ალბათ ისევ თვითონ ანა დოლიძემ.
საქართველოში შესაძლოა, ე.წ. სიმართლის კომისია შეიქმნას
13:37 08-12-2012
http://interpressnews.ge:8080/ge/sazogadoe...qmnas.html?ar=Aსაქართველოში შესაძლოა "სიმართლის კომისია" შეიქმნას,- ამის შესახებ ინფორმაციას ტელეკომპანია "რუსთავი 2" ავრცელებს.
ტელეკომპანიის ცნობით, ინიციატივით "სიმართლის კომისიის" შექმნის შესახებ ვაშინგტონის კარნეგის ცენტრში დასავლეთ ონტარიოს უნივერსიტეტის ასისტენტ-პროფესორი ანა დოლიძე და ცენტრის ექსპერტი ტომას დე ვაალი გამოვიდნენ. ინიციატივის მიხედვით, კომისია უნდა დაკომპლექტდეს სანდო, მაღალი ავტორიტეტის მქონე მოქალაქეებით, რომლებიც ქვეყანაში ადამიანის უფლებების დარღვევასთან დაკავშირებულ დანაშაულებს გამოიკვლევენ და მოამზადებენ დასკვნებს სხვადასხვა სტრუქტურებისთვის.
ანა დოლიძის თქმით, კომისია უნდა იყოს დაკომპლექტებული არა მხოლოდ იურისტებით, არამედ მასში სხვადასხვა სფეროს წარმომადგენლებინ უნდა გაერთიანდნენ. ამასთან, იდეის ავტორი მიიჩნევს, რომ კომისიის მიზანი სისტემური დანაშაულების გამოკვლევა და იმ მოქალაქეების გამოვლენა უნდა იყოს, რომელთა უფლებებიც დაირღვა. მისივე განმარტებით, საქართველოში "სიმართლის კომისიის" ის მოდელი უნდა ამოქმედდეს, რომელიც ათეულობით წლის წინ არგენტინაში მუშაობდა.
"კომისია უნდა იყოს დაკომპლექტებული ადამიანებისგან, რომლებიც კარგად იცნობენ საქართველოს ისტორიას, ქართულ მენტალიტეტს, ისტორიულ გამოწვევებს, სამართლებრივ სისტემას და მას უნდა ჰყავდეს აპარატი შემდგარი ძალიან კომპეტენტური ადამიანებისგან, რომლებიც კომისიის წევრებს ეტყვიან, თუ რამდენად შეესაბამება, რასაც ისინი აკეთებენ ზოგადად საქართველოს კანონმდებლობას",-განმარტა დასავლეთ ონტარიოს უნივერსიტეტის ასისტენტ-პროფესორმა ანა დოლიძემ.
"რუსთავი 2"-ის ინფორმაციით, კარნეგის ცენტრში ამ იდეას ამერიკელი ექსპერტებისგან არაერთი შეკითხვა მოჰყვა. მათი ნაწილის აზრით, ისეთ პოლარიზებულ ქვეყანაში, როგორიც საქართველოა, საეჭვოა, რომ კომისიის არსებობა სასარგებლო იყოს, ვინაიდან ის შესაძლოა, პოლიტიკური შურისძიების იარაღად იქცეს
"მთავარი საკითხი ის არის, რომ შევკრიბოთ საქართველოს მმართველები, რაშიც, არამხოლოდ პოლიტიკური ლიდერები, არამედ მეცნიერები და ინტელიგენციაც იგულისხმება. მნიშვნელოვანია, მათ გამოიყენონ ეს შესაძლებლობა საქართველოს წარსულის შავი წერტილების განსახილველად და მათი მოგვარების გზების მოსაძებნად, რომლებიც მისაღები იქნება ქართველი ხალხისათვის. თუ ამ წამოწყების იდეა ის გახდება, რომ ეს კარგი საშუალებაა სამართლიანობის მისაღწევად, რაც ზოგმა შესაძლოა შურისძიებად აღიქვას, მაშინ ეს წამოწყება კრახით დასრულდება. უნდა მოიძებნოს ისეთი ფორმა, რომელიც ყველას მისცემს საშუალებას წარსული საკითხების მოგვარებისა და შემდეგ ეტაპზე გადასვლისთვის ",-აღნიშნა ვაშინგტონის კარნეგის ცენტრის ექსპერტმა ჯეიმს კოლინზმა.
This post has been edited by Geronti on 13 Dec 2012, 17:54 
"ქართული ლოგიკა: გამარჯვებულს ყველაფერი", "ქართული ლოგიკა: გამარჯვებულს ყველაფერი" 
