6 ქვეყნის დელეგაცია საქართველოში არასრულწლოვანთა მართლმსაჯულებაში განხორციელებულ რეფორმებს ეცნობა.
დელეგაციის წევრები დღეს არასრულწლოვან პრობაციონერებთან რისკებისა და საჭიროებების შეფასებისა და სასჯელის ინდივიდუალური დაგეგმვის საკითხებს, სოციალური მუშაკის მუშაობის სპეციფიკას და მათ სამუშაო აღწერილობას, ასევე არასრულწლოვანთა სისხლის სამართლებრივი პასუხისმგებლობისაგან განრიდების პროექტში მათ ჩართულობას გაეცნენ.
სასჯელაღსრულების, პრობაციის და იურიდიული დახმარების საკითხთა სამინისტროში გაიმართა გაეროს ბავშვთა ფონდის (UNICEF) რეგიონალური ტრენერთა ტრენინგი, სადაც მონაწილეობა მიიღეს სომხეთის, აზერბაიჯანის, ყაზახეთის, ყირგიზეთის, მოლდოვეთისა და ტაჯიკეთის წარმომადგენლებმა.
ტრენინგის მონაწილეები პრობაციის ეროვნული სააგენტოში განხორციელებულ რეფორმებს და სამომავლო გეგმებს გაეცნენ.
სასჯელაღსრულების, პრობაციისა და იურიდიული დახმარების საკითხთა სამინისტროს იურიდიული დახმარების მობილური სერვისით ხარაგაულის რაიონის სოფელ კიცხის მოსახლეობამ ისარგებლა.
სამინისტროს ახალი მომსახურება, რომელიც მოსახლეობისთვის სასურველ ადგილას უფასო იურიდიული დახმარების მიღებას ითვალისწინებს, მოქალაქეებს მინისტრმა ხათუნა კალმახელიძემ გააცნო.
მინისტრის თქმით, კვალიფიციური იურისტებისგან დაკომპლექტებული მობილური ჯგუფი სამართლებრივ დახმარებას ადგილზე უწევს იმ ადამიანებს, რომლებსაც არ აქვთ შესაძლებლობა იურიდიული დახმარების ოფისებს მიაკითხონ.
იურიდიული დახმარების მობილური ჯგუფი გადაადგილდება აუცილებელი ინვენტარით აღჭურვილი სპეციალური მიკროავტობუსით, რათა მოქალაქეებმა იურისტებთან გასაუბრება კომფორტულ პირობებში შეძლონ.
მოსახლეობისთვის უფასო იურიდიულ დახმარებაზე ხელმისაცვდომობის მაქსიმალური უზრუნველყოფა სასჯელაღსრულების, პრობაციის და იურიდიული დახმარების საკითხთა სამინისტროს 10 პრიორიტეტული მიმართულების ერთ-ერთი მნიშვნელოვანი კომპონენტია.
საქართველოს მასშტაბით იურიდიული დახმარების სამსახურის 16 რეგიონული ოფისი მოქმედებს.
დამატებითი სერვისის სახით ფუნქციონირებს ონლაინ კონსულტაცია, რომელიც ხალხისათვის, მათ შორის საზღვარგარეთ მყოფი თანამემამულეებისა და საქართველოს ოკუპირებულ ტერიტორიებზე მცხოვრებთათვის იურიდიული დახმარების ხელმისაწვდომობის უზრუნველსაყოფად შეიქმნა.
· 
საქართველოს სასჯელაღსრულების, პრობაციისა და, იურიდიულ საკითხთა დახმარების სამინისტრო
