კომისიამ, რომელიც ბუნების ძეგლების სტატუსის მინიჭების საკითხზე მუშაობდა, ის 8 ობიექტი განსაზღვრა, რომლებიც ბუნების ძეგლად გამოცხადდება, როგორც კი პარლამენტი შესაბამის კანონპროექტს დაამტკიცებს. ეს ადგილებია:
სამეგრელოს ბუნების ძეგლების კომპლექსი (მღვიმეებიც და ჩანჩქერებიც)
გოდერძის ნამარხი ტყის ბუნების ძეგლი (ადიგენის რაიონი, აჭარა);
დაშბეშის კანიონის ბუნების ძეგლი (წალკის რაიონი);
სამშვილდის კანიონის ბუნების ძეგლი (თეთრიწყაროს რაიონი);
მუხურის ჩანჩქერის ბუნების ძეგლი (ტყიბულის რაიონი);
ბოდორნის კლდის სვეტები (დუშეთის რაიონი);
ჯვრის უღელტეხილის ტრავერტინის ბუნების ძეგლი (ყაზბეგის რაიონი);
ქეთერისის მინერალური ვოკლუსის ბუნების ძეგლი (თრუსოს ხეობა).
დაცული ტერიტორიების სააგენტოს თავმჯდომარის განმარტებით, ჯამში ეს რვა ობიექტი 16 ერთეულს მოიცავს და მას მერე, რაც პარლამენტი წარდგენილ სიას დაამტკიცებს, ის, რაც კობი-გუდაურის გზაზე მდებარე ტრავერტინებს დაემართა, აღარ განმეორდება.
შეგახსენებთ, რომ გუდაური-კობის გზის მონაკვეთზე დაახლოებით ერთი თვის წინ გზაგამტარ გვირაბზე მიმდინარე სამუშაოების დროს მშენებლებმა მძიმე ტექნიკით ერთ-ერთ ღირსშესანიშნავი ადგილი ტრავერტინები დააზიანეს.
ეს სია გარემოსა და ბუნებრივი რესურსების დაცვის საპარლამენტო კომიტეტს დღეს გადაეცა. დამატებით ხუთი ობიექტის ბუნების ძეგლად გამოცხადების საკითხი კი ჯერჯერობით გადაიდო.
ჩემი კუთხე (ინფორმაციები, ფოტოები, პრობლემები... ), საქართველოს რეგიონები (ერთიანი თემა)
