zuraini
2+2=4
ჯგუფი: Members
წერილები: 5424
წევრი No.: 76508
რეგისტრ.: 29-November 08
|
#26294779 · 4 Jul 2011, 15:26 · · პროფილი · პირადი მიმოწერა · ჩატი
დათიკო
კრასნოდარში დათიკო,
ნიჟნი ნოვგოროდის "ვოლგას" ქართველები მასობრივად ტოვებენ. უკვე არახალი ამბავია, რომ გუნდიდან მთავარი მწვრთნელის, ომარ თეთრაძის დათხოვნის შემდეგ "კრასნოდარში" გადავიდა ვოლგელთა და რუსეთის პრემიერლიგის ერთ-ერთი საუკეთესო თავდამსხმელი ოთარ მარცვალაძე.
როგორც ჩანს, ოთარი გამონაკლისი არ იქნება - მისი წამოსვლა დანარჩენი ქართველებისთვისაც სიგნალი იყო და "სპორტლაიფის" მტკიცებით, "კრასნოდარში" გადასვლას ნიჟნინოვგოროდელთა სხვა ქართველებიც, გოგიტა გოგუა, გია გრიგალავა და გოჩა ხოჯავაც აპირებენ.
"27 წლის ნახევარმცველი გოგიტა გოგუა კრასნოდარელების მორიგი ახალწვეული გახდება. ის ყოფილ თანაგუნდელ ოთარ მარცვალაძეს შეუერთდება, რომელმაც "კრასნოდართან" კონტრაქტი უკვე გააფორმა.
შესაძლოა, "კრასნოდარის" ქართული "დიასპორა" "ვოლგას" კიდევ რამდენიმე მოთამაშემ შეავსოს - გუნდში გია გრიგალავასა და გოჩა ხოჯავასაც ელიან.
ეს ყველაფერი დაკავშირებულია იმასთან, რომ მახაჩყალის "ანჟიში" და ნიჟნი ნოვგოროდის "ვოლგაში" სპორტულ დირექტორად ნამუშევარი მამუკა ჯუღელი ამიერიდან "კრასნოდართან" ითანამშრომლებს.
მისი გუნდში მიწვევის ინიციატორი "კრასნოდარის" გენერალური დირექტორი ვლადიმირ ხაშიგია, რომელთანაც ქართველს დიდი ხნის მეგობრობა და პარტნიორობა აკავშირებს.
ნიჟნი ნოვგოროდის "ვოლგადან" ომარ თეთრაძის დათხოვნამ კლუბში ჯუღელის პოზიციები მკვეთრად შეასუსტა, ამიტომ, გამორიცხული არ არის, "ვოლგას" ყოფილმა ფეხბურთელებმა, ძირითადად ქართველებმა, მალე "კრასნოდარის" რიგები შეავსონ.
ახალ გუნდში ჯუღელის პირველი ტრანსფერი ოთარ მარცვალაძის გადაყვანა იყო, რომელსაც მთელი კარიერის განმავლობაში პატრონობს - მახაჩყალის "ანჟისა" და "ვოლგაშიც" მან მიიყვანა" - იუწყება "სპორტლაიფი".
მაშ, ასე, თუ რუსულ წყაროს დავეყრდნობით, "ვოლგას" ექვსი ქართველიდან კლუბს ოთხი დატოვებს - ნიჟნი ნოვგოროდში მხოლოდ ლაშა სალუქვაძე და მათე ვაწაძე რჩებიან. თუმცა საეჭვოა, ჯუღელის წასვლის შემდეგ "ვოლგაში" ესენიც გაჩერდნენ.
კომენტარისთვის გია გრიგალავას დავუკავშირდით.
"პირადად მოლაპარაკება არავისთან მქონია. დღეს, 4 ივლისს ნიჟნიში მივემგზავრები და ყველაფერს ადგილზე გავარკვევ. საქართველოში ოთხი დღე ვისვენებდი და რუსეთიდან ზარებს არც ვპასუხობდი. თუ რაიმე წინადადებაა, დაინტერესებული კლუბი "ვოლგას" მიმართავს" - გვითხრა გრიგალავამ, რომელსაც, სხვათა შორის, "კრასნოდარი" ჯერ კიდევ იანვარში, "ვოლგაში" გადასვლამდე იწვევდა.
ინფორმაციები გადავამოწმეთ და დავადგინეთ, რომ ჯუღელმა და თეთრაძემ ზემოთ ნახსენებ ჩვენებურებს "ვოლგასთან" ერთობ ორიგინალური კონტრაქტები გააფორმებინეს - თუკი ისინი კლუბს დატოვებდნენ, ქართველები კონტრაქტის გაწყვეტის უფლებას მიიღებდნენ.
მამუკა ჯუღელი და ომარ თეთრაძე დიდი ხნის მეგობრები და პარტნიორები არიან. ერთად უმუშავიათ "ანჟიში", "ვოლგაში", შარშან დეკემბერს კი ჯუღელ-თეთრაძის დუეტს ბრიანსკის "დინამოში" იწვევდნენ. გასულ სეზონში ბრიანსკელებმა რუსეთის პირველ დივიზიონში მე-14 ადგილი დაიკავეს, მაგრამ წლეულს "დინამოს" მეპატრონეებს პრემიერლიგის საგზურისთვის ბრძოლა სურდათ, ჯუღელი და თეთრაძე კი, რომ იტყვიან, ამის სპეციალისტები არიან - ყველამ იცის, რომ ჯუღელი გავლენიანი მენეჯერია, რუსეთში მოთამაშე ბევრი ქართველი მისი კლიენტია და სადაც მიდის, თეთრაძე და ქართველი ფეხბურთელებიც მიჰყვებიან, მათ კი ძლიერი კოლექტივის ჩამოყალიბება შეუძლიათ.
ჯუღელს "დინამოში" მუშაობა სწორედ ამ ფაქტორების გათვალისწინებით შესთავაზეს, საკითხი თითქოს გადაწყვეტილიც იყო, მაგრამ მაინც ნიჟნინოვგოროდულ კლუბში დარჩენა ამჯობინა.
ახლა კი, ლოგიკური დასკვნა - როგორც უკვე ვთქვით, სადაც მიდის ჯუღელი, იქ მთავარ მწვრთნელად ომარ თეთრაძე ინიშნება. ვფიქრობ, ამ ამბებში ყველას გამორჩა ეს ფაქტორი, ისევე, როგორც "კრასნოდარის" მეპატრონე სერგეი გალიცკის სიტყვები - "პრემიერლიგაში პირველი ეტაპის შემდეგ დაკავებული მეცხრე ადგილის გამო ეიფორიაში არ უნდა ჩავვარდეთ".
გალიცკიმ მიანიშნა, რომ მთავარი მწვრთნელის, სლავოლუბ მუსლინის მუშაობით აღტაცებული არ არის, მისი ერთი წაფორხილება და...
|
TVGOLO.COM: მარცვალაძის გოლი მსოფლიოში საუკეთესოა, გავკარი პოლიწიკას; მეზეიმება!!!!!!!
