გრინ ქარდის გათამაშების ერთადერთი ოფიციალური მისამართი არის www.dvlottery.state.gov სადაც შეგიძლიათ ანკეტის შევსება სრულიად უფასოდ (დანარჩენი ყველა არის კომერციული, ანუ ფულის გაკეთების მიზნით და ბევრი სიაფანდი საიტია, ამიტომ გირჩევთ მხოლოდ მითითებულ მისამართზე შეავსოთ ანკეტები).
გათამაშება ტარდება ყოველწლიურად შემოდგომის ბოლოს ოქტომბერ-ნოემბერში და აქვს თავის წესები, რომელსაც იმავე საიტზე ნახავთ. ამიტომ სანამ ანკეტას შეავსებდეთ ჯერ კარგად გაეცანით წესებს, ასევე სურათის მოთხოვნებს, რადგან თუ მაგალითად გაგზავნილი სურათი არ შეესაბამება მოთხოვნებს თქვენ გაუფთხილებლად მიიღებთ დისკვალიფიკაციას. გაითვალისწინეთ რომ თითო ადამიანს თითო გათამაშებაში შეუძლია მხოლოდ 1 განაცხადის გაკეთება, ანუ 1-ზე მეტი ანკეტის შევსების შემთხვევაში თქვენ ავტომატურად დისკვალიფიკაციას მიიღებთ. ოჯახის შემთხვევაში ცოლს და ქმარს შეუძლია ცალ-ცალკე გააგზავნონ ანკეტები და ერთ-ერთის შერჩევის შემთხვევაში ავტომატურად მთელი ოჯახი (მეუღლეები და 21 წლამდე დაუქორწინებელი შვილები) იღებს ვიზებს.
გათამაშებაში მონაწილეობის მისაღებად აუცილებელი პირობაა რომ გქონდეს განათლება სასურველია უმაღლესი ან პროფესიული სტაჟი მინიმუმ 2 წლიანი, მაგრამ არა ყველა პროფესიის. პროფესიების ჩამონათვალი არის ოფიციალურ საიტზე. ასევე არ უნდა იყოთ ნასამართლევი. თუ თქვენ ნასამართლევი ხართ ვიზას ვერ მიიღებთ და ტყუილად ნუ შეავსებთ ანკეტას. ასევე თუ თქვენ 6 თვეზე მეტხანს ცხოვრობდით სხვა ქვეყანაში, იმ ქვეყნიდანაც დაგჭირდებათ ნასამართლეობის ცნობის გაკეთება. გრინ კარტის მოგებულის მეუღლეზე განათლების მოთხოვნა სავალდებულო არაა.
ეხლა 1-2 სიტყვით თვით ლატარიის პრინციპებზე:
როგორც უკვე ავღნიშნე განაცხადების მიღება ხდება 2 თვის განმავლობაში ოქტომბერ-ნოემბერში, თითო მონაწილეზე მხოლოდ 1 განაცხადი. როცა ეს პერიოდი ამოიწურება საიტი იხურება და განაცხადის მიღებები წყდება და შემდეგ ხდება მონაწილეების შერჩევა აბსოლუტურად შემთხვევით კომპიუტერის საშუალებით! არ დაიჯეროთ რაიმე ჩაწყობის და ასევე იმის რომ ვიღაცას მეტი შანსი ქონდეს და ვიღაცას ნაკლები! ყველა მონაწილეს აქვს აბსოლუტურად თანაბარი შანსი 1-ელ ეტაპზე შერჩევის! ასევე მნიშვნელობა არ აქვს სად იმყოფება მონაწილე, საქართველოში თუ სხვა ქვეყანაში, ასევე არ აქვს მნიშვნელობა რა მისამართს მიუთითებს ანკეტაში. ეგ მისამართი მხოლოდ იმიტომაა საჭირო თუ სად გინდათ რომ მიიღოთ პასუხი კონვერტით შერჩევის შემთხვევაში.
როდესაც კომპიუტერი არჩევს მონაწილეებს მას ანიჭებს ნომრებს (ეგრეთ წოდებულ Case Number-ს, რაც ნიშნავს თქვენი საქმის ანუ კეისის ნომერს). პირველ შერჩეულს მიენიჭება 1 ნომერი, მეორეს 2 და ა.შ. თქვენი შანსი პირდაპირაა დამოკიდებული სწორედ ამ ნომერზე, ანუ რაც უფრო დაბალია ეს ნომერი მით უფრო მეტი შანსი გაქვთ მაღალნომრიანთან შედარებით, რადგანაც ვიზების რაოდენობა არის შეზღუდული და ჯერ ხდება დაბალნომრიანი საქმეების განხილვა და შემდეგ მაღალნომრიანების თანმიმდევრობით. უფრო მეტი წარმოდგენა რომ შეგექმნათ წარმოიდგინეთ რომ თქვენ ხართ პურის რიგში და პური გაიცემა კაცზე 1 ცალის ოდენობით და პირობითად წარმოვიდგინოთ რომ პურის მისაღებად ასევე თქვენ უნდა დააკმაყოფილოთ გარკვეული პირობები. ასევე წარმიდგინეთ რომ სულ არის 500 პური და რიგში დგახართ 1000 კაცი. ცხადია რო პურის მიღების მეტი შანსი აქვს იმას ვინც რიგში წინ დგას და თანაც იმ შემთხვევაში თუ ყველა პირობას აკმაყოფილებს. ეს პირობები რომ არ ყოფილიყო პურს მიიღებდა პირველი 500 კაცი ავტომატურად, მაგრამ ხდება ისეც რომ ზოგი პირობებს ვერ აკმაყოფილებს და უარით ისტუმრებენ, ზოგსაც მერე სურვილი აღარ აქვს პურის მიღების და ეთიშებიან პროცესს და ამის გათვალისწინებით შეიძლება ისეც მოხდეს რომ მე-600-ე კაცსაც შეხვდეს პური.
მიხვდით ალბათ, რომ პურის მაგალითი მეტი თვალსაჩინოებისთვის მოგიყვანეთ და სინამდვილეში სიტუაცია ასეთია: მთელი მსოფლიოს მასშტაბით წელიწადში სულ გამოიყოფა 50 000+5000 (ეს 5000 პრინციპში ჩვენთვის არაა, მას სხვა დანიშნულება აქვს და ამიტომ დავივიწყოთ და ვთქვათ რომ 50 000 ვიზაა გამოყოფილი) ვიზა, რომლებიც ნაწილდება სხვადასხვა ქვეყნებზე (თუ როგორ ნაწილდება ამას ჩვენთვის მნიშვნელობა არ აქვს. შეგიძლიათ ნახოთ წინა წლების სტატისტიკა თუ რომელ ქვეყანაზე რამდენი ვიზა იყო გამოყოფილი). საქართველოზე 2008 წლის გათამაშებაში გამოიყო 516 ვიზა, 2009-ში 661.
კომპიუტერი 1-ელ ეტაპზე არჩევს 2-ჯერ მეტი რაოდენობის მონაწილეებს რამდენი ვიზაცაა სულ გამოყოფილი მთელი მსოფლიოს მასშტაბით, ანუ 100 000 კაცს. ამ 100 000 კაცს შემდეგ ეგზავნებათ ანკეტაში დაფიქსირებულ მისამართზე კონვერტით ბლანკები, სადაც ასევე მითითებულია შერჩეული მონაწილის case number. ეს წერილები ზუსტად იმ თანმიმდევრობით იგზავნება რა თანმიმდევრობითაც შეარჩია კომპიუტერმა ანუ კეისის ნომრის მიხედვით. ამიტომ 1-ლი შერჩეული რო მიიღებს ბოლომ შეიძლება 10 თვის მერე მიიღოს (მთლიანად პროცესი 2 წელი გრძელდება). ამის შემდეგ უნდა შეავსოთ ეს გამოგზავნილი ბლანკები და რაც შეიძლება სწრაფად გააგზავნოთ უკან. მიხვდით ალბათ რატომ სწრაფადო, იმიტომ რომ ყველაფერი დასწრებაზეა
ვისიც პირველი მივა იმას უფრო მალე გამოიძახებენ გასაუბრებაზე და ვინც დროს გაწელავს სხვები დაასწრებენ და ვიზა აღარ შეხვდებათ. ასევე ძალიან დიდი ყურადღება უნდა მიაქციოთ ყველაფრის სწორად შევსებას! არავითარ შემთხვევაში არ ჩაწეროთ ყალბი მონაცემები, წინააღმდეგ შემთხვევაში შეიძლება მერე ძალიან დიდ პრობლემები შეგექმნათ და ვეღარ შეძლოთ გამოსწორება და შეიძლება სამუდამოდ აგეკრძალოთ შტატებში ჩასვლა.
ამ 100 000 კაცში რამდენი საქართველოს მოქალაქე იქნება რა თქმა უნდა კაციშვილმა არ იცის. დავუშვათ რომ შეირჩა 1000 საქართველოს მოქალაქე. აქედან ზოგს დაბალი ნომერი ექნება და ზოგს მაღალი და აქედან გამომდინარეა მათი შანსებიც. ჯერ იხილება დაბალნომრიანების საქმეები და თუ ყველაფერი რიგზე იქნება მათ ეძლევათ ვიზები და როცა ეს გამოყოფილი ვიზები ამოიწურება დანარჩენების საქმეების განხილვა ავტომატურად წყდება და მათ აღარ მიუვათ მეორე პასუხები.
როდესაც გააგზავნით ამ ბლანკებს შემდეგ ელოდებით მეორე კონვერტს კენტუკის საკონსულო ცენტრიდან (მანდ ხდება ეს ყველაფერი
) და თუ გაგიმართლებთ მაშინ მიიღებთ, სადაც უკვე წერია თქვენი გასაუბრების თარიღი კონსულთან და ასევე მოსალოდნელი ხარჯები: სამედიცინო შემოწმება ციტოში 155-219$ და გათამაშებაში მონაწილეობის (მთლად უფასოც არ გეგონოთ ეს ლატარია
) და ვიზის ხარჯები 775$ როგორც მახსოვს.
აი ეს მეორე წერილი რო მოგივათ ჩათვალეთ რომ თავი ქუდში გაქვთ და ისღა დაგრჩენიათ ყველა საჭირო დოკუმენტს მოუყაროთ თავი (ჩამონათვალს მიიღებთ პირველი კონვერტით, ახლა მეზარება ჩამოწერა
) და გამოცხადდეთ კონსულთან დანიშნულ დროს. გასაუბრება არის ფორმალური და თუ თქვენ ყველა საჭირო დოკუმენტი წესრიგში გაქვთ და ეხლა იქ ინტრიგნობას არ დაიწყებთ და ან კონსულს არ შეაგინებთ ვიზას ყველა ვარიანტში მიიღებთ.
ხო მართლა ზემოთ ერთმა იკითხა და ვიტყვი რომ ბანკის ცნობა აუცილებლად დაგჭირდებათ, რომ თქვენ გაქვთ გარკვეული თანხა ანგარიშზე. თანხის მითითება აუცილებელია. 5000$ სავსებით საკმარისია და მნიშვნელობა არ აქვს როდის გაიხსნა ანგარიში და ან ფული როდის ჩაირიცხა! მე გასაუბრებამდე რამდენიმე დღით ადრე დავდე ფული და ანგარიშიც 1 თვით ადრე გავხსენი და არანაირი პრობლემა არ შემქმნია! კონსული მარტო იმას ნახულობს ფული გაქვს თუ არა და სხვას არ აქცევს ყურადღებას! 1 კონკრეტული მაგალითი ვიცი ქალს სპონსორის ცნობა ქონდა და გამოაბრუნეს რადგან ანგარიში არ ქონდა. ხოდა იმ ქალმაც მერე გააკეთა ანგარიში და ცნობა მერე მიიტანა, ამიტომ თადარიგი წინასწარ დაიჭირეთ. თან ანგარიშის და ცნობის გაკეთება უფრო ადვილია ვიდრე სპონსორის, რადგან სპონსორის შემთხვევაში იმის შემოსავლების დეკლარაცია დაგჭირდებათ რომელიც სპეციალურ ბლანკზე ივსება. ამიტომ ანგარიშის ცნობა ყველაზე ოპტიმალურია.
თუ რამე შეკითხვები გექნებათ კიდევ დაწერეთ
· 
Green Card, კითხვები
