დიდი 10
მე-17, ბოლოსწინა ტურმა განსაკუთრებული მოულოდნელობების გარეშე ჩაიარა...
http://site.rugby.ge/ka-GE/2017-18-Didi10/ გათამაშების ლიდერმა ქუთაისის აიამ მშრალზე დაამარცხა ფინანსურ პრობლემებ-შექმნილი არმია, გაუტანა რა 13 ლელო, საიდანაც შვიდი გარდასახეს კიდეც - 79:0, რათქმაუნდა პრემიალური ქულა მასპინძლებს დარჩათ. საუცხოო ფორმაში იმყოფება აიას უნივერსალი ბექი, შუამარბი ზურაბ ძნელაძე, რომელმაც „პოკერი“ გაახერხა.
ცხრილში „მეზობლების რკენაში“ პირობითმა მასპინძლემა აკადემიამ 17:7 დაამარცხა არმაზი და გათამაშების კიბეზე ურთიერთშორის უკეთესი ბალანსის ხარჯზე ადგილებიც გაცვალეს.
უხვქულიანი აღმოჩნდა დაპირისპირება ბათუმში, სადაც ადგილობრივმა გუნდა 28:24 სძლია სტუმრები რუსთავიდან. ზღვისპირელებმა სამიდან სამივე ლელო გარდასახეს და მატჩის დასრულებამდე ათი წუთით ადრე საჯარიმო ლელო მიითვალეს, რასაც ხარებმა ოთხი ლელოთი უპასუხეს, საიდანაც მხოლოდ ორი გარდასახეს, მიუხედავად მოპოვებული პრემიისა, სწორედ ეს ქულები დააკლათ ქვემოქართლელებს. რუსთაველთა შუამარბი გურამ ქანდაურაშვილი კვლავ დუბლით გამოირჩა.
ტურის ცენტრალური მატჩი დიდ დიღომში ლელო არენაზე შედგა, სადაც მასპინძელი 20:28 დამარცხდა მოქმედ ჩემპიონ - ჯიქთან. ორივე გუნდიდან პირველ ხაზელებმა სინ-ბინი დაიმსახურეს: თუ ლელოს პირველი ტაიმის ჩამთავრება მოუხდა კაცნაკლულს, ჯიქმა მეორე ტაიმის დასაწყისი ითამაშა 14 კაცით.
აიას მდევარმა ლოკომოტივმა ასევე მშრალზე - 59:0 დაამარცხა ელიტიდან დასაქვეითებლად განწირული ქუთაისის ბაგრატი. რვა ლელოდან რკინიგზელთა ფულბექმა ბექა წიკლაურმა ექვსი გარდასახა. გამთამაშებელი გიორგი ბეგაძის ერთ ლელოს ბურჯმა ვახო ქვათაძემ და შუამარბმა გიგა გაგოშვილმა დუბლი მიაყოლეს, ხოლო გარემარბმა გიორგი შკინინმა ამჯერადაც „ჰეთთრიკი“ მიითვალა.
ბოლო ტურში:
რუსთავის ხარები გათამაშების ლიდერ აიას მიიღებენ
ჩემპიონი ჯიქი ბათუმს უმასპინძლებს
არმაზს შევარდენზე ლელოს ესტუმრება
ბაგრატი აკადემიას მიიღებს ხოლო
არმია ლოკომოტივს დაუხვდება
ბოლო მე-18 ტურის შემდგომ სამ წრედ პლეიოფები გაიმართება, საიდანაც ფინალისტები გამოირკვევიან:
21/22 აპრილს მესამე ადგილოსანი „შინ“ მიიღებს მე-6 ადგილოსანს, მე-4 ადგილოსანი კი მეხუთე საფეხურზე მყოფს უმასპინძლებს. ამ ეტაპზე საუკეთესო ორი შედეგის მქონე გუნდი დაისვენებს.
მომდევნო ეტაპზე შედგება, როგორც გასავარდნი, ისე შესარჩევი საპლეიოფო ტური:
პირველ ეტაპზე დასვენებული პირველ-მეორე ადგილოსნები ერთმანეთს ერკინებიან, სადაც გამარჯვებული „დიდ ფინალში“ გავა, ხოლო დამარცხებული „წინასწარ ფინალში“ დაელოდება პირველი პლეიოფის წყვილებში გამარჯვებულებს შორის უკეთესს.
ფინალური რკენის შემდგომ ამერ-იმერის, დიდი_10_ის რეგიონული პრინციპით შექმნილი ორი ნაკრების დაპირისპირებას გვპირდება ორგანიზატორი...
წელს ბევრ გუნდს ტურნირის მიმდინარეობისას სხვადასხვა მიზეზით დამრტყმელი შეეცვალა და მხოლოდ სამმა გადალახა 100 ქულიანი ნიშნული:
132 ნინიძე (ჯიქი)
131 ყიასაშვილი (ლელო)
126 ბაბუნაშვილი (აია)
ასიანთა „კლუბს“ მიუახლოვდნენ: 92 კობახიძე (ბათუმი), 91 მოძღვრიშვილი (აკადემია) და ძნელაძე (აია)
საუკეთესო მელელოვეს ტიტულისთვის გაცხარებული ბრძოლაა გამართული, ერთის მხრივ აიას შუამარბი ზურაბ ძნელაძე 17 ლელოთი ლიდერობს გათამაშებას, ხოლო მეორეს მხრივ ლოკომოტივის გარემარბი გიორგი შკინინი 16 ლელოთ ლიდერს კვალში უდგას.
ხარების შუამარბი გურამ ქანდაურაშვილი 9 ლელოთი გამოირჩა, ხოლო 8 ლელო ერთბაშად სამ მორაგბეს დაუგროვდა: ბიწაძე და ჭყოიძე (ჯიქი), მაჭარაშვილი (ხარები).
დიდი_10_ში მოასპარეზე ბორჯღალოსნების მონაგარი:
გიორგი ჭყოიძე - 8 ლელო
გურამ შენგელია - 3 ლელო
ლაშა ხმალაძე - 2 ლელო
რეზი ჯინჭველაშვილი - 2 ლელო, / 81 ქულა
მირიან მოდებაძე - 5 ლელო
გიორგი კვესელაძე - 5 ლელო
ანზორ სიჭინავა - 5 ლელო
სანდრო თოდუა - 2 ლელო
მერაბ კვირიკაშვილი - 6 ლელო
ბექა წიკლაური - 53 ქულა
Rugby is a Hooligans Game Played by Gentlemen...
PNN#GiorgiG83
...კონფუციანელი...
დიდი 10 (2017-2018 წ/წ), თავისი ტრანსფერებით და ამბებით... უკვე მე-3 სერია
