თვე ისე არ გავა, რომ რუსული სამხედრო ბაზის ან დე ფაქტო რესპუბლიკის შეიარაღებულმა ძალებმა ცხინვალის გარშემო სამხედრო სწავლებები არ გამართონ, მაგრამ თებერვალში დაგეგმილი წვრთნა ყველაზე მასშტაბური იქნება. გარდა ამისა, რუსული საინფორმაციო სააგენტოების ინფორმაციით, დე ფაქტო რესპუბლიკის ტერიტორიაზე, ცხინვალში, რუსეთის ფედერაციის სამხედრო ბაზაზე დამატებით განთავსებული იქნა ოპერატიულ-ტაქტიკური სარაკეტო კომპლექსის Точка-У–ს დივიზიონი, რომლის მოქმედების არეალიც 120 კმ-ია. გარდა ამისა, 2010 წლის დეკემბერში რუსეთის ფედერაციის თავდაცვის სამინისტრომ განაცხადა, რომ ცხინვალის სიახლოვეს განლაგებულ იქნა „სმერჩის" რეაქტიული სისტემით შეიარაღებული საარტილერიო დივიზიონი (მოქმედების არეალი - 70-დან 90 კმ-მდე დისტანცია).
აღსანიშნავია, რომ სწორედ Точка-У-ს სისტემის გამოყენებით რუსეთის ფედერაციამ მთლიანად დაანგრია ქალაქ ბამუტი (ჩეჩნეთის რესპუბლიკა) და გაანადგურა ამ ქალაქის მშვიდობიანი მოსახლეობა. ამ სისტემის ბალისტიკურ რაკეტებზე შესაძლებელია აგრეთვე კასეტური და ბირთვული ქობინების დაყენება.
როგორც სამხედრო ექსპერტი ირაკლი ალადაშვილი რადიო თავისუფლებასთან საუბარში აცხადებს, რუსულ-ოსური ერთობლივი სწავლებები შესაძლოა მხოლოდ თავდაცვითი მიმართულების არ იყოს, რაც საქართველოსთვის საფრთხის შემცველია. გარდა ამისა, ექსპერტის თქმით, რუსეთი საქართველოს ტერიტორიას Точка-У-ს სისტემებით ჩრდილო კავკასიიდანაც სწვდებოდა, მაგრამ ახლა მათი განთავსება ცხინვალის რეგიონში საქართველოს სტრატეგიულ ობიექტებს და, პირველ რიგში, დედაქალაქს დიდ საფრთხეს უქმნის.
http://www.radiotavisupleba.ge/content/article/2290327.htmlდედას შევეცი ამათი მე
ს 300, სმერჩი, ტოჩკა უ, საქართველოში მათი განლაგების ქრონოლოგია
