ეგ არ გამოგვადგება აქ სტატისტიკის საწარმოებლად - არანაირად.
ამ ფორუმზე ლამის ნახევარი ემიგრანტები პოსტავენ და იმიტომაა მაგდენი, თორე 3000 ლარი და ზევით საქართველოში ალბათ მაქსიმუმ 150-200 ადამიანს ექნება, აქედან ნახევარი მაინც სახელმწიფო სტრუქტურების ხელმძღვანელები არიან და მეეჭვება ყველანი ფორუმელები იყვნენ (ამ მონაცემების მიხედვით).
იგივე 2000 ლარზე მეტი ხელფასი მხოლოდ სახელმწიფოს უმაღლესი თანამდებობის პირებს (მინისტრების მოადგილეები, დეპარტამენტის ხელმძღვანელები) და მსხვილი ბიზნესის ტოპ-მენეჯმენტს აქვს, ეს ყველანი ერთად 10 კი არა 0.1% ან მოგროვდებიან და ან არა.
ხაზი მინდა გავუსვა, რომ საუბარი მაქვს დაქირავებული მოსამსახურის ხელფასზე და არა ზოგადად დასაქმებულის შემოსავალზე, თუმცა ვთქვათ წვრილი ბიზნესიდან შემოსავალიც მაქსიმუმ 1500-2000 ლარზე ავიდეს, ესეც საუკეთესო და იშვიათ შემთხვევებში.
პროცენტებში დათვლა მიჭირს, მაგრამ ყველაზე დიდი ფენა დასაქმებულებისა რაც არის - სხვადასხვა მაღაზიების გამყიდველები, დამლაგებლები, მოლარეები, კერძო დაცვის თანამშრომლები, მტვირთავები, დისტრიბუტორები, პედაგოგები, მცხობელები, ოფიციანტები, ბეჭდური მედიის წარმომადგენლები, სხვადასხვა მომსახურე პერსონალი, მშენებლობის და რემონტის მუშების დიდი ნაწილი - ამათი ხელფასი 300 ლარს ზემოთ არ ადის. ნუ ჰა, ჰა 350 ლარი. ამათი ნახევარი საერთოდ 200 ლარამდე სამსახურებში მუშაობენ.
ამათ "ზემოთ" დგანან ე.წ. "საშუალო ფენა" სახელმწიფო სამსახურის წვრილ-წვრილი თანამშრომლები, ჯარისკაცები, მსხვილი ბიზნესის ქვედა რგოლის თანამშრომლები, პარიკმახერები, ტაქსის მძღოლები, წვრილი ბიზნესის ხელმძღვანელები, "ტელევიზიონშჩიკები", სამშენებლო-სარემონტო მუშების მცირე ნაწილი - ამათ გამოსდით სადღაც 400-800 ლარამდე. შედარებით ზედა დონე არის სახელმწიფო სამსახურისა და მსხვილი ბიზნესის მცირე მენეჯერები და პოლიციის თანამშრომლები, ექიმების ნაწილი. ამათი ხელფას-შემოსავლები არის 800-დან 1600 ლარამდე. მორჩა. ამათზე ზემოთ შემოსავალი აქვთ ხელისუფლებისა და ბიზნესის მაღალი თანამდებობის პირებს, ექიმების ნაწილს და იშვიათი და წარმატებული მცირე ბიზნესის მფლობელებს.
გავიმეორებ პროცენტულად ძალიან მიჭირს განსაზღვრა, თუმცა ერთში დარწმუნებული ვარ: რაც უფრო იზრდება შემოსავალი, უფრო მცირდება მათი პროცენტული რაოდენობა საერთო ჯამში და პირიქით. გარდა ამისა იმაშიც დარწმუნებული ვარ, რომ პირველი (300 ლარამდე პლასტი) რაოდენობრივად ბევრად აღემატება ნებისმიერ დანარჩენს, მინიმუმ 2-3-ჯერ.
A patriot must always be ready to defend his country against his government. © Edward Abbey
საქართველოში საშუალო ხელფასი 700 ლარია, აუცილებელი გადასახდების მოცულობა კი 313 ლარი 
