კანადელმა სტომატოლოგმა მაიკლ ჟუკმა (Michael Zuk), რომელმაც ორი წლის წინ მსოფლიოში ცნობილი როკ ჯგუფის, The Beatles-ის ექს-ლიდერის ჯონ ლენონის კბილი იყიდა, განაცხადა, რომ აპირებს კბილის ქსოვილებიდან დნმ-ს ნიმუშის ამოღებას, რათა მოახდინოს ცნობილი მომღერლის კლონირება.
"მეცნიერები თუ მამონტების კლონირებას შესაძლებლად მიიჩნევენ, მაშინ ჯონ ლენონი შემდეგი კლონირებადი ობიექტი გახდება", - იმოწმებს ჟუკის განცხადებას ცნობილი ამერიკული სააგენტო UPI. დანტისტის აზრით, უახლოეს პერიოდში გენეტიკა შესძლებს დაადგინოს ლენონის სრული გენეტიკური კოდი, ხოლო ადამიანთა კლონირებას რომ ისწავლის, შესაძლებლობაც ექნება კვლავ გააცხოცხლოს მილიონობით ადამიანის კერპი".
მაიკლ ჟუკმა 2011 წელს ლონდონის აუქციონზე ლენონის კბილი 19,5 ათას ფუნტ სტერლინგად (31 000 დოლარი) შეიძინა. თავისი შენაძენით მან მსოფლიოს კბილის კლინიკები და სტომატოლოგიური კოლეჯები შემოიარა, რის შემდეგაც "რელიქვია" თავის სამედიცინო კაბინეტში განათავსა. ადრე ჟუკმა დაწერა წიგნი, რომელიც ცნობილი ადამიანების კბილებს ეძღვნება.
ჯგუფ The Beatles-ის ყოფილმა წევრმა ჯონ ლენონმა თავისი კბილი საკუთარი ხელით გადასცა მოახლე ქალს დოტ ჯარლეტს (Dot Jarlett), რომელიც კენვუდში მდებარე მის სახლში მუშაობდა 1960-იანი წლების მიწურულს. ლენონმა დოტს სთხოვა საკუთარი ქალიშვილისთვის ეჩუქებინა მისი კბილი როგორც სუვენირი. მაგრამ შემდეგ, ეს სუვენირი როკ-მუსიკოსთა სამახსოვრო ნივთების კოლექციაში აღმოჩნდა, რომელიც მუსიკალური ლეიბლის Creation Records-ის დამფუძნებელს ალან მაკგის (Alan McGee) ეკუთვნის. მან გადაწყვიტა გაყიდოს თავისი რელიქვია, რადგან, როგორც აცხადებს, როკ-მუსიკის ინდუსტრიისგან დაიღალა.
The Beatles.. XV ნაწილი,,,, გთხოვთ, შეხვიდეთ http://paulmccartneyintbilisi.ge
