თბილისის ფორუმის კომუნიკაციების განყოფილების წესები(თბილისის ფორუმის ძირითადი წესების დანართი-დამატება)1. შესავალი1.1. განყოფილების წინამდებარე წესები წარმოადგენს ფორუმის ძირითადი
წესების დამატებას, რომელიც ახდენს ძირითადი დებულებების დაზუსტებას და გავრცობას;
1.2. აღნიშნული დამატება ასევე ვრცელდება კომუნიკაციების განყოფილების ქვეგანყოფილებებზე;
1.2.1. TV & Satellite ქვეგანყოფილების დამაზუსტებელი წესები, რომლებიც არ ეწინააღმდეგება კომუნიკაციების განყოფილების ამ წესებს, განთავსებული იქნება ქვეგანყოფილებაში მიპინულ ტოპიკში "ქვეგანყოფილების შიდაგანაწესი".
2. პოსტვის წესები2.1. განყოფილებაში პოსტვა ხორციელდება ზოგადად ფორუმზე დადგენილი წესებისა და პრინციპების გათვალისწინებით. ამასთან, აუცილებელია განყოფილების სპეციფიკიდან გამომდინარე, დასაპოსტი თემების ადგილად განისაზღვროს შემდეგი:
2.1.1. თუ საკითხი ეხება კონკრეტულად მხოლოდ ერთ-ერთ კომპანიას - მაგთიკომს ან ჯეოსელს, მაშინ ტოპიკი იხსნება (პოსტი იდება) შესაბამისი დასახელების ქვეგანყოფილებაში - მაგთიკომის FAQ ან ჯეოსელის FAQ;
2.1.2. დაუშვებელია მაგთიკომის FAQ და ჯეოსელის FAQ ქვეგანყოფილებებში ამ კომპანიათა შედარებითი ტოპიკის გახსნა (პოსტის დადება). ამ მიზნებისათვის კომუნიკაციების განყოფილებაში არის გამოყოფილი ერთადერთი ტოპიკი "VERSUS: მობილური ოპერატორები";
2.1.3. თუ საკითხი ეხება ქართულ ინტერნეტ-პროვაიდერებს, მაშინ ტოპიკი იხსნება (პოსტი იდება) შესაბამისი დასახელების ქვეგანყოფილებაში - ISP FAQ. ზოგადად, ამ ქვეგანყოფილებაში იხსნება ყველა ტოპიკი, რომელიც ეხება ინტერნეტ-პროვაიდერების მუშაობას, მათ სერვისებს (გარდა VoIP-ტელეფონიისა), ფასებს, მათთან დაკავშირებული საიტების, სერვისების, მოწყობილობებისა და ტექნოლოგიების მუშაობას და ა.შ.;
2.1.4. ამოღებულია;2.1.5. თუ საკითხი ეხება Voice over IP ტექნოლოგიაზე დაფუძნებულ ტელეფონიას, მაშინ ტოპიკი იხსნება (პოსტი იდება) შესაბამისი დასახელების ქვეგანყოფილებაში - VoIP.GE. ასევე, ამ ქვეგანყოფილებაში იხსნება ტოპიკი, რომელიც ეხება სხვა ტიპის ტელეფონიიდან VoIP-ტელეფონიაზე გადასვლას, VoIP-ტელეფონიასთან დაკავშირებული სერვისებისა და მოწყობილობების მუშაობას; ასევე, აქ იხილება საიტ voip.ge-ს მუშაობასთან დაკავშირებული საკითხები;
2.1.6. თუ საკითხი ეხება ტელეფონიას და არ არის კავშირში VoIP ტექნოლოგიასთან, მაშინ ტოპიკი იხსნება (პოსტი იდება) თვით კომუნიკაციების განყოფილებაში;
2.1.7. თუ საკითხი ეხება კონკრეტულ მობილურ ტელეფონს, მაშინ იხსნება კონკრეტული ტოპიკი სათაურში მოდელისა და პრობლემის მითითებით;
2.1.8. თუ საკითხი ეხება მობილურების ერთი მწარმოებელი კომპანიის მოდელების ზოგად განხილვას, ეს უნდა მოხდეს კომპანიათა FAQ-ტოპიკების ფარგლებში, ხოლო ასეთების არარსებობის შემთხვევაში - ზოგად ტოპიკში "VERSUS: მობილური ტელეფონები";
2.1.9. სხვადასხვა მობილური ტელეფონების მწარმოებელი კომპანიების ნებისმიერი შედარებითი განხილვა უნდა მოხდეს მხოლოდ ტოპიკში "VERSUS: მობილური ტელეფონები";
2.1.9.1. კონკრეტული 2 სხვადასხვა მოდელის შედარებისას, შესაძლებელია ცალკეული ტოპიკის გახსნა, რომლის სათაურიც დაიწყება სიტყვით "VERSUS: ";
2.1.10. სატების მუშაობა განიხილება განყოფილებაში WWW და არანაირ კავშირში არ არის კომუნიკაციების განყოფილებასთან;
2.1.11. მობილური ტელეფონების ფასები განიხილება ყიდვა-გაყიდვა-გაცვლის ქვეგანყოფილება მობილურ ტელეფონებში და არანაირ კავშირში არ არის კომუნიკაციებთან;
2.1.12. თუ საკითხი ეხება სატელიტურ კავშირგაბმულობას, ტოპიკი იხსნება TV & Satellite ქვეგანყოფილებაში;
2.1.13. ყველა დანარჩენი საკითხი, რომელიც თქვენ თვლით (და მოდერატორები გეთანხმებიან) რომ არის განსახილველი ამ განყოფილებაში, უნდა განთავსდეს კომუნიკაციების ძირითად განყოფილებაში.
2.2. დაუშვებელია ტოპიკის სათაურად გამოყენებული იყოს თიზერული (შეტყუებითი) ტიპის სათაურით. თიზინგის მაგალითებია: "მაქვს პრობლემა", "მიშველეთ", "NOKIA PROBLEM", "შემოდით, ნახეთ", "თუ გაგიგიათ" და ა.შ. ასევე, თიზინგად ჩაითვლება ორად გაყოფილი სათაურები, სადაც აზრის ნაწილი წერია სათაურად, ხოლო მეორე ნაწილი - სათაურის კომენტარად;
2.3. დაუშვებელია ისეთი პოსტების განხირციელება, რომლებიც შედგება მხოლოდ სმაილიკებისაგან - თუ მეტი სათქმელი არაფერია, მაშინ ჯობია ესეც არ დაიპოსტოს და ფორუმი არ დანაგვიანდეს;
2.4. დაუშვებელია ფორუმის სუბექტებს შორის ტოპიკში ღიად შემდეგი შინაარსის პოსტის დადება: "ნახე PM". ფორუმის ძრავას აქვს იმის შესაძლებლობები, რომ PM-ის მისვლის ფაქტი დადასტურდეს უფრო ნორმალური მეთოდით.
2.5. ოFFტოპიკი ისჯება!
2.5.1. ოFFტოპიკის დასჯის გაპროტესტება ისჯება კიდევ უფრო მკაცრად!
2.6. აკრძალულია ნებისმიერი სახის კომერციული შემოთავაზებები (მაგ.: "ჩაგიწერთ თამაშს", "ვხსნი კოდს", "გავტეხავ ტელეფონის დაცვას" და ა.შ.).
2.7. აკრძალულია ნებისმიერი ფორმისა და შინაარსის თხოვნები ამა თუ იმ პარამეტრით პიროვნების ტელეფონის ნომრის, მისამართის და სხვა კოორდინატების დადგენაზე. დაუშვებელია ასეთი შინაარსის ახალი ტოპიკის გახსნა ან არსებულ თემაში ასეთი შინაარსის პოსტის დადება.
2.8. აკრძალულია ნებისმიერი ტიპის ფაქტოლოგიური უზუსტობის განზრახ განთავსება - ისეთი აშკარა და გამოკვეთილი მინაწერის გაკეთების გარეშე, სადაც აღნიშნულია რომ ეს არის იუზერის პირადი აზრი (ფრაზებით "ჩემი აზრით", "მემგონი" და მისთანანი). განთავსებულ ფაქტში დაეჭვებისას, მოდერატორს უფლება აქვს მოთხოვოს იუზერს ფაქტის დადასტურება ზოგადად დასაყრდენი და სანდო საინფორმაციო წყაროს გამოყენებით. თუ დადასტურება ვერ შედგა, იუზერის მიმართ გატარდება წესებით განსაზღვრული ადმინისტრაციული ზომები.
3. ურთერთობა განყოფილებაში3.1. ტოპიკის შინაარსთან დაკავშირებულ აზრის გამოთქმაში, პოსტვაში, ტოპიკის გახსნაში ყველა თანასწორია - იქნება ეს რეგისტრირებული წევრი, მემბერი, კომოდერატორი, მოდერატორი, სუპერმოდერატორი, ადმინისტრატორი, თბილისის მერი, უწყებათა მეთაურები, პრეზიდენტი თუ გაეროს გენ.მდივანი;
3.2. იზღუდება დამტკიცებული ტყუილი, რომელიც ვნებს საუბარში მონაწილე რომელიმე მხარეს, ან ზოგადად აღიარებულია როგორც რომელიმე კონკრეტული მხარის პიროვნების ან რეპუტაციის შემლახავი;
3.3. დაუშვებელია ღია კონფლიქტი განყოფილების ნებისმიერ სუბიექტს შორის. ნებისმიერი გაუგებრობის გარკვევის ადგილი უნდა იყოს მხოლოდ PM. ღიად წარმოშობილი და დროზე PM-ში არგადატანილ კონფლიქტზე პასუხისმგებელია ყველა მხარე - მიუხედავად იმისა, დამწყებია იგი თუ გამგრძელებელი;
3.4. დაუშვებელის მოდერატორისადმი მიმართვები ღია ტოპიკში: "მოდერს ვთხოვ მიაპინოს თემა", "მოდერს ვთხოვ დაკეტოს თემა", "საით იყურება მოდერი", "ახლა ალბათ ვორნს/ბანს აგკიდებენ" - ასეთი განცხადებები ან საერთოდ არ უნდა გაკეთდეს, ან მოდერისათვის მიწოდებული უნდა იყოს მხოლოდ PM-ის საშუალებით.
3.5. იუზერს აქვს შესაძლებლობა, თავისი, კომუნიკაციებთან საგნობრივად დაკავშირებული პრობლემა მოაგვაროს არსებულ ტოპიკში პოსტის დადების ან ასეთის არარსებობის შემთხვევაში - ახალი ტოპიკის გახსნის გზით. PM-ით ასეთი პრობლემის მოგვარება არ არის რეკომენდირებული. აკრძალულია ერთი შინაარსის PM-ის დაგზავნა - რამდენიმე ადრესატისათვის ან/და ერთი ადრესატისათვის მრავალჯერადად. კომუნიკაციების განყოფილების ნებისმიერი წევრის - იუზერის, მემბერის, კომოდერატორის ან მოდერატორის დასაბუთებული მოთხოვნის შემთხვევაში, ასეთი ქმედება არის დასჯადი.
4. დანაშაული და სასჯელი4.1. დანაშაულად (წესების დარღვევად) ამ წესების მიზნებისათვის, ითვლება ისეთი ქმედების განხორციელება, რომელიც წინააღმდეგობაშია კომუნიკაციების განყოფილების წინამდებარე წესებთან;
4.2. წესების დარღვევისათვის გათვალისწინებულია სხვადასხვა ტიპის სასჯელი, რაც იზომება ვორნების პროცენტებში;
4.3. ვორნის ყოველი საფეხურისათვის გათვალისწინებულია შემდეგი შკალა:
4.3.1. 1 ვორნი - 20% - სიტყვიერი გაფრთხილება ან 1-დღიანი პოსტვის უფლების შეჩერება;
4.3.2. 2 ვორნი - 40% - სიტყვიერი გაფრთხილება ან 2-დღიანი პოსტვის უფლების შეჩერება;
4.3.3. 3 ვორნი - 60% - მინიმუმ 3-დღიანი პოსტვის უფლების შეჩერება;
4.3.4. 4 ვორნი - 80% - მინიმუმ 4-დღიანი პოსტვის უფლების შეჩერება;
4.3.5. 5 ვორნი - 100% - მინიმუმ პოსტვის უფლების შეჩერება; ასევე, განიხილება ანგარიშის დროებით ან მუდმივად შეჩერების საკითხი;
4.4. ვორნი შეიძლება იქნეს დაკლებული განსაკუთრებულ შემთხვევებში - ფორუმის ადმინისტრაციის გადაწყვეტილებით;
5. დასკვნითი დებულებანი5.1. წინამდებარე წესები მუდმივად დაიხვეწება. განახლებათა შესახებ განყოფილება შეიტყობს ამავე ტოპიკის საშუალებით;
5.2. წესების წინამდებარე დამატებები ამოქმედდეს მათი ტოპიკად გამოქვეყნებისთანავე.
Davidco-Moderatorკომუნიკაციებითბილისის ფორუმიVersion: 1.9
Last reviewed: 21.01.07 This post has been edited by David on 21 Jan 2007, 01:12