#35877798 · 4 Apr 2013, 13:27 · · პროფილი · პირადი მიმოწერა · ჩატი
ირაკლი ღარიბაშვილი: "ვალერიან თელია მალე გამოვა საავადმყოფოდან და მუშაობას გააგრძელებს - რაც მოხდა, მოხდა"
13:04 04.04.2013
შს მინისტრ ირაკლი ღარიბაშვილის განცხადებით, "ვალერიან თელია მალე გამოვა საავადმყოფოდან და მუშაობას გააგრძელებს - რაც მოხდა, მოხდა".
როგორც ღარიბაშვილმა მთავრობის სხდომის დასრულების შემდეგ განაცხადა, მას არ ესმის თუ რატომ ითხოვენ, მისი თანამშრომლებისთვის ნარკოტესტის ჩატარებას.
მისივე თქმით, სამინისტროს ყველა სამმართველოს ხელმძღვანელს, მათ შორის ვალერიან თელიას ნარკოტესტი ჩაბარებული აქვს.
"როგორ წარმოგიდგენიათ, რომ მე მოვითხოვო საია-ს ან სხვა უწყების თანამშრომლეისთვის ნარკოტესტის ჩატარება. თქვენ კარგად იცით, რომ მე და ჩემმა მოადგილეებმა ნარკოტესტი ჩავაბარეთ. ასე მოიქცა ყველა სამმართველოს ხელმძღვანელი და მათ შორის, ვალერიან თელიასაც ნარკოტესტი ჩაბარებული აქვს. მე ძალიან მრცხვენია, რომ უბრალოდ ჭიქაში ქარიშხალი ატეხეს", - განაცხადა ღარიბაშვილმა და თელიას ჯანმრთელობის მდგომარეობაზეც ისაუბრა.
"გუშინ იყო საუბარი თითქოს თელიამ რაღაც ნარკოტიკული ნივთიერება მოიხმარა და ამის გამო შეექმნა ჯანმრთელობის პრობლემა. ეს არის ტყუილი და სირცხვილი. ის მალე გამოვა საავადმყოფოდან და მუშაობას გააგრძელებს. ვალერიან თელია აჭარის მოსახლეობის უსაფრთხოებაზე 24 საათი ზრუნავს. რაც მოხდა, მოხდა. შესაძლოა, ბევრი რაღაც მეც არ მომეწონა, მაგრამ ის არის პოლიციელი, ატარებს მუნდირს, მაგრამ ის ჩვეულებრივი ადამიანია. თელია თითქმის მესამე მსოფლიო ომის ინიციატორად გამოაცხადეს, მაგრამ ეს იმაზე მიუთითებს, რომ ჩვენი მისამართით სხვა პრეტენზიები არ არსებობს და მე ეს მახარებს", - აღნიშნა ღარიბაშვილმა.
შს მინისტრის თქმით, მართვის მოწმობის არქონის გამო თელია ინციდენტის დღესვე დაჯარიმდა.
"პოლიციელი ჩვეულებრივი ადამიანია. თელიას მართვის მოწმობა არ ჰქონდა და ის სამაგალითოდ დაჯარიმდა. მან ეს ჯარიმა უკვე გადაიხადა. შესაძლოა, მეც დავარღვიო კანონი და ამის გამო მეც დავჯარიმდები", - განაცხადა ღარიბაშვილმა.
შს მინისტრი გავრცელებულ ინფორმაციას იმის შესახებ, რომ ვალერიან თელია თანამდებობიდან გადააყენეს, სიცრუეს უწოდებს.
--------------------
Fishing, with me, has always been an excuse to drink in the daytime.
|
თელიას კაჩავი და ხელის შემორტყმა დაიდო გადიდებული, რაკუსით
