ეხლა დავბრუნდი ....
90-100 000 კაცი ესწრებოდა.
იმდენად სავსე იყო ტრიბუნები, რომ ბილეთით განსაზღვრულ ადგილებზე მოუხდა ყველას დასხდომა ....
+ გადაჭედილი მოედანი
მოკლედ "მთელი გერმანია" იქ იყო ...
გამხურებლებად ორი გერმანული ჯგუფი იყო. მეორე "პოლარკრეიზ 18" საკმაოდ ნორმალური.
გამხურებლების შემდეგ ნახევარსაათიანი პაუზა იყო. ლამის იყო ვიფიქრე, ისევ ჩაიშალა კონცერტი თქო, რომ ეკრანები განათდა და ჯგუფი სცენაზე გამოვიდა.
დეივის პირველი სიმღერისას ვიფიქრე, რომ სცენაზე მის ნაცვლად ორეული გამოიყვანეს, რომელმაც სიმღერები დაიზეპირა. სრულიად სხვა ხმით მღეროდა და თან რატომღაც სიტყვების ბოლოს ჩლიფინებდა. ეს თავიდან. მესამე სიმღერიდან ვოკალს ბექად ფონოგრამა გაჰყვა "ნამდვილი" დეივის ხმით და ასე ორ ხმაში (ხანდახან მარტინის ხმიანად სამში) გაგრძელდა კონცერტი.
თავიდან დაუკრეს რამდენიმე სიმღერა ახალი ალბომიდან, შემდეგ გადავიდნენ ძველ ჰიტებზე.
შოუ საკმაოდ კარგი იყო. ეკრანები, განათება, ვიდეორგოლები ....
შესრულება, თუ დეივს არ ჩავთვლით, ფაქტიურად იდეალური.
პუბლიკა ძალიან ჭრელი, თუმცა უმრავლესობა ისე იქცეოდა, როგორც საბჭოთა კავშირის დროინდელ "ტანცპლაშადკაზე". ნამდვილად ვერ წარმომედგინა "დეპეშების" ძველ, დეპრესიულ სიმღერებზე თუ მთელი სტადიონი ტაშისკვრით იცეკვებდა. თუ გახსოვთ "ქუინის" "რადიო გა-გა"-ს შესრულებისას მსმენელების ქცევა, დაახლოებით მიხვდებით რა ატმოსფერო იყო იქ და თან ეს მთელი კონცერტის მანძილზე. "პერსონალ ჯიზუს"-ზე ცოცხალი ტალღების გაკეთებაც კი მოახერხა ხალხმა
საკმაოდ ბევრი შესრულდა მშვიდი, მელოდიური სიმღერა .... რასაც პატიოსანი ბიურგერები დიდი ენთუზიაზმით შეხვდნენ ....
რაც შეეხება ორგანიზებას ....
იდეალურად იყო მოწყობილი ყველაფერი .... თან ყველაფერი ძალიან კარგად გათვლილი, მაქსიმალური მოგების მისაღებად
ჯიხურები ჯგუფის ატრიბუტიკით, საჭმელი, სასმელი, სპეციალური მწვანე მინდვრები ადგილობრივი რასტამანებისთვის ........
საერთო ჯამში შთაბეჭდილება დამრჩა, რომ "დეპეშ მოდი" ისევ დაუბრუნდა იმ პოპ-მუსიკას, რომელსაც 80-იანებში აკეთებდა. უფრო სწორად, იმავე მიმართულებით მოძრაობს, როგორც მაშინ - აკეთებს ფართო მსმენელზე გათვლილ პროდუქტს. 90-იანი წლების მძიმე, დეპრესიული საუნდი, საცეკვაო რიტმებმა შეცვალა. მსმენელმაც იმატა და შესაბამისად ლეიბლიც კმაყოფილია.
მოკლედ რომ ვთქვა, აუცილებლად სანახავი და მოსასმენი კონცერტი იყო, თუმცა ბოლომდე ჩემი იმედები ვერ გაამართლა.
Depeche Mode, საუკეთესო ალბომი და საერთოდ...
