levan_abashidze
Member
ჯგუფი: Registered
წერილები: 31
წევრი No.: 32219
რეგისტრ.: 30-March 07
|
#7369652 · 16 Nov 2007, 19:00 · · პროფილი · პირადი მიმოწერა · ჩატი
გივი თარგამაძე: მთელს მსოფლიოში ასე არბევენ.... xalxi unda misechvisoe, rom es ase aseti moxdeba....
პრეზიდენტმა სააკაშვილმა ვადამდელი საპრეზიდენტო არჩევნებისთვის მზადება უკვე დაიწყო. სახელისუფლებო უმრავლესობის წარმომადგენლები დარწმუნებულნი არიან, რომ პრეზიდენტმა შექმნილ კრიზისულ ვითარებაში ერთადერთი მართებული გადაწყვეტილება მიიღო და 2008 წლის 5 იანვრის საპრეზიდენტო არჩევნებში მას წარმატება გარანტირებული აქვს.
რატომ მიიღო პრეზიდენტმა ვადამდელი საპრეზიდენტო არჩევნების დანიშვნის გადაწყვეტილება მხოლოდ მას შემდეგ, რაც 2007 წლის 7 ნოემბერს პარლამენტის წინ გამართული მშვიდობიანი საპროტესტო აქცია სასტიკად დაარბია? ხელისუფლება დათმობებზე და კომპრომისზე საუბარი მხოლოდ გადაჭარბებული ძალის დემონსტრიების შემდეგ რატომ დაიწყო, თანაც მაშინ, როდესაც მშვიდობიანი საპროტესტო აქციის აღსაკვეთათ ხელისუფების მხრიან გატარებულმა ზომებმა ქვეყნის საერთაშორისო იმიჯი სერიოზულად შეარყია?
`მთელი კვირა~ `ნაციონალური მოძრაობის~ ერთ-ერთ ლიდერს, პარლამენტის თავდაცვის და უშიშროების კომიტეტის თავმჯდომარეს გივი თარგამაძეს ესაუბრა.
`მთელი კვირა~: პრეზიდენტმა სააკაშვილმა ვადამდელი საპრეზიდენტო არჩევნები დანიშნა. იქნებ განმარტოთ, პრეზიდენტმა ასეთი გადაწყვეტილება რა მიზეზების გამო მიიღო?
გივი თარგამაძე: ვფიქრობ, ეს მეტად სერიოზული გადაწყვეტილება იყო, რომელსაც მოსახლეობის, მოქალაქეების დადებითი რეაქცია მოჰყვა. მიზეზი ძირითადად ერთი რამ იყო, რომ მორჩეს სპეკულაციები თემაზე - ხელისუფლების მიერ ბოლო დროს მიღებული გადაწყვეტილებები მართებული იყო თუ არა. ხალხს საშუალება აქვს ეს ყველაზე ცივილური მეთოდით, პირდაპირ საარჩევნო ყუთთან შეაფასოს.
ვფიქრობ, არა თუ პოსტსაბჭოთა სივრცეში, მსოფლიოშიც ძნელად მოიძებნება ინიციატივა, როდესაც პრეზიდენტი საკუთარი პრეზიდენტობის ვადას წელიწადნახევრით იმცირებს. ვადამდელ საპრეზიდენტო არჩევნებში გამარჯვება პრეზიდენტ სააკაშვილს ბოლომდე განმტკიცებულ მანდატს მისცემს იმისთვის, რომ მან მძიმე, მაგრამ ქვეყნისთვის უმნივნელოვანესი გადაწყვეტილებები მიიღოს და ეს გადაწყვეტილებები კამათის საგნად აღარ იქცეს.
`მ.კ~: ათეულ ათასობით მოქალაქე ქუჩაში გამოვიდა და საპარლამენტო არჩევნების გაზაფხულზე გამართვა მოითხოვა. სააკაშვილის გადადგომის მოთხოვნა სულ ბოლოს გახმიანდა. თუ მაინც გადადგებოდა, სააკაშვილმა ეს მშვიდობიანი აქციის ასეთის სახით დარბევის შემდეგ რატომ გააკეთა? სიტუაციის დამშვიდება ხომ გაცილებით ნაკლები დათმობების ფასად შეეძლო?
_ ქუჩაში გამოსულ ხალხს რაც აწუხებდა აბსოლუტურად გასაგებია. ეს ძირითადად სოციალური პრობლემატიკა, ფასების ზრდა, უმუშევრობა იყო. მათ ნაკლებად აწუხებდათ ის, საპარლამენტო არჩევნები გაზაფხულზე გაიმართებოდა თუ შემოდგომაზე. ისიც გასაგებია, რომ ხალხი განაწყენებულია. რადგან თუ 800 000 უმუშევარი გვყავდა და სამუშაო ადგილი მხოლოდ 300 000-სთვის შევქმენით, ეს დანარჩენი 500 000-სთვის არაფერს ცვლის. ბუნებრივია, მას აქვს პროტესტის გრძნობა. მაგრამ ამ ხალხს რაში იყენებდნენ ესეც ვნახეთ.
იმ ოთხი მოთხოვნის დაკმაყოფილება, რომელიც საპროტესტო აქციებზე წამოაყენეს, არც ოპოზიციის ლიდერებს აკმაყოფილებდათ. ჩვენ მუდმივად ვთავაზობდით მათ დიალოგს, მაგრამ ისინი ამ დიალოგზე თავიდანვე უარს ამბობდნენ.
`მ.კ~: უმრავლესობა ოპოზიციას დიალოგს დღესაც სთავაზობს. მაგრამ ხომ არ არის ეს დიალოგი დიალოგისთვის, რომელიც რეალურ შედეგებს ვერ მოიტანს?
_ არა, არა. პირველ რიგში უნდა შევთანხმდეთ დიალოგი რას ნიშნავს.
`მ.კ~: ძალის დემონსტრირების და `კუნთების შეთამაშების~ შემდეგ?
_ კი ბატონ, ახლა არის ძალის დემონსტრირების შემდეგ. მოდით ის ვთქვათ, მათთვის დიალოგი მანამდე რატომ იყო მიუღებელი? დიალოგი არ ნიშნავს იმას, რომ შენს ოთხ მოთხოვნას მოიტან და განაცხადებ, რომ მხოლოდ ამაზე უნდა ვისაუბროთ. დიალოგი ნიშნავს იმაზე საუბარს, ერთად რა შეგვიძლია მივიღოთ და შევასრულოთ. ამაზეც არ მოდიოდნენ. პირველივე შესვლაზე ბურჯანაძეს უთხრეს: შენი აზრი საერთოდ არ გვაინტერესებს, პრეზიდენტს ჩვენი მოთხოვნები გადაეციო. ეს ულტიმატუმის ენაზე საუბარია და როდესაც ულტიმატუმით მოდიხარ, ნურც საკუთარ თავს და ნურც მოსახლეობას ნუღარ ატყუებ. სწორედ ამ ტყუილებმა დაძაბა სიტუაცია. ბოლოს იძახდნენ, ჩვენი სამი მოთხოვნა დააკმაყოფილეთ და მეოთხესაც დააკმაყოფილებთო. დღესაც იმ სამ მოთხოვნაზე ვსაუბრობთ, რაზეც დარბევამდე ვსაუბრობდით და დარბევა რა საჭირო იყო კი არა, საერთოდ სიტუაციის ასე გამწვავება რა საჭირო იყო, როდესაც იმ სამი მოთხოვნის დასაკმაყოფილებლად, რომელზეც ეხლა მოდიან, მაშინვე მზად ვიყავით.
რაც შეეხება მეოთხე მოთხოვნას, საპარლამენტო არჩევნების აპრილში გამართვა რატომ არის მიუღებელი, იმაზე მეტი არგუმენტები, რაც დასახელდა რა უნდა მოგვეყვანა. სამი საკითხი ვთქვით, რომელიც ქვეყნის უსაფრთხოებას პირდაპირ უკავშირდება. იმის თქმა, რომ ეს აღარ აინტერესებთ და ფეხებზე ჰკიდიათ, მერე რა მოხდა, ისრაელი სულ ომშია, წარმოუდგენელია. ჩვენ ვცდილობთ ასეთ ომში არ ჩაგვითრიონ.
`მ.კ~: არსებობს პოლიტიკური ნება, ხელისუფლებამ შეისწავლოს ის, რა მხოდა რუსთაველზე, რიყეზე, ტელეკომპანია `იმედში~. პოლიციამ გადაჭარბებული ძალა ხომ არ გამოიყენა? ფოტოკორესპონდენტებმა ფირზე აღბეჭდეს, სამოქალაო ფორმაში, ჯინსის შარვლებში, ქურთუკებში გამოწყობილი მამაკაცები, სახეზრ ნიღბებით აქვთ დაფარული ხის ხელკეტებით შეიარაღებულები აქციის მონაწილეებს. რომ ურტყამენ. თუკი ისინი სამართალდამცველები იყვნენ, ასეთ დროს ფორმა არ ეცვათ და მოქალაქეებს არა სპეციალური რეზინის, არამედ ხის ხელკეტებით არბევდნენ, ეს არის თუ არა კანონდარღვევა და რა იქნება იმ შემთხევვაში თუ გაირკვა, რომ ეს ხალი არცერთ ძალოვანი სტრუქტურას არ წარმოადგენდა. რატომ ღებულობდნენ დარვბევაში მონაწილეობას სამოქალაქო პირები?
_ კი, ბატონო ეს ყველაფერი შეიძლება მოხდა. ამ წუთში მე ზუსტად ვერაფერს გეტყვით.
`მ.კ~: ასეთი ფოტოები, კადრები არსებობს და მათი მოძიება არ გაძნელდება...
_ როდესაც პოლიტიკური სიტუაცია დაწყნარდება, ჩვენ შეგვიძლია შევქმნათ სპეციალური კომისია, რომელიც ამ მოვლენებს შეისწავლის და გამოიძიებს. იყვნენ ამ კომისიაში ოპოზიციის წარმომადგენლებიც, ამაში ვერანაირ პრობლემას ვერ ვხედავ. თუ რაღაც გადაცდომები იყო, ის შესაბამისად უნდა შეფასდეს. მაგრამ, მთლიანობაში ოპერაცია მეტად მაღალპროფესიულ დონეზე ჩატარდა და სხვათა შორის აქ პრობლემა უფრო მძიმე ქართულ მეხსიერებაშია. პირადი მაგალითით გეტყვით, ჩემი იტალიელი სიძისთვის აქციის ასეთი სახით დარბევა არანაირ პრობლემას არ წარმოადგენს და ვერ ხვდება, ჩვენთვის რატომ გახდა ეს პრობლემა.
`მ.კ~: არაერთხელ აღნიშნეთ, რომ აქციის დასარბევად დასავლეთში შეძენილი გაზი გამოიყენეთ. რომ აქცია დასავლური მეთდოებით დაარბიეთ. თქვენც და ხელისუფლების წარმომადგენლებიც ამის ულტრირებას ახდენთ. ამით იგივე დასავლეთის მიმართ საზოგადოებაში ნეგატიურ განწყობების ზრდას ხომ უწყობთ ხელს?
_ რატომ უნდა გაზარდოს. რა შუაშია დასავლეთი, აღმოსავლეთშიც ასე არბევენ. მთელს მსოფლიოში ასე არბევენ. ულტრირება რა შუაშია. ეს არის ჩვეულებრივი ფრომატი. არეულობების დაცხრობა ამ ფორმებით ხდება. კარგი ბატონო, დასავლეთს არარ ვიტყვი, მთელს მსოფლიოში, მათ შორის აღმოსავლეთშიც, თურქეთშიც საპროტესტო აქციებს ასე შლიან. ეს საერთაშორისო პრაქტიკაა და იმდენად ხშირია, რომ იქ ყველა მიჩვეულია.
ეს პანიკას მხოლოდ ჩვენთან იწვევს. პარალელების გავლება 9 აპრილთან უსინდისობაა. რადგან 9 აპრილსაც ვიყავით ყველან იქ და 9 აპრილი რა შუაშია ვერ ვხვდები. აქ არის ადამიანი, რომელმაც აფხაზეთი უნდა დაგიბრუნოს ხვალ და იქ იყო ადამიანი, რომელმაც აფხაზეთი წაგართავ და ის არბევდა. ის ნიჩაბს ურტყამდა თავში და მომწამვლელ გაზს ასხამდა და აქ ყველაფერი ჩვეულებრივად იყო. ხალხი უნდა მიეჩვიოს, რომ ასეთი რამ მხოდება.
`მ.კ~: ამბობთ, რომ აქცია დასავლური სტანდარტებით დაარბიეთ. თუმცა, გაეროს, ეუთოს, ნატოს და სახვა საერთაშორისო ორგანიზაციების წარმომადგენლები აცხადებენ, რომ მშვიდობიანი საპროტესტო აქციის დარბევა, დამოუკდიებელი ტელეკომპანიის მაუწყებლობის შეწყვეტა და ინფორმაციის გავრცელებაზე შეზღუდვა დასავლურ, დემოკტარიულ სტანდარტებში არ ჯდება.
გ.თ.: მოდით ასე ვთქვათ, საგანგებო მდგომარეობის გამო ჩვენ არ გვქონდა დრო საერთაშორისო თანამეგობრობისთვის სრული ინფორმაცია მიგვეწოდებინა იმაზე, რაც ხდება. ეს არის შიდა პრობლემა, რომელიც მოგვარებაზეც მთლიანად ვიყავით კონცენტრირებულნი. ვფიქრობ, ჩვენი განმარტებების შემდეგ ეს პოზიციები შეიცვლება. მაგრამ, ახლავე შემიძლია გითხრათ, რომ არეულობების დამშვიდებისთვის გამოყენებულ საშუალებებზე და ოპერაციაზე მთლიანად, არცერთი უარყოფითი გამოხმაურება არ ყოფილა. ის, რაც მათთვის შორიდან შესაძლოა გამაღიზიანებელია, ეს საგანგებო მდგომარეობა და მედიასაშუალებების შეზღუდვაა.
`მ.კ~: თუმცა, ითქვა, რომ დასავლეთის რეაქცია არ იქნებოდა ასეთი მწვავე, სპეცდანიშნულების რაზმები რუსთაველის პროსპექტის შემდეგ აქციის რიყეზე ჩასულ მონაწილეებს ასეთი სისასტიკით რომ არ აგსწორებოდნენ და შემდეგ ტელეკომპანია `იმედში~ არ შეჭრილიყვნენ.
გ.თ.: გიმეორებთ, მწვავე რეაქცია მხოლოდ საგანგებო მდგომარეობის შემოღებას და მედიასაშუალებების შეზღუდვას მოჰყვა. თუმცა, ჩვენ მათ სრულ განმარტებას მივცემთ, ეს რისთვსი არის აუცილებელი. ეს აუცილებელი ნაბიჯი იყო და ვფიქრობ იმაში მაინც ვერავინ შემეწინააღმდეგება, რომ სიტუაცია მხოლოდ მას შემდეგ დაწყნარდა, რაც საგანგებო მდგომარეობა შემოვიღეთ და მედიასაშუალებები შეიზღუდა.
`მ.კ~: ხელისუფლებამ პრაქტიკულად დაადასტურა, რომ საქართველოში მოქმედი ყველა პოლიტიკური პარტიის ლიდერის სატელეფონო საუბრები ისმინება. რაც კანონის სერიოზული დარღვევაა. გამოქყევნდა მათი სატელეფონო საუბრის ჩანაწერები, ისე რომ არ გაკეთებულა ახსნა-განმარტება, ეს მოსმენები კანონიერი და სასამართმოს მიერ სანქცირებული იყო თუ არა.
გ.თ.: მაოცებს მათი ერთსულოვნება. რატომ მიიღო ყველამ ეს საუბრები ისე, თითქოს მათი ტელეფონები ისმინება? იქნებ მეორე მხარის, რუსული სპეცსამსახურების ტელეფონები ისმინებოდა?
`მ.კ~: 5 იანვარს ვადამდელი საპრეზიდენტო არჩენები გაიმართება. დავუშვათ, ოპოზიციის კანდიდატმა გაიმარჯვა. როგორ წარმოგიდგენიათ მისი და მოქმედი საპარლამენტო უმრავლესობის ურთიერთობა?
გ.თ.: თუ ეს ოპოზიციას რაიმე სიამოვნებას მოუტანს, თეორიულად ამის დაშვება შეიძლება.
`მ.კ~: საპარლამენტო არჩევნების გაზაფხულზე გამართვა იმიტომაც ხომ არ იყო მიუღებელი, რომ სააკაშვილს დამარცხების შემთხვევაშიც კი მას სახელისუფლებო უმრავლესობის საშუალებით სიტაუციის კონტროლის და მორიგი სახელისუფლებო კრიზისის შექმნის შესაძლებლობა ექნება?
გ.თ.: ყველგან შეთქმულების თეორიებს რატომ ეძებთ?
`მ.კ~: შეთქმულების თეორიებს უფრო ხელისუფლება გვთავაზობს.
გ.თ.: თუ ასეთი რამ მაინცდამაინც უნდა წარმოვიდგინო, მოვლენების განვითარება წარმომიდგენია ისე, როგორც ეს უკრაინაში მოხდა.
`მ.კ~: თუკი 5 იანვარს გამართულ პლებისციტში საქართველოს მოსახლეობის დიდი უმრავლესობა საპარლამენტო არჩევნების გაზაფხულზე გამართვას მხარს დაუჭერს, პარლამენტი ამას გაითვალისწინებს?
გ.თ.: საპარლამენტო არჩევნები აპრილში არ გაიმართება.
`მ.კ~: ვთქვათ აპრილში არა, მაისიც ხომ გაზაფხულის თვეა?
გ.თ.: ყველა ადამიანი, რომელიც საპარლამენტო არჩევნების ჩატარებას აპრილში, თებერვალში ან მარტში მოითხოვს ჩემთვის `კაგებეშნიკია~. იმის მიუხედავად, ნომერი აქვს, სალამატინს ელაპარაკება თუ არა. ის რუსეთის ინტერესებს პირდაპირ ემსახურება და ამ მოვლენების შემდეგ ამ თემაზე საუბარი კიდევ თუ იქნება არ ვიცი. ახლა ხომ აქვთ იმედი? რაც უნდოდათ ხომ მიიღეს? მოიგონ ეს არჩევნები, მაგრამ როგორ მოიგებენ აგერ ნახავთ.
`მ.კ~: აცხადებთ, რომ დიალოგისთვის მზად ხართ. რომელ პოლიტიკურ ძალებთან დიალოგზე ამბობთ უარს?
გ.თ.: ჩვენ უკვე განვაცხადეთ რა დათმობებზე წავალთ. ვისაც ეს ხელს აძლევს, შეუძლია მოვიდეს და დაილოგი გავმართოთ. ვიცი, რომ დიალოგისთვის რამდენიმე პოლიტიკური ძალა უკვე მზად არის. ჩვენ დავიწყებთ მოლაპარაკებებს და მერე ვისაც უნდა შემოგვიერთდეს.
არ დაველაპარაკებით ხმოლოდ მათ, ვინც რუსებთან ურთიერთობაშია მხილებული: შალვა ნათელაშვილი, კოკო გამსახურდია, ლევან ბერძენიშვილი, გოგა ხაინდრავა, ცოტნე გამსახურდია, მაგრამ `რესპუბლიკელებს~ ზოგადად დაველაპარაკებით და არ უნდა იყოს ეს მაინცდამაინც ლევან ბერძენიშვილი.
`მ.კ~: გამოდის, ვიდრე პრეზიდენტი სააკაშვილის ვადამდელ საპრეზიდენტო არჩევნებს დამიშნავდა, რუსეთის სპეცსამსახურებთან თანამშრომლობაში `მხილებით~ ყველა შესაძლო საპრეზიდენტო კანდიდატი გაანეიტრალა?
გ.თ.: თუ მეტყვით, რომ დასახელებულთაგან რომელიმ საპრეზიდენტო კანდიდატი იყო, მე შეიძლება სიცილით მოვკვდე.
`მ.კ~: ერთია დააყენებდნენ ისინი საკუთარ კანდიდატურას თუ არა, თუმცა დიდი ხანია საუბრობდნენ, რომ 2008 წლის საპრეზიდენტო არჩევნებში პრეზიდენტ სააკაშვილის კონკურენტები შესაზლოა კოკო გამსახურდია შალვა ნათელაშვილი ყოფილიყვნენ. რამდენიმე თვის წინ კი `რესპუბლიკელებმა~ განაცხადეს, რომ მათი საპრეზიდენტო კანდიდატი შესაძლოა ლევან ბერძენიშვილი ყოფილიყო.
გ.თ.: ჩვენ როგორ გავანეიტრალეთ? ის ისიც მახსოვს, ეს ხალხი ერთი კვირის განმავლობაში რომ ყვიროდა საქართველო პრეზიდენტის გარეშეო.. ათი პარტიაა და ერთი `არაკაგებეშნიკი~ კანდიდატი ვეღარ უნდა გამოყონ?
ნინო ჯაფარიძე `მთელი კვირა~ ....
გამაოგნა ამ ინტერვიუმ....ეს ნაძირალა რეებს ამბობს...
|
2 ნოემბერს დაწყებული მიტინგის ფოტო და ვიდეო მასალა
