არანაკლებ პაივცემულო, პეტერე მემო თქვენ ჩემგან საჩუქრად, ხუთჯვრიან დროშასთან დაკავშირებით.
არავინ არ ამტკიცებს რომ ეს დროშა საქართველოს სახელმწიფო დროშა იყო საუკუნეების მანძილზე.
რადგან ამის დამატკიცებელი საბუთები არ არსებობს.
ევროპულ წყაროებში მხოლოდ ბუნდოვანი მინიშნებაა გიორგი ბრწყინვალეს დროშასთან დაკავშრებით, თუმცა არასაკმარისი.
მოკლედ, ნებისმიერი საკითხის გარკვევა იწყება სწორი შეკითხვის დასმიდან.
ამ შემთხვევაში სწორი შეკითხვა ჟღერს ასე - რამდენად გამართლებული იყო ჩვენს სახელმწიფო დროშაზე ასეთი სიმბოლიკის გამოყენება?
საკითხი სამი ნაწილისგან შედგება:
1)დიდი წითელი ჯვარი თეთრ ფონზე თანამედროვე ვექსოლოგიაში მიიჩნევა წმინდა გიორგის სიმბოლოდ, იმ პერიოდიდან მოყოლებული, როდესაც ეკლესია არ იყო გაყოფილი. შესაბამისად, მის კათოლიკურობაზე ან ინგლისურ წარმომავლობაზე საუბარი სრული აბსურდია.
ჩვენი ეკლესია განხეთქილებამდე მოღვაწე რომის პაპებსაც იხსენიებს ლოცვებში. მაგრამ ეს არ ნიშნავს იმას, რომ ამით კათოლიციზმს ქადაგებს ვინმე. ასევე, ყველაფერი, რაც ქრისტიანულ ეკლესიაში მიღებული იყო დიდ განხეთქილებამდე კათოლიკური არ გახლავთ. ის საერთო-ქრისტიანული სიმბოლოა.
ასევეა ეს წმ.გიორგის ჯვარიც. იმ ქრისტიანული ქვეყნის მიერ, რომელიც თავის მფარველად წმ.გიორგის მიიჩნევს ასეთი ჯვარის საკუთარ სახელმწიფო დროშაზე ცენტრალურ ელემენტად გამოყენება სრულიად ნორმალური ამბავია, როგორც ელემენტარული ადამიანური ლოგიკის, ასევე ვექსილოლოგიის მკაცრი კანონების მიხედვითაც.
2) რკალურად შეტეხილი კვადრატული ფორმის ჯვრები ქართველი მეცნიერების მიერ მოიხსენიება როგორც ბოლნური, იგივე კაცხური ჯვრები. ყველაზე ადრეული ეგზემპლარები აღმოჩენილია ბოლნისის სიონის საკურთხეველზე(VII-IXს.ს.).
ევროპაში ეს სიმბოლო გაცილებით უფრო გვიან გავრცელდა. ევროპის ხალხების არცერთ კულტურულ ძეგლზე არ გვხვდება მსგავსი ფორმის ჯვრები ამაზე ადრეულ ეპოქაში! შესაბამისად, ამ ჯვრების კათოლიკურ ან არაქართულ ჯვრებად გამოცხადების მეცნიერული საფუძველი არ არსებობს! საკითხის ასე დაყენება, რომ ისინი ქართული არ არაქართულია, საერთოდ არასწორია. ეს არის ზოგად ქრისტიანული სიმბოლოები!
3) კომბინაცია - დიდი წითელი ჯვარი თეთრ ფონზე და 4 რკალურად შეტეხილი კვადრატული ფორმის ჯვრები.
ამ შემთხვევაშიც, იგივე ფაქტებთან გვაქვს საქმე. ხუთი ჯვრის მსგავსი კომბინაცია გამოსახულია მატანის ცხრაკარის(V ს.), წუღრუღაშენის(XIII ს.), ბოჭორმის წმ.გიორგის(X ს.). მათ შორის გვხვდება რკალურად შეტეცილი ჯვრებიც და ოდნავ განსხვავებულიც.
ყველა ამ შემთხვევებში, ეს არის 5 ჯვრის მსგავსი კომბინაციის გამოყენების უფრო ადრეული პრეცენდენტები, ვიდრე იმ ფრესკებს, რუქებსა თუ ხელნაწერებში, რომელიც დასავლეთ ევროპული კულტურის ძეგლებს წარმოადგენს. აქედან გამომდინარე, ამ კომბინაციის - დიდი წითელი ჯვარი თეთრ ფონზე და 4 რკალურად შეტეხილი კვადრატული ფორმის ჯვრები, საქართველოს სახელმწიფო დროშაზე გამოყენება ასევე სრულიად ნორმალური ამბავია, როგორც ელემენტარული ადამიანური ლოგიკის, ასევე ვექსილოლოგიის მკაცრი კანონების მიხედვით.
ეს ასე ვთქვათ, მოკლე ექსკურსი.
თუ გნებავთ, უფრო ვრცლადაც შემიძლია გაგარკვიოთ საკითხში
* * *
რაც შეეხება ახალ ფორმებს, სრული მარაზმია, იმჰო
This post has been edited by WP-Rex on 18 Aug 2015, 08:00 
ბორჯღალოსნების კვართი, ფერი, დიზაინი, მწარმოებელი...
