ძალიან საინტერესო გადაცემაა.
"საქართველოში ნიცშე პოპულარულია დღიდან დაბადებისა" - ეს გადაჭარბებული ნათქვამია, სიცოცხლეში ნიცშე, საქართველოში კი არა, გერმანიაშიც არ ყოფილა პოპულარული. "დღიდან გარდაცვალებისა" უფრო მართებული იქნებოდა.
"ქრისტიანობას კი არა, ზოგადად რელიგიებს და იზმ-ებს ებრძოდა" - მართალია.
"ნიცშე არანაირი ფაშისტი არ ყოფილა და ვერც იქნებოდა ვერანაირი გერმანული ფაშიზმის წარმომადგენელი" - ესეც მართალია, ოღონდ ერთი შესწორება: "გერმანული ფაშიზმი", როგორც ასეთი, საერთოდ არ არსებობს; არსებობს გერმანული ნ ა ც ი ზ მ ი და ი ტ ა ლ ი უ რ ი ფაშიზმი.
"საფრანგეთ-პრუსსიის ომში იბრძოდა" - ესეც ცოტა გადაჭარბებულია, სინამდვილეში სანიტარის მოვალეობას ასრულებდა.
5:05 მე, როგორც კლასიკური ფილოლოგიის წარმომადგენელი, ნიცშეს კოლეგა
Bestien - გერმანულად "მხეცებს" ნიშნავს და არა "კაციჭამიებს".
14:12 ესაა წიგნი დაწერილი არაკლასიკურფილოლოგიურად. აქ არაა "მაღალი ალბათობით, დაბალი ალბათობით". ქართველის დაწერილ წიგნს გავს - მე გეტყვით, რომ ეს არის ასე
რატომ "დიონისე"? ბერძნულად ხომ Διόνυσος ქვია.
ტერმინი "ჯადოსნური მთა", რომელსაც ნიცშე ამ წიგნში იყენებს, შემდეგში თომას მანნის წიგნის სათაურად იქცა.
21:50 ჩემი ცხოვრება რთული იყო იმის გამო, რომ მიყვარდა ორი კაცი, რომელთაც ერთმანეთი არ უნდა ყვარებოდათ - სოკრატე და ნიცშე, რომელიც ამბობს, რომ სოკრატე არის ყველაზე საზიზღარი ფიგურა კაცობრიობის ისტორიაში.
22:33 მერე და მერე ბერძნებმა გაწიეს, გამოწიეს და პატარა ადგილი უპოვეს (დიონისეს), ჰესტია გააგდეს და სხვა
24:20 რომ არის ხოლმე ლაპარაკი: "ნიცშე ათეისტია" - ვიღაცეებს კარგად არ ესმით, რას ამბობენ. ნიცშე არ არის ათეისტი.
27:01 ავიტანოთ ის, რომ მე დავდივარ ფეხით, შენ დადიხარ ჯიპით და ასე შემდეგ. რატომ? იმიტომ, რომ იმ ცხოვრებაში მე მართალი ვიქნები და სხვა.
27:42 თვითგამოცხადებულ მორწმუნეთა რიცხვი არ ემთხვევა ჭეშმარიტ მორწმუნეთა რიცხვს, არ ემთხვევა ძალიან სერიოზულად
31:02 ნიცშე იმდენად არაპოპულარული და შეუმჩნეველი იყო, რომ ფული არ ჰქონდა, უბრალოდ არსებობისთვის სახსრები არ ჰქონდა, სანამ არ გამოჩნდა ერთი პატიოსანი კაცი - გეორგ ბრანდესი, რომელმაც თქვა: "ვაიმე! ჩვენს წინაშე გენიოსია!" ყველას ჭირდება, როგორც ჩანს, ერთი ბრანდესი...
32:11 ფილოსოფოსი ლოგიკის გარეშე ჰეგელის ქვეყანაში... წარმოუდგენელ რამეებს აკეთებდა.
ისე აგინა პოეტებს, რომ ცოტა უხერხულიც კი არის მისი ციტირება
34:25 ვაგნერები (ვაგნერებიც კი - ამოდენა ადამიანები) მოდიან და მიდიან, ნიცშე რჩება
ნიცშეს ყოველი ახალი თაობა მარხავს და ემშვიდობება: "ნახვამდის, ფრიდრიხ!" მაგრამ ყოველ ახალ მოსახვევში იგი ხელახლა ჩნდება იმიტომ, რომ წარმოუდგენელია განახლება ნიცშეს გარეშე. დედამიწაზე არ არის ამაზე უფრო დიდი გავლენის მომხდენი სხვა ვინმე.
38:01 სტალინს უყვარდა ნიცშე - ეს განსაკუთრებული აღმოჩენა იყო ჩემთვის. ნიცშე რომ უყვარდა და დოსტოევსკი ეს განსაკუთრებული ამბავია. როგორც ჩანს, ამხანაგი სტალინიც თავისთავს აღიქვამდა სიკეთის და ბოროტების მიღმა.
40:25 ვაჟა-ფშაველა იყო ერთ-ერთი პირველი ქართველი ნიცშეანელი, თუმცა გააკრიტიკა იქ, სადაც გასაკრიტიკებელი იყო, მაგრამ ვაჟა-ფშაველასა და ნიცშეს შორის ღრმა კავშირები აღმოჩნდა.
ამ შემთხვევაში "ნიცშეანელი" ვერაა მთლად სწორი ტერმინი. "ალუდა ქეთელაური" 1888 წელს გამოქვეყნდა - მაშინ ნიცშეს სახელი, საქართველოში კი არა, გერმანიაშიც არავის გაეგონა. ალუდა, ასე ვთქვათ, "ნიცშემდელი ნიცშეანელია". საერთოდაც ვაჟა-ფშაველა იმდენად დამოუკიდებელი და თვითმყოფადი მ ო ა ზ რ ო ვ ნ ე ა, რომ მისი "ნიცშეანელად" მოხსენიება არ იქნება სწორი, მიუხედავად მართლაც რომ უღრმესი კავშირებისა ამ ორ მოაზროვნეს შორის ("მაინც კი ლამაზი არის, მაინც სიტურფით ჰყვავისა" - ნიცშეს რომ ქართული სცოდნოდა და ეს წაეკითხა ნამდვილად გადაირეოდა სიხარულისგან))
მოკლედ - ძალიან საინტერესოა.
This post has been edited by Menestrel on 23 Sep 2015, 18:14 
ფრიდრიხ ნიცშე
