ყურადღება!!!
"ფონდი ცისფერყანწელთა ხსოვნისათვის" და გაზეთი "ლიტერატურული საქართველო"
აცხადებს პაოლო იაშვილის ხსოვნისადმი მიძღვნილ საშობაო კონკურსს
სათაურით ,,ამხდარი ლექსი”
ახლოვდება შობა - ახალი წლის დღეები. ველით შედეგებს არაერთი ლიტერატურული თუ სხვა კონკურსისა.
ჩვენც ხომ გვინდა ერთი კონკურსი?
პრიზიც გვაქვს!
ახლადგამოცემული წიგნი “ელენე დარიანი ტექსტი და ავტორი”
რა არის საჭირო, რომ ეს პრიზი მოიპოვოთ?
წერილობით უნდა გამოთქვათ საკუთარი აზრი ამ ლექსზე -
პაოლო იაშვილი
***
ჯერ სიყვარული ასე ფართო და ასე მთელი
მე არ მიგრძვნია - და ეს სიბრძნე დამბუდებია,
მოშვერილი ვარ შენზე გულით და როგორ გელი -
თვალები ამის უტყუარი საბუთებია.
ჩემი დაბნევა, ელდა, ყოველ წამით ცეტობა,
როცა არ მესმის, რას ამბობენ, რად მეძახიან,
უხერხულობა, ყველა დარდი, ყველა შეცდომა -
ეგ ყველაფერი, სანატრელო, შენი დაღია.
მოუსვენრობა ვერაფერმა ვეღარ გახარა,
გამოჩნდი იმ დროს, იჭვები რომ მებადებიან.
ნუ გეშინია, ჩემო კარგო, თმაში ჭაღარა -
ეს სინათლეა, სიყვარულს რომ შემატებია!
ოცდაჩვიტმეტი წელიწადი ისე გაცურდა,
როგორც მხატვარის მეგობრობა საყვარელ ფერთან,
იყავი ჩემთან, გამტანელთან და ვაჟკაცურად,
ამ დიდ თვალებში ყოველ წამში ვიაროთ ერთად.
ნუ ჩაგაფიქრა ჭირვეული ჭორის ხროებმა,
ჩემთვის სიჩუმე ღამეში რომ მოიზანტება,
საშინელია, როგორც ომის მოახლოება,
საშინელია, როგორც ჩემთვის ტყვიის მზადება...
ნებისმიერი ჟანრისა და ზომის კრიტიკული, მხატვრულ- კრიტიკული თუ მხატვრული ტექსტი და პირდაპირ, თავადვე უნდა დადოთ პოსტად ჯგუფში ,, ცისფერყანწელთა ხსოვნისათვის”.
ვინ შეაფასებს და როგორ გამოვლინდება გამარჯვებული?
- კომენტარებისა და გამოხმაურებების, მნახველთა რაოდენობის მიხედვით!
დაწესებულია კიდევ ერთი პრიზი ,, ყველაზე აქტიური შემფასებელი”- ნინო ჩხიკვიშვილის წიგნი ,,პაპაჩემი ლეონ ლეონიძე”
გამარჯვებული გამოცხადება
7 იანვარს!
გამარჯვებული ტექსტი გამოქვეყნდება გაზეთ “ლიტერატურულ საქართველოში”
საბოლოო შედეგებს დააჯამებს ჟიური:
ნინო ჩხიკვიშვილი - გვერდის ადმინი,
თამუნა პაიჭაძეა - გვერდის მთავარი ექსპერტი,
ივანე ამირხანაშვილი - გაზეთ ლიტერატურული საქართველოს” მთავარი რედაქტორი
გისურვებთ წარმატებას!
http://urakparaki.com/?m=13&Forum=37&Theme=1568#Last * * *
მადლობას მოვახსენებთ ქ-ნ ნანა კობალაძეს ტექსტის ხელნაწერისა და აუთენტური ვერსიის ლინკის მოწოდებისთვის.
პაოლო იაშვილი
წიგნიდან „ლირიკული დღიური“
ჯერ სიყვარული ასე ფართო და ასე მთელი
მე არ მიგრძვნია – და ეს სიბრძნე დამბუდებია,
მოშვერილი ვარ შენზე გულით და როგორც გელი
ჩემი თვალები უკეთესი საბუთებია.
ჩემი დაბნევა, ელდა, ყოველ წუთის ცეტობა
როცა არ მესმის, რას ამბობენ, რად მეძახიან,
უხერხულობა, ყველა დარდი, ყველა შეცდომა
ეს ყველაფერი სანატრელო შენი დაღია.
მოუსვენრობა ვერაფერმა ვეღარ გახარა
გამოჩნდი იმ დროს – იჭვები რომ მებადებიან
ნუ გეშინია ჩემო კარგო თმაში ჭაღარა
ეს სინათლეა სიყვარულს რომ შემატებია.
ოცდა ჩვიდმეტი წელიწადი ისე გაცურდა
როგორც მხატვარის მეგობრობა საყვარელ ფერთან.
იყავი ჩემთან გამტანელთან და ვაჟკაცურთან
ამ დიდ დღეებში ყოველ წამში ვიაროთ ერთად.
ნუ ჩაგაფიქრა ჭირვეული ჭორის ხროებმა
ჩემთვის სიჩუმე ღამეში რომ მოიზანტება
საშინელია როგორც ომის მოახლოება
საშინელი, როგორც ჩემთვის ტყვიის მზადება.
This post has been edited by nino darbaiseli on 7 Dec 2023, 18:38