საქართველო ნატოს მთავარ დღის წესრიგში, 05.12.2012 * ნატო-საქართველოს კომისიის სხდომა

[Geronti]

re_vera

[Geronti]

ჯერ ერთი, არცთუ დაუსაბუთებელია, აქვთ რაღაც საფუძველიც, მეორე - საყვედურზე მეტად გაფრთხილების ფორმა ჰქონდა. მესამე და ყველაზე უარესი იყო ამაზე რეაქცია, ეს არ ყოფილა პასუხი. პრემიერმა თქვა დიდი სისულელე, რომ "პოსტი" შესაძლოა წითელ თუმნიანებზე გაიყიდა. ასეთი საუბარი უბრალოდ სიბრიყვეა - რომც დავუშვათ, რომ მართლა ასე იყო! ჩავთვალოთ, რომ ზოგადად იქაური მედიისთვის უკვე ყანაში ვართ, ამ პოლიტიკურად არაკომპეტენტური ტექსტისთვის. ხოლო ხალხის ნაწილის რეაქცია იყო უბრალოდ სამარცხვინო. უგუნური თვითმკვლელების რეაქცია, ერთი ერთზე რომ იმეორებენ კრემლის პროპაგანდას, რაღაც სასაცილო თეზისებს დასავლეთის მონობის შესახებ და ა.შ. ამდენი ტვინშეცვლილი მაინც არ მეგულებოდა ირგვლივ. ალბათ საფლავის კარამდე ვერ მოვიშლი უსაფუძვლო ოპტიმიზმს...
ნაცების მართლაც ასე და ისე რა, იმდენი გააჩალიჩეს, რომ ეს თითქოსდა საბოლოოდ ხმაჩაკლული რუსეთის შნირები ისევ გამოღოღდნენ ლაფიდან და ხმამაღლა ბედავენ დათვის უკანალისკენ "სწრაფვის" გამოხატვას. თან თურმე ნუ იტყვით, დასავლეთი წმინდა წყლის ხალხი არ ყოფილა. აღმოაჩინეს ამათაც ამერიკა.

ახალი მთავრობისადმი დასავლეთის დამოკიდებულებაზე არაერთხელ ვთქვი, რომ მას ჰქონდა ლოგიკა, რომ ამისთვის საჭიროა გონივრულად და თანმიმდევრულად მუშაობა, რომ ეს მოგვარებადია, რომ ქვეყანა არ იქცევა, ვეთანხმებოდი ბევრი მეოცნებე პოლიტიკოსის გაწონასწორებულ და რაციონალურ რეაქციას. მაგრამ რა ვქნა, რუსეთუმე პროპაგანდონები და უკურნებელი კონსპიროლოგიის მსხვერპლები ნერვებს მიშლიან და ყოველთვის მომიშლიან.

თემაში როცა ვფოსტავ, ეს ხომ არ ნიშნავს, რომ ამას თემის ავტორს ვეუბნები მაინცდამაინც და უკაცრავად, თუ ტონი ზედმეტად მკვეთრი იყო.

This post has been edited by Geronti on 5 Dec 2012, 14:54

[re_vera]

Geronti

[re_vera]

ვფიქრობ ცოტას აჭარბებ, მაგრამ არაუშავს, კრიტიკას პოლიტიკა არ მოუკლავს

რასმუსენი საქართველოში ‘მშვიდობიანი თანაარსებობის’ საჭიროებაზე საუბრობს

ოქტომბრის დემოკრატიული საპარლამენტო არჩევნებით საქართველომ მნიშვნელოვანი ტესტი ჩააბარა, მაგრამ ნატო მოუთმენლად ელის „მშვიდობიან თანაარსებობას“ პრეზიდენტ სააკაშვილსა და ახალ მთავრობას შორის პრემიერ–მინისტრ ივანიშვილის ხელმძღვანელობით, განაცხადა ნატოს გენერალურმა მდივანმა ანდერს ფოგ რასმუსენმა.

მან ეს განცხადება ბრიუსელში 4 დეკემბერს საგარეო საქმეთა მინისტრების დონეზე გამართული ნატო–რუსეთის საბჭოს შეხვედრის შემდეგ პრესკონფერენციაზე გააკეთა მას შემდეგ, რაც ქართველმა ჟურნალისტმა ჰკითხა მას, რომ არჩევნების შემდეგ საქართველოში მოლოდინები გაჩნდა წევრობის სამოქმედო გეგმის (MAP) მიღებასთან დაკავშირებით ან ნატო–საქართველოს კომისიის 5 დეკემბერს დაგეგმილი სხდომის ფარგლებში ან უახლოეს მომავალში.

„არჩევნები საქართველოში შეესაბამებოდა დემოკრატიულ სტანდარტებს და საქართველომ ამ გზით ჩააბარა ძალიან მნიშვნელოვანი ტესტი. ახლა ჩვენ მოუთმენლად ველით მშვიდობიან თანაარსებობას ახალ მთავრობასა და ამჟამინდელ პრეზიდენტს შორის; ასევე მოუთმენლად ველით, რომ მომავალი წლის საპრეზიდენტო არჩევნები... ისევე დემოკრატიულად ჩატარდება, როგორც წლევანდელი საპარლამენტო არჩევნები“, – განაცხადა რასმუსენმა.

„ჩვენ არ დაგვიგეგმავს რაიმე განხილვები წევრობის სამოქმედო გეგმაზე ან რაიმე სხვა ნაბიჯები ნატო–საქართველოს კომისიის ხვალინდელ სხდომაზე“, – განაცხადა ნატოს გენერალურმა მდივანმა.

„ხვალინდელი კომისიის სხდომა პირველი შესაძლებლობა იქნება ნატოს მოკავშირეებისთვის, რათა ახალ მთავრობასთან საქართველოს ნატოში მისწრაფებები განიხილოს. მე ძალიან მოხარული ვარ, რომ ახალმა მთავრობამ დაადასტურა თავისი მისწრაფებები ნატოში; როგორც ჩანს, საქართველოში ფართო კონსენსუსია იმასთან დაკავშირებით, რომ საქართველომ განაგრძოს ალიანსში მომავალი წევრობისკენ სვლა და ამის სანაცვლოდ, ჩვენ კიდევ ერთხელ გავიმეორეთ, რომ ის გადაწყვეტილება, რომელიც ჩვენ 2008 წელს ბუქარესტში მივიღეთ, რომ საქართველო გახდება ნატოს წევრი იმ შემთხვევაში, თუ საჭირო კრიტერიუმებს დააკმაყოფილებს, ძალაში რჩება“, – აღნიშნა რასმუსენმა.

http://civil.ge/geo/article.php?id=26294