აბა, ვინ ჩაიკითხავს ბოლომდე
პრეზიდენტმა მოსახლეობას არჩევნების წინ ტელეეთერით საგანგებოდ მიმართა
21:11 30-09-2012
საქართველოს პრეზიდენტმა მიხეილ სააკაშვილმა მოსახლეობას არჩევნების წინ საგანგებოდ მიმართა და სწორი არჩევანის გაკეთებისკენ მოუწოდა. რამდენიმეწუთიან მიმართვაში, რომელიც მცხეთიდან, სვეტიცხოვლის მიმდებარე ტერიტორიიდან გააკეთა, სააკაშვილმა ხვალინდელი საპარლამენტო არჩევნების განსაკუთრებულ მნიშვნელობაზე ისაუბრა და საზოგადოებას მოუწოდა, არჩევანი ცივი გონებით, ქვეყნის უკეთეს მომავალზე ფიქრით გააკეთოს. პრეზიდენტმა საუბარი ქვეყნის ჰიმნის ტექსტის და გერბზე ამოტვიფრული სიტყვების გახსენებით დაიწყო და აღნიშნა, რომ ხვალ ყველაზე მეტად აქტუალური იქნება სიტყვები - "თავისუფლება დღეს ჩვენი" და "ძალა ერთობაშია", რადგან ხვალ პასუხისმგებლობის და თავისუფლების უმაღლესი გამოხატულების მომენტი დგება.
"ხვალ გვაქვს პასუხისმგებლობა არამხოლოდ შვილებისა და ოჯახის წევრების, არამედ წინაპრების წინაშე, ვინაიდან გადაწყდება შევინარჩუნებთ თუ არა იმ თავისუფლებას, რომლისთვისაც იბრძოდნენ და თავს წირავდნენ. დარწმუნებული ვარ ვერც დამპყრობლის ძალის უპრეცედენტო მობილიზება ჩვენს საზღვრებთან და ვერც შიგნით, ვერც მავანთა გეგმები საარჩევნო პროცესის ჩაშლის, ვერ შეუშლის ხელს დემოკრატიის დიდ გამარჯვებას. ხვალ ძალიან მნიშვნელოვანი, ეპოქალური საკითხი წყდება - როგორი ქვეყანა გვინდა რომ გვქონდეს და ისიც კი, გვინდა თუ არა, რომ ქვეყანა გვქონდეს", - განაცხადა მიხეილ სააკაშვილმა.
პრეზიდენტმა მიმართვისას ყურადღება ევროპაში ინტეგრაციის პროცესზეც გაამახვილა და აღნიშნა, რომ ისტორიაში არასდროს საქართველო ევროპასთან ასე ახლოს არ ყოფილა. "ხვალ ჩვენს მტერს აქვს ბოლო შანსი, მიგვაბრუნოს ამ დამოუკიდებლობის გზიდან, მაგრამ მე დარწმუნებული ვარ, რომ ჩვენი თავისუფლების მოყვარე ერი გადადგამს საბოლოო და გადამწყვეტ ნაბიჯს დამპყრობლის მარწუხებისგან გათავისუფლებისა და ევროპულ სახლში გაწევრიანებისკენ", - აღნიშნა სააკაშვილმა და დასძინა, რომ ხვალინდელი არჩევნები არის არჩევანი თავისუფლებასა და უუფლებობას შორის.
მიხეილ საკაშვილმა მოქალაქეებს ასევე მოუწოდა, არჩევანი ემოციებზე დაყრდნობით არ გააკეთონ. მისი თქმით, განვლილმა საარჩევნო კამპანიამ და პოლიტიკური ბრძოლის არც ისე სუფთა მეთოდებმა დაძაბა ემოციური ფონი საზოგადოებაში, ამიტომ ცივი გონებით მოქმედებაა საჭირო.
გარდა ამისა, პრეზიდენტმა მოქალაქეებს განვლილი წლების პროგრესი შეახსენა და მოუწოდა, მხარი დაუჭირონ იმ მთავრობას, რომელიც განვითარებას და შენებას გააგრძელებს. "გთხოვთ გადაწყვეტილების მიღებისას იფიქროთ იმაზე, თუ სად იყო ჩვენი ქვეყანა და საზოგადოება 9 წლის წინ, თუ სად ვართ დღეს და სად გვინდა ვიყოთ მომავალი 4-5 წლის შემდეგ. რა თქმა უნდა ძალიან ბევრი უცხოელია აღფრთოვანებული საქართველოს ძალიან სწრაფი პროგრესით და ამ მხრივ საქართველო მიაჩნიათ სანიმუშოდ. გთხოვთ არჩევანი გააკეთოთ იმაზე ფიქრით, თუ რომელი მთავრობა შეძლებს ჩვენი პრობლემების მოგვარებას, რომელი მთავრობა შეძლებს ჯანმრთელობის დაცვის უზრუნველყოფას და რომელი შეძლებს უფრო მეტი სამუშაო ადგილის შექმნას, სოფლის გაძლიერებას, ახალი რეგიონების და ქალაქების განვითარებას, ოჯახებში კეთილდღეობის შეტანას. უნდა გადავწყვიტოთ გვინდა თუ არა კორუფციის დაბრუნება. უნდა დავუშვათ თუ არა კრიმინალის დაბრუნება. არჩევანი უნდა გავაკეთოთ იმაზე ფიქრით, რომელი მთავრობა დაიცავს საზოგადოებას კორუფციისგან, რომელი მთავრობა დაიცავს საქართველოს სახელმწიფოებრიობას და თავისუფლებას", - განაცხადა მიხეილ სააკაშვილმა.
მიმართვის ბოლოს პრეზიდენტმა მოქალაქეებს მოუწოდა არ დარჩნენ სახლში და საკუთარი არჩევანი სიბრძნეზე დაყრდნობით დააფიქსირონ. მანვე აღნიშნა, რომ დარწმუნებულია ხვალ საღამოს ქვეყნის თავისუფლებისთვის გაკეთებული არჩევანით ყველა ამაყი იქნება.
იპნ
"არ შეიძლება კომპრომისზე წასვლა იმ ადამიანებთან, რომლებიც სულისა და ღმერთის არსებობას უარყოფენ!"
"არსებობს ამ ქვეყნად მშვიდობაზე მეტი ფასეულობა - თავისუფლება!"-რონალდ რეიგანი.
გამიშვით! ვიჯდე, მე ჩემს ჭაობში!
ჩემი ჭაობი თქვენზე სუფთაა!...
ვის მიმართა სააკაშვილმა?, Last Solo :(
