http://allmovies.ge/ge/#news/ADIED'გრიფინების' შემქმნელები უახლოეს ხანში დაღუპულ პერსონაჟს, ძაღლ ბრაიანს, გააცოცხლებენ. აღნიშნული ეპიზოდი ეთერში გავა 15 დეკემბერს.
ამ დასკვნამდე ჟურნალისტები მეთორმეტე სეზონის მერვე სერიის ოფიციალური პრეს-რელიზის გამოქვეყნების შემდეგ მივიდნენ. ბრაიანის გაცოცხლების შესახებ პირდაპირ ნათვამი არ არის, თუმცა აღნიშნულია, რომ ძაღლის უახლოესი მეგობარი, სტიუ, იპოვის საშუალებას, რათა მიიღოს 'ერთადერთი სასურველი საჩუქარი საშობაოდ'. ამას გარდა, ბრაიანი მოხსენიებულია სერიის მთავარ პერსონაჟთა შორის. მას კვლავინდებურად სერიალის შემქმნელი, სეტ მაკფარლინი გაახმოვანებს.
ბრაიანი, მოლაპარაკე-ინტელექტუალი ძაღლი, საგზაო-სატრანსპორტო შემთხვევისას დაიღუპა. აღნიშნული სერიის დასახელება გახლდათ 'ბრაიანის ცხოვრება' ('Life of Brian') და იგი ეთერში 24 ნოემბერს გავიდა. ამავე სერიაში გამოჩნდა ახალი პერსონაჟი, ძაღლი ვინი, რომელიც იტალიური აქცენტით საუბრობს.
აღნიშნული სერიის შემდეგ სერიალის ფანატებმა პეტიცია შეადგინეს სეტ მაკფარლინის სახელზე, სადაც მოითხოვდნენ ბრაიანის ეკრანზე დაბრუნებას. აღნიშნულმა პეტიციამ 120 000 ადამიანის ხელმოწერა შეაგროვა.
RIP Brian Griffin
