ირაკლი ლომაია: ”მე ნამდვილი ექსტრასენსი ვარ, ვიღაც ჰარი პოტერი კი არა”საქართველოში დაბრუნდა ცნობილი ქართველი ექსტრასენსი ირაკლი ლომაია. საზღვარგარეთ დიდხნიანი გახიზნვის შემდეგ ის კვლავაც აპირებს სამშობლოში ბნელ ძალებთან ბრძოლას. ნი2 ნიუსმა არ დააყოვნა და ლომაიას ესტუმრა, გთავაზობთ ინტერვიუს მასთან:
-ბატონო ირაკლი თქვენი გახიზნვის მიზეზად ზეწოლა სახელდებოდა, ხომ ვერ გაგვიმხელთ ვინ გავიწროვებდათ?
- კონკრეტულად ვინ ეს არ ვიცი, მაგრამ ზეწოლა მას შემდეგ დაიწყო რაც ხელისუფლების წარმომადგენლები უარით გავისტუმრე, დასკვნები თავად გამოიტანეთ.
- თუ საიდუმლო არ არის, რაზე გესტუმრნენ ხელისუფლების წარმომადგენლები?
- ფინანსური კრიზისი რომ დაიწყო ჩემთან რამდენიმე წამყვანი პოლიტიკოსი მოვიდა, გვარებს არ დავასახელებ მაინც პროფესიონალი ვარ, ნამდვილი ექსტრასენსი - ვიღაც ჰარი პოტერი კი არა. მოკლედ, ამ ბატონებმა მთხოვეს საქართველოს ბიუჯეტისთვის ბარაქაზე შემელოცვა. მე ბევრი ვიფიქრე ამაზე, კოსმიურ ძალებსაც დავუკავშირდი და ზემოდან მივიღე მკაცრი მესიჯი იმის შესახებ, რომ ამათ არ დავხმარებოდი. ჯერ ერთი ამ შელოცვას ისინი აუცილებლად ჯიბეში ჩაიდებნენ და მთელს ქართულ ბარაქას მიითვისებდნენ, მეორეც ჩვენს კოსმიურ მამებსა და ძმებს ჩვენთვის სხვა გეგმები აქვთ.
- რა გეგმები აქვთ თუ საიდუმლო არ არის?
- გეგმები უამრავია, საიდან დავიწყო არ ვიცი, თან ნებართვაც არ ამიღია ზეციდან. ისე საიდუმლოდ გეტყვით, რომ მალე საქართველოს ახალი პრეზიდენტი ეყოლება!
- თქვენ შეულოცეთ?
- დიახ! წარმატებაზე და წინსვლაზე. სხვათაშორის მაგ ოპოზიციაშიც ძალიან ბევრი მზაკვარი ადამიანია. ერთმა დედაკაცმა, გვარს არ დავასახელებ, ჯადოს გაკეთება მთხოვა - სააკაშვილისთვის უნდოდა და სხვადასხვა პოლიტიკოსებისთვის. სულ კინწისკვრით გავაგდე აქედან ეგ თავხედი.
- როგორია საქართველო მომავალი?
- ბრწყინვალე! დამიჯერეთ! თუმცა გრძელ გზას ვხედავ. წარსულში გული გვატკინეს, მაგრამ გადავლახეთ. აი იქ ასო მ-ს ვხედავ, თითქოს ფრინველს მოაქვსო.
- ბატონო ირაკლი ეგ ჩემი ყავის ჭიქაა...
- აჰ! ბოდიში! აურა ხომ არ გაგიწმინდოთ 10 ლარად?
- არა გმადლობთ, კარგად ბრძანდებოდეთ.
- ნახვამდის, კიდევ შემომიარეთ. აი ჩემი სავიზიტო ბარათიც.
http://ni2news.ge/2009/06/25/lomaiapotter/
ნომრის დადება და სტრელები არ მოითხოვოთ, ბოზიშვილივიყო არ მოვალ. ამიტომ გაუფრთხილდით ნერვებს!
ირაკლი ლომაია vs სააკაშვილის რეჟიმი, პარაფსიქოლოგი მთავრობის წინააღმდეგ :D 
