საზოგადოების ნაწილი ილია მეორეს მიმართვას უგზავნის და რიგ კითხვებზე პასუხის გაცემას სთხოვს
საზოგადოების ნაწილი დღეს საქართველოს კათოლიკოს-პატრიარქს, უწმინდესსა და უნეტარეს ილია მეორეს სპეციალურ მიმართვას გაუგზავნის. "ბოლო დროს საქართველოს მართლმადიდებელი ეკლესიის საპატრიარქო მიმდინარე პოლიტიკურ პროცესებში აქტიურად მონაწილეობს და აცხადებს, რომ ის ქართული სახელმწიფოებრიობის საფუძველი და ქვეყნის ეროვნული იდენტობის სახეა. აქედან გამომდინარე, ჩვენ, მოქალაქეები, მივიჩნევთ, რომ საზოგადოებაში არსებულ კითხვებს პასუხი უნდა გაეცეს. დავით ამირეჯიბი, ბექა მინდიაშვილი, თეა თუთბერიძე, დეკანოზი კახაბერ კურტანიძე, დავით რაფავა, ეკა კვესიტაძე, ექსპერტი რელიგიის საკითხებში ნუგზარ პაპუაშვილი, ჟურნალისტი რომან ქევხიშვილი და სხვები აწერენ ხელს. ისინი საქართველოს პატრიარქiსგან ითხოვენ, პასუხი გაეცეს კითხვებს:
1.რა ურთიერთკავშირი არსებობდა საქართველოს საპატრიარქოსა და საბჭოთა სახელმწიფო უშიშროების კომიტეტს შორის?
2.იყვნენ თუ არა საქართველოს ეკლესიის სასულიერო პირთა და მაღალ იერარქთა შორის საბჭოთა სუკ-ის აგენტები?
3.თანამშრომლობდა თუ არა ილია II სუკ-თან?
4. დაეხმარა თუ არა საბჭოთა ხელისუფლება პატრიარქს მისი კონკურენტის, მიტროპოლიტ გაიოზ კერატიშვილის ჩამოცილებაში, რომელსაც საეკლესიო ქონების ქურდობის ბრალდებით საბჭოთა ხელისუფლებამ 11 წლით პატიმრობა მიუსაჯა?
5. რატომ არ დაიცვა პატრიარქმა 1983 წელს ე.წ. “თვითმფრინავის საქმეზე” დახვრეტილი მღვდელმონაზონი თეოდორე ჩიხლაძე?
6. რატომ არ მივიდა 1989 წელს საქართველოს დამოუკიდებლობის მოთხოვნით გამართულ მიტინგზე 9 აპრილამდე?
7. რატომ არ გაუპროტესტებია მას “მხედრიონის” თარეში? რა ურთიერთკავშირი არსებობს დღეს საქართველოს საპატრიარქოსა და რუსეთის ფედერაციის ხელისუფლებას შორის?
8 რა მიზანს ემსახურება საქართველოს ეკლესიის იერარქების შეხვედრები კარასინთან, შვიდკოისთან, კოვალენკოსთან?
9..რატომ არ უჭერს მხარს პატრიარქი უკრაინისა და ესტონეთის ეკლესიების დამოუკიდებლობას?
10. რატომ არ კრძალავს ბესარიონ აპლიასა და ბერდიაკონ დავით სარსანიას ღვისმსახურებას ?
ამასთან, განცხადებაზე ხელისმომწერებს მიაჩნიათ, რომ საეკლესიო პრესა ქსენოფობიურ, ანტისემიტურ, ანტისომხურ, ანტილიბერალურ, ანტიდასავლურ და პრორუსულ პროპაგანდას ეწევა. მათივე თქმით, პატრიარქის დაბადების დღის აღსანიშნავად სახელმწიფო 500 000 ლარს იხდის. აღნიშნულ მიმართვასთან დაკავშირებით დღეს იოანე პეტრიწის ძეგლთან პრესკონფერენცია გაიმართება.
როგორია თქვენი აზრი???????
18 წლის ვარ – და ამას ვაცნობიერებ.
უფასო რჩევებს – მხოლოდ სულელები იძლევიან – ჩერჩილი.
სურათზე მე და ჩემი ძმა ვართ – გთხოვთ აღარ მკითხოთ.
· 
რა შეკითხვები აქვს "საზოგადოებას" უწმინდესთან?
