www.bestgeorgians.ge, დაჰაკეს!!!

არ მესმის რა არის ამაში საამაყო

გენაცვალე, თქვენ თავს ისულელებთ თუ რაშია საქმე?

ყველაფერს რომ თავი დავანებოთ (ჯერ მხოლოდ ამაზე შევჩერდეთ), თქვენ გესმით რას ნიშნავს თარგმნო ინგლისურ ენაზე ვეფხისტყაოსანი? თქვენ თვითონ მიხვდებით თუ მე დაგეხმაროთ?

თქვენი აზრით -- საკმარისი არაა... --თქვენ გარიყული უმცირესობა ხართ...

BACHO

თქვენი ლოგოკით ვეფხისტყაოსნის ავტორზე უფრო დიდი ქართველია ის ვინც ვეფხისტყაოსანი თარგმნა( ეს მოგყავთ არგუმენტად მემგონი არ უთარგმნია შესწორებები დაურთო თარგმანს).მე მაპატით რომ ჩემთვის რუსთაველი ვაჟა ილია უფრო დიდი ქართველები არიან ვიდრე გამსახურდია.

"მგონია"

თქვენ კი გგონიათ არ თარგმნა, მაგრამ იგი მისი ნათარგმნია და ნუ გწყინთ ეს ამბავი - პირიქით საამაყოა თუკი ვინმე ქართველთა სულის სარკეს, ქართველი ერის მთელ ფილოსოფიას უცხოელს უცხო ენაზე წააკითხებს და გააცნობს... ნუ გწყინთ ეს ამბავი! (თქვენ ქართული ასწავლეთ მათ და ორიგინალში წააკითხეთ)

ვეფხისტყაოსანი უცხო ენაზე რომ თარგმნო, მარტო პოეტური ნიჭით არ უნდა იყო დაჯილდოებული, არამედ საგანს უნდა იცნობდე სიღრმისეულად, ამასთან - არაა აუცილებელი სიტყვა-სიტყვით თარგმნო ნაწარმოები, არამედ გადმოსცე ნაწარმოების დედააზრი დაუმახინჯებლად... თუმცა, როგორც ვფიქრობ, რაც არ უნდა ლამაზი და კარგი იყოს, თუ ადამიანს სულში სიძულვილის ჭია აქვს ჩამხტარი, ლამაზი და კარგი, მახინჯად და ცუდად მოეჩვენება...

ხო, ერთს კიდევ დავამატებ - ერთი უგუნურიც ამბობდა "რაღაც" თავისი მიზნისათვის, თითქოს ზვიადის ნათლია ბუბას დედა იყო (მასაც ასე ეგონა)... ზვიად გამსახურდიას ნათლია ბუბას დედა კი არ იყო, არამედ საქართველოს კათალიკოს პატრიარქი კალისტრატე ცინცაძე! ....ვფიქრობ, ამის გამო ახლა საქართველოს პატრიარქს კალისტრატე ცინცაძესაც შეიძულებენ!


გმადლობთ ყურადღებისათვის!


ნუ გწყინთ, ნუ....




This post has been edited by BACHO on 11 Jan 2009, 19:09

მემგონი თქვენ ჩემი პოსტი არ წაგიკითხავთ.მე რა დავწერე და თქვენ რა მიპასუხეთ,სად მიწერია რომ ზვიადი არ იყო ქვეყნის პატრიოტი და საწყენია რომ თარგმნა ვეფხისტყაოსანითქო?მე ის დავწერე ეს საკმარისი არ არის ჩეემთVის რომ ის თუნდაც

ამ ადამიანების წინ დავაყენოთქო.

სრულიად საქართველოს კათოლიკოს-პატრიარქი წლის ადამიანი გახდა - გამოკითხვა
13:14 | 12/ 01/ 2009
თბილისი, 12 იანვარი, /”ახალი ამბები - საქართველო”, ციცია მამულაშვილი/. 2008 წლის ადამიანად სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე დასახელდა. ეს განსაზღვრა ყოველკვირეული გაზეთის ”კვირის პალიტრას” მიერ ჩატარებულმა გამოკითხვამ, რომელშიც მონაწილეობა 613-მა რესპოდენტმა მიიღო.

გამოკითხვაში კათოლიკოს-პატრიარქი დიდი უპირატესობით ლიდერობს - ილია მეორემ ხმათა 53,2% მოაგროვა და გაუსწრო საქართველოს პრეზიდენტს მიხეილ სააკაშვილს, რომელმაც მხოლოდ 8,3% დააგროვა.

მესამე ადგილზე 7,3%-ით ირაკლი ალასანიაა - გაეროში საქართველოს ყოფილი მუდმივი წარმომადგენელი, რომელიც სულ ახლახანს ხელისუფლების ოპოზიციაში გადავიდა.

შემდეგი ადგილები ასე გადანაწილდა: ოლიმპიური ჩემპიონი ირაკლი ცირეკიძე - 5,5%, ქართველი მილიარდერი ბიძინა ივანიშვილი - 4,6%, ქართველი მომღერალი და მეცენატი პაატა ბურჭულაძე - 3,6%, ”ეროვნული ფორუმის” ერთ-ერთი ლიდერი გუბაზ სანიკიძე - 1,5%.

8-10 ადგილები ხმათა 1,3%-ით გაიყვეს მიხეილ სააკაშვილის ყოფილმა თანამოაზრემ, ამჟამად ოპოზიციური პარტიის ”მოძრაობა ერთიანი საქართველოსთვის” ლიდერმა ირაკლი ოქრუაშვილმა, ქრისტიან-დემოკრატიული მოძრაობის ლიდერმა გიორგი თარგამაძემ და სახალხო დამცველმა სოზარ სუბარმა.

გრაფას ”სხვა” მხარი დაუჭირა გამოკითხულთა 10,5%-მა, ხოლო რესპოდენტთა 1,6%-ს გაუჭირდა პასუხის გაცემა.
http://www.newsgeorgia.ge/geo1/20090112/42362050.html