merk13
Super Crazy Member
ჯგუფი: Members
წერილები: 5457
წევრი No.: 126841
რეგისტრ.: 1-February 11
|
#27694105 · 5 Oct 2011, 17:42 · · პროფილი · პირადი მიმოწერა · ჩატი
ნინო ბურჯანაძე - "როცა ვეუბნებოდი, უგულავას პრეზიდენტობა სურს-მეთქი, სააკაშვილი სიცილით კვდებოდა, ამ ერთუჯრედიან უგულავას როგორ შეიძლება ეგ პრეტენზია ჰქონდესო"
"ოპერთანამშრომლებმა, რომლებიც თავს ჟურნალისტებს უწოდებენ, შეასრულეს დავალება. ჩემი მეუღლე არ იმალება ავსტრიაში, ის იქ დროებით იმყოფებოდა. რადგან ჩვენი უმცროსი ვაჟი იყო ვენაში, ბადრიც მის სანახავად ჩავიდა. მე კი სად და რატომ ვიყავი, ჩვენმა ხელისუფლებამ მშვენივრად იცოდა. ჩემი ოჯახისთვის საკმაოდ რთულ პერიოდში გაითამაშეს კიდევ ერთი შოუ, რაც აჩვენებს, რა მორალისა და პრინციპების მქონეა ეს ხელისუფლება. ვეთანხმები სააკაშვილს, რომ ჩემი და მისი მორალური ფასეულობები ერთმანეთისგან განსხვავდება", - აცხადებს "დემოკრატიული მოძრაობა - ერთიანი საქართველოს" ლიდერი ნინო ბურჯანაძე გაზეთ "ყველა სიახლისთვის" მიცემულ ინტერვიუში, სათაურით "თუ ვენაში ბინა ვიყიდე, ფეშენებელურ სასტუმროში რატომღა ვცხოვრობდი?" / ვინ ჩაუწერა პრეზიდენტს საპარლამენტო მოხსენებაში კაკალაშვილის ლექსები და რატომ არ მოსწონდა სააკაშვილს საპრეზიდენტო კანდიდატად უგულავა?
"თუ ვენაში ბინა ვიყიდე, როგორც სახელისუფლებო არხები ამტკიცებენ, ფეშენებელურ სასტუმროში რატომღა ვცხოვრობდი? როგორც წესი, ბურჯანაძეზე როცა ლაპარაკობენ, ძალიან იბნევიან ხოლმე. ვერ გაერკვნენ, რა სჯობს დამაბრალონ - მრავალმილიონიანი ვილის ყიდვა თუ მრავალათასევროიან სასტუმროში ცხოვრება. მე ვცხოვრობ ისეთ სასტუმროებში, როგორიც მეკადრება და ვიხდი ისეთ ფასს, რაც რეალურია და რაც შეესაბამება ჩემ მიერ დეკლარირებულ შემოსავალს. რაც შეეხება ვენაში ბინის შეძენას, არ მიყიდია და არც ვაპირებ, რადგან საქართველოში ვაპირებ ცხოვრებას, ოღონდ ყველაფერს გავაკეთებ, რომ არ ვიცხოვროთ იმგვარ საქართველოში, როგორიც სააკაშვილს უნდა. სააკაშვილისგან განსხვავებით, მე და ჩემი ოჯახის წევრებს ქუჩაში გასვლის არ გვეშინია და არც იმის შიში გვაქვს, რომ საფლავში ჩაგვაფურთხებენ", - აღნიშნავს გამოცემის კორესპონდენტთან საუბრისას ნინო ბურჯანაძე.
"სარკოზი ჩამოდის ამიერკავკასიაში პროტოკოლური ვიზიტით. ეს უფრო მისი წინასაარჩევნო ტურნეა. საფრანგეთის ხელისუფლებამ კარგად იცის, როგორია სააკაშვილის ხელისუფლების რეალური სახე. გაგახსენებთ, თებერვალში Wall Street Journal-თან ინტერვიუში სააკაშვილმა განაცხადა, რუსეთმა ძვირად ღირებული "მისტრალის" ყიდვით დააჯილდოვა საფრანგეთი, რუსეთზე ზემოქმედება რომ არ განახორციელოს და არ მოითხოვოს ე.წ. სარკოზი-მედვედევის შეთანხმების შესრულებაო. ამ განცხადებით მან სარკოზი, ფაქტობრივად, ქრთამის აღებაში დაადანაშაულა. ამის გამო საფრანგეთის ელჩი საქართველოში უკიდურესად აღშფოთებული იყო. შესაბამისად, სარკოზიმ იცის, რა დონის პოლიტიკოსთან აქვს საქმე, რომ ჩვენ გვყავს პრეზიდენტი, რომელსაც შეუძლია სარკოზის მექრთამე ეძახოს, მერკელს - რუსეთის აგენტი, ობამას თანაშემწეებს კი - ერთუჯრედიანები. ასეთ პრეზიდენტთან ურთიერთობენ იმ ფარგლებში, რასაც სახელმწიფოთაშორისი ურთიერთობები მოითხოვს. ნურც იმის იმედი ექნება ვინმეს, რომ ამ ვიზიტით რამე მნიშვნელოვნად შეიცვლება 12 აგვისტოს შეთანხმების შესრულების გზაზე", - განაგრძობს "დემოკრატიული მოძრაობა - ერთიანი საქართველოს" ლიდერი.
"ჩემს ხელთ არსებული ინფორმაციით, ამ ვიზიტისას სააკაშვილს კიდევ ერთხელ ეტყვიან, რომ ქვეყნის დემოკრატიული განვითარება არის ერთადერთი წინაპირობა ევროპულ სახელმწიფოებთან ნორმალური ურთიერთობისთვის. ეს პომპეზურობა, მიტინგის ტიპის დახვედრები კი დიქტატორული რეჟიმებისთვისაა დამახასიათებელი. გინახავთ აშშ-ში ან ევროპის ქვეყნებში რომელიმე პრეზიდენტს ხვდებოდნენ ისე, როგორც ჩვენ ბუშს დავხვდით? მეცინება, როდესაც სხვებზე ლაპარკობენ და საბჭოთა ნომენკლატურის წევრობას აბრალებენ, არადა, სწორედ საბჭოთა ნომენკლატურის წესების მიხედვით მოქმედებს ეს ხელისუფლება. გინდა თუ არა, ბრეჟნევის თბილისში ჩამოსვლა გახსენდება ადამიანს. იმხანადაც მიმაჩნდა, რომ ეს პომპეზურობა ზედმეტი იყო, მაგრამ ამ ყველაფრის მოთავე გახლდათ სააკაშვილი, პომპეზური დადგმების სულისჩამდგმელი კი - გიორგი არველაძე, რომელიც ლექსებსაც კი უწერდა სააკაშვილს საპარლამენტო გამოსვლებისას. კაკალაშვილის ლექსი სწორედ მან ჩაუსვა პრეზიდენტს საპარლამენტო მოხსენებაში. მარაზმი იყო ბუშის სახელის დარქმევაც ქუჩისთვის. როგორც ჩანს, ეს გარეგნული ეფექტები განსაზღვრული დროით აბრმავებს ხალხს. ამ სპეცეფექტებისთვის გახსნეს ის ანაკლიის ხიდიც, რომელიც ყვარყვარეს ხიდივით წაიღო ენგურმა. ხიდი იყო ისე აშენებული და გათვლილი, რომ ენგურისთვის ჩვეულ ადიდებასაც ვერ გაუძლო, ამიტომაც წაიღო წყალმა, სულ ცოტა, ექვსი მილიონი ლარი", - დასძენს ნინო ბურჯანაძე.
"ხელისუფლება ყველაფერს აკეთებს, რომ ოპოზიციურ ძალებს აქტიურობის მინიმალური საშუალება ჰქონდეთ. სახელისუფლებო არხების ეთერი ჩვენთვის დაბლოკილია. გამოაჩენს იმ პოლიტიკურ პარტიებს, რომლებიც ხელისუფლებას საფრთხეს არ უქმნიან და ბედნიერები იქნებიან, თუ სამ და ოთხ საპარლამენტო მანდატს მიიღებენ. ვინმეს სჯერა, რომ არჩევნების წინ ხელისუფლება რეალურად გააუმჯობესებს საარჩევნო გარემოს, რომ თავის ოპერთანამშრომლებს, ვითომ ჟურნალისტები რომ ჰქვიათ, რომლებსაც შსს უხდის ფულს, მოვლენების ობიექტურად გაშუქების საშუალებას მისცემს? ხომ ყველამ კარგად იცის, რომ ყველა ტელეარხს შსს აკონტროლებს. ეს ხელისუფლება ნებით არაფერს დათმობს, ან უნდა მოვახერხოთ და ვიბრძოლოთ რეალური ცვლილებებისთვის, ან მივიღებთ კიდევ ერთ არჩევნებს, სადაც წინასწარ იქნება დაწერილი, რამდენი პროცენტი უნდა ერგოს "ნაცმოძრაობას" და იმ ვითომ ოპოზიციურ პარტიებს - რამდენი. ეს არის მარტივი სქემა, რომლის თაობაზეც არაერთხელ მომისმენია საუბარი ხელისუფლებაში ყოფნისას", - აცხადებს ნინო ბურჯანაძე.
"მომისმენია ასეთი რამეც: იმისთვის, რომ რეალური ოპოზიციური ძალა არ მოვიდეს ხელისუფლებაში, უნდა შეიქმნას "ნაცმოძრაობის" ახალი განშტოება ან შევქმნათ ჩვენი ხელშეწყობით ერთი-ორი ოპოზიციური პარტიაო. ბევრი ნიშანია, რაც აჩვენებს, რომ სხვადასხვა მიმართულებით შეიძლება განვითარდეს მოვლენები. ცხადია, რომ უგულავამ საპრეზიდენტო კამპანია დაიწყო, თანაც უკვე კარგა ხანია. თუმცა სააკაშვილს არ სჯეროდა, როცა ვეუბნებოდი, უგულავას პრეზიდენტობა სურს-მეთქი, სააკაშვილი სიცილით კვდებოდა, ამ ერთუჯრედიან უგულავას როგორ შეიძლება ეგ პრეტენზია ჰქონდესო", - ამბობს ნინო ბურჯანაძე და შეკითხვას - "ოპოზიციაშიც არის გადაჯგუფებები, ამბობენ, ლევან გაჩეჩილაძე ახალ პოლიტიკურ პარტიას ქმნისო, ლაპარაკია ახალ კოალიციებზეც, თქვენ თუ გეგმავთ კონსულტაციებს სხვა პოლიტიკურ ძალებთან?"
"არ გამოვრიცხავ კონსულტაციებს იმ პოლიტიკურ ძალებთან, რომლებიც რეალურად დაინახავენ ქვეყანაში შექმნილ ვითარებას და შესაბამისად მიიღებენ გადაწყვეტილებებს გადამწყვეტი ბრძოლის შესახებ. თუ დააკვირდებით, დღეს უკვე ყველამ დაიწყო რევოლუციაზე ლაპარაკი. ერთი წლის წინ ბურჯანაძე რომ ახსენებდა რევოლუციას, ის რატომ იყო მიუღებელი და ახლა სხვა რომ ახსენებს, ის რატომ არის კონსტრუქციული, არ მესმის. თუმცა ამას აღარ აქვს მნიშვნელობა, ცუდს ვერ ვხედავ იმაში, თუ სხვა პოლიტიკური ლიდერებიც დაინახავენ, რომ რევოლუციაა ერთადერთი გამოსავალი, რადგან ეს ხელისუფლება თავისი ნებით არ დათმობს ძალაუფლებას".
|
ნინო ბურჯანაძეს აინტერესებს, აქამდე რატომ არ, აპატიმრებენ 
