ტრადიციული შეხვედრა, ბ-ნებთან: გია ნიჟარაძე, ილო მაისურაძე, მელიტონა :)

giorgi77

ნუ დამაბერე ახლა თლათ არც ისე დიდი ხნის წინათ!

25 მაისის შეხვედრის მოკლე ანგარიში
ფორუმელებს შეხვდნენ გია ნიჟარაძე, მილტონ ჰეიგი, ილია მაისურაძე, ირაკლი ჭყონია და ბაჩო ხურციძე.
1) მატება ეროვნული ნაკრების სამწვრთნელო შტაბში
საქართველოს რაგბის კავშირმა წარმატებით დაასრულა მოლაპარაკება და საქართველოს ნაკრების სამწვრთნელო შტაბში იმუშავებს მაიკლ ბრედლი (ირლანდიელი სპეციალისტი, შოტლანდიის ”ედინბურგის” მწვრთნელი ბოლო ორი სეზონის მანძილზე, საქართველოს ნაკრების მწვრთნელი რამდენიმე თვის მანძილზე ახალი ზელანდიის მსოფლიო ჩემპიონატის წინ). რაგბის კავშირმა უზრუნველყო ბრედლისა და მილტონ ჰეიგის შეხვედრა ტულუზაში; მათ ორი დღის მანძილზე ისაუბრეს, დეტალურად განიხილეს საქართველოს ნაკრებში მუშაობის სტრატეგია, ერთმანეთი მოეწონათ. ოფიციალურად კონტრაქტი ჯერ არ გაფორმებულა, მაგრამ ყველა დეტალი შეთანხმებულია ბრედლისთან და მის მენეჯერთან. კონტრაქტი დაიდება 1+1+1 წლით. ბრედლი ყოველწლიურად 8 თვის მანძილზე იმუშავებს, ამათგან 6 თვე იქნება საქართველოში, ორი თვის მანძილზე განახორციელებს მონიტორინგს საფრანგეთში მოთამაშე ლეგიონერებზე. სამწვრთნელო შტაბში მის სხვა ფუნქციებს განსაზღვრავს ჰეიგი. ბრედლის მოწვევა ძალიან გახარებია ჩვენი ნაკრების ყველა წევრს, ვისაც ბრედლისთან რამდენიმე თვე უმუშავია.
ჩემი მხრივ, დავძენ, რომ გამახსენდა ინტერვიუ გია ლაბაძესთან _ ზელანდიის მსოფლიო ჩემპიონატის შემდეგ. ლაბომ თქვა, რომ ბრედლის წასვლის შემდეგ საქართველოს ნაკრები განწირული იყო არაშემოქმედებითი თამაშისათვის, რადგან კომბინაციებზე სწორედ ბრედლი მუშაობდა და ძალიან კარგადაცო, ხოლო მისი წასვლის შემდეგ ეს სიცარიელე ვერავინ ვერ შეავსოო.

2) ნაკრების ლიდერები
”ზირაქასა და მამუკას არყოფნაში ვინ შეძლებს ნაკრების ლიდერობას გარდა კაპიტნისა?”
(ჰეიგი): ნაკრებში არიან გამოცდილი მოთამაშეები _ შალვა სუთიაშვილი, ბინგო, მეკო. ისინი შეძლებენ მინდორზე ნაკრების ლიდერობას. თამაშებისას შეიძლება სხვათა ლიდერობაც გამოიკვეთოს.

3) ნაკრების შემადგენლობა
(ჰეიგი): არც ივნისის ტურნირზე და არც არგენტინაში არ იქნება მამუკა. თუ გვინდა, მამუკა კარგ ფორმაში შეხვდეს ინგლისის მსოფლიო თასს, მას უნდა მივცეთ ზაფხულში სრულად დასვენების საშუალება, რათა შეძლოს დასვენება და ფიზიკური კონდიციების აღდგენა. მას ყველაზე მეტი წუთი აქვს ნათამაშები გასული სეზონის მანძილზე. ზირაქამ თავად გამოხატა სურვილი, რომ ითამაშოს ნაკრებში და ურუგვაისთან მატჩისას იგი თბილისში იქნება. ასევე არგენტინაში იქნებიან ვასო კაკოვინი და ჯაბა ბრეგვაძე, ანტონ ფეიქრიშვილი, ლაშა მალაღურაძე. ტრავმების გამო ნაკრებს გამოაკლდნენ ნარიაშვილი და ჟვანია. ასევე ტრავმის გამო ჯერჯერობით ვერ აღიდგინა ფორმა ჟღენტმა. ასე რომ, ჟღენტის საკითხი არ დახურულა.

4) ახალგაზრდა მორაგბეების ინტეგრაცია ეროვნულ ნაკრებში
(ჰეიგი): ახალგაზრდების ინტეგრაცია ხდება ორგვარად _ სანაკრებო შეკრებაში მონაწილეობითა და ნაკრებში სათამაშო დროის მიცემით. სანაკრებო შეკრებაში მონაწილეობა (თუნდაც მოთამაშეს არ მიეცეს სათამაშო დრო) მნიშვნელოვანია, რადგან მოთამაშე ეჩვევა სანაკრებო გარემოს, ეცნობა იმ კრიტერიუმებს, რაც წაეყენება ნაკრების მოთამაშეს (ფიზმომზადება, ტექნიკური მომზადება, ხასიათი, სპორტული დისციპლინა, ცხოვრების წესი და ა. შ.). ამიტომ შეკრებებში ახალგაზრდების მონაწილეობა თავისთავად მნიშვნელოვანია. ახალგაზრდებს თანდათან მიეცემათ სათამაშო დროც და ეს დრო გაიზრდება ივნისის ტურნირზე. ასე თანდათანობით მოხდება ახალგაზრდების ინტეგრაცია ეროვნულ ნაკრებში.

5) არგენტინული და ქართული შერკინება
(ჰეიგი): ჩვენ დეტალურად შევისწავლეთ გასულ სეზონში არგენტინელების ყველა თამაში (ოთხი ერი, ნოემბრის ტესტები). მათი შერკინებაც შევისწავლეთ. ზელანდიის მსოფლიო ჩემპიონატიდან 18 თვე გავიდა, ჩვენ თანდათანობით შევცვალეთ ჩვენი შერკინების თამაში, შერკინების ტექნიკა. არგენტინელებს ძალიან გაუჭირდათ საფრანგეთის შერკინებასთან თამაში გასული წლის ნოემბრის ტესტზე. ასე რომ არგენტინელების შერკინება არ არის უძლეველი და ჩვენ შეგვიძლია მათ წარმატებით გავუმკლავდეთ. ჩვენ წარმატებით ვეთამაშეთ ბუქარესტში რუმინეთის ძალიან კარგ შერკინებას.

6) საქართველოს ნაკრების სამი მთავარი პრობლემა
(ჰეიგი):
ა) წნეხის პირობებში ხელით თამაში;
ბ) უკანა ხაზის მოთამაშეთა ხედვისა და აზროვნების გაფართოება/გაღრმავება;
გ) თამაშის ტემპი. უნდა მოვახერხოთ სწრაფად გადაწყობა, სწრაფი შეტევა და სწრაფად გადაწყობა დაცვაში. რუმინეთთან თამაშში გამოჩნდა, რომ როგორც კი ტემპის აწევას ვახერხებდით, რუმინელები ვერაფერს გვიპირისპირებდნენ. სამივე სალელოვე შეტევა ტემპის მომატების შედეგი იყო, ლელოები კი ვერ დავდეთ ტექნიკური წუნისა და არასწორი გადაწყვეტილებების გამო.

7) ზელანდიური შეკრების შესაძლებლობა
”ხომ არ გეგმავს საქართველოს რაგბის კავშირი 18 წლამდელების გამგზავრებას კვალიფიკაციის ამაღლების მიზნით ახალ ზელანდიაში ან ნებისმიერ ოკეანეთის სარაგბო ქვეყანაში? (ნამდვილად წაადგებოდა ჩვენს ბიჭებს თუნდაც 1 თვიანი იქ შეკრება და ამხანაგური მატჩების გამართვა)” (Lotkinski).
პასუხი (გია ნიჟარაძე):
ჯერჯერობით არ გეგმავს. კავშირმა მნიშვნელოვნად გაზარდა ასაკობრივი ნაკრებების დაფინანსება და ზელანდიის რაგბის კავშირთანაც ძალიან კარგი ურთიერთობა გვაქვს, მაგრამ ზელანდიაში წასვლა გეოგრაფიული სიშორის გამო ძალიან ძვირია, ამიტომ უფრო მიზანშეწონილია ევროპის უფროსი ექვსი ერის ნაკრებებთან თამაში. თუ ზელანდიაში წვრთნის ფინანსური შესაძლებლობა გაჩნდება, რატომაც არა.



8) ფიზმომზადება
”ხომ არ არსებობს რაიმე გეგმა ფიზმომზადების გაუმჯობესების მხრივ? ხომ არ აპირებთ უცხოელი სპეციალისტების ჩამოყვანას ან ქართველების გადამზადებას(ტრეინინგით ან სხვ.)
ქართველ მორაგბეები ერთი ერთზე თამაშში მოიკოჭლებდნენ და იჩაგრებოდდნენ ისეთ მოწინააღმდეეგეებთან როგორიც იყო უელსი, ირლანდია, ინგლისი და გარემარბებს არც იტალიასთან დაადგათ კარგი დღე, რა არის ამ ხარვეზის საწყისი? და რაში ხედავთ გამოსავალს? იგეგმება თუ არა რაიმე"სამუშაოების" ჩატარება ამ ხრივ? როგორ ფიქრობთ საჭიროა უცხოელი მწვრთნელის ჩამოყვანა და მოიძებნება თუ არა ამის სახსრები? koxi:

(გია ნიჟარაძე): ასაკობრივ ნაკრებებს გაწვრთნიან მხოლოდ ქართველი მწვრთნელები, რომლებიც თავიანთ ამოცანებს ძალიან კარგად ართმევენ თავს. თვრამეტწლიანების ნაკრების მწვრთნელმა ილია მაისურაძემ და მთელმა სამწვრთნელო შტაბმა არაჩვეულებრივად კარგი ანალიზი გააკეთა მარტის ტურნირზე ჩვენი ნაკრების თამაშებისა. წამოვიდა ახალგაზრდა მწვრთნელების ძალიან კარგი თაობა და კავშირს იმედი აქვს, რომ ისინი მაღალი კვალიფიკაციის მწვრთნელებად ჩამოყალიბდებიან. ფიზმომზადების მწვრთნელი _ ინგლისელი სპეციალისტი უკვე საკმაო ხანია მუშაობს შევარდენის სარაგბო აკადემიაში, იგი ამზადებს ფიზმომზადების ქართველ მწვრთნელებსაც, ირაკლი ჭყონია მალე მიიღებს მე-2 კატეგორიის (შეიძლება ტერმინს არასწორად გადმოვცემ მაგრამ არსებითი შეცდომა არაა _ ოთარ ზოიძე) ფიზმომზადების მწვრთნელის ლიცენზიას. კავშირი ახორციელებს პროექტს, რომლის მიხედვითაც, შევარდენის სარაგბო აკადემია ყველა კლუბისთვის მოამზადებს თითო მწვრთნელს ფიზმომზადებაში.
(ირაკლი ჭყონია): უცხოეთის ბობოლა გუნდებთან დაჩაგვრის მიზეზი ისაა, რომ ჩვენ ჩამოვრჩებით ფიზიკურ მომზადებაში, ნაკრებში მოდიან ფიზიკურად სრულიად მოუმზადებელი მოთამაშეები, რადგან კლუბებს არ ჰყავთ ფიზმომზადების მწვრთნელები. ჩვენთან მოდიან ან ძალიან გამხდარი მოთამაშეები, ან ძალიან მსუქანი მოთამაშეები, რომლებსაც არა აქვთ კუნთოვანი მასა და აქვთ ცხიმი. მოკლე დროში კი ამგვარი მდგომარეობის სრულად გამოსწორება ვერ ესწრება. სარაგბო აკადემიაში შეიქმნა და ამუშავდა პროგრამა, რომლის მიზანია 14 წლის ასაკიდან მორაგბეების ჩართვა ფიზმომზადების სისტემაში _ მათ ყოველ ასაკობრივ დონეზე (14-15 წლები, 16-17 წლები, 18-19 წლები) ეყოლებათ ფიზმომზადების მწვრთნელები და ყოველ მომდევნო ასაკობრივ საფეხურზე ასვლისას ნულიდან არ იქნება დასაწყები მოთამაშეთა ფიზიკური მომზადება. გარკვეული წინსვლა არის: საფრანგეთში თვრამეტწლიანების სუფთა სათამაშო დრომ მიაღწია 35 წუთს, ახალი ზელანდიის მსოფლიო ჩემპიონატისას ჩვენი სუფთა სათამაშო დრო იყო 31 წუთი.
(ილია მაისურაძე): თვრამეტწლიანთა ნაკრებში მოხერხდა კოლექტიური თამაშის სისტემის კარგად ათვისება, მაგრამ ყველაზე სუსტი მხარე იყო ინდივიდუალური ბოჭვები. ამ ნაკლის გამოსწორებაზე ძალიან ბევრი ვიმუშავეთ თვეების მანძილზე, მაგრამ მისი გამოსწორება მაინც ვერ მოხერხდა. პრობლემის სათავე ბავშვობიდან არასწორი სწავლებაა. ბოჭვის არასწორი ტექნიკის შედეგია ისიც, რომ ჩვენი მოთამაშეები ბევრ ტრავმას იღებენ ბოჭვისას. გარდა ამისა, ჩვენს ნაკრებს ამ რეჟიმით პირველად მოუწია თამაში _ ვოსფის აკადემია, გლოსტერის აკადემია, ინგლისის ნაკრები, ირლანდიის ნაკრები, იტალიის ნაკრები, უელსი. ვოსფთან თამაშის შემდეგ ყველა თამაში სამ-ოთხდღიანი შუალედებით. ფიზიკურთან ერთად ფსიქოლოგიურად გადაიღალნენ.

9) თბილისის ტურნირის სატელევიზიო რეპორტაჟები
”მომავალ ტურნირს ქართული მე-9 არხის გარდა სხვა არხი თუ გააშუქებს. და არგენტინასთან თამაშის გაშუქება თუ იგეგმება ქართული არხით (giorgi77).
(გია ნიჟარაძე): თბილისის ტურნირის ტელერეპორტაჟი იქნება მხოლოდ მე-9 არხზე, ასევე იქნება სტრიმები. არგენტინასთან თამაშის რეპორტაჟი საქართველოს ტელევიზიის პირველ არხს დაგეგმილი აქვს, მაგრამ საბოლოოდ საკითხის დადებითად გადაწყვეტა დამოკიდებულია იმაზე, არგენტინელებს ექნებათ თუ არა სატელევიზიო სიგნალი. ჯერ არ ვიცით. არგენტინასთან ტესტის ადგილიც გუშინ გავიგეთ, თამაში იქნება ქალაქ სან ხუანში (ანდების მთისწინეთი, არგენტინის დასავლეთი).



10) სარაგბო სტადიონი ეროვნული ნაკრებისათვის
ეროვნული ნაკრებისათვის თუ იგეგმება სარაგბო სტადიონის მშენებლობა (otokarcobra):
(გია ნიჟარაძე): არა, სამწუხაროდ, არა.


11) რეგიონებში რაგბის კერების შექმნა
”რეგიონებში რატო არ ხდება პოპულარიზაცია-აგიტაციის ჩატარება? ნუ, ყველგან რომ ვერ გაიხსნება სარაგბო კერა, მეც ვიცი, მაგრამ მე,როგორც ლანჩხუთელს, მაქვს საფუძვლიანი პრეტენზია, რატო არ ცდილობენ ამ კუთხეში რაგბის საფუძვლის ჩაყრას, დავიჯერო, ლელობურთს არავინ უყურებს სააღდგომოდ შუხუთში?” (AVIATORI01):

(გია ნიჟარაძე): 4-5 წლის წინ რაგბის კერებით დაფარვის ზონა დღევანდელის დაახლოებით 30% თუ იყო, ასე რომ იზრდება სარაგბო კერების რაოდენობა. ოზურგეთში არის რაგბის გუნდი, ლანჩხუთში რამდენიმე წლის წინ რაგბის კერის შესაქმნელად რაგბის კავშირმა და ადგილობრივმა ხელისუფლებამ თანხაც კი გამოყო, მაგრამ თანხები არ იქნა გამოყენებული დანიშნულებისამებრ.



12) საქართველოს ეროვნული ჩემპიონატი
”კავშირს თუ აქვს გეგმა საქართველოს ჩემპიონატის განვითარებისთვის? გაძლიერებისთვის? ფორმატის შეცვლას ვგულისხმობ . ფაქტია, რომ სუსტი ჩემპიონატი გვაქვს. და გაპროფესიონალების არაფერი ეტყობა. მაგალითად უმაღლესი ლიგიდან გუნდების გავარდნა რომ გაუქმდეს და ჩატარდეს ზე 15 მსგავსი ფორმატით, პროვინციიდან, თითო სარაგბო კერამ გამოიყვანოს ერთი გუნდი ჩემპიონატში, თბილისმა კი რამდენიმე... მსგავს იდეას როგორ უყურებს ბატონი გია, საინტერესოა, ჰკითხეთ.
რა აზრი აქვს მეორე ლიგის ჩატარებას როცა გუნდებს შესაბამისი ინფრასტრუქტურა არ გააჩნიათ. არასერიოზულია.” (giorgi77).
(გია ნიჟარაძე): გეგმა არსებობს. ჩემპიონატი ყოველწიურად უფრო ძლიერი ხდება. უმაღლესი ლიგიდან გავარდნის სისტემა გამორიცხავს პირველი ლიგიდან სუსტი გუნდის ამოსვლას უმაღლეში. ამ სისტემის შესაბამისად, პირველი ლიგის ორი გამარჯვებული პლეი-ოფში ხვდება უმაღლესის ორ ბოლოადგილოსანს. წელს ორივე უმაღლესლიგელმა ბოლოადგილოსანმა მოუგო პირველი ლიგის გამარჯვებულებს და უმაღლეს ლიგაში იგივე 10 გუნდი ითამაშებს; მზადდება პირველი ლიგის რეფორმა, რომელიც გააძლიერებს პირველ ლიგას. კავშირს დაგეგმილი აქვს ამ ლიგისთვის საპრიზო ფონდის გაზრდა, რაც ხელს შეუწყობს პირველი ლიგის გუნდების გაძლიერებას.

13) საქართველოს ეროვნული ნაკრების მზადების გეგმა
”რამდენად კმაყოფილია ნაკრების ხელმძღვანელობა ნაკრების მზადების ტემპებით?”
(ჰეიგი): სტრატეგიულ გეგმას არ ჩამოვრჩებით. ცხადია, უკეთესი იქნებოდა, პროგრესი უფრო სწრაფი ყოფილიყო და გეგმისთვის გაგვესწრო, მაგრამ დასახულ გეგმას ვასრულებთ. ერთა თასის თამაშებზე ფრაგმენტულად ვაჩვენეთ ის თამაში, რისკენაც მივისწრაფვით.

otar zoidze
დიდი მადლობა

otar zoidze
დიდი მადლობა ბატონო ოთარ,

საინტერესო შეხვედრა იყო მოყოლილიდან გამომდინარე.

ერთს ვერ ვიგებ, უფრო სწორად ორს - პირველად როცა მამუკამ კაპიტნობა არ მინდაო, ახლა არგენტინაში არ იქნება უნდა დავასვენოთო.... თან მსოფლიოსთვის უნდა დავასვენოთო ))) ამავე დროს ზირაქაშვილმა თავად გამოთქვა თამაშის სურვილიო. არგენტინაა ბოლო ბოლო, ერთა თასზე სულ ნუ ჩამოვა და დაისვენოს, მაგრამ არგენტინასთან დასვენება??? პირველი რანგის ნაკრებს ასე ხშირად ვხვდებით?

giorgi77
მამუკას დასვენება მწვრთნელთა გადაწყვეტილებაა, სტატისტიკა მოიშველიეს (მამუკას ნათამაშები დრო), მამუკას მონპელიე მაქსიმალურად ტვირთავს და აუცილებლად სჭირდება დიდი ხნით დასვენებაო. რამდენიმე დღის წინ გიამ მითხრა ჩვენი გუნდის მგზავრობის მარშრუტი და დროები. გული გაგისკდება. დაახლოებით 24 საათი თვითფრინავში იქნებიან. ამას დაუმატეთ აეროპორტებში ლოდინი. თამაში კი მოუწევთ ჩასვლიდან მე-5 დღეს. ზირაქა არგენტინაში ისედაც მიდიოდა, მაგრამ უფრო ადრე ჩამოსვლის სურვილი თავად გამოხატაო. შეხვედრისას კლერმონი-კასტრი არ იყო დასრულებული. ახლა ვიცით ამ მატჩის შედეგი და რაკი კლერმონმა წააგო, ზირაქამაც დაასრულა წლევანდელი ფრანგული სეზონი და ცოტა მეტი დასვენება მიუწევს.

otar zoidze

დიდი მადლობა!!!!!!

otar zoidze
მადლობა ოთარ, კაი კაცი ხარ


პ.ს. პასუხი არ მეყო

otar zoidze
გაიხარე, მადლობა

AVIATORI01

ბ-ნმა გიამ ხაზი გაუსვა, რომ რომელიმე რეგიონში გარბის განვითარების მთავარი წინაპირობაა დიდი რაოდენობით ენთუზიასტები. რაგბის კავშირის მთავარი ფუნქცია კი მათი მხარდაჭერაა. რაგბის კავშირის მიერ ხელოვნურად რომელიმე რეგიონში რაგბის პროპაგანდა არის არასწორი.

პირადად მე ბ-ნ გიას ვეთანხმები.

ოთარ ზოიძეს მადლობა!

ყველაფერი ამომწურავი იყო.

ერთი რამ არ მომეწონა: კატეგორიული უარყოფითი პასუხი ნაკრებისთვის სტადიონის აშენებაზე!

კაი რა! კაი რა, რა გახდა ბლიად 10-20 მილიონი დოლარი...

gia-gia-gia

1. ჯერ ერთი ეგ თანხა 20-25 000-იან სტადიონს არცერთ ვარიანტში არ ეყოფა
2. მაიტა 20 მილიონი და ცოტას გულშემატკივრები წავამატებთ

ისე ამბობ, ვითომ იხვეწებოდნენ სტადიონს აგიშენებთო და რაგბის კავშირი იყოს უარზე
კატეგორიული უარი იმის გამოა, რომ არავინ აპირებს მაგაში ფულის ჩადებას ამ ეტაპზე

giorgi77

გიო მამუკა იქნება ესეთიუ დამღლელი სეზონის მერე გამოფიტული
ამიტომაც არის ეს პრეცედენტი
ვერ იქნება ის მამუკა რაც უნდა იყოს , უნდა ვაწვალოთ ის კაცი და ჯობია დავასვენოთ
კიდევ იქნება ეგეთი ტესტები იმედი მაქვს

სადაც 25მილიონი დოლარი რა იყოო, ერთი 5-10ც დაამატოს იმ ოჯახაშენებულმა, ვინც იხდის. აბა, მათხოვრები ხომ არა ვართ, თუ დადებაა, წესიერად დადოს, დანარჩენ 100 ლარსაც ხალხში ავაგროვებთ და ეროვნულიც გვექნება.

This post has been edited by Dr NULL on 27 May 2013, 11:58

მე დასვენების წინააღმდეგი კი არა ვარ გიო. დაისვენოს თუ უნდა დასვენება, მაგრამ გული არ დაწყდება თვითონ რომ არგენტინასთან არ ითამაშებს? თან იცის რა ძალასაც წარმოადგენს ნაკრებისთვის. შეიძლება დაასვენო ლიდერი როცა სხვა გეგულება მისი შემცვლელი.

ჰეიგს რომც ეთქვა დაისვენეო არ უნდა დათანხმებულიყო. თუმცა ჩემი აზრით ჰეიგის ინიციატივა არაა მანდ.

რეისს რაც შეეხება, ვიცი რომ რთული გადაფრენა იქნება თბილისიდან, გადაჯდომებით და ა.შ. მაგრამ მამუკას ეგ არც ეხებოდა, თბილისის ტურნირისთვის არც იყო გამოძხებული. საფრანგეთიდან არგენტინაში ჩაფრენა პრობლემა არაა.