თემის ავტორი საწყენად ნუ მიიღებს, მაგრამ როცა თემას ხსნი მდედრ-მამრის ურთიერთობებზე გგანსაზღვრულ კონკრეტულ თემატურ ჭრილში, ყველასგან ყველა პოსტში არ უნდა ელოდო სრულ სერიოზულობას და ნებისმიერ სატირულ ან სხვაგვარ არასერიოზულ თუ ხალისიან პოსტ-პასაჟს საკუთარ, როგორც თემის ავტორის, თავზე არ უნდა იღებდე...
რაც შეეხება თემას, გაგებული გექნებათ ყველას სიტყვა პეწი (ერთგვარი, მოწყვლადასპექტიანი ხიბლი) და სწორედ ეგაა იმის მიზეზ-მოტივაცია, რომ ზოგიერთები მართლაც ძალზედ მომეტებული ინტერესით სარგებლობენ საწინააღმდეგო სქესის პირთა მხრიდან მაშინ, როცა საამისოდ თითქოს, ერთი შეხედვით, არანაირი განსაკუთრებული ზოგადსტანდარტული ვიზუალური თუ თვისობრივი მოცემულობები არ გააჩნიათ და სწორედ ამაშია ამ პეწის მთელი არსიც, რაც ბოლომდე ახსნილი ვერც არის მსოფლიოში, უბრალოდ, მისი არსებობის უკეთ აღსაქმელად მოჰყავთ ანალოგია დაოჯახების კუთხით _ საცოლეს და საქმროს არასდროს ირჩევ საუკეთესოსო, გიყვარდება ისეთი, საწყისად ჯერ, ცხადია, ნაცნობი/გაცნობილი, რომელიც ზოგადი შეფასებითი სტანდარტებით მეორე შენს ასეთსავე ნაცნობთან ნაკლებ სიმპატიურია, მესამესთან შედარებით ნაკლებ შემოსავლიანია, მეოთხესთან შედარებით ნაკლებ ჭკვიანია, მეხუთესთან შედარებით ნაკლებ შემოქმედებით-გემოვნებიანი, მეექვსესთან შედარებით ნაკლებ განათლებულია, მეშვიდესთან შედარებით ნაკლებ ენამახვილია და მერვესთან შედარებით ნაკლებიანია ამ ყველაფრითაც... ასეა ეს პეწიც _ ერთგვარ უხილავ მიკროშტრიხთა ერთობლიობა ადამიანში, რომელიც მაინც უფრო მომზიდველს ხდის მას სქესობრივად სხვებისთვის, ვიდრე ამ ამ უხილავ გამორჩეულ მიკროშტრიხთა არმქონეთ, მარა ზოგადსაზოგადო რეცეპტურით წინა პლანზე დაყენებულთ სქესობრივ ურთიერთობათა სასურველ პირთა ერთიან სიაში...
და ბოლოს, ჩვეულებრივ (უპეწო, ასე ვთქვათ, პრაქტიკულად უპეწო, თორემ რაღაც დოზით ის ყველას აქვს, შედარებით-შეფასებითია ამქვეყნად ყველაფერი) ადამიანებში სქესობრივი დაინტერესების მხრივ საწყისად უკონკურენტოა, ცხადია, ვიზუალი, რომელზეც მოთხოვნილების "მინიმალური კომპეტენციის დონის" დაძლევის შემთხვევაში შემდეგ უკვე შეძლებისდამაგვარად გაკვირდებიან სხვა მხარეებზეც შენს მიმართ სქესობრივი ინტერესის საფუძველზე... თუ ამ მინიმალურ ზღვარს ვერ ძლევ სხვის ინდივიდუალურ თვალში, სქესობრივი დაინტერესება შენს მიმართ, მიუხედავად შენი შესაძლო ყოველმხრივი დადებითობისა, მისი მხრიდან უბრალოდ, არ არსებობს და ეს არც შენს და არც იმის ნებაზე არაა დამოკიდებული... შეიძლება მეგობრობა, პარტნიორობა საქმეებში და მსგავსი, მარა არა ოჯახური ან სქეს-პარტნიორული რეალური თანაცხოვრება _ ის ყოველთვოს იქნება გამორჩენითი, ქვენა გრძნობითი, გარიგებითი, მერკანტილური, "ადალჟენიურად" კომპრომისული და ა.შ., რაც ძაან ცუდია ჯანსაღად თავმოყვარე ყოველი ადამიანისთვის...
This post has been edited by kodeqsi on 31 May 2018, 04:02 უპატრონო ქვეყანაში კატა რა, თაგვთან ერთად ვირთხაც კი აყეფდებისა...
არჩევანი უამრავია, მარა არჩევანი ერთია...
მიმზიდველობა
