.
META - მიკრო ე.წ. მეტაფიზიკიდან გამომდინარე .
სემპლები- მცირე ზომის აუდიო ნაწყვეტი ან რაიმე ბგერა .
---------------------------------------------------------------------------------------
ეს მოთხრობა რასაც ეხლა დავაგდებ 2 წლის წინ დავწერე . გრამატიკული შეცდომები და რაღაც სირობები დაცული არ მაქვს , პირდაპირ დავწერე თავისუფლად.
წაიკითხეთ და დაპოსტეთ . უბრალოდ კარგად დააკვირდით
ეს ნაჯღაპნი ჩემი აზრით ფანტასტიკაა , მაგრამ შეიძლება რეალობაც იყოს . თქვენი აზრი მაინტერესებს ?
მუნჯი ჩიტების სამყარო. -------------------------------------
ჩასუნთქვა#1
ცხელა.ორი ბიჭი სოფლის გზას მიუყვება.ხელში პეპლის საჭერი ბადეები უჭირავთ. გზაზე ავტობუსია გაჩერებული.ავტობუსიდან გაოფლილ მძღოლს აქვს თავი გადმოყოფილი და ბიჭებს ეძახის:
- ჰა რა ქენით რეზო დაიჭირეთ პეპლები ?
- არა... მფრინავი თევზი დავიჭირეთ.. აი ამ გორაკს იქით რომ მინდორია , და გაგვექცა .
მძღოლს ეცინება ..მფრინავი თევზი არა ბიშტი ამბობს და შუბლიდან ოფლს იწმინდავს, მერე ავტობუსს ქოქავს , გზას მიჰყვება, რადიოც აქვს ჩართული ..ფინეთის კონსერვატორიის ორკესტრის გადმოცემაა .... - მოგიტყანთ მუსიკა აჰა .. გაბრაზებული ხმით ამბობს მძღოლი და მთელი ძალით ურტყავს თითს მაგნიტოფონიდან გამოშვერილ კასეტას... ავტობუსში მუსიკა ირთვება .....ვლადიმერსკი ცენტრალ ვეწერ სევერნიი ....
ჩასუნთქვა#2
- მერე , მერე როგორ იყო ის მოყევი?
-მერე ბებერი კაცი იყო ჩვეულებრივი მოხუცი. პატარა რადიო ეკიდა ყელზე რომელიც არაფერს არ იჭერდა ..ყოველ შემთხვევაში უბრალოდ შიშინებდა და ეს მოხუცი ამ შიშინს უსმენდა, რომ ვეტყოდი არაფერს არ იჭერსთქო დამიყვირებდა - ჩუმად შე ვირიშვილო ვერ ხედავ რადიოს ვუსმენ ფინეთის კონსერვატორიიდანაა სიმფონიური ორკესტრის გადმოცემაო და ხმას აუწევდა. სულ მთელი დღეები ასე იჯდა ყელზე რადიო ჩამოკიდებული.- ხო მართლა დამავიწყდა მეთქვა ამ მოხუცს მარჯვენა ხელზე ექვსი თითი ჰქონდა , სახლში კიდევ ნავტალინის სუნი იდგა . საღამოობით ბევრი ბავშვები მოდიოდნენ ბიჭები , გოგოებიც იყვნენ.
- მერე არ მოგწონდა რომელიმე გოგო?
- კი ერთი .. თეა ერქვა .. ეხლაც მომწონს ..
მერე ერთად წავიდოდით ყველანი მეც და თეაც .. ტყეში წავიდოდით ხოლმე ..იქ ძველი ლიანდაგებია მატარებლის და იქ გვიყვარდა თამაში . წასვლისას მოხუცი თმას დამისველებდა და გვერძე გადამივარცხნიდა
- აი აესე პინოქიოსავით ლამაზი ბიჭი ხარო მეტყოდა და მეც გავარდებოდი გარეთ სადაც მეგობრები მელოდებოდნენ.
- მერე რას აკეთებდით იქ ტყეში ?
- რავიცი ვერთობოდით ..ერთხელ მფრინავი თევზიც კი მოვკალით აი მაგის ფხა ეხლაც მიკიდია კისერზე.. მეც და თეასაც აქვს განა მარტო მე მაქვს. კიდევ იქ ბევრ ბროწეულებს ვკრიფავდით წითლებს .. გავწურავდით ხოლმე და ამ წვენს სოფლის ბოლოში რომ ქარხანაა იქ ვაბარებდით.. ისინი კიდევ იმ წვენისაგან დენს აკეთებდნენ ნამდვილ 220 ვოლტს.
ჩასუნთქვა#3
ძალიან მენატრებიან ჩემი მეგობრები თეა მენატრება ძალიან ..ისეთი ლამაზია კაი სუნი აქვს , რბილი ტუჩები და ჭრელი წინდები აცვია . ჩვენ ერთად ვკრიფავდით ხოლმე მინდორში თეთრ ყვავილებს , ოღონდ რო მოწყვიტავ მერე წითლდება ... იმ მინდვრის იქით ეკლიანი მავთულებია გაბმული .. მე იქ არასოდეს არ ვყოფილვარ , ჩემი მეგობარი იყო თურმე სულ -მუდამ ცუდი ამინდია , მზე ნაცრისფერია ჩიტები კიდევ მუნჯები არიან არ ჭიკჭიკებენ. ღამე იქიდან უცნაური ხმები ისმის ..ჩემი მეგობარი ამბობს დიდი მატორის ხმააო ზალიან დიდი მატორია მემგონი ის მატორია დედამიწას რაც ატრიალებს, ხო და რაღაც დიდი ანძებია ..
- და სადაა ეგ ეგ ადგილი ?
- რომელი მინდორი თუ ...საერთოდ ?
- არა საერთოდ რაზეც ყვები სადაა ეგ ?
- აი იქითკენ ... არა არა მაიცა...იქით .. თუ არა მეშლება აი აქეთაა.
- ხო მართლა ბიძია ლრიანი მომე რა გთხოვ რა ...
#საერთო ჩასუნთქვა
ცხელა ბავშს ოფლი ასხავს , იგი დინამოს სტადიონს მიუყვება .. დროდადრო გაჩერდება ძირს იყურება , იცინის მერე ღრმად ჩაისუნთქავს ისევ აგრძელებს გზას .. ბავშვი დინამოს სტადიონს გასცდა ...წერეთლის ძეგლისაკენ მიდის ..გზაზე ბანანებს ყიდიან ..იგი ბანანებთან ჩერდება უყურებს ..
- არ ჯობდა ბანანი მეყიდა იმ ლარიანით .. ალბათ ტკბილია .. არა არა ეს ჯობდა რაც ვიყიდე ...
ხალხი ჩოჩქოლით დაიარება ცხელ ასფალტზე , რომელსაც ცუდი სუნი ასდის , ისინი ზიზღით უყურებენ ბავშვს ....ბავშვი წებოიან პაკეტს ბერავს...
PS. ეს ისტორია მაწანწალა ბავშვმა მომიყვა , უფრო სწორედ მე დავინახე მის თვალებში .. ლარიანი მივეცი და წავიდა .. მას მერე ის ბავშვი აღარც მინახავს .. ალბატ ეხლაც წებოს ყნოსავს და იმ მინდორში დასეირნობს , სადაც სულ მუდამ ცუდი ამინდია , მზე ნაცრისფერია, ჩიტები კიდევ მუნჯები არიან.. არ ჭიკჭიკებენ.
(2004 წილი ).
This post has been edited by electri_chka on 24 Dec 2006, 11:46 
ZURNAgrama, ელექტრონულიPOEZდIA
