აინ რენდი, გაამერიკელებული რუსი

Andy_Kaufman

ჯოისის სიძულვილი <3

Ocelot

;lol:
აუ ძაან გამეცინა.
ვაახ!

არა ნუ, ვერ ვპოსტავ ამ თემაში. ვერავის ველაპარაკები თემაზე.

კარგად მეგობრებო.

Antonio Montana

რა ჯოისის სიძულვილი?

საერთოდა არ გავკარებივარ მაგ წიგნს

Andy_Kaufman

შენ რა შუაში ხარ ?

ხომ თქვი რაღაც აკლია შემცვლელსო

გიპასუხე

Antonio Montana
აა

Fountainhead - "პირველწყარო" გამოვიდა ქათულად
ფასი სასტიკი აქვს როგორც ველოდი : )) 32 ლარი
მაინცვიყიდი

Loreley
გამომცემლობა?

the_lizard_king
არეტე
"აუცილებელი საკითხავის" სერიაში

Loreley
პირველად ეგ წავიკითხე მეც, გამორჩეულად მიყვარს დღემდე.
გამიხარდა ქართულად რომ თარგმნეს. იქნებ ეგრე მაინც გაიცნოს ქართველმა მკითხველმა.
მეც წავიკითხავდი ქართულად ისე. : )

happy reading.

http://www.facebook.com/events/280478162069251/

"if you can understand the dominant philosophy of a society, you can predict its future" -
ძაან საინტერესო დროში მოუწია აინ რანდს ცხოვრება.

რუსეთში მის ოჯახს ფარმაცევტული კომპანიები ჰქონდათ, რომელიც სოციალიზმის რეჟიმს შეეწირა. ამერიკაში, 1920ან წლებში, ეკონომიკის ბუმი დახვდა და იფიქრა- აი რას ნიშნავს თავისუფლება, კაპიტალიზმშია ხსნა. მაგრამ ცოტა ხანში დიდი დეპრესია დაიწყო ამერიკაში და მაშინ დაეჭვდა კაპიტალისტური სისტემის ჭეშმარიტებაში. და სულ ფიქრობდა, რომ აქაც იგივე მოხდებოდა, რაც საბჭოტა რუსეთში. ხალხის გამოსაფხიზლებლად გადაწყვიტა დაეწერა "we the living" , თითქმის ბიოგრაფიული წიგნი, სადაც თავის ისტორიას ყვება. მაგრამ არ დაუბეჭდეს და საერთოდ, იმ დროის ამერიკაში ვერ გაიგეს რაზე ლაპარაკობდა.

ამიტომ გადაწყვიტა ნოველა დაეწერა, მხატვრულად გაელამაზებინა და ეგრე მიეწოდებინა საზოგადოებისთვის მისი წინასწარმეტყველებები - ეს იყო Fountainhead, ანუ პირველწყარო. აქ პირველად ლაპარაკობს ინდივიდუალიზმზე, და უპირისპირებს ალტრუიზმს. ამ წიგნის პერსონაჟები არიან გმირები, ჩვეულებრივი მოქალაქეები, რომლებსაც მხოლოდ თავისი საქმის კეთებით შეაქვთ უდიდესი წვლილი ქვეყნის განვითარებაში. ასეთ ინდივიდუალიზმს უპირისპირებს სოციალიზმს, ალტრუიზმს, ქველმოქმედებას- რომელსაც საზოგადოებას სთხოვენ, მოითხოვენ და რეალურად ქვეყანას ანგრევს.
ამის გამო გააკრიტიკეს. მაგრამ ძალიან მშვიდად განაცხადა, რომ ალტრუიზმი არ უნდა იყოს მოთხოვნა, ის მხოლოდ შეიძლება იყოს ადამიანის რაციონალური გადაწყვეტილების შედეგი, არჩევანი.

პირველწყარო რამდენიმე ათასეული ტირაჟით დაბეჭდეს, მაგრამ მთავარი იდეა ხალხმა მაინც ვერ გაიგო. ეგონათ ეს იყო ერთი კარგი მხატვრული წიგნი არქიტექტურაზე. ამის შემდეგ თქვა, ვსო, მე ვიფიცებიო. და დაიწყო წიგნის წერა სახელად "The Strike" - გაფიცვა, საუკუნის კითხვით- "ვინ არის ჯონ გოლტი?!". წიგნს რამდენიმე წელი მოანდომა და დასრულების შემდეგ დაარქვა "Atlas Shrugged" -მხარგაშლილი ატლანტი.
ამერიკაში მხოლოდ ახლა ლაპარაკობენ აინ რანდის წინასწარმეტყველებებზე. საგადასახადო სისტემები, სოციალური პროგრამები, თითქმის ყველა სექტორში მიმდინარე ამბები განსაზღვრა რენდმა 50 წლის წინ.

И вот уже люди хотят видеть страдания других, чтобы самим быть добродетельными.

რა ნაცნობი და ახლობელი გრძნობაა
ან კიდევ ეს:
Наоборот, я испытывала страшную досаду, что кто-то выбрался из беды без моего участия.


პირველწყარო ჩავამთავრე როგორც იქნა. ერთდროულად ასეთი ჩამთრევი, დამთრგუნველი, იმედგამაცრუებელი და იმედისმომცემი ჯერ არაფერი წამიკითხავს.
თავიდან ვფიქრობდი ნეტავ ვინ გააბრაზა ასე ძალიან ეს ქალი, ან ასე უტიფრად მედიდური, მინდა ვიყო ბუმბერაზი მოაზროვნე წერის მანერა რატომ აქვს მეთქი... მაგრამ შემდეგ, ოო, თანდათანობით მოიტანა
კიტინგის უსუსურობა მეტად არადამაჯერებლად და პრიმიტულ გადაწყვეტად მეჩვენა. ვერც ტუჰის აღსარებამ მომხიბლა დიდად.
მაგრამ მიუხედავად ამისა..... მაინც დიადია, უაღრესად.

მჯერა.


Antonio Montana
Loreley

ძალიან მინდა ფრთაშესხმულთა 8%-იან პრესტიჟულ ლიგას მეც შევუერთდე. დავიწყო ატლასი თუ მართლაც უკიდურესი ფარჩაკობაა, მოცულობას თუ გავითვალისწინებთ?

s-n-r
არმაქვს წაკითხული ამიტომ ვერ გირჩევ XD მაგრამ თუ პირველწყარო მოგეწონა ალბათ ღირს რომ ატლასიც წაიკითხო :3

რა უნდა ვთქვა პირველწყაროზე?
კითხვის მომენტში გაოგნებული ვიყავი, ვფიქრობდი რომ მსგავსი არაფერი წამიკითხავს, ვნანობდი რომ ახლა ვკითხულობდი და არა რამოდენიმე წლის წინ.. ყველამ აუცილებლად უნდა წაიკითხოს და რაც შეიძლება ადრეულ ასაკში, ანუ მაშინ როცა უფრო ხშირად დგეხარ არჩევანის წინაშე.. ძალაუნებურ გიბიძგებს რომ რაღაც შეცვალო ცხოვრებაში, თუნდაც ცუდისკენ უკვე მნიშვნელობა აღარ აქვს..
როგორც იქნა ჩავამთავრე და ისე საშინლად გავბრაზდი რომ კედელს ვესროლე, ყველაფრის დალეწვა მინდოდა გარშემო და აქ ზუსტად ისევ რენდი, და ისევ ის რისთვისაც გავბრზდი.. მინდოდა ყველაფერი დამელეწა და თან მივხვდი რომ ამის გამკეთებელი არ ვიყავი.. აქ კი მართლა კინაღამ ჭკუიდან გადავედი, მეგონა რომ ეს წიგნი მხოლოდ იმიტომ დაწერა, რომ ამდენი წლის შემდეგ ჩემთვის დაეცინა.. ვინ მისცა ამ ყველაფრის დაწერის უფლება? ვინ მისცა უფლება ასე ურცხვად ადამიანების სულში ფათურის? მეტიც მეგონა რომ მთელ ქვეყანას, მთლიანად კაცობრიობას და პირველ რიგში მე სახეში გვაფურთხებდა..
მერე და მერე მივხვდი რომ სისულელეა.. სისულელეა მხოლოდ იმიტომ რომ რორკის მსგავსი ადამიანები არ არსებობენ.. უბრალოდ არ უნდა ეცადო იყო რორკი, მაგრამ უნდა ეცადო იყო იმაზე კარგი ვიდრე ხარ.. ზედმეტად ხმაურიანად აქვს სათქმელი ნათქვამი შეიძლება იმიტომ რომ ყურადღება მიექციათ..
მაგრამ, ბერძენიშვილის არ იყოს, თუ მხოლოდ ერთი წიგნი უნდა წაიკითხო ჩემი აზრით აუცილებლად პირველწყარო უნდა იყოს.. თამამად შეიძლება ბავშვის აღზრდაც კი მივანდოთ, ვერცერთი მშობელი ვერ ასწავლის ამდენ ადამიანურს..


პ.ს Georgian Rabbit
აჰა..
ეს უკვე მეორე წიგნი იყო, რომელიც მხოლოდ იმიტომ წავიკითხე რომ შენგან ბევრი კარგი გავიგე..
ასე ვთქვათ შენი რჩევით ვიყიდე და წავიკითხე..
პირველად, ძალიან ბევრი წლის წინ კობო აბე იყო.. მაშინ ცოტა არ იყოს გამიკვირდა კიდეც ისეთი სიყვარულით ახსენებდი და ვერაფრით ვერ მივხვდი ისეთი აღტაცების მიზეზს.. მაგრამ ალბათ იქ სხვა მიზეზები იყო..
პირველწყარო კიდევ, რომ არ მცოდნოდა რომ შენი ფავორიტი იყო მაინც აუცილებლად გამახსენდებოდი..
საერთოდ და რადგან ასეთი გულახდილი ვარ ისედაც ხშირად მახსენდები ხოლმე..

DoomVS:

ჰაჰა. ძალიან გამიხარდა რომ წაიკითხე. მე ეგეთი მწვავე რეაქცია არ მქონია პირველად, რატომღაც ძაან პატივი ვეცი მაგ ქალს კითხვის პროცესში. რაღაცები გაუგებარი იყო თავიდან, მე ხო ალტრუიზმზე და ვეფხისტყაოსანზე გამზარდეს. მაგრამ ისე მაგრად იყო სრულყოფილი ადამიანის თვისებები გამოტანილი ამ ისტორიაში და ეგ ყველაფერი დანარჩენ კაცობრიობასთან დაპირისპირებული, რომ მივხვდი მე რატომაც მიკლავდნენ მაგ თვისებებს ჩანასახშივე თუნდაც ემპათიის გრძნობის გაღვივებით. ამ ქალმა ძალა მომცა, მეც და ალბათ ჩემნაირ "არაჰუმანურ" ადამიანებსაც. რა თქმა უნდა უტოპისტია აინ რენდი. მაგრამ ჩემი აზრით ძაან ძლიერად უნდა კაცობრიობას შემოარტყას და გამოაფხიზლოს. ატლასში უფრო მწვავედ დაინახავ მაგას.

კობო აბე დღემდე ძაან მიყვარს. არ ვიცი, რორშახის ტესტივით არი ეგ წიგნი, რაც უფრო დიდი "ბაგაჟი" გაქვს, უფრო მეტს ხედავ.

პ.ს. ცოტა არ იყოს და გავწითლდი. თან გამიხარდა. თან დავიბენი. მგონი არ გიცნობ.