მოქმედი საგადასახადო კოდექსით ფიზიკური პირის შემოსავალი 2012 წლის ბოლომდე უნდა დაიბეგროს 20%-იანი განაკვეთით, ხოლო 2013 წლის 1 იანვრიდან უნდა 18%-ით, ხოლო 2014 წლის 1 იანვრიდან 15%-ით.
თუმცა თავიდან 18%-იანი განაკვეთი უნდა აქმოქმედებულიყო 2011 წლის 1 იანვრიდან, ხოლო 15%-იანი განაკვეთი 2012 წლის პირველი იანვრიდან. შემდეგ საგადასახადო კოდექსში 2-ჯერ შევიდა ცვლილებები, რომელთა მიხედვით საგადასახადო კოდექსით დადგენილი საშემოსავალო გადასახადის კლებამ გადაიწია თითო-თითო წლით.
შესაბამისად 18%-ზე ნაცვალდ 2011 წლის 1 იანვრისა უნდა გადავსულიყავით ორი წლით უფრო გვიან 2013 წლის 1 იანვრიდან, თუმცა ნაციონალურმა მოძრაობამ ეს გადაიფიქრა და ჯერ კიდევ არჩევნებამდე განაცხადეს, რომ გადასახადი არ შემცირდებოდა. უფროს სწორედ, მათ წამოაყენეს ახალი ინიციატივა, რომ მართალია ისევ 20%-ით დავიბეგრებოდეთ, მაგრამ ზედმეტად გადახდილ 2%-ს უკან დაგვიბრუნებდნენ სოციალური პროგრამების სახით.
პრაქტიკული თვალსაზრისით ეს გადასახადის არ შემცირებას ნიშნავდა.
მოვიდა ხელისუფლებაში ქართული ოცნება და ისინი არიან არჩევანის წინაშე:
1. საგადასახადო კოდექსში არსებული გარდამავალი დებულებები დატოვონ უცვლელად, რაც ნიშნავს რომ 2013 წლის 1 იანვრიდან საშემოსავლო გადასახადი შემცირდება 18 პროცენტამდე, ხოლო 2014 წლის 1 იანვრიდან 15%-მდე.
2. შეცვალონ საგადასახადო კოდექსი და ძალიან რომ არ გავუნაწყენდეთ
შემოგვთავაზონ ალტერნატივა.
2011 წელს ფიზიკური პირების მიერ გადახდილმა საშემოსავლო გადასახადმა შეადგინა 1.44 მილიარდი ლარი, 2012 წლის ბიუჯეტის გეგმის მიხედვით ეს მაჩვენებელი 1.6 მილიარდია, ხოლო 2013 წლის ბიუჯეტის პროექტით 1.8 მილიარდი.
სხვაგვარად რომ ვთქვათ 2012 წელს მობილიზებულმა საშემოსავლო გადასახადმა უნდა შეადგინოს 11%-ით მეტი წინა 2011 წელთან შედარებით და 2013 წელს 12.5%-ით მეტი 2012 წელთან შედარებით.
ცხადია 12.5%-იანი ზრდის მიღწევა შეუძლებელი იქნება გადასახადის 10%-ით შემცირების შემთხვევაში (არსებული 20%-იანი განაკვეთის 18 %-მდე შემცირებით).
დაუბეგრავი მინიმუმის შემოთავაზებული სახით შემოღების შემთხვევაში გადასახადს ყველა იხდის ჩვეულებრივად, უბრალოდ გადამხელთა ნაწილს გადახდილი საშემოსავლო გადასახადის ნაწილი დაუბრუნდება 2014 წელს, დეკლარაციის ჩაბარების შემდეგ, სხვაგვარად რომ ვთქვათ სახელმწიფოს ვალდებულებები გადაუვადდება ერთი წლით და შესაბამისად 2013 წლის ბიუჯეტს არაფერი მოაკლდება, თუმცა ეს აისახება 2014 წლის ბიუჯეტზე.
დაუბეგრავი მინიმუმის მინიმუმი დამკვიდრება და გადახდილი გადასახადის მხოლოდ მომდევნო წელს დაბრუნებაც კარგია როგორც სოციალური სამართლიანობის, ასევე ბიუჯეტის ადმინისტრირების კუთხით.
მაგრამ პრობლემა ისაა, რომ მე არ მაწყობს
ჯერ ერთი დაუბეგრავი მინიმუმი საერთოდ არ შემეხება, რადგან შემოსავალი თვეში 500 ლარზე მეტი მაქვს და მეორე, რომც მეხებოდეს მოქმედი საგადასახადო კოდექსით, დღეავანდელთან შედარებით 2013 წლის 1 იანვრიდან საშემოსავლო გადასახადის 2%-ით, ხოლო 2014 წლის 1 იანვრიდან 5%-ით შემცირება უფრო მომგებიანია ჩემთვის, ვიდრე 1 წლის მერე 360 ლარის უკან დაბრუნება.
მაგალითად:
ვისაც 1000 ლარი აქვს დარიცხული ხელფასი, ხადურის ინიციატივით 2013 წელს იზარალებს 240 ლარით, ხოლო 2014 წლიდან 600 ლარით ყოველ წელს,
ვისაც 2000 ლარი აქვს დარიცხული ხელფასი, ხადურის ინიციატივით 2013 წელს იზარალებს 480 ლარით, ხოლო 2014 წლიდან 1200 ლარით ყოველ წელს,
ვისაც 3000 ლარი აქვს დარიცხული ხელფასი, ხადურის ინიციატივით 2013 წელს იზარალებს 720 ლარით, ხოლო 2014 წლიდან 1800 ლარით ყოველ წელს.
და ა.შ.
მართალია არც ნაცები აღარ აპირებდნენ კოდექსით დადგენილი გადასახადის განაკვეთის შემცირებას, მაგრამ მემგონი 2013 წლის არჩევნების შედეგიდან გამომდინარე სამაგალითო არ უნდა იყვნენ სხვებისთვის.
500 ლარზე ნაკლები ხელფასი აღარ დაიბეგრებაო
