მასეა, ზაალმა იცის ყველაზე კარგად, უწერია კიდევაც თავის საიტზე


ახალი წესები (პდფ ფაილი) - http://www.irb.com/mm/document/newsmedia/0...142008_4404.pdf

This post has been edited by giorgi77 on 18 Feb 2008, 15:00

ვინმემ დივანაზე მოწვევა გამომიგზავნოს რა, როგორც ვიცი ეგრე რეგისტრირდები და მერე შეგიძლია გადმოწერა. ისე დივანა ჯობია თუ მიმინოვა რაგბების გადმოსაწერად, სად უფრო მეტი და უკეთესი ხარისხის თამაშები იდება?

მზიურ ზურზიკეთში მთელი ჯეოსითიზი კვლავაც დაბლოკილია (არკვევენ, რატომ)

მაგიტომ აი ის, 5 დეკემბრის სტატია


ნაქებმა სანზარ-მა იდედლა

რაგბში გარდაქმნათა საჭიროებას ყველა აღიარებს, მაგრამ მამები თამამად ვერ ირჯებიან: წინა კვირაში, ლონდონში შეკრებილმა "მეწილეთა ფორუმმა" სეზონის კალენდარში ფაქტობრივად არაფერი შეცვალა, სამშაბათს კი, სიდნეიში, ზე 14-ისა და "სამი ერის" მმართველმა სანზარ-მა ნოვატორული, "სტელენბოსხის წესები" გაისიდან ერთობ მცირე დოზით აამოქმედა.

ირბ-მა ახალი წესების მოფიქრებასა და გამოცდას წელიწად-ნახევარზე მეტი მოანდომა.

კომისიამ, რომელშიც ავსტრალიელი ექს-გურუ როდ მაკქვინი და ზელანდიელი მსაჯ-ყოფილი, ირბ-ის დიდ-მოხელე პედი ობრაიენი შედიოდნენ, 29 მუხლი არსებითად შეცვალა, რითაც, მხილველთა მტკიცებით, პაუზები შემცირდა, დატვირთვამ იმატა და ბურთაობაც უფრო მუღამიანი გახდა, მაგრამ რად გინდა?

საქმე საქმეზე რომ მიდგა, აქამდე ყველაფერში მოწინავე სანზარ-მა იდედლა და 15 თებერვალს დასაწყებ ზე 14-ში მხოლოდ რვა სიახლე შემოიღო.

ამით, სამხრეთელთა მტკიცების მიუხედავად, შოუს ბევრი ვერაფერი შეემატება. არადა, სანახაობათა ბაზარზე რაგბს გლობალურად უწევს ფეხბურთთან და კალათბურთთან გაჯიბრება, ავსტრალიაში კი კონკურენტებს 13-კაცა რაგბი-ლიგა და 18-კაცა რულზიც (ეროვნული ფეხბურთი) ემატებიან.

* მაინც ადრე დააჭაშნიკებენ

ვიდრე წესებს სანზარ-ი განიხილავდა, სიახლენი გულდაგულ გამოიცადა სტელენბოსხის უნივერსიტეტში (აფრიკა), ავსტრალიის ეროვნულ პირველობაზე და ზელანდიის უმცროს პროვინციებში.

მოთამაშეებს ნოვაცია მოეწონათ, სამხრეთელმა მამებმა კი იფიქრეს, ახალ წესებზე რომ ახლავე მთლიანად გადავიდეთ, ივნისში, სტუმარ ევროპელებს მაინც ძველებურად უნდა ვერაგბოთ, რადგან იქ სიახლე ჯერ არ დანერგილა, ივლისიდან კი, სამ ერზე, კიდევ ერთხელ მოგვიწევს გადაწყობაო.

მოკლედ, სანზარ-მა მინიმალურად გარისკა. ერთი მხრივ, სამხრეთს ვერ უსაყვედურებს ირბ, ჩვენი დავალება რად არ შეასრულეთ, ანუ სტელენბოსხური იდეები ჯერ-არნახულად ფრიად დონეზე რად არ გამოცადეთო, მეორე მხრივ კი, აღარც მოთამაშეები გაწვალდებიან და ევროპელებზე წინაც იქნებიან, რადგან სიახლეს მაინც მათზე ადრე დააჭაშნიკებენ.

* შერკინებიდან შეტევა გაადვილდება

სანზარ-მა რვა სიახლე ჯერჯერობით მხოლოდ ზე 14-ში შემოიღო. მზირთა თანახმად, ირბ სრული სტელენბოსხური ნუსხის ამოქმედების ვადად მაისს ან სექტემბერს დათქვამს.

სამხრეთელებს ნებისმიერ შემთხვევაში ურჩევნიათ, რომ უზომოდ, სამ წრედ გაწელილ "სამ ერზე" ახლებურად ირაგბონ, ნოემბერში კი, როცა ევროპაში თავად ჩავლენ, ტესტები უთუოდ სტელენბოსხურად განისჯება.

ზე 14-ურ სიახლეებში მთავარი ისაა, რომ შერკინების დროს ხაზი, ჰავბეკის (9 ნომერი) გამოკლებით, რაგბი-ლიგის ყაიდაზე, "ბოლო ფეხზე" ხუთი მეტრით უკან უნდა გამწკრივდეს, რითაც პირველი ფაზიდან ხელდახელ შეტევა გაადვილდება.

გართულდა აუტში პირდაპირ დარტყმით მანძილის მოგებაც. თუ ბურთს გარედან მიაწვდი ოცდა ორში, იქიდან კი ბოჭვის, რაქის ან მოლის გაუმართავად შენი გუნდელი დაარტყამს და ოვალი მოედანში დაუცემლად გავა აუტში, დერეფანი დარტყმის ადგილის გასწვრივ მოეწყობა.

* დაუწერელი წესი დააკანონეს

მსაჯი აქამდე თვალს ხუჭავდა, თუ კიდიდან სწრაფად შემოგდებისას ბურთს აუტის მართობულად კი არა, ცოტა უკან მოაწვდიდი. ამიერიდან შეგიძლია გვარიანად უკან, სიღრმეში უპასო შენიანს, რითაც კონტრ-შეტევა უფრო ეშხიანი გამოვა.

ბოჭვაზე კანონ-მდებლებმა უბრალოდ დაამტკიცეს ის, რაც მსაჯებს ისედაც დაედგინათ დაუწერელ წესად. კერძოდ, ბრძოლაში ჭიშკრიდან უნდა ჩაება; ბოჭვის თანავე თამაშგარეს (ოფისაიდი) ხაზები მოედნის მთელ სიგანეზე (!) ივლება და მეტოქის ჰავბეკსაც მანამ ვერ წაეტანები, სანამ ეს ბურთს არ შეეხება.

ყველა ჯარიმა, ოფსაიდის, ჭიშკრის გვერდის ავლისა და ბინძურად თამაშის გარდა, იქცა თავისუფლად, რაც თუნდაც იმადაა სამართლიანი, რომ თუ კონტრ-შეტევაზე შენს ნახევარზე შეგბოჭავენ და ბურთს ხელს არ გაუშვებ, მეტოქე სითამამისთვის არამი სამი ქულით ვეღარ გაზარალებს.

ლელოს შემომსაზღვრელი ალმები ვითომც განზე უნდა გაეწიათ ორი მეტრით, მაგრამ ადგილზე კი დატოვეს. სამაგიეროდ, მათი შეხება აღარაა აუტი, რითაც ტელი-რეფს საქმე ხომ გაუადვილდება და კუთხეში გატანილი ბევრი კოხტა ლელოც აღარ გაუქმდება.

* საბარგო და მისაბმელი

სხვა სტელენბოსხული სიახლეები სანზარ-მა დაიწუნა, ესაო და ცხადად (!?) ვერაა ჩამოყალიბებულიო.

ერთის თანახმად, დასაშვები უნდა გამხდარიყო მოლის ჩაქცევა (რაც აქაურ გუნდებს ბევრ საფიქრალს გაუჩენს!) და "საბარგო და მისაბმელის" (თრაქ ენდ თრეილა) აგორებაც, ანუ ბურთიანი მოლის კუდში რომაა გაყურსული, მაგრამ მწყობრზე ხელი არ უკიდია.

მერე კიდევ, დერეფანში ვისაც რამდენი მოუნდებოდა, იმდენ მოთამაშეს ჩააყენებდა (ანუ მეტოქე ბურთის ამგდებ გუნდზე მეტიც გამწკრივდებოდა), მიმღები (9 ნომერი) კი ორ მეტრში უნდა მდგარიყო.

რაქში უნდა დაეშვათ ხელით თამაში, რითაც რაქისა და ბოჭვის წესები გაერთიანდებოდა. თუ ბოჭვაზე ბურთი ჩაგეხურებოდა, მოხდებოდა თერნოვერი - მეტოქეს ერგებოდა თეფი (გასათამაშებელი თავისუფალი), რითაც ბურთაობა აჩქარებოდა.

* ცოტა სჯობს სულ არაფერს

თეფი უნდა დანიშნულიყო დერეფანში უსწოროდ მოწოდებისთვისაც. ერთი კია, ვინც ძველებურად ჭიდილსა და მეტოქის ღონით დაჯაბნვას დაეშურებოდა, იმას ნებისმიერი თეფის ნაცვლად მაინც შეეძლებოდა შერკინების მოთხოვნა.

უნდა გაფართოებულიყო კიდის მსაჯის უფლება-მოსილებაც. ახალი, "ალმის მსაჯი" ბოჭვაზე ოფსაიდს თუ შენიშნავდა, ალამი დამრღვევი გუნდისკენ უნდა გაეშვირა.

ამის დანახვაზე იქეთა ალმის მსაჯიც ანალოგიურად უნდა მოქცეულიყო, რათა რეფს უკეთ შეენიშნა სიგნალი, მაგრამ ყურად იღებდა თუ არა თანაშემწეთა კარნახს, ეგ თავად უნდა გადაეწყვიტა.

ერთი სიტყვით, სტელენბოსხურ პაკეტში მართლაც ბევრი რამაა ფრიად საგულისხმო. სანზარ-მა საკუთარ ინტერესთა შესაბამისად იმოქმედა და ყველა სიახლე ახლავე როდი აიტაცა, მაგრამ როგორც ზე 12/14-ის 6-გზის ჩემპიონის, კრუსეიდერზის (ზელანდია) მწურთნელმა, რობი დინსმა შენიშნა, ცოტა სჯობს სულ არაფერს.


+++ შარშანწინდელი (2006) პროექტი

სტელენბოსხული კოდექსი

კავშირმა უერთგულესი მეოხის, "მეშვიდე ცის" შეწევნით გამომცემლობა "სეზანს" პორტუგალთა ჩამობრძანების წინ რაგბის თემის განსასწავლად ათას ცალად რომ დააბეჭდინა წესები, ეგ ბიბლია წელიწად-ნახევარში შეიძლება ძაან დაუძველდეს, რაღაი ირბ-ს გადაუწყვეტია, რაგბი უფრო იოლად სათამაშო, სამსაჯო, სასწავლი და გასაგები გახადოს და ამად მსოფლიო თასის შემდეგ, 2008 წლიდან, წესთა გადახალისებას გეგმავს.

როგორსაც რომ ირბ იდეაში ესწაფვის, თამაშთა სამყაროში ეგეთია ლიანგის ბანგი და მეფსონეთა ხატება ფეხბურთი, ოვალურ-ბურთა ოჯახში კი, მუშურ-ყოფილი 13-კაცა რაგბი-ლიგა. რაც შეეხება კანონიკურ, 15-კაცა რაგბს, მისი კეთილ-შობილი მიმდევრები ოდითგან იმით ამაყობდნენ, რომ მასები ძირის ძირამდე ვერასოდეს ჩაწვდებოდნენ ინგლისის სკოლებში XIX საუკუნეში წეს-დადებულ იწილო-ბიწილოს და ამით დუნიაზე ყველაზე ვაჟკაცური თამაში სამუდამოდ დარჩებოდა უნივერსიტეტ-დამთავრებულთა საუფლოდ.

ვაგლახ, რომ ბოლო ათწლეულის მოვლენებმა ისთებლიშმენთის ეს ოცნება უტოპიად აქცია. ჯერ მსოფლიო თასის შემოღებამ, შემდეგ კი თამაშის გაპროფესიულებამ ის მოიტანა, რომ რაგბის კომერციულმა ასპექტმა წინა პლანზე გადმოინაცვლა: ბრენდს განახლება დაჭირდა, რადგან ოდინდელი, მდოვრე და პაუზებიანი ბურთაობა მომთხოვნ მაყურებელს, სპონსორსა და ტელე-მარჩენალს ვეღარ იზიდავდა.

თუ მსაჯის ჟესტებსა და ლექსიკონს გამოვაკლებთ, ირბ-ული ბურთაობის მარეგულირებელი კოდექსი ქართულად წიგნაკის 138 გვერდს იკავებს, ანუ წესი ძაან ბევრია. უარესი კიდევ ისაა, რომ ირბ-ისვე მსაჯთა გადიის, ზელანდიელი პედი ობრაიენის თქმით, წესები აშკარად ჩამორჩა თამაშის განვითარებას და ის, რაც მოედანზე ხდება, წიგნში ამოკითხულს აღარ შეესაბამება. მეტიც, ოღრაში რეფის აღიარებით, ზოგი მუხლი (მაგ 15. ბოჭვა) ისეთია, რომ მის მიხედვით თამაშის განსჯა უბრალოდ შეუძლებელია.

* სახეს არ დაკარგავს

ჩვენი დროის ირბ ამაყობს, პრო-აქტიული ორგანიზაცია ვარო, ანუ მეხანძრის დარად ხანძარს კი არ ვაქრობ, არამედ საქმე ისე მიმყავს, რომ შენობას ცეცხლი არ მოედოსო. ჰოდა, შექმნა შორს მჭვრეტელმა ირბ-მა რაგბის სამყაროში აღიარებულ გურუთაგან (როდ მაკქვინი, იენ მაკინტოში, რიჩი დიკსონი, პიერ ვილპრე) წესების რეფორმის ჯგუფი და ახალ, უთამამეს იდეათა გამოსაცდელ პოლიგონად მიუჩინა აფრიკის კონცხზე მოქმედი სტელენბოსხის უნივერსიტეტი, სადაც რაგბი უპირველესი სპორტია და 174 ბოკე გაზრდილა.

ექსპერიმენტს, რომელიც თებერვალში გაჩაღდა, ობრაიენი თავად კურირებდა. შეფის მტკიცებით, შედეგი დამაიმედებელია. კონცხელებს ისე მოეწონათ სიახლე, რომ თავიანთ წრეში, უნივერსიტეტის პირველობაზე, გაისადაც ამ წესებით სურთ რაგბობა. სტელენბოსხის კლუბის თავკაცის, იური რუს თქმით, მომავლის რაგბი ამჟამინდელზე ბევრად უფრო მუღამიანია; რაქიდან ბურთი მალე გამოდის, ხელდახელ თამაში მეტი და რისკიანია, და მორაგბეებს უკეთესი ტექნიკა, მეტი უნივერსალობა და ამტანობა ჭირდებათ.

ობრაიენი და მისი მთლად უფროსი, ირბ-ის აღმასკომის წევრი ბილ ნოლანი ტრადიციონალისტებს ამშვიდებენ, წესების განახლებით რაგბის მარად ღირებულებათაგან არაფერს ვანგრევთ; 15-კაცა თამაში საკუთარ სახეს არ დაკარგავს და რაგინდარა აღნაგობის ხალხისთვის ხელმისაწვდომი დარჩებაო. რეფორმატორთა თქმით, მომავლის წესები ერთნაირად გამოიყენება პროფესიონალთა და მოყვარულთა თამაშებში; ახალი წლიდან ექსპერიმენტში შოტლანდია და ავსტრალიაც ებმებიან, ობრაიენული მიდგომის დედა-არსი კი თურმე ისაა, რომ აკრძალვათა ნაცვლად კოდექსში ის უფრო მეტი ეწეროს, მორაგბეს რა ხელეწიფება.

* ჭიშკრიდან და ზეზეულად

ახლა წვრილად მოვყვეთ, თუ 2008 წლისთვის რას გვიმზადებს რეფორმის ჯგუფი. ძირითადი სიახლე ექვსია:

(1) ბოლო ფეხიდან ხუთ მეტრზე. ბოლო ხანს ფრონტის შუაგული (10 და 12 ნომრების არხი) ჩაიხერგა, აფრიკამ კი მიმხდომი დაცვაც შეიმუშავა და ოფსაიდის წკიპზე თამაშით მეტოქის ბეკებს გასაქანს არ აძლევს.

ამ პრობლემის გადასაჭრელად სტელენბოსხული კოდექსით შერკინების დროს ბეკები მწკრივდებიან არა ბოლო ფეხზე, არამედ ხუთი მეტრით უკან, ანუ რაგბი-ლიგაში 12 წლის წინ შემოღებული წესის ანალოგიით, რაგბშიც მეტოქე მწყობრებს შორის ბარემ 15-მეტრიანი ცარიელი ზოლი იქმნება (აქ იგულისხმება, რომ შერკინების სიგრძე ხუთი მეტრია).

(2) ხელი რაქში. კლასიკური რაქი თანამედროვე რაგბში თითქმის აღარაა. ეს ტერმინი ჟარგონზე (მაგრამ არა წესებში!) ბოჭვის შემდგომი ეპიზოდის, ბრეიქდაუნის სინონიმი გამხდარა. ამ დროს ბურთისთვის ბრძოლას ბარემ 30 დებულება არეგულირებს. მოთამაშეთა უმეტესობა ერთ-ერთს მაინც არღვევს. მსაჯს დარღვევათაგან ყველაზე სერიოზულის ამორჩევა ციმციმ უწევს, ანუ მთელი პროცესი ფრიად სუბიექტურია.

სტელენბოსხული კოდექსი დე იურე აცხადებს იმას, რაც დე ფაქტო უკვე ხდება, ანუ თუ რაგინდარა რაქში ბურთზე ჭიშკრიდან და ზეზეულად ჩალიჩობ, რეფი აღარ გაჯარიმებს. ობრაიენის თქმით, ახლებურ რაქში ნაკლები მოთამაშე ებმება, ბიჭები ბურთისთვის გემოზე იბრძვიან და ოვალი მათგან უფრო გაწაფულის კერძი ხდება.

* ჩაქცევა სახიფათო არ ყოფილა

(3) მოლის ჩაქცევა. არგენტინისა და ინგლისისა არ იყოს, საქართველოშიც გვიყვარს მგორავი მოლი, რაღაი თუ სწორედ დაეწყვე, მიაწექი, გადაეწყვე, კიდევ მიაწექი და ასე შემდგომ, წესების დაცვით შენი შემჩერებელი არავინაა, ხოლო თუ მეტოქემ მწყობრი ჩაგიქცია, საჯარიმო ლელო თუ არა, ჯარიმა და სინბინი კი ნაღდია.

2008 წლიდან ირბ დაცვას მოლის ჩაქცევის ნებას რთავს. ამით შემტევს აღარ ექნება ამჟამინდელი უპირატესობა, ობრაიენის მტკიცებით კი, სტელენბოსხში სტატისტიკურად დამტკიცებულა, რომ ჩაქცევა სახიფათო არაა, ანუ ტრავმიანობას არა ზრდის.

(4) პასი გარედან 22-ში. 1968 წელს შემოღებული ოზური წესით, რომელიც რაგბი-ლიგამ ჯერ კიდევ 1906 წელს აამოქმედა, მოედნის საკუთარი მეოთხედის (ე.წ. 22) გარედან ფეხით დარტყმისას მანძილი მხოლოდ მაშინ მოიგება, თუ კიდეზე გასვლამდე ბურთი მიწაზე დაეცა, 22-ის შიგნიდან კი მოედანში დამიზნება საჭირო არაა, რაღაი ამ დროს ფორმალურად თავს იცამ და ხეირს არ ეშურები.

ზემოთ "ფორმალურად" შემთხვევით არ დაგვიწერია. საქმე ისაა, რომ თუ კარგი კიკერი გყავს, შეიძლება ძაან შორს დაკრას ოვალი. ამის გასაძნელებლად (და სათანადო წესის უფრო გასართულებლად, ანუ ფიცი მწამს, ბოლო მაკვირვებსო) სტელენბოსხური სიახლე გამორიცხავს 22-ის გარედან შიგნით პასის შემდეგ პირდაპირ კიდეზე დარტყმით ხეირს, ანუ 2008 წლიდან კიდეზე დარტყმა დაცვითად მარტო მაშინ მიიჩნევა, თუ დერეფანი, შერკინება, მოლი და რაქი 22-ში იყო.

* უ-კუთხის საროდ

(5) თეფი ჯარიმის ნაცვლად. ახლანდელი წესებით, ლამის ყველა დარღვევა ჯარიმაა. ასე მაგალითად, შეტევისას შებოჭილმა ბურთი რომ შეაფერხო საკუთარ 10-მეტრა წყვეტილთან, დაჯარიმდები და მეტოქე კიკერი 40 მეტრიდან ყოვლად არამ სამ ქულას აგართმევს. ამის შიშით შენი ნახევრიდან ხელდახელ თამაშს ერიდები და ბურთი ფეხით მალიმალ გადაგაქვს მეტოქის ზურგში, დაე, ბოჭვაზე იგი დაჯარიმდესო.

მომავლის წესებით, აქამდელ დარღვევათა უმეტესობისთვის ჯარიმის ნაცვლად დაინიშნება თავისუფალი, საიდანაც გოლის გატანა არ შეიძლება. ამის გამო გუნდი ბურთს გაათამაშებს (ე.წ. თეფი). უფალ ობრაიენისვე აღიარებით, ამით შედეგზე უკეთური მსაჯის გავლენა შემცირდება. ერთი კია, რეფორმატორებს არ დაუზუსტებიათ, დამცველი ოფსაიდისთვის (თამაშგარე) როგორ დაისჯება: თეფით თუ ჯარიმით? თუ პირველით, მაშინ ცუდად ყოფილა რაგბის საქმე.

(6) კუთხის სარი. XIX საუკუნიდან მოყოლებული, კარისა და კიდის ხაზთა გადაკეთაზე, ოთხ ადგილას, ალმიანი სარი არჭვია. ჩვენს დროში ეშხიან ლელოთა მეტი წილი სწორედ რომ კუთხეში გადის, მაგრამ საკმარისია სარს შეეხო, რომ გინდაც მთლიანად მოედანში იყო, მაინც ლელოს კიდეზე გადასულად მიიჩნევი და დამიწება არ გეთვლება.

2008 წლიდან ამ სარს ან მთლად გააუქმებენ, ანაც სხვა დროშათა მსგავსად, განზე გაიტანენ, რაღაი ორიენტირად საჭირო მაინცაა. ამით რაგბის მოედანს მოშორება ერთადერთი ვერტიკალური მზღუდავი და აკრობატული ლელოები მომრავლდება.

:::

This post has been edited by Lukas & Nikos Mama on 18 Feb 2008, 15:15

მიმაგრებული სურათი

5 მეტრიანი ხაზი კარგია..

==========================================




This post has been edited by datoch on 18 Feb 2008, 15:28

მე სამ თამაშს უყურე, ერთი ისეთი მოსაწყენი და უაზრო გამოდგა(Blues v Chiefs) ბოლომდე ვერც უყურე, ახალ ზელანდიური კლუბები მაინც არ ყოფილიყვნენ, მონინო კრასნი იარის თამაშს უფრო გავდა. :-)
* * *
მე სამ თამაშს უყურე, ერთი ისეთი მოსაწყენი და უაზრო გამოდგა(Blues v Chiefs) ბოლომდე ვერც უყურე, ახალ ზელანდიური კლუბები მაინც არ ყოფილიყვნენ, მონინო კრასნი იარის თამაშს უფრო გავდა. :-)

Blues v Chiefs. ბოლო 20 წუთი ძალიან მაგარი თამაში იყო

ბ-ნო ზაალ,

სამსახურიდან გავხსენი თქვენი საიტი >>> სახლიდან ვერ შევდივარ მხოლოდ

სამსახურში პროვაიდერი ვინაა, არა კავკაზუსი?

*

Lukas & Nikos Mama
სამსახურში სამსახურია პროვაიდერიც და ყველაფერი >>> საკუთარია რაღა

კავკაზუსში 16.30 გონიერი მოპასუხე ძლივს შემხვდა - ჩვენმა პულმა (ანუ პროვაიდერმა) დააშავა რაღაც ჯეოსითზე და ეტყობა მაგიტომ გაგვთიშესო. ეხლავე წერილს მივწერო და ეგებ ჩაგვრთონო

(

ქართველი მორაგბეები დღეს ლისაბონში გაემგზავრნენ

თბილისი. 18 თებერვალი. ~ინტერპრესნიუსი~ _ საქართველოს მორაგბეთა ეროვნული ნაკრები დღეს, პორტუგალიის დედაქალაქ ლისაბონში გაემგზავრა, სადაც ხუთი დღის შემდეგ, 23 თებერვალს ევროპის ~ერთა თასის~ 2007/08 წლების გათამაშების მორიგ შეხვედრას ამ ქვეყნის მორაგბეთა ეროვნულ გუნდთან გამართავს.
როგორც ~ინტერპრესნიუსმა~ საქართველოს რაგბის კავშირის საზოგადოებასთან ურთიერთობის სამსახურის მიერ მიწოდებული ინფორმაციით შეიტყო, ~ბორჯღალოსანთა~ ავსტრალიელმა მთავარმა მწვრთნელმა თიმ ლეინმა, იმ 22 მორაგბის სია შეადგინა, რომლებიც, სავარაუდოდ, პორტუგალიის ნაკრებს 23 თებერვალს ლისაბონში დაუპირისპირდებიან.
ტიმ ლეინის რჩეული მორაგბეების სავარაუდო შემადგენლობა შემდეგნაირად გამოიყურება;
შერკინების ხაზი _ გოდერძი შველიძე (კლერმონ-ფერანი, საფრანგეთი / ნაკრებში 43 შეხვედრა), დავით ქუბრიაშვილი (მონპელიე, საფრანგეთი / 2), დავით დადუნაშვილი (მასი, საფრანგეთი / 15), იური ნატრიაშვილი (ფარულ-კონსტანცა, რუმინეთი / 3), ანტონ ფეიქრიშვილი (აჟენი საფრანგეთი / 1), ლევან დათუნაშვილი (მონლუსონი, საფრანგეთი / 23), გიორგი ნემსაძე (დომონი, საფრანგეთი / 5), კახაბერ უჩავა (ფარულ-კონსტანცა, რუმინეთი / 2), სიმონ მაისურაძე (კლერმონ-ფერანი, საფრანგეთი / დებიუტანტი), დიმიტრი ბასილაია (კლერმონ-ფერანი, საფრანგეთი / 2), შალვა სუთიაშვილი (ბობინი, საფრანგეთი / 7), რატი ურუშაძე (ლონსი, საფრანგეთი / 27);
უკანა ხაზი _ ირაკლი აბუსერიძე (ორლეანი, საფრანგეთი / 50), ბიძინა სამხარაძე (ფარულ-კონსტანცა, რუმინეთი / 31), ლაშა მალაღურაძე (კრედო-63, უკრაინა / 2), მერაბ კვირიკაშვილი (პო, საფრანგეთი / 26), რევაზ გიგაური (მონლუსონი, საფრანგეთი / 16), ალექსანდრე თოდუა (ლელო / დებიუტანტი), ირაკლი ჩხიკვაძე (აია / 4), ოთარ ბარკალაია (ანდორა / 27), დავით კაჭარავა (ყოჩები, 16), გიორგი შკინინი (ხულიგანა / 23).
საქართველოსა და პორტუგალიის ნაკრებების შეხვედრა, 23 თებერვალს “ესტადიო უნივერსიტარიო”-ზე გაიმართება და საქართველოს დროით 19:00 საათზე დაიწყება.
შეხვედრას შოტლანდიელ მსაჯთა ბრიგადა მოემსახურება: მთავარი მსაჯი - ნეილ პატერსონი, ასისტენტები - რობ დიქსონი და ალან ფორესტი.

პორტუგალიაზე უარესი შემადგენლობა არც ეხლა გვყავს, მარა მაინც საშიშია პორტუგალია, "სკოლსკი" მეტოქეა ჩვენთვის. პორტუგალიაში უკვე გამოჩნდება რა ბიჭიცაა ლეინი.

ისე დაეყენებინა ისევ ექსპერიმენტული შემადგენლობა პორტუგალიას როგორც თბილისში :-) პორტუგალიას კიდევ რუსეთში აქვს გასვლა სათამაშო და რუმინეთში კიდევ, არა მგონია იქ ჩაიყვანონ ძირითადი შემადგენლობა, ჩვენთან კიდე ოპტიმალური შემადგენლობით გამოდიან, ცოტა სანერვიულოა, მაგრამ სამაგიეროდ ვნახავთ რეალურად ჩვენი ნაკრების რეზერვის ძალას

ვინმესთან იჭერს პორტუგალიის Sport TV1??? ჩანაწერი რომ გაკეთდეს.


* * *


This post has been edited by giorgi77 on 18 Feb 2008, 19:12

პორტუგალიაში ვერ ჩავა, კლუბი არ უშვებსო, მის ნაცვლად "ლელოს" მოთამაშე ირაკლი ყიასაშვილი დაიმატეს

http://www.open.ge/el/?base=www.open.ge/08....htm'&go=Go!

მიმაგრებული სურათი

giorgi77
ეგ ნიშნავს, რომ 10-ზე ისევ მალაღურა დადგება

კი ბატონო. ჩემო დავით. :-)

ნუკრიმ იცის? გული "გაუსკდება" :-)

This post has been edited by giorgi77 on 18 Feb 2008, 19:56