წინა თემები:პრობლემები თამაშების გაშვებისასპრობლემები თამაშების გაშვებისას IIპრობლემები თამაშების გაშვებისას IIIპრობლემები თამაშების გაშვებისას IVპრობლემები თამაშების გაშვებისას Vგამოიკვეთა ტენდენცია, რომ თემა "ინტერნეტიდან მოქაჩული თამაშების დაინსტალირება" მალე ივსება უკვე დაინსტალირებული თამაშების გაშვების ტექნიკური პრობლემებით, რაც ცდება იმ თემის დანიშნულებას. გარდა ამისა, იხსნება უამრავი ცალკე თემა ამა თუ იმ თამაშის ვერგაშვება-არგაშვება-გამიშვითმოვკლავ შინაარსით.
ამიტომ გადავწყვიტე შემექმნა ერთიანი თემა, სადაც ვისაუბრებთ ყველა წამოჭრილ ტექნიკურ პრობლემაზე, ილუსტრირებული ტუტორიალის თანხლებით, რომელშიც შესაძლო პრობლემები და მათთან ბრძოლის მეთოდებია განხილული.
მაშ ასე -- ვქოქავთ თამაშებს ერთიანი ძალებით!
პრობლემები თამაშების გაშვებისას (და მათთან ბრძოლის გზები)პრობლემები თამაშების გაშვებისას უამრავი მიზეზით შეიძლება იყოს გამოწვეული და ყოველ მათგანზე აქ ვერ შევჩერდებით. მაგრამ არსებობს რამდენიმე უნივერსალური მეთოდი ამ პრობლემების გამოსავლენად და გადასაჭრელად. ამას კომპიუტერულ ენაზე troubleshooting ეწოდება, ანუ ხარვეზების გამოვლენა სხვადასხვა შესაძლო მიზეზების თანმიმდევრული გამოკვლევის გზით.
რა თქმა უნდა, ეს ტუტორიალი ვერ გადაჭრის ყველა პრობლემას, მაგრამ მნიშვნელოვნად დაგეხმარებათ მათი გამომწვევი სავარაუდო მიზეზების გრძელი ნუსხის შემცირებაში.
ვიდეოკარტის დრაივერებისტატისტიკის მიხედვით, თამაშებთან დაკავშირებული პრობლემების ყველაზე გავრცელებული მიზეზი ვიდეოკარტის მოძველებული ან ცუდად მომუშავე დრაივერებია. ამიტომ პირველი, რაც უნდა გააკეთოთ მსგავსი პრობლემების შემთხვევაში, არის განახლებული დრაივერების მოქაჩვა და დაინსტალირება. კომპაქტ–დისკზე, რომელიც თქვენს ვიდეოკარტას მოყვა, როგორც წესი, უკვე მოძველებული დრაივერია ჩაწერილი, რადგან მათი განახლება ძალიან ხშირად ხდება. ამიტომ, განახლებული დრაივერი უნდა გადმოწეროთ მწარმოებლის საიტიდან.
ვიდრე დრაივერის ძებნას შეუდგებით, უნდა გაარკვიოთ თქვენი ვიდეოკარტის ჩიპსეტის მწარმოებელი ფირმა და ზუსტი მოდელი. ამისათვის შეგიძლიათ გამოიყენოთ Windows–ის ინსტრუმენტი სახელწოდებით DirectX Diagnostic Tool. გამოიძახეთ Start > Run (კლავიატურიდან Win+R), გამოსულ ფანჯარაში აკრიფეთ dxdiag და დააჭირეთ OK.
ახალ ფანჯარაში გადადით ტაბზე Display და წაიკითხეთ, რა წერია Name–ისა და Manufacturer–ის გასწვრივ. იქვე ნახავთ ვიდეოკარტის დრაივერის მიმდინარე ვერსიას, რომელიც მოცემული იქნება ე. წ. "გრძელ ფორმატში" (მაგ.: 6.14.0011.8122). დრაივერის ინტერნეტში მოსაძებნად ფირმის სახელწოდება და კარტის მოდელი სრულიად საკმარისია, მაგრამ თუ ვერსიების შედარება გაინტერესებთ, გაითვალისწინეთ, რომ დრაივერების საინსტალაციო პაკეტებს, როგორც წესი, "მოკლე ვერსიები" აქვთ, რომლებიც "გრძელი ვერსიის" ბოლო ხუთი ციფრისგან გამოითვლება (ანუ, მოცემული მაგალითის შემთხვევაში ეს იქნება 181.22).
ვიდეოკარტის ჩიპსეტის შესახებ ინფორმაციის მოპოვების შემდეგ უნდა ეწვიოთ მისი მწარმოებლის საიტს, სადაც უნდა მოძებნოთ თქვენი მოდელის შესაბამისი დრაივერი. დღესდღეობით სათამაშო ინდუსტრიაში ვიდეოკარტის ჩიპსეტების, ანუ გრაფიკული პროცესორების (GPU) ორი ძირითადი მწარმოებელი დარჩა. აი მათი საიტების ლინკები:
NVIDIAATIეს კი გახლავთ NVIDIA-ს და ATI-ის ჩიპსეტებზე აწყობილი ვიდეოკარტების ყველაზე მსხვილი მწარმოებლების სია:
ASUSMSIEVGAGigabyteSapphireშენიშვნა: დრაივერები შეგიძლიათ დაქაჩოთ ვიდეოკარტების მწარმოებლების საიტებიდანაც, მაგრამ ამის გაკეთება უმჯობესია თვითონ ჩიპსეტების (გრაფიკული პროცესორების) მწარმოებლის საიტებიდან.
ასევე, არსებობს ვიდეოკარტები, რომლებიც დედაპლატებშია ინტეგრირებული. ასეთ შემთხვევაში უნდა მიმართოთ დედაპლატის მწარმოებლის საიტს.
თქვენი დრაივერი შესაძლოა ბოლო ვერსიის იყოს, მაგრამ ეს არ წარმოადგენს 100%–იან გარანტიას, რომ ის ხარვეზების გარეშე მუშაობს. ყოველი შემთხვევისათვის, წაშალეთ არსებული დრაივერი კონტროლ პანელიდან (Add or Remove Programs), გადატვირთეთ სისტემა და ხელახლა დააყენეთ დრაივერი.
ხმის კარტის დრაივერებიპრობლემები თამაშების გაშვებისას ხმის კარტის გაუმართავმა დრაივერებმაც შეიძლება გამოიწვიოს. დარწმუნდით, რომ თქვენი ხმის კარტა გამართულად მუშაობს. ამისათვის შეგიძლიათ ჩაატაროთ DirectSound–ის ტესტი იგივე DirectX Diagnostic Tool–ის მეშვეობით, რომელზეც წინა პარაგრაფში გვქონდა საუბარი. ოღონდ მისი გამოძახებისას ამჯერად Display–ს ნაცვლად გადადით ტაბზე Sound. იქვე ნახავთ ხმის აპარატურული აქსელერაციის დონის გადამრთველსაც (Hardware Sound Acceleration Level), რომელიც თავდაპირველად მაქსიმუმზეა დაყენებული. ზოგიერთ შემთხვევაში ამ გადამრთველის უფრო დაბალ მაჩვენებელზე დაწევამ ან საერთოდ გამორთვამ შესაძლოა უშველოს ხმასთან დაკავშირებულ სხვადასხვა პრობლემებს.
ამავე ფანჯარაში შეგიძლიათ დაადგინოთ ხმის კარტის მოდელი და დრაივერის ვერსია. ისევე როგორც ვიდეოკარტის შემთხვევაში, განახლებული დრაივერის მოსაქაჩად ეწვიეთ მწარმოებლის საიტს. აი ხმის კარტების მწარმოებელი რამდენიმე მსხვილი კომპანიის საიტები:
Creative LabsRealtekC-MediaM-AudioTurtle Beachვიდეოკარტების მსგავსად, არსებობს დედაპლატებში ინტეგრირებული ხმის კარტებიც. ასეთ შემთხვევაში განახლებული დრაივერები უნდა მოიძიოთ დედაპლატის მწარმოებელი ფირმის საიტზე.
DirectX–ის პრობლემებიზოგი პრობლემა, შესაძლოა, DirectX–ის გაუმართავ კომპონენტებს უკავშირდებოდეს. ზოგიერთი თამაში ინსტალაციის დროს თვითონ შემოგთავაზებთ DirectX–ის განახლებას. თუ თამაში ახალი გამოსულია, ნება დართეთ გააკეთოს ეს განახლება –– DirectX–ის დისტრიბუტივები ყოველთვიურად უმჯობესდება და მსგავსი განახლება არავის აწყენს, ზოგ შემთხვევაში კი მან, შესაძლოა, სერიოზული სისტემური ხარვეზებიც გამოასწოროს.
დაკარგული D3D ბიბლიოთეკებიზოგჯერ თამაშმა შეიძლება გამოიტანოს შეტყობინება
Couldn't find d3dx9_xx.dll (სადაც xx-ის ნაცვლად სხვადასხვა ციფრები იქნება). ეს ნიშნავს, რომ სისტემაში არაა კონკრეტული D3D ბიბლიოთეკა (.dll), რომელიც თამაშს გასაშვებად სჭირდება. სად იკარგება ეგ ბიბლიოთეკები, ან რატომ არ აყოლებენ საჭირო ფაილებს დეველოპერები თამაშებს, ეს ცალკე თემაა. მთავარი ისაა, რომ ეს პრობლემა ადვილი გადასაჭრელია -- უბრალოდ ჩაიწერეთ თქვენთვის საჭირო ფაილის ზუსტი სახელწოდება და მოძებნეთ იგი ინტერნეტის მეშვეობით. ეს საიტი დაგეხმარებათ:
http://www.dll-files.com/ამოიღეთ გადმოწერილი ფაილი არქივიდან და ჩააგდეთ ფოლდერში C:\Windows\System32. ამის შემდეგ, წესით, თამაში უნდა ჩაირთოს.
კოდეკების გაუმართაობაზოგიერთი თამაში ვიდეორგოლების საჩვენებლად გარეშე კოდეკებს იყენებს და, შესაბამისად, დამოკიდებულია ოპერაციულ სისტემაში არსებულ პროგრამულ უზრუნველყოფაზე. თუ თამაში ირთვება, მაგრამ ვიდეორგოლების გაშვებისას აქვს პრობლემები (დამახინჯებული გამოსახულება, ხმის არქონა და სხვა) ან საერთოდ დესკტოპზე გამოდის, შესაძლოა პრობლემა საჭირო ვიდეო–კოდეკების არარსებობაში ან მათ გაუმართაობაში იყოს.
კოდეკების განახლება, დრაივერების მსგავსად, ინტერნეტის მეშვეობით ხდება. ვინაიდან ხშირად ძნელია იმის დადგენა, თუ კონკრეტულად რომელი კოდეკი იწვევს პრობლემას, ამიტომ გირჩევთ კოდეკების სრული პაკეტის გადმოწერას. ერთ–ერთი ყველაზე გავრცელებული და პოპულარული პაკეტია
K-Lite Codec Pack.
ზოგიერთი ძველი თამაშის შემთხვევაში შესაძლოა დაგჭირდეთ სპეციფიური კოდეკი, რომელიც უკვე აღარ გამოიყენება. თუ ასეთი კოდეკი თამაშს არ მოყვა საინსტალაციო პაკეტში, მაშინ ის უნდა მოიძიოთ ინტერნეტის მეშვეობით.
ძველი თამაშები ახალ ოპერაციულ სისტემებზეთუ თამაში უფრო ადრეა გამოსული, ვიდრე თქვენი ოპერაციული სისტემა, შესაძლოა მისი გაშვებისას წარმოქმნილი პრობლემები პროგრამულ შეუთავსებლობასთან იყოს დაკავშირებული. მსგავსი პრობლემების გადასაჭრელად ხშირად საკმარისია თამაშის გაშვება ე. წ. "თავსებადობის რეჟიმში" (Compatibility Mode). ამისათვის თაგვის მარჯვენა ღილაკით მეშვეობით შედით თამაშის გამშვები ფაილის თვისებებში (Properties), გადადით ტაბზე Compatibility და მიუთითეთ ოპერაციული სისტემის ის ვერსია, რომელზეც მოცემული თამაში იყო გათვლილი.
თუ ეს მეთოდი პრობლემას ვერ შველის, ინტერნეტში უნდა მოიძიოთ ინფორმაცია სპეციალური პატჩების შესახებ, რომლებიც ამა თუ იმ თამაშის ახალ ოპერაციულ სისტემებთან თავსებადობას უზრუნველყოფს.
DOS–ის თამაშების გასაშვებად შეგიძლიათ გამოიყენოთ პროგრამა
DOSBox, რომელიც MS-DOS–ის სრულ ემულაციას ანხორციელებს XP–ზე და სხვა თანამედროვე ოპერაციულ სისტემებზე.
თამაშების განახლებული ვერსიები (პატჩები)ზოგჯერ თამაშის წარმატებით გაშვებას ხელს უშლის სპეციფიური პროგრამული ხარვეზები, რომელთა აღმოფხვრა მხოლოდ თავად თამაშის განახლებით შეიძლება. ამისათვის თამაშის გამომცემელი კომპანიის საიტიდან (ან სხვა წყაროებიდან) უნდა მოქაჩოთ პატჩი, რომელიც თქვენს თამაშს განაახლებს. გაითვალისწინეთ, რომ თუ თქვენი თამაში შეტეხილია ე. წ. No-CD/DVD კრეკის მეშვეობით, შესაძლოა დაგჭირდეთ ახალი პატჩის შესაბამისი კრეკის მოძიებაც.
პროგრამული დაცვის სისტემებითანამედროვე თამაშების დიდი უმეტესობა იყენებს პროგრამული დაცვის სხვადასხვა სისტემებს, რომლებიც სწორედ იმისთვისაა მოწოდებული, რომ არალეგალური გზით მოპოვებული თამაშების გაშვების საშუალება არ მოგცეთ. ამიტომ, ვიდრე ამ თემაში დაპოსტავთ, დარწმუნდით, რომ პრობლემა, რომელიც თამაშის გაშვებისას შეგექმნათ, დაცვის სისტემასთან არაა დაკავშირებული. ეს ადვილი დასადგენია –– დაცული თამაში სპეციფიურ შეტყობინებას იძლევა, რომელშიც ორიგინალური დისკის ჩადებას მოითხოვს. ასეთ შემთხვევაში თქვენ უნდა მოიპოვოთ შესაბამისი კრეკი (Crack). ეს შეიძლება იყოს გამშვები ფაილის შეტეხილი ვერსია, დაცვის მოსახსნელი პატჩი და ა. შ. კრეკი, როგორც წესი, პირატულ რელიზს მოყვება თან. ის შეიძლება ცალკე ფაილის სახით ახლავდეს ISO იმიჯს, ან პირდაპირ თამაშის დისკზე იყოს ჩაწერილი ფოლდერში Crack –– თუმცა, ამ ფოლდერს შეიძლება ერქვას თვითონ იმ ხაკერული ჯგუფის სახელიც, რომელმაც თამაში დაარელიზა: DEVIANCE, HATRED, HOODLUM და სხვა. თუ კრეკი არ მოყვა რელიზს, მაშინ ის უნდა მოიძიოთ ინტერნეტის მეშვეობით. დამატებითი ინფორმაციისათვის იხილეთ თემა "სერიული ნომრები, კრეკები ..."
უვარგისი ან შეუსაბამო კრეკის მიერ გამოწვეული პრობლემებითამაშის გაშვებისას (ან უშუალოდ თამაშის პროცესში) სხვადასხვა სახის პრობლემებს შეიძლება იწვევდეს უვარგისი, ნაჩქარევად გაკეთებული კრეკი. ასეთ შემთხვევაში უნდა მოიძიოთ კრეკის ალტერნატიული, გასწორებული ვერსია (ე. წ. Crackfix). გარდა ამისა, უნდა დარწმუნდეთ, რომ კრეკი ზუსტად შეესაბამება თამაშის ვერსიას.
Google!არის უამრავი სპეციფიური პრობლემა, რომელიც ამა თუ იმ კონკრეტულ თამაშს უკავშირდება. მათ გადაჭრაში ეს ტუტორიალი, სამწუხაროდ, ვერ დაგეხმარებათ. სამაგიეროდ, არსებობს მძლავრი ინსტრუმენტი, რომელსაც პრაქტიკულად ნებისმიერი სათამაშო პრობლემის გადაჭრა შეუძლია --
Google. გისურვებთ წარმატებებს!
This post has been edited by Obey on 26 Jan 2018, 17:29