#ლექსები
ნინო ჩხიკვიშვილი
ნინო დარბაისელი
გადაფრენა ქუთაისზე. თეთრი პიკე
(ნ. ჩ.-ს)
აჯაჯული-დაჯაჯული,
რა ჯიშია ან რა რჯული,
ძილში ვფრენ და დავცქერ ხედებს
ადრე - უფლის დანახედებს,
გული დარდობს გატანჯული.
მშვენებაა დახარჯული.
დარი საავდრო თუ არის,
კვალიც არ ჩანს ტროტუარის!
სავალია საცალფეხო,
რომ კისერი წაიტეხო,
გზაა?!- უვიწროესია,
გულს დარდები მოესია.
ამ ქუჩებში კენტად, ჯგუფად
დადიოდა პოეზია.
შუქი?- გახდა საგრაფიკე,
საფიჩხიას სჯობსო ნიკე,
ვისღა ახსოვს სიჭაბუკე,
რბილი ჰავის სინოტივე,
ქუთათურთა “თეთრი პიკე” ,
ქუდიც თეთრი - “კანოტიე”!
დამურულან მაღლა ცანი.
ვერაფერიც ვერ ვიცანი
და სხვა მხარეს გავუტიე,
მაპატიე,
მაპატიე!
* * *
#თარგმანები
მარინა ცვეტაევა
(ცეცხლოვან თონეს დაამსგავსებ მათ შენი რისხვის ჟამს; უფალი თავისი რისხვით დასწვავს, ხოლო ცეცხლი შთანთქავს მათ. (ფს. 20:10)
***
უცხო ხარ ჩემთვის, თან უცხოც -
არა,
ჩემიანი და არც ჩემიანი;
ჩემი - არჩემი.
შენმა სურვილმა თუ მომიარა,
შენთან არც “შინ” ვარ, არც “სტუმრად ვრჩები”.
ტრფობა - ცხელ თონეს ცეცხლად აუდის,
მაინც, ბეჭედი საქორწინო - ნივთია დიდი,
მაინც ნათება- დიადია საკურთხევლისა.
უფლის კურთხევა - ჩვენ არ გვეღირსა.
1918
(თარგმანი ნინო დარბაისელისა)
Марина Цветаева
· Во время гнева Твоего Ты сделаешь их, как печь огненную; во гневе Своем Господь погубит их, и пожрет их огонь. (Псал. 20:10 Синодальный перевод (SYNO)
***
Ты мне чужой и не чужой...
Ты мне чужой и не чужой,
Родной и не родной,
Мой и не мой! Идя к тебе
Домой - я "в гости" не скажу,
И не скажу "домой"...
Любовь - как огненная пещь:
А все ж и кольцо - большая вещь,
А все ж и алтарь - великий свет.
- Бог - не благословил!
1918
როდესაც ადამიანები ამბობენ, რომ სიმართლე უყვართ, იგულისხმება მხოლოდ ის სიმართლე, რომელიც მათ სასარგებლოდ მეტყველებს.
...და ჩვენს სასარგებლოდ მეტყველი სიცრუეც - საყვარელი თუ არა, ადვილად ასატანი ხომ მაინც არის?
http://forum.ge/?showtopic=33836566&f=&st=420&#entry20646004
ნინო დარბაისელი, პოეზია
