მოგესალმებით აქაც - და კიდევ ერტხელ ვიმეორებ ჩემეულ შეფასებას თუ რატომ შევიდა სპეცნაზი იმედში და როგორ ამზადებდნენ ფონს იმედში შესასვლელად: გამოხატეთ თქვენი აზრი. წინასწარ დიდი მადლობა:
მთელი დღის განმავლობაში ცდილობდნენ იმედისთვის იარლიყის მოწებებას, რომ იმედი მოუწოდებდა დამხობისკენ.
მაგალითები: მარტო 7 ნოემბერზეა საუბარი.
1. ბატონი გივი თარგამაძის განცხადებით იმედის სიცრულის მანქანამ, პრეზიდენტი ამ მანქანას სიცრუის ფაბრიკას უწოდებს -დილიდან დაიწყო მოწოდება ხალხო გამოდით ქუჩაშიო (საუბარია მოშიმშილეების დარბევაზე, რასაც ზოგიერთი პოლიციელი ლერ კიდევ დილის ათის ნახევარზე უწოდებდა მშვიდობიან თხოვნას ადექით და წადითო და ისინიც ადგნენ და წავიდნენო). რუსთავი2-ის და იმედის ოპერატორებს ამ დილის დარბევისას კამერები წაართვეს, რომლებიც შემდეგ დაუბრუნეს. ამას აჩვენებდა როგორც იმედი, ასევე რუსთავი2. მადლობა რუსთავი2-ის დილის გადაცემის თანამშრომლებს, რომლებიც ობიქეტურად აშუქებდნენ მოვლენებს. და იმედმა მოუწოდაო ხალხს გამოდით ქუჩაშიო -ამ დროს როგორც იმედი, სე ყველა სხვა არხი აჩვენებდა პირდაპირ ჩართვებს რესპუბლიკელების ოფისიდან და იმას თუ როგორ მივიდა ხალხი პარლამენტთან.
2. ბატონი ნიკა რურუა პირდაპირი ჩართვისას აცხადებდა რომ მე გავიგონე რომ იმედის ჟურნალისტი 13 საათზე დარბევის (მათი სიტყვებით ევროპული სტანდარტებით მიტინგის დაშლის) დროს მოუწოდებდაო პარლამენტში შევვარდეთო. მერე მთელი საათის განმავლობაში პირდაპირი ჩართვების დროს იმედის ჟურნალისტი ლიკა ბერაია ეკითხებოდა და სთხოვდა უმრავლესობის წევრებს დაესახელებინათ ეს ჟურნალისტი, სქესი მაინც, თუ არადა ბოდიში მოეხადათ ტელეკომპანიისთვის -ვერავინ ვერ დაასახელა - მაია ნადირაძემ კი აღნიშნა რადიო იმედში ვუსმენდიო მოწოდებებს ხალხო გამოდით ქუჩაშიო.
3. ბატონი გივი თარგამაძე (ასევე ბატონი გიგა ბოკერია) აცხადებდნენ, რომ იედმა მოუწოდა ხალხს რიყეზე შეიკრიბეთო - პირველად პირდაპირი ჩართვები რიყიდან განახორციელეს საზოგადოებრივმა მაუწყებელმა და რუსთავი2-მა - იმედს ამ დროს 2 სარელეო გადამცემი დაზიანებული ჰქონდა რუსთაველზე მომხდარი ამბების გამო - წამყვანმა -მაგდა ანიკაშვილმა გამოაცხადა მხოლოდ რომ ამ წუთებში ოპოზიციური პარტიის ლიდერები რიყეზე იკრიბებიანო -ეს არ იყო მოწოდება - სატელეფონო ჩართვაში გოგა ხაინდრავამ მოუწოდა ხალხს იქ მისულიყო - გოგა ხაინდრავა იმედის თანამშრომელი არ არის.
4. ბატონი გივი თარგამაძე აცხადებდა, რომ იმედმა არ გაუშვა შეგნებულად ეთერში და უარს აცხადებსო სატელეფონო ჩანაწერების -ცნობილი ოპერატიული მასალის - ეთერში გაშვებაზეო. კორესპოდენტი ეკითხებოდა -კონკრეტულად დამისახელეთო ვინ უთხრა ვის უარიო - თარგამაძემ და ქალბატონმა ნადირაძემ ვერ დაასახელეს - არ ვიცითო ასე გვითხრესო და პასუხად თქვეს აბა რატომ არ უშვებთო? რაზეს იმავე ლიკა ბერაიამ უპასუხა და სავსებით მართებულად რომ ტელეკომპანიაში მასალა გვიან მოვიდა და აი რატომ - ყველა ტელეკომპანიას მასალა გადასცეს შ.ს.ს-ს შენობაში -სხვა ტელევიზიებმა მოახერხეს მასალის გადმოგორება. იმედს იმ დროს იქ გადამცემი არ ჰქონდა უკვე ზემოთმოყვანილი მიზეზების გამო. კორესპოდენტმა ეკა ადეიშვილმა კასეტა წამოიღო და მასალა ეთერში გავიდა მას შემდეგ რაც ფირმა მანქანით მოაღწია ორთაჭალიდან დიღომში და რა დროც მოუნდა მასალის კომპიუტერში შეგორებას -მასალა ერთი საათის განმავლობაში ეთერში გავიდა 2-ჯერ - 13 წუთიანი მასალა! ბატონმა გივი თარგამაძემ იქვე აღნიშნა, რომ მასალა თუ იმედის ეთერში გავიდოდა ის ბოდიშს მოიხდიდა - დღეს უკვე 10 ნოემბერია - ბოდიში მას ჯერ არ მოუხდია -ამ კონკრეტული ფაქტის გამო.
5. ბატონმა გივი თარგამაძემ (ასევე ბატონმა გიგა ბოკერიამ) აღნიშნეს, რომ იმედის ეთერიდან ბადრი პატარკაციშვილის განცხადება იყო ხელისუფლების ძალადობრივი დამხობის მოწოდება. ინფორმაცია გაავრცელა სააგენტო "ინტერპრესნიუსმა" და მაგდა ანიკაშვილმა წაიკითხა სააგენტოს ინფორმაცია - ეს არ იყო იმედის განცხადება ან იმედის მოწოდება.
6. ბატონმა გივი თარგამაძემ განაცხადა რომ ბოლო წვეთი იყო იმედის მიერ გამოცხადებული ამაზრზენი ინფორმაცია თითქოს სპეცრაზმი აპირებდა სამების საკათედრო ტაძრის დარბევას - საიტებზე არის 20 საათიანი ქრონიკის გამოშვება -იქ არც წამყვანი სოფო მოსიძე და არც პირდაპირი ჩართვისას კორესპოდენტი ნათია მიქიაშვილი მსგავსს არაფერს ამბობენ - ისინი ამბობენ რომ სამებასთან ქუჩაზე არის მობილიზებული სპეცნაზი და რომ არსებობს ინდორმაცია მათი სამებასთან მოახლოების შესახებ -მერე პირდაპირში მიდიოდა ხალხის სინქრონების სამებასთან თავისი ინტერხმით, სადაც ხალხი ამბობს, რომ გაზის სუნია ტაძრის ეზოშიც და ქვევით დგას სპეცრაზმიო.
7. და რატომ ხდებოდა ეს ყველაფერი და როგორ ემზადებოდა დილიდან სპეცრაზმი ნახეთ ამ ვიდეოში -
http://www.youtube.com/watch?v=4JZ_fSXGTIQმგონი ძირითადად დავწერე ყველაფერი - რატომ შევიდა სპეცრაზმი იმედში და რა სამართლებრივ საფუძველს უდებდა ხელისუფლება ამ სპეცოპერაციას.
იმედი, გულრწფელი კითხვა
