შიდა ასპარეზის ელიტაში რეგულარული გათამაშება დასასრულს უახლოვდება, ფინიშამდე ორი ტურით ადრე ბევრ კითხვას გაეცა პასუხი, თუმცა ბევრიც გასარკვევია.
http://site.rugby.ge/ka-GE/2017-18-Didi10/23/03/2018
არმაზმა ლოკომოტივი რუსთავში მიიღო და 13:22 დამარცხდა.
არმაზელთა ერთ ლელოს რკინიგზელებმა ოთხით უპასუხეს, საიდანაც გარემარბმა გიორგი შკინინმა ორი მიითვალა. ლოკომოტივმა მატჩში უარი თქვა ჯარიმების დარტყმაზე, რადგან უწყოდა, რომ ყოველ პრემიალურ ქულას ფინიშზე დიდი ფასი აქვს. თუმცა ცოტა უცნაური ის არის, რომ ოთხი გარდასახვიდან ფულბეკმა წიკლაურმა მხოლოდ ერთი გარდასახა. პრემიალური ქულა ლოკომოტივს დარჩა. რკინიგზელებმა გათამაშებაში მეორე საფეხური შეინარჩუნეს.
არმაზელთა მხრიდან ლელო ფულბექმა ფრუიძემ იზეიმა (ზედიზედ მეორე მატჩში გამოირჩა), ხოლო მგეზავმა ჯინჭველაშვილმა ფეხით შესაძლო დასარტყამი სამივე ილეთით ასაღები ქულები აიღო: თითო - გარდასახვა, ჯარიმა, არეკნი.
ამ მარცხით არმაზმა ყველანაირი შანსი საპელიოფო ექვსეულში შესასვლელად დაკარგა, თუმცა აღარც ელიტის დატოვება ემუქრება.
24/03/2018
ქუთაისურ დერბიში მასპინძელი ბაგრატი 5:45 დამარცხდა გათამაშების ლიდერ აიასთან. ამ მარცხით ბაგრატი ელიტას დაემშვიდობა. აიამ კი შვიდი ლელო დადო, საიდანაც ორი დუბლიც შედგა - ძნელაძის და მანაგაძის შესრულებით.
აიამაც უარი თქვა ჯარიმების კარში დარტყმაზე და შესაძლო შვიდი გარდასახვიდან დამრტყმელმა მხოლოდ ხუთჯერ უწია ძელებს. აქვე აღსანიშნავია, რომ აიას ძირითადი დამრტყმელი და მგეზავი ბაბუნაშვილი ტრავმირებულია, ასევე ტრავმირებულია ფულბექი მოდებაძე, მეორე მგეზავი აბჟანდაძე მართალია დაბრუნდა ირლანდიიდან მაგრამ წლეულს გუნდს ვეღარ ემატება. 18_წლამდელთა ევროპის ჩემპიონატზე მივლენილ დესანტში კიდევ ერთი დამრტყმელი - ლომიძე აკლია ქუთათურებს და ამ ფონზე მთელი ტვირთი სარეზერვო მგეზავ ლოსაბერიძეს დააწვა. აიამ ამ პრემიალური გამარჯვებით გათამაშების ლიდერობა შეინარჩუნა.
შაბათის მეორე მატჩი გორში შედგა, სადაც ჯიქმა აკადემიას უმასპინძლა და 17:14 იმარჯვა. მატჩი დაძაბული აღმოჩნდა, რაც შედეგზეც აისახა: ჯიქების გარემარბმა ბიწაძემ ორჯერ დაალელოვა მხატვრები, რასაც ერთხელ უპასუხა აკადემიის გარემარბმა სიჭინავამ. თუმცა გორეთლა მგეზავმა შვიდ ქულას მოუყარა თავი ზუსტად შეასრულა რა ორივე გარდასხვა და ერთიც ჯარიმა, რაც გამარჯვებისთვის საკმარისი აღმოჩნდა, მიუხედავად იმისა, რომ აკადემიელთა მგეზავმა სამი ჯარიმა ზუსტად შეასრულა, ხოლო გარდასახვა გაუცუდდა.
გუნდებმა 10-10 წუთი კაცნაკლულებმაც ითამაშეს.
ამ გამარჯვებით ჯიქმა მესამე ადგილი შეინარჩუნა, აკადემიას კი მხოლოდ თეორიულად ემუქრება ელიტაში დასარჩენად ორმატჩიან დუელში მონაწილეობა (თუ არმია ორივე მატჩს პრემიიით მოიგებს, ხოლო აკადემია ორჯერვე დამარცხდება, თან ისე, რომ ნუგეშს ვერ მოიპოვებს). ამ ალბათობის რეალობად ქცევა კი დიდი ალბათობით სათუოა, ამიტომ თამამად ვიტყვი რომ არმაზის დარად აკადემიაც მომავალი სეზონისთვის უნდა მოემზადოს.
25/03/2018
რუსთავში ადგილობრივ ხარებს არმია ესტუმრა და ლაღ თამაშში 21:42 დამარცხდა - მაყურებელმა რვა გარდასახული ლელო და სამიც სინ-ბინი იხილა.
ხარებმა ამ მოგებით საბოლოოდ დაიბევეს საპლეიოფო ექვსეულში ადგილი, მიუახლოვდნენ რა ლელოს სამ ქულამდე და მოპოვებულმა პრემიამ დატოვა საშულება ფინიშზე ფინალამდე უკეთეს გზასაც კი გამოჰკრან ხელი.
მთელი სეზონის მანძილზე საკამოდ შედეგიანად თამაშობდა ხარების მესამე ხაზი, რაც ამ მატჩში კიდევ ერთხელ გამოჩნდა - მარბიელმა ერეკლე მაჭარაშვილმა დუბლი მიითვალა. რუსთაველთა ერთ-ერთი ლიდერი ვაჟა ხუციშვილი გარდასახვების დროს უნაკლო იყო.
არმიელთა მხრიდან ასევე გამოირჩეოდა მათი ლიდერი შავლეგ (შაკო) მახარაშვილი, რომელმაც წელს სამი სათამაშო პოზიცია მოიცვალა და ამ ჯერად გუნდის მგეზავად მოგვევლინა.
არმიის მდგომარეობა რთულია, შუა სეზონში დაკარგა სპონსორი, მხოლოდ თეორიული შანსიღა აქვს ელიტაში დარჩენის და თუ ვინიცობაა და ყველაზე უარესი მოხდება და გუნდი დაიშლება სრკ საშეჯიბრო კომიტეტს საფიქრალიც ბევრი ექნება - თუ არადა უნდა ვაღიაროთ, რომ ფინანსურად მძლავრმა არმიამ ჯერ კიდევ ექვსი წლის წინ დიდ-წილად შეიტანა წვლილი შიდა ასპარეზზე სათამაშო დონის ასამაღლებალდ.
ტურის დასკვნით მატჩში ბათუმმა შინ მიიღო ლელო და საკმაოდ დრამატულ მატჩში სამი ქულის სხვაობით იმარჯვა 32:29. რვა ქულაზე ნაკლებით მარცხის გამო კი დიდ დიღმელებს ნუგეშიღა ერგოთ.
ზღვისპირელები მატჩის პირველ ნაწილში საკამოდ დაწინაურდნენ, თუმცა დისციპლინაში სერიოზულად მოიკოჭლეს, რამაც მეტოქეს ჩამორჩენის აღმოფხვრის და პრემიალური ქულის მოპოვების შანსი დაუტოვა. ბათუმელებმა სინ-ბინი 3-ჯერ დაიმსახურეს, აქედან განმეორებით გარემარბმა ბერნარდო ბოთამ, რაც ავტომატურად წითელ ბარათში გარდაესახა. გუნდებმა 4-4 ლელო დადეს, საიდანაც ზღვისპირელებმა ვერც ერთი გარდასახეს და მხოლოდ 4 წარმატებით დარტყმული ჯარიმის ხარჯზე მოახერხეს 4 ქულის მოპოვება, როდესაც ლელოს ფულბექმა ყიასაშვილმა ოთხიდან სამჯერ გარდასახა და ერთხელაც ზუსტად შეასრულა საჯარიმო დარტყმა. ამ მოგებით ბათუმი სამი ქულითღა ჩამორჩება კონკურენტ ჯიქს და ოთხით გაასწრო ლელოს. ლელომ კი მოპოვებული ნუგეშის ხარჯზე მოახერხა რომ ძალიან არ ჩამორჩა ბათუმს და სამიოდ ქულით ასწრებს რუსთავს.
მომდევნო, ბოლოსწინა ტურში (30/03-01/04) ერთმანეთს ერკინებიან:
აია - არმია
აკადემია - არმაზი
ბათუმი - ხარები
ლოკომოტივი - ბაგრატი
ლელო - ჯიქი
სტატისტიკის მხრივ,
http://site.rugby.ge/ka-GE/2017-18-D10-STATS/ მხოლოდ გათამაშების ფინიშზე შეძლეს ლელოს და ჯიქის დამრტყმელებმა დაწეოდნენ აიას ტრავმირებულ მგეზავ და ჩათვლაში ლიდერ ბაბუნაშვილს:
126 - ბაბუნაშვილი (აია - მგეზავი)
121 - ყიასაშვილი (ლელო - გულბექი)
119 - ნინიძე (ჯიქი - მგეზავი)
ას ქულიან ნიშნულთან ახლოს არიან:
86 - კობახიძე (ბათუმი - ფულბექი) [ამჯერად ტრავმით]
84 - მოძღვრიშვილი - (აკადმეია - მგეზავი)
83 - ოდიშარია (ბაგრატი - მგეზავი/ფულებქი)
მელელოვეთა შორის არანაკლებ გაცხარებული პაექრობაა:
13-13 ლელო უზეიმიათ - ლოკომოტიველ გარემარბ შკინინს და აიას ცენტრ ძნელაძეს;
8-8 ლელო მიითვალეს - ჯიქების გარემარბმა ბიწაძემ, ხარების ფლანკერმა მაჭარაშვილმა და ჯიქის კვაჭმა ჭყოიძემ;
7-7 ლელო დადეს ხარების შუამარბმა ქანდაურაშვილმა და არმიის მგეზავმა ჭინჭარაულმა
6-6 ლელო დაუგროვდათ აქტივში ლელოს უნივერსალ ბექ კვირიკაშვილს და ხარების გარემაბრ თაბუკაშვილს
ერთბაშად 11 მორაგბეს უფიქსირდება 5-5 ლელო, საიდანაც რამდენიმეზე შევჩერდები:
მირიან მოდებაძე (აია - ფულბექი) ერთ მატჩში შეასრულა კვინტეტი;
გიორგი აბრამიძე (აია - გარემარბი) ტრადიციულად გამოირჩევა სალელოვე ალღოთი;
მეორე წელია რაც არაერთ ლელოს დებს კვაჭი მამრიკიშვილი (ბათუმი - კვაჭი);
გუნდურად ლელოების სიმცირის მიუხედავად საკუთარი მონაგარი ხუთამდე ამრავლა ნაკრების გარემარბმა ანზორ სიჭინავამ (აკადემია - გარემარბი)
ლელო უხვი პერიოდი უდგას ნაკრების ახალ სახეს გიორგი კვესელაძესაც (თუ სანაკრებო ლელოებსაც მივათვლით) არმაზის შუამარბმა დიდი_10_ში ხუთიოდ ლელოს უკვე მოუყარა თავი.
პ.ს.
ეს რაგბი ტვ კადრების მაგივრად ფოტო კოლაჟს, რომ გვაყურებინებს არაფერი?
Rugby is a Hooligans Game Played by Gentlemen...
PNN#GiorgiG83
...კონფუციანელი...
დიდი 10 (2017-2018 წ/წ), თავისი ტრანსფერებით და ამბებით... უკვე მე-3 სერია
