სოფო ჩიკვილაძე - ცოტნე გამსახურდიამ პოლიტიკური საქმიანობა რუსეთის სპეცსამსახურების დავალებით დაიწყო
ცოტნე გამსახურდიას ყოფილი მეუღლე აცხადებს, რომ მისმა ყოფილმა მეუღლემ პოლიტიკური საქმიანობა რუსეთის სპეცსამსახურების დავალებით დაიწყო.
ამის შესახებ, საქართველოს პირველი პრეზიდენტის ვაჟის ყოფილმა მეუღლემ, სოფო ჩიკვილაძემ ტელეკომპანია ~იმედის~ შოუში ~სიმართლის დრო~ სტუმრობისას განაცხადა.
წამყვანის მიერ დასმულ შეკითხვაზე - ~ცოტნე გამსახურდიამ პოლიტიკური მოღვაწეობა რუსეთის სპეცსამსახურების დავალებით დაიწყო?~ - სოფო ჩიკვილაძემ დადებითად უპასუხა, რაც სიცრუის დეტექტორმაც დაადასტურა.
საქართველოს პირველი პრეზიდენტის ზვიად გამსახურდიას ვაჟი ცოტნე გამსახურდია ამჟამად დაკავებულია. ის სამართალდამცველებმა 27 ოქტომბერს დააკავეს. გამსახურდია ეჭვმიტანილია მოქალაქე დავით ბაჯელიძის დაჭრაში, რომელსაც რესპუბლიკურ საავადმყოფოში სასწრაფო ოპერაცია ჩაუტარდა.
აღნიშნული დანაშაულის ჩადენის მომენტში ცოტნე გამსახურდიას არასაპატიმრო სასჯელი ჰქონდა შეფარდებული. იგი სისხლის სამართლის კოდექსის 315-ე მუხლით სახელმწიფო ხელისუფლების დამხობის მიზნით შეთქმულებაშია ბრალდებული და არასაპატიმრო ღონისძიება ჰქონდა შეფარდებული. საქმე ეხება 2007 წლის 7 ნოემბერს, ოპოზიციის მიერ გამართული აქციების დროს გავრცელებულ ვიდეო-ჩანაწერებს, სადაც ცოტნე გამსახურდიას რუსეთთან კავშირზეა საუბარი.
http://www.interpressnews.ge/ge/index.php/....html&hd_line=1 
ცოტნე გამსახურდიას აშავაბენ? რა გაშავება უნდა მარა მაინც, ახალი ტექნოლოგია საზ. აზრი იქმნება - ნანკასთან ერთად
