ქართველების ეროვნული თვითშეგნება, მაღლდება?

Kakha

სახელმწიფოს თეორიაზე რომ ვისაუბროთ შორს წაგვიყვანს, თან შესაბამისად კომპეტენტური არ ვარ. მაგრამ გეთანხმები, რომ ქვეყანა არ არის 'ზოლიანი შლლაგბაუმების მიღმა შეყრილი ადამიანების ჯოგი'. ამავე დროს ქვეყანა, ჩემი ღრმა რწმენით, არ უნდა იყოს საზოგადოება, რომელიც კონკრეტულ მომენტში გაერთიანებულია, გნებავს, რუსეთისა და პუტინკას წინააღმდეგ, სამშობლოს სიყვარულის ამაზე აგება, რა თქმა უნდა, შეიძლება, მაგრამ, ვფიქრობ, ამ კონკრეტულ მომენტში არა სწორია. ქვეყნის სიყვარული სხვა ფასეულობებზე (ჩვენი იდენტობა, კულტურული მემკვიდრეობა, რომლითაც მე პირადად ამაყი ვარ, და ა.შ) უნდა ავაგოთ, შედეგად მომავალში ავირიდებთ მიშამიშამიშასჯუმბერიჯუმბერიჯუმბერიიგორიიგორიიგორის ყვირილს...

DIARIST
მერე მე სადმე ვახსენე მიშა ან პუტინი?
სამშობლოს და თანამემალუთა სიყვარული უნდა იყოს მამოძრავებელი ძალა ყოველი მოქალაქისა და არა პრეზიდენტის გამოსვლა ან რომელიმე პარტიის განცხადება. კომუნისტრუი იდეოლოგია რომლის მაგალითიც შენ მოიყვანე, არის ცუდი მაგალითი რადგან ეს იყო სუბიექტებზე დაყრდნობილი იდეოლოგია, მასში განდიდებული იყო სახელები, ასეთი იდეოლოგიის მაგალითი მსოფლიოში დღესაც ბევრია მაგრამ ეს არ ნიშნავს რომ იდეოლოგია ზოგადად ცუდია და დემოკრატიულობას ზღუდავს.
იდეოლოგია უნდა იყოს იდეების ნაკრები კონკრეტული სახელების გარეშე. სახელებმა შესაძლოა შეასრულონ მხოლოდ შუალედური როლი ამ იდელოგიის დამკვიდრებაში.
ინფანტილიზმი საზოგადოების განვითარებისათვის ვერაა კაი გზა.

Kakha

კონრეტული იდეისა და იდეოლოგიის წინააღმდეგ რატომ გამოვდივარ, ვეცდები აგიხსნა: შემთხვევით არ მოვიყვანე რუსეთის მაგალითი, სადაც მთელი ერი შეკრეს ჩეჩნების წინააღმდეგ, სინამდვილეში კი ამ ადამიანების მიზანი მხოლოდ ხელისუფლებასთან დარჩენა იყო. შესაბამისად არ გამოვრიცხავ, რომ ხვალ, შესაძლებელია, ჩვენ ქვეყანაშიც გამოჩნდნენ ძალები, რომლებიც ხელოვნურად შექმნიან კონფლიქტს, თუნდაც იმავე რუსეთთან და ამას ისევე გამოიყენებენ, როგორც ტუნდაც იგივე რუსები... ახლა შენ მიპასუხე არის თუ არა რეალურად ასეთი საშიშროება (პოტენციურად, რა თქმა უნდა)?

DIARIST
მგლის შიშით ცხვარი ვის გაუწყვეტიაო ხო გაგიგია
უსინდისო ხელისუფლის ხელისუფლებაში მოსვლის შიშით ქვეყნის საფუძვლების მორყევა არ ღირს, მით უმეტეს რომ იდეოლოგიის არარსებობა დიდ დაბრკოლებას არ წამორმოადგენს ასეთი ხელისუფალისათვის შავი საქმეების წარმოებაში.