ძალიან კარგი თემაა დღევანდელი დღის გადასახედით.
ძალიან მნიშვნელოვანია იმ ადამიანთა აზრი, რომელნიც ქართულ ოცნებას რუსეთის ინტერესების გატარებაში ადანაშაულებენ.
მე კი ჩემი მხრივ მინდა ჩემი პოსტები დავაკოპირო რათა ფორუმელებმა კიდევ ერთხელ გაათვითცნობიერონ რა ვითარებასთან გვაქვს საქმე.
კითხვა ანტიამერიკოს ბიძინისტებს (post #35349965)მოდით იქედან დავიწყებ რომ საერთოდ წარმოდგენა არა გაქვთ თუ რას ნიშნავს "ვიღაც-ისტობა"!
ნებისმიერი ადამიანი, რომელიც ვიღაცისტია და არა საქართველოისტი, არის საქართველოს პოტენციური მოღალატე!
ამერიკანისტობა ან რუსეთისტობა არის ზუსტად ნაცების მოგონილი, თორემ აქამდე ასეთი იარლიყები არავის არც კი მოსვლია თავში.
მე ორივე ხელით და მთელი ჩემი შეგნებით მომხრე ვარ ამერიკასთან მჭიდრო ურთიერთობების და ეს არაერთხელ მითქვას - თუმცა მხოლოდ და მხოლოდ ქართველი ერის ეროვნული ინტერესებიდან გამომდინარე და მისი გათვალისიწინებით და არა ისე, როგორც ამას ნაცების აკეთებდით.
ამერიკის ადგილზე ნებისმიერი ქვეყანა იმას გააკათებდა, რასაც აკეთებენ ამერიკელები - ანუ, მსოფლიო მაშტაბით დომინირებას ყველა სფეროში. ამერიკის ბრალი კი არაა ის რომ საქართველოში ამ 9 წლის განმავლობაში ქართველების ინტერესების ნაცვლად, ამერიკის ინტერესები ტარდებოდა, არამედ ესაა ნაცების ბრალი, რადგან მათ ვერ გაავლეს ზღვარი ორ სახელმწიფოს შორის ურთიერთობებში და საკუთარი ღორი მუცლის ფონზე ქართველთა ეროვნული ინტერესები გაცვალეს მეგობარი სახელმწიფოს ინტერესებში.
ის ვინც ამერიკის დახმარებას ვერ ხედავს ჩვენი ქვეყნის მიმართ, არის ბრმა, უჭკუო და ამპარტავანი არსება!
ამერიკელები არ არიან ვალდებულნი ჩვენი ქვეყნის წყობის ჩამოყალიბებაში და ის რომ ასეთი წყობა იქნა ჩამოყალიბებული, ესაა იმ პოლიტიკური პარტიის ბრალი, რომელიც განაგებდა სიტუაციას ქვეყანაში ამ ბოლო წლებში.
ნებისმიერი იმპერია ყოველთვის ცდილობდა და ცდილობს მსოფლიოში საკუთარი ინტერესების გატარებას. ასეა ამერიკის შემთხვევაშიც და ესაა ნორმალური პროცესი.
ის რომ სააკაშვილის მთავრობამ წიხლქვეშ გათელა ადამიანის უფლებები საქართველოში, არც ესაა ამერიკის ბრალი.
არ ვიცი, როგორი კუთხით მივუდგე თემას რომ თქვენნაირი ხალხისათვის გასაგებ ენაზე ავხსნა ის, რომ ჩვენს ქვეყანაში ის უმსგავსობა, რაც ამ 9 წლის განმავლობაში იქნა დათესილი, ეს ამერიკელების ან რუსების ბრალი კი არა, არამედ ქართველი ერის და კონკრეტულად ნაციონალური მოძრაობის ბრალია, რომელი პოლიტიკური პარტიაც მთავრობაში დარჩენისათვის ყველაფერზე მიდიოდა!
ორ სახელმწიფოს შორის ყოველთვის არსებობს ვაჭრობის საგნები: "შენ მე ეს გამიკეთე" და "მე შენ ამას გაგიკეთებ" - ესაა ნორმალური ურთიერთობა ქვეყნებს შორის. იგივე იყო ამერიკა-საქართველოს შემთხვევაშიც და ზუსტად ამის ფონზე იდგა ჩვენს გვერდით ამერიკა გაეროსა და სხვა პოლიტიკურ არენებზე და არა ქართველთა ლამაზი თვალების გამო.
სულ სხვა საქმეა თუ რა სახის დათმობებზე მიდიოდა ჩვენი ქვეყნის მთავრობა ამერიკასთან. ის რომ ჩვენი არმია არა ქვეყნის სუვერენიტეტის დასაცავად, არამედ ნატოს ვირტუალური სტანდარტების დასაკმაყოფილებლად და ავღანეთის ოპერაციაში მონაწილეობის მისაღებად მზადდებოდა, ეს ამერიკელების კი არა, არამედ ნაციონალური მოძრაობის ბრალია!
ის რომ 2003 წლიდან საქართველოში 600-მდე საზენიტო რაკეტა გაანადგურეს იმის მაგივრად რომ მათთვის მოდერნიზაცია ჩაეტარებინათ, ეს უპირველეს ყოვლისა ამერიკის ან ნატოს ბრალი კი არა, არამედ ნაციონალური მოძრაობის ბრალია!
ის რომ 2008-ში რუსებთან მოგებული ბრძოლა წავაგეთ, ეგ ამერიკისა და ნატოსი კი არა, არამედ ნაციონალური მოძრაობის ბრალია, რადგან არ მოამზადა ქართული არმია ქვეყნის სუვერენიტეტის დასაცავად, არ შეისყიდა ეფექტური საბრძოლო სისტემები, რომლებიც პოტენციური მოწინააღმდეგის შემტევ შეიარაღებასთან ეფექტურად შეძლებდნენ ბრძოლას, არ მოამზადა კადრები და სხვა მრავალი.
კითხვა ანტიამერიკოს ბიძინისტებს (post #35350573)მოდით შევეცდები ასე მივიდგე საკითხს:
პრორუსულობა(რუსეთი), პროირანობა(ირანი), პროამერიკულობა(ამერიკა), პროდასავლეთელობა(ამერიკა) პირდაპირ მიანიშნებს ამ სიტყვებიდან გამომდინარე იმაზე, თუ რომელი ქვეყნების ინტერესები დომინირებენ ამ გაერთიანებებში, რომელნიც არიან მოხსენიებულნი სახელწოდებებში.
არ არსებობს არცერთი გაერთიანება დედამიწის ზურგზე, რომელ გაერთიანებებშიც ყველა მხარეს თანატოლი უფლებები და მითუმეტეს "წონა" ქონდეთ.
ნებისმიერ გაერთიანებაში ყოველთვის არის ერთი მხარე, რომელიც ყველაზე მეტი წონისაა, ყველაზე ძლიერია და ზუსტად ის მართავს ამ ორგანიზაცას. ეს კი პირდაპირ ნიშნავს იმას, რომ მისი სახელმწიფოებრივი ინტერესები, ამ გაერთიანებაში სხვა ყველა მონაწილე სახელმწიფოს ინტერესებზე მაღლა დგას. ეს ორგანიზაცია მიიღებს ისეთ გადაწყვეტლებას ნებისმიერ საკითხზე, როგორი გადაწყვეტილებაც ზუსტად ამ ყველაზე ძლიერი მონაწილის ინტერესებში იქნება - შესაბამისად შეილახება სხვა, გაცილებით სუსტი მონაწილის სახელმწიფო უფლებები, რომლებიც სრულიად შესაძლებელია არ ემთხვეოდეს ამ ძლიერი მონაწილის ინტერესებს რიგ სფეროებში.
იგივე სიტუაცია იყო დსთ-ში. არც იქ იყო ყველა კმაყოფილი რუსეთის ქმედებებით.
იგივე სიტუაციაა ნატოშიც, არც იქ იქნება ყველა კმაყოფილი ამერიკის ქმედფებებით.
აბა რატომაა თქვენი აზრით რომ ნატოს წევრი რიგი ქვეყნები უარს ამბობენ ჰელმანდის რეგიონში საკუთარი სამხედრო დანაყოფების გაგზავნაზე?
ქვეყნის სამხედრო-პოლიტიკური ნეიტრალიტეტი არის სახელმწიფო მართვის ის ფორმა, სადაც საგარეო ურთიერთობები დამოკიდებულია არა რაიმე სახის ორგანიზაციაში გაერთიანების შედეგად მიღებულ სხვა და სხვა ქვეყნების გადაწყვეტილებებზე(ანუ თუ ხარ ნატოს წვერი, ვალდებული ხარ დაემორჩილო ნატოს სესიის გადაწყვეტილებებს), არამედ საკუთარი ქვეყნის მოსახლეობის მიერ მიღებულ გადაწყვეტილებებზე!
შვედეთი: იცით რომ 2007 წლიდან ამ ქვეყნის "ლობისტად" ვითვლებოდი არსენალში. ხო და არა მარტო მათი სამხედრო მრეწველობა, არამედ მათი სახელმწიფო წყობა მომწონს ზოგადად. მათი შეთრევა ნატოში ამერიკის დიდი სურვილია დიდი ხანია, თუმცა შვედმა ხალხმა აირჩია დამოუკიდებლობა და უარი უთხრა ვინმეზე მორჩილებას - უთხრა "არა" რაიმე სამხედრო-პოლიტიკური გაერთიანების დიდი ნაწილის მიერ მიღებული გადაწყვეტილებისათვის მორჩილების გამოცხადებას.
გირჩევთ გადაიკითხოთ შვედეთზე ინფორმაცია. ძალიან ბევრ რამეს გაიგებთ. სულ 9 მილიონი არიან, აქვთ ჩვენზე მინიმუ 10-ჯერ დიდი ტერიტორია. არ გააჩნიათ არც გაზი, არც ნავთობი, ებრაელებისაგან განსხვავებით არ მიუღიათ არანაირი სერიოზული დახმარება საკუთარი სამხედრო მრეწველობის გასანვითარებლად. პირიქით - აშშ ხშირად შვედებისაგან აკოპირებდა საბრძოლო სისტემებს და ახდენდა მათ ბაზაზე საკუთარის შექმნას. ამავე დროს აშშ-თან აქვს იდეალური ურთიერთობა და სხვა ევროპული ქვეყნებისაგან განსხვავებით მინიმალურადაა დამოკიდებული რუსეთის ბაზარზე და რუსულ ენერგორესურსებზე!
კითხვა ანტიამერიკოს ბიძინისტებს, მოდით ერთი წუთი საქმე მაქვს სერიოზული 
