#23402492 · 11 Jan 2011, 11:33 · · პროფილი · პირადი მიმოწერა · ჩატი
ევროსასამართლოს გადაწყვეტილებაზე ქართული მხარე განმარტებებს აკეთებს
11:24 11-01-2011
ევროსასამართლოს გადაწყვეტილებაზე ქართული მხარე განმარტებებს აკეთებს ადამიანის უფლებათა ევროპული სასამართლოს გადაწყვეტილებაზე, რომლის მიხედვითაც სასამართლომ საქართველოს წინააღმდეგ 1500-ზე მეტი განაცხადი დაუშვებლად გამოაცხადა, იუსტიციის სამინისტრო განმარტებებს აკეთებს .
როგორც "ინტერპრესნიუსს" იუსტიციის სამინისტროში განუცხადეს, ადამიანის უფლებათა ევროპული სასამართლოს გადაწყვეტილების საფუძველი გახდა საქართველოს მთავრობისთვის მოწოდებული ეთნიკური ოსების 5 განაცხადი, საიდანაც დასტურდებოდა, რომ მათ ინტერესებს ევროპული სასამართლოს წინაშე იცავდნენ ადვოკატები ვლადიკავკაზიდან (რუსეთის ფედერაცია).
აღნიშნულ საქმეებზე საქართველოს მთავრობამ წარადგინა საკუთარი არგუმენტები, განმცხადებლებმა კი ქართული მხარის პოზიციაზე სტრასბურგის სასამართლოში არ გაგზავნეს შეპასუხება, რასაც შედეგად მოჰყვა სასამართლოს მიერ განაცხადების განსახილველ საქმეთა სიიდან ამოღება. ამავე მიზეზით, სასამართლომ უარი განაცხადა დანარჩენი 1549 განაცხადის განხილვაზე.
როგორც სამინისტროში განმარტავენ, აღნიშნული ფაქტი კიდევ ერთი დასტურია იმისა, რომ 2008 წლის აგვისტოს რუსეთ-საქართველოს ომთან დაკავშირებით, ეთნიკური ოსების მიერ საქართველოს მთავრობის წინააღმდეგ შეტანილი განაცხადები სცილდება სამართლებრივ ჩარჩოებს და ისინი მხოლოდ და მხოლოდ რუსული პროპაგანდის ნაწილია.
|
სტრასბურგის სასამართლომ საქართველოს წინააღმდეგ, შეტანილი 1549 სარჩელი დახურა
