საქართველოს ჩემპიონატი, 2013-2014 წ

ჩემი ჯიბის ფულით გიყიდით მაგ საღებავებს და ქაღალდსაც მივაყოლებ. ფონსაც გაგიხერხებთ და ცეცხლსაც დაგინთებთ, ოღონდ რაიმე ქნას ვისაც პეარის ამბები ევალება.

ხვალ, შაბათს საკმაოდ ეცხელება - ტემპერატურა 31 არის გამოცხადებული...და რატომაა დანიშნული თამაში 16:30-ზე და არა ვთქვათ 19:00 (ყველაზე ოპტიმალური დრო ალბათ როგორც მორაგბეებისათვის ასევე გულშემატკივართათვის)?
და კიდევ, არ მესმის რატომ არცერთი ტელეარხი არ გადასცემს (თუნდაც ვიდეოჩანაწერს) პლეი-ოფის ძალიან კარგი და საინტერესო თამაშებისა (ხარიხობრივადაც სჯობს წინა წლების თამაშებს)? ტელეეთერს დიდი ძალა აქვს - არაერთი ადამიანი დაინტერესდებოდა რაგბით...სხვანაირად რაგბის პოპულარიზაცია გაჭირდება თუკი ეს მინიმუმიც კი ვერ გაკეთდა...

K O R A D O

16:30 ძაან ცუდი დროა,მე მაგალითად მაგიტო ვერ მოვდივარ....

შაბათს, “შევარდენზე”, საქართველოს XXIV ეროვნული პირველობის მეორე ფინალისტი გაირკვევა. მცირე ფინალი 16:30 საათზე დაიწყება და დედაქალაქურ დერბიში ქვეყნის ყველაზე ტიტულოვანი კლუბი “ლოკომოტივი” იმ “არმიას” ეთამაშება, რომელიც დაარსების დღიდან მუდამ პირველობისთვის იბრძვის.

ეს კლუბი 2011 წელს დაარსდა და პირველსავე გათამაშებაში ფინალში “აიას” 29:22 ძლევით ქვეყნის უძლიერესი გუნდის სახელი მოიპოვა. 2012 წელს მათ გარდამავალი, საგაზაფხულო თასის ფინალში “ლოკომოტივი” 13:12 დაამარცხეს, ამის შემდეგ კი, ჩემპიონატი შემოდგომა-გაზაფხულის სისტემაზე გადავიდა. შარშან “არმიამ” ფინალი ითამაშა, მაგრამ “ლელოს” ვერ აჯობა და 10:16 მარცხით მეორე ადგილს დასჯერდა. დიდია შანსი იმისა, რომ შარშანდელი ფინალი წელსაც განმეორდეს.

იყო დრო, როდესაც “ლოკომოტივს” წინააღმდეგობას ვერავინ უწევდა და ამ სახელით გუნდი ქვეყნის ჩემპიონი შვიდჯერ გახდა. ბოლოს რკინიგზელებმა ჩემპიონატის ფინალი 2010 წელს ითამაშეს და “ლელოს” 16:11 დამარცხებით “ბზის თასსაც” დაეუფლნენ. წლევანდელი გათამაშების სტარტზე, “ლელოსა” და “აიასთან” ერთად ტიტულის მოგების მთავარ ფავორიტებად სწორედ ეს გუნდები მიიჩნეოდნენ, “ლელო” უკვე ფინალშია, “აია” ბრძოლას პლეი ოფში გამოეთიშა, “არმია” და “ლოკომოტივი” კი, მეორე ფინალისტის ვინაობას ხვალ გაარკვევენ.

“არმიამ” რეგულარული პირველობა მოიგო, მაგრამ ახლა ეს აღარაფერს ნიშნავს. ერთი კვირის წინ მათ “ლელოსთან” მარცხი განიცადეს და შეცდომის დაშვენის უფლება აღარ აქვთ. ის თამაში კარგი საყურებელი გამოდგა, მაგრამ მოქმედმა ჩემპიონმა არმიელთა შერკინება ძლიერ დაჩაგრა და შედეგიც კანონზომიერი იყო. სხვათა შორის, “არმიას” შერკინება გამორჩეულია და მათი ასეთი სუსტი თამაში ბევრისთვის მოულოდნელი იყო. შეიცვალა თუ არა სიტუაცია ხვალ გამოჩნდება, რადგან შერკინებით “ლოკომოტივიც” გამოირჩევა.

“ლოკომოტივმა” რეგულარული პირველობა მესამე ადგილზე დაასრულა და ფინალისკენ მავალ გრძელ გზას დაადგა. პლეი ოფი პირველ ეტაპზე მათ ჯიქებთან პირველი ტაიმის შემდეგ გაუჭირდათ, მაგრამ 78-ე წუთზე ბექა წიკლაურმა ჯარიმით წონასწორობა აღადგინა (19:19) და ლელოს წესით (2:1) შემდეგ ეტაპზე რკინიგზელთა კლუბი გავიდა. სამაგიეროდ, ერთი კვირის წინ მათ პიწმინდად დაჯაბნეს “ყოჩები” (29:10), რომელთან ბოლო ტურში მარცხმაც ისინი საჩემპიონო ბრძოლაში ამ გრძელ გზას შეუყენა (გამარჯვების შემთხვევაში “ლოკომოტივი” რეგულარ პირველობაში მეორე ადგილს იკავებდა და პლეი ოფის პირველ ეტაპზე დასვენებასთან ერთად, მეორე შანსის პრივილეგიასაც იღებდა). ამ თამაშში საუცხოოდა გაისარჯა ფულბეკი ბექა წიკლაური, რომელიც გუნდის უდავო ლიდერია და ის არმიელებსაც დიდ პრობლემებს შეუქმნის.

წინდაწინ მომავალი მატჩის ფავორიტის განსაზღვრა ძალიან ძნელია და ამაზე რეგულარულ პირველობაში ამ გუნდების დაპირისპირებაც მეტყველებს. პირველ წრეში “ლოკომოტივმა” მეტოქე 27:15 დაამარცხა, მეორეში კი, “არმიამ” რულფასოვანი რევანში აიღო და თითქმის იმავე შედეგით იმარჯვა - 24:15. ხვალ “არმიას” დისკვალიფიკაციის გამო ერთ-ერთი ლიდერი გიორგი თხილაიშვილი ვერ დაეხმარება, რომელიც “ლელოსთან” შეხვედრაში წითელი ბარათით დაისაჯა.

ალბათ ისევ განათების პრობლემა აქვთ, სხვა მიზეზს ვერ ვხვდები

Lotkinski

8 საათამდე ბუნებრივად დღეა და მხოლოდ მეორე ტაიმში თუ დაჭირდებოდა განათება- საერთაშორისო თამაში ეს არაა და განა რა განათება დაუყენეს ისეთი, რომ საშინაო თამაშებსაც არ გამოადგეს, აბა რისთვის აყენია...6 საათზე რომ დაეწყოთ სულაც არ დაჭირდებოდა განათება...ყველას აწყობს და ვერ ვხვდები რატომ არ იწყებენ თამაშს მაქსიმალურად გვიან...

+1, ნაღდად არ ვიცი რაშია საქმე

ხალხს ოთხზე ჰგონებია და შევარდენზე ძაან ადრე მისულა!



This post has been edited by ლუკასა და ნიკოს მამა on 17 May 2014, 16:08

ლუკასა და ნიკოს მამა
ვერ წავედი თამაშზე და ლაივ სქორს მაინც ვადევნო თვალი

არმია
კობახიძე ტუჩაშვილი ჩხიკვაძე გაგოშვილი შკინინი
<10-9> ნინიძე ღვინჯილია /
კაკოვინი მამუკაშვილი ზაქაშვილი
დ.ჩიტიძე ცხადაძე
დარასელია ჟღენტი თავართქილაძე^კაპ -
(გაბროშვილი) (აფციაური) (ჯინაშვილი)
(მეკოკიშვილი) (ქორიძე) (ხარებავა) (გურგენაძე)
(სურგულაძე)

ლოკომოტივი
წიკლაური^კაპ ბიწაძე ქავთარაძე კავთიძე თ.ჩიტიძე
<10-9> ჭინჭარაული ზაბახიძე /
დ.გასვიანი გენებაშვილი მაღალდაძე
ხულუაშვილი გეგია
ფოფხაძე თავბერიძე ბერიშვილი -
(ფ.გასვიანი) (ჟამუტაშვილი) (კლიმიაშვილი)
(ელოშვილი) (ზარიძე) (კვანტიძე)
(ტალახაძე) (ახვლედიანი)

This post has been edited by ლუკასა და ნიკოს მამა on 17 May 2014, 16:25

რა ჭირდა დღეს ლოკომოტივს? გეგონებოდა ძალათ არ თამაშობენო

ლოკომოტივს ის სჭირდა,რომ თამაში არ უნდოდათ.მეტს მაგას ვერაფერს უწოდებ.

დაიფრენს ნახევარ გუნდს ალბათ ბენდო და გამოსწორდებიან გაისად.


მაგრამ ეშველება რამე ოდესმე ოქმის სწორად შევსებას?
რა გახდა ვინ როდის შევიდა ან გამოვიდა მოედნიდან მაგის ჩაწერას?

არცერთი გამოცემა თუ ინტ-პორტალზე არ დებს არავინ სწორ ინფორმაციას.


მარტო დღევანდელ ოქმში 5-6 შეცდომაა.
რა?-B ლიგაა?თუ ბავშვთა ფესტივალი?

1.უნდა ჩააცვან გუნდებს ნომრების მიხედვით.
2.კომისრებმა მეტი პასუხისმგებლობა უნდა გამოიჩინონ.
3.თუ ნომრების მიხედვით ვერ ჩააცვეს,რეალურად რა ნომრებიც აცვიათ ის უნდა შეიტანონ.
4.გუნდებს მინიმუმ 1 საათით ადრე უნდა ქონდეთ შემადგენლობა და ოქმი შევსებული.

მერე იქნება ყველაფერი სწორად!

+ დაჯარიმდეს გუნდი ამის არ-გაკეთებისთვის

ნომრების მიხედვით ვისაც აცვია,იმათი ოქმი ხომ უნაკლოდაა შევსებული?

კომისარს უნდა მოეკითხოს მკაცრად და ეშველება

არადა სხვა დანიშნონ და ის გამოასწორებს.

ბატონ გიას როცა შევხვდით ერთერთმა ფორუმელმა სთხოვა, იქნებ საქართველოს ჩემპიონატის თამაშის დაწყების წინ გუნდების შემადგენლობა გამოაცხადონო, თუ იქნება ამის საშუალებაო. იმის მერე, ნამდვილად აცხადებენ, ასე რომ პრობლემას თუ ვეტყვით ალბათ მიხედავენ, მაგრამ თვითონაც დიდი ხანია უნდა ხვდებოდნენ, რომ არეულია ოქმები.