U 20 ახალგაზრდული მსოფლიო ჩემ-2017, თბილისი-ქუთაისი

საქართველო და სამხრეთ აფრიკა სპორტის სფეროში თანამშრომლობას რაგბით დაიწყებენ. სამხრეთ აფრიკული კომპანია Global Sports Management & Events Group (GSMEG) საქართველოში რაგბის აკადემიის გახსნას გეგმავს.

საქართველო და სამხრეთ აფრიკა სპორტის სფეროში თანამშრომლობას იწყებენ. ამ მხრივ პირველი ნაბიჯები რაგბის მიმართულებით გადაიდგმება. ქართულ გუნდებთან თანამშრომლობის სურვილი გამოთქვა დასავლეთ კეიპის პროვინციის კლუბმა "WP Rugby Academy" (Villagers Rugby Club).

აპრილის ბოლოსა და მაისის დასაწყისში, აღნიშნული კლუბის ეგიდით, საქართველოს ესტუმრება სამხრეთ აფრიკელ ახალგაზრდა მორაგბეთა გუნდი და ჩაატარებს რამდენიმე სპარინგ-მატჩს საქართველოს 20-წლამდელთა ნაკრებთან, რომელიც საქართველოში გასამართი მსოფლიოს 20-წლამდელთა ჩემპიონატისთვის ემზადება. რაგბის შემდეგ იგეგმება თანამშრომლობა სპროტის სხვა სახეობებში.

ამ საკითხებზე სასაუბროდ და დეტალების დასაზუსტებლად სამინისტროში გამართულ შეხვედრაზე ისაუბრეს სპორტისა და ახალგაზრდობის საქმეთა მინისტრმა ტარიელ ხეჩიკაშვილმა, მინისტრის მოადგილე რევაზ ჯაველიძემ და სამხრეთ აფრიკული კომპანიის Global Sports Management & Events Group (GSMEG) ხელმძღვანელმა საიმონ კლარკმა, ასევე სამხრეთ აფრიკა- საქართველოს სავაჭრო პალატის ხელმძღვანელმა მარიუს ჰაინსმა. შეხვედრას ესწრებოდა რაგბის კავშირის ოპერაციული მიმართულების დირექტორი ლაშა ხურციძე.



ტარიელ ხეჩიკაშვილი:" საინტერესოა, რომ იმ ქვეყნების რიცხვი, რომელთანაც ერთობლივი შეკრებებისა და სხვადასხვა პროექტების განხორციელება იგეგმება მნიშვნელოვნად გაიზარდა. სამხრეთ აფრიკის წარმატებების შესახებ რაგბში ყველას მოეხსენება, მათთან ერთობლივი წვრთნების ჩატარება ჩვენს ახალგაზრდულ ნაკრებს დიდ გამოცდილებას მოუტანს. რაგბის განვითარებას ხელს შეუწყობს ის პროექტებიც, რომლის განხორციელებასაც საქართველოში სამხრეთ აფრიკელები გეგმავენ. მათ სურვილი აქვთ, საქართველოში რაგბის აკადემია გახსნან, რაც რეგიონში ერთ-ერთი წარმატებული პროექტი იქნება. ცხადია, სახელმწიფო მაქსიმალურად დაეხმარება ამ პროექტების სისრულეში მოყვანას, ისევე როგორც ნებისმიერ კერძო ინვესტიციას".

საიმონ კლარკი (Global Sports Management & Events Group-ის ხელმძღვანელი):" ჩვენ წარვადგინეთ საქართველოში განსახორციელებელი სპორტული პროექტების შესახებ ჩვენი იდეები, მოსაზრებები. გვქონდა ძალიან პოზიტიური დიალოგი სამინისტროს ხელმძღვანელობასთან. აღსანიშნავია, რომ გვაქვს ძალიან კარგი კავშირები ქართულ რაგბისთან. საქართველო მასპინძლობს 20-წლამდელთა მსოფლიოს თასს, რაც ძალიან მნიშვნელოვანია. ამასთან ვაპირებთ თანამშრომლობას სპორტის სხვა სახეობებშიც, რომელიც კარგად არის განვითარებული საქართველოში და ამ მხრივ დიდი გამოცდილებაც გაქვთ ".

ასე არ ჯობია?
რად გვინდა კოლუმბიელები....

https://rugbyest.com/luka-yurin-le-groupe-g...ide-cette-annee ლუკა იურინთან ინტერვიუ ფრანგულ ენაზე. გამიხარდა,რომ ჯანმრთელად არის და გამოძახებულია 20 წლამდელთა შეკრებაზე. ფოტოზე მამამის მაგრად ჰგავს ხემ მოისხა ნაყოფი

ჩვენი ოციანების თამაშს ცუდად ვიცნობ, ჩემდა სამარცხვინოდ. ექვსი ერის უ20 ყველა თამაში ვნახე და ვიცი იქ რა ხდება. ჩვენებში მარტო ის ბიჭები ვიცი, ვინც შარშანდელ ჩემპიონატში თამაშობდა.

თხოვნა მაქვს. იქნებ რომელიმე თქვენთაგანმა დაწეროს ნაკრების სუსტი და ძლიერი მხარეების შესახებ. თუ არ დაგეზარებათ მოთამაშეების შეფასებაც მოგვცეთ.

წინასწარ მადლობა.

მგონია რომ არ იქნება სწორი ბიჭების პლიუს- მინუსებზე საუბარი,(ახალგაზრდები არიან მაინც,გული არავის ვატკინოთ)
ერთი რამის თქმა შემიძლია მოლოდ,შარშანდელი ნაკრები უფრო ძლიერი იყო წლევანდელზე.(ჩემი აზრით)
შარშანდელებს ბევრს ქონდა საფრანგეთში თამაშის გამოცდილება (ტოპ-14 და ესპუარები)
ტრადიციულად ძლიერი შერკინება გვეყოლება,მარტო ტაბიძე რად ღირს!

თუ კვესელაძე ვერ გამოჯამრთელდა დიდი პრობლემა იქნება ცენტრში.
და საერთოდაც,ძირითად გუნდს კიდე არაუშავს,მაგრამ მე-2 ნომრები,ანუ შემცვლელები ცოტა მოისუსტებენ (თითქმის ყველა პოზიციაზე)

მგონია რომ იმ ერთ თამაშს მოიგებენ და მომავალ წელსაც შესარჩევის გარეშე ვითამაშებთ
ის ერთი თამაში კი ან იტალიასთან იქნება,ან სამოასთან.

ეს ყველაფერი მხოლოდ ჩემი აზრით!

რადგან ექვსი ერის უ20-ის ყველა თამაში ვნახე ჩემს შთაბეჭდილებებს გაგიზიარებთ.
ალბათ, ძალიან არ გაგვიმართლა ჯგუფის მხრივ. სამივე ნაკრებს ძალიან ძლიერი შერკინება ეყოლება.
საფრანგეთს სპეციალურად ვაკვირდებოდი. ფიზიკით მაგათ ვერ ვაჯობებთ. 10 ნომერი ძალიან დაპიარებული ბიჭია (მგონი გვარად ნტამაკი). მამამისი მორაგბე იყო. მე არ მომეწონა, ცოტა აზრი აკლდა. გარემარბები ძალიან სწრაფები ყავთ - #11 შავკანიანი დაბალი ბიჭი, #14 მაღალი ფიზიკურად ძლიერი.
სხვა გუნდებს რაც შეეხება, შოტლანდიასთან შანსი გვაქვს, რადგან შერკინება ძალიან სუსტი ყავს. უელსთანაც შეიძლება თამაში. ინგლისი დაივიწყეთ - ძალიან მაგარია. ირლანდიაც კარგია.

მე მგონი რომ 2 თამაშს მოვიგებთ

თან ეროვნულისგან განსხვავებით სვარკას არ ვნახავთ ხოლმე

მოკლედ ველოდები ჩემპიონატის დაწყებას

პ.ს. ბილეთები როდიდან იქნება?

ძნელი სათქმელია რომელი თაობა ჯობია!!!
თავიდან 93 - იანები მეგონა ყველაზე მაგარი მაგრამ საერთოდ ვერ მოხვდენ ალაფაზე, მერე 94-იანები ჩანდენ მაგრები მაგრამ ვერ გაქაჩეს 95-იანებმა მოიგეს ალაფა. მაგრამ 96-იანებმა საკმაოდ ნორმალურად ითამაშეს ახალგაზრდულ მსოფლიოზე და 97-იანები ესე მგონია რო კიდე უკეთესად ითამაშებენ. მწვრთნელებიც უკვე ერკვევიან სად თამაშობენ რა შესაძლებლობით. თან საქართველოშია თამაშები და შესაბამისად ყველა პირობაა რომ წარმატებული გამოსვლა გვქონდეს

შეთამაშება ბევრ რამეს წყვეტს
თაობები არ დაიწუნება

კაი თაობები მოდის.
მე 2000-იანების იმედი მაქვს,კარგად ვიცნობ მაგ თაობას,წელსაც უწევთ U 18-ში 99-2000 იანებს და ბევრი ისეთი მოხვდება,მომავალ წელსაც რომ მოუწევთ.

ალაფა მოიგეს 95-96 წლიანებმა.
96-იანები იმ გუნდში იყვნენ: გიორგაძე,გორგაძე,ლობჟანიძე,კოშაძე,მატარაძე,მელიქიძე,სვანიძე,ცუცქირიძე.
ამათ,სუყველამ ეროვნული ითამაშა.

კიდე იყვნენ:ნეფარიძე,მ.ბაბუნაშვილი,საჯაია,ილურიძე,შანიძე.

13 კაცი,(მგონი არავინ გამომრჩა)
აქედან გამომდინარე ვამბობ,რომ წინა U-20 უფრო ძლიერი შემადგენლობა იყო.

ვსერჩე და ესეც ბოლო პერიოდში გამოცდილ-გამოძახებული U 20

გურამ გოგიჩაიშვილი (ლოკომოტივი)
ივანე გელაშვილი (ვეფხვები)
პეტრე ჯინჭარაძე (აია)
ლევან ჭავჭავაძე (არმია)
ლევან პაპიძე (ლელო სარასენს)
თენგიზ ზამთარაძე (ლელო სარასენს)
რევაზ დუგლაძე (ლელო სარასენს)
გურამ პაპიძე (ლიონი)
ნოდარ მექერიშვილი (აკადემია)
გიორგი ნუცუბიძე (ჯიქი)
ვანო გელაშვილი (პატარძეული) 
კობა ჯიმშელეიშვილი (ჯიქი)
თორნიკე აქუბარდია (ხარები)
ლაშა ჯაიანი (ექსეტერი)
გიგა გრიგალაშვილი (ლელო სარასენს)
ბექა საღინაძე (ლელო სარასენს)
გიგა გრიგალაშვილი (ლელო)
სანდრო მამამთავრიშვილი (არმაზი)
ილია სპანდერაშვილი (არმია)
არსენ მაჩალაძე (აია)
შოთა არეშიძე (აია)
გიორგი ნუცუბიძე (აია)
თორნიკე ჯალაღონია (ხულიგანა)
გიორგი ელისაშვილი (არმაზი)
თენგიზ გიგოლაშვილი (პოლონეთი)
გელა მახარაშვილი (აკადემია)
გელა აფრასიძე (ლელო)
ელგუჯა კიკვაძე (აია)
ალექსანდრე ნახუცრიშვილი (არმია)
თენგიზ პერანიძე (არმაზი)
თედო აბჟანდაძე (აია)
დავით მოძღვრიშვილი (აკადემია)
ბექა გავაშელიშვილი (ლელო)
სანდრო სვანიძე (არმაზი)
გიორგი ნარიმანიძე (ხარები)
დავით მესხი (არმია)
ლადო მიმინოშვილი (ბათუმი)
აკაკი ტაბუცაძე (ლელო)
ბექა მამუკაშვილი (ლელო)
მირიან მოდებაძე (აია)
საბა სვიმონიშვილი (სამხრეთი აფრიკა)
ლუკა იურინი (ლიონი)
გიორგი წიკლაური (ჯიქი)
ლუკა მარგიანი (აკადემია)
ალექსანდრე კალმახელიძე (არმია)
გელა ფოლადაშვილი (ივერია)
დავით თაბუკაშვილი (ხარები)
სანდრო ფურცხვანიძე (ჯიქი)
თორნიკე ახობაძე (ლელო)
გიორგი კვესელაძე (არმაზი)
ლუკა დვალიშვილი (არმაზი)
დავით კავთიაშვილი (ოტავა უნი. კანადა)

აქვე შარშანდელი U 20

მიმაგრებული სურათი (გადიდებისთვის დაუწკაპუნეთ სურათზე)

რატომღაც მჯერა რო შარშანდელზე უკეთ ითამაშებენ!! ისე ძალიან მნიშვნელოვანია კაი 9 და 10 ნომრები ბევრ რამე ცვლის ეგ!! შარშან მაგალითად კაი 10 ნომერი რო გვყოლოდა ბევრად უკეთ ვიტამაშებდით, რათქმაუნდა მომზადებაც მნიშვნელოვანია და შარშან მაგ კომპონენტში ვერ ვიყოცაღეთ ამხანაგურები თითქმის არ გვქონია, წელს კი უკეთ ვემზადებით თან უკეთესი 10 ნომერი გვყავს აბჟანდაძე და ვნახოთ რა!!!

ღმერთმა ქნას მასე იყოს.

ძირითადი 10 შარშანდელია, მოძღვრიშვილი.
აბჟანდაძე კარგი ბიჭია,მაგრამ ასაკითაც პატარაა და ფიზიკურადაც არ არის ძლიერი.
შარშან 9-ზე ვასკა იდგა,დიდების მსოფლიო მოვლილი.

აბა ს.ამერიკის ტურნე რა იყო? 2 თამაში არგენტინასთან და 2 ურუგვაისთან.
წელს მხოლოდ 2 შოტლანდიასთან (არაძირითადთან,როგორც ამბობდნენ)
და დიდი-10 გუნდებთან შარშანდელებმაც ბევრი ამხანაგურები ითამაშეს

ვნახოთ რას იზავენ, უპირატესობა ისაა,რომ სახლში თამაშობენ
მეც მაქვს იმედი და სურვილი, რომ გაგვახარებენ კარგი თამაშით

საინტერესო ბიჭია. როგორც ვიცი 2 მეტრზე მაღალია