ვანგრევთ საკუთარ ისტორიას?, ჯერ ტრავერტინები - ახლა ეს!

ჯერ ბოლომდე არაა ეს საქმე მიყვანილი
სასამართლოს მერე ისევ დაუბრუნდა განსახილველად ისევ იმ კანტორას, რომელსაც ისევ ანთიძე განაგებს
და იგივე ხალხი რჩება თანამდებობებზე.
იგივე ხალხმა უნდა გადაწყვიტოს ძეგლის ბედი.
ეტყობა ელოდებიან, როცა ვნებათაღელვა ჩაცხრება - ან ხალხი შვებულებებში წავა
რომ მერე უცებ იხელთონ დრო და საბოლოოდ გაანადგურონ...
მაგათი ნდობა უკვე აღარ შეიძლება...


კსტატი შტოლნერი ჩამოდის

ხვალ, 27 ივნისს, 12.00 საათზე, "პირველ პრესკლუბში" ორგანიზაცია "აღმოსავლეთ პარტნიორობის ხელოვნებისა და კულტურის საბჭოს" კულტურის მკვლევარები სოფო კილასონია და ლალი პერტენავა პრესკონფერენციას გამართავენ. თემა: კულტურის სამინისტრო, კულტურის წინააღმდეგ. პრესკონფერენციაზე წარმოდგენილი იქნება საყდრისი-ყაჩაღიანის წინააღმდეგ სამინისტროსა და ძეგლთა დაცვის სააგენტოს მიერ შემუშავებული უკანონო სქემის დეტალები. დოკუმენტები და ახალი გამოწვევები. ასევე ისეუბრებენ იმ სტრუქტურულ ცვლილებებზე, რომლსაც ამ ეტაპზე საქართველოს კულტურისა და ძეგლთა დაცვის სამინისტრო ახორციელებს, რითიც ემუქრება არა მხოლოდ საყრდისის უნიკალურ ძეგლს, არამედ ზოგადად კულტურულ მემკვიდრეობასა და თანამედროვე პროცესების განვითარებას. მისამართი: წერეთლის 116, ბიზნეს ცენტრი "დიდუბე პლაზა" მე-2 სართ.


https://www.facebook.com/events/24238240930...ry_type=regular
არტარეა წარმოგიდგენთ:
ქუჩის აკადემია Vol. 2
ირინა ღამბაშიძის ლექცია: საყდრისი - ოქროს უძველესი წარმოების კერა
შაბათი - 28 ივნისი
მისამართი: დოდო აბაშიძის 10
დასაწყისი: 19:00



http://hridc.tv/index.php?a=view&id=127&lang=geo
სოსო ცაბაძის ბიოგრაფიიდან...
2009-10-21 13:22
ბურღვა ზემოთ და ქვემოთ
2004 წლის 10 სექტემბერს, სოფელ ნინოწმინდაში, #100 ჭაბურღილიდან ნავთობი ამოიფრქვა. მოსახლეობა ავარიის შედეგებს დღემდე იმკის.


Good Man
ძალიან სერიოზული პრობლემაა
საქართველოს არ აქვს იმხელა ფუფუნება, რომ იქ სადაც ოქროს მოიპოვებენ,
იქ სახნავ სათესი მიწები ხელუხლებელი დატოვონ
ეს რომ ციმბირი იყოს - დატოვებდი იმ არემარეს დაუსახლებელს
მაგრამ პატარა, მცირემიწიან საქართველოში ასე ღიად ოქროს მოპოვება მოსახლეობის სიცოცხლის ფასად ჯდება.

This post has been edited by basa-ttt on 26 Jun 2014, 20:13

მიმაგრებული სურათი

და ეხლა ძეგლის განადგურება ესე უნდა შერჩეთ ამ ნაძირალა ოდიშარიას და ყეყეჩ ღარიბაშვილს? არ უნდა დაისაჯონ 11 გამყალბებელი და რმგ გოლდი? სანამ სისხლისსამართლებრივ პასუხს არ აგებენ ეს ნაძირლები, მანამდე სამართალი არ არის აღსრულებული.

პრიაპი
წესით და ნორმალურ ქვეყანაში უნდა აგონ პასუხი.
ძეგლი უკვე დაზიანებულია
და სამუშაოები მაშინაა ჩატარებული, როცა ამის უფლება ჯერ კიდევ არ ჰქონდათ....

ჩატარდა ლექცია - ძალიან საინტერესო იყო
ეს ყველა ქართველმა უნდა მოისმინოს....




დღეს ჩატარდა ქ-ნი ირინე ღამბაშიძის, ჩვენი უბრწყიბვალესი ქალბატონის და მამულიშვილი მეცნიერის ლექცია: საყდრისის საერთაშორისო ღირებულების კულტურის ძეგლის და საერთოდ საქართველო-კავკასიის ტერიტორიაზე პრეისტორიულ პერიოდში ოქროს წარმოების შესახებ, ეს იყო უბრწყინვალესი ლექცია რომელიც უნდა მოისმინოს მთელმა საქართველომ უახლოეს პერიოდში შემოგთავაზებთ, ლექციის (ძირითადი ხედვების) ვიდეო ვარიანტს...






საყდრისის შესასვლელი დღეს ასე გამოიყურება...





მიმაგრებული სურათი

უკან ფონად კაზრეთია, ეკოლოგიურად ერთ ერთი ყველაზე საშიში, დაბინძურებული ადგილი საქართველოში. მდინარე კაზრეთულაში ჩაედინება ქიმიური ნარჩენები. ცოცხალი ორგანიზმი მდინარეში აღარ ბუდობს, მიმდებარე ტერიტორიაზე კი არავითარი მოსავალი არ მოდის. წინა თვეს 7 ადამიანი გარდაიცვალა, 20 წლამდე ბიჭი, კიბოთი

https://www.facebook.com/events/53861881957...ry_type=regular
ხვალ დასაწყისი 14:00
აბულ-მუგთან კეთდება ახალი გამოსატუტი ბასეინი, მიდის წყლის მიყვანის სამუშაოები, ამაზე ნებართვა გაიცა გარემოს დაცვისა და ბუნებრივი რესურსების სამინისტროს მიერ, კერძოდ ხათუნა გოგალაძის მიერ. მოვითხოვთ ამ მავნე პოზიციის გადახედვას!


http://www.nplg.gov.ge/gwdict/index.php?a=list&d=25&p=1
ქართლის ცხოვრების ტოპოარქეოლოგიური ლექსიკონი

აბულმუგი
დაბა (ქც 4: 315,19).
იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“ (ქც 4: 315,19), „დასტურლამალი“ (ქართ. სამართ. ძეგ. 1970ა: 713), იოანე ბაგრატიონის „ქართლ-კახეთის აღწერა“ (ბაგრატიონი 1986: 52), XVIII ს-ის ისტორიული საბუთები (მასალანი საქ. სტატ. ... 1907: 228, 401; საქ. სიძ. 1909: 360).
ვახუშტი ბაგრატიონი აბულმუგის შესახებ გადმოგვცემს: „დბანისს ქუეით არს ჩდილოთ კერძ ხინწის ხევი. მას ქუეით დაბა აბულმუგი. აქ ითხრების ლითონი რკინისა, სპილენძისა და ლაჟვარდისა“ (ქც 4: 315,18-20).
მდებარეობს დმანისის მუნიციპალიტეტში, მდ. მაშავერას შენაკად ხინწისხევის მარცხენა მხარეზე, სოფ. ბალიჭის მახლობლად.
XVIII ს-ში აბულმუგი საბარათიანოში შედიოდა და წარმოადგენდა სახასო სოფელს (ბაგრატიონი 1986: 52).
1975 წ. აბულმუგის არქეოლოგიური შესწავლა დაიწყო ს. ჯანაშიას სახ. საქართველოს სახელმწიფო მუზეუმის არახლო-კაზრეთის ექსპედიციამ (ხელმძღ. მ. სინაურიძე). გათხრების შედეგად იქ გამოვლინდა შუა საუკუნეების აბანო (სინაურიძე 1977: 136). 1985-1986 წწ. არქეოლოგიური კვლევის ცენტრის მაშავერას ხეობის არქეოლოგიურმა ექსპედიციამ (ხელმძღ. კ. კახიანი) აბულმუგის ხეობაში შეისწავლა ელინისტური ხანის სამაროვანი.
სამაროვანი „აბულმუგი I“ მდებარეობს ნაქალაქარ დმანისის მახლობლად (ჩრდილოეთით), აბულბუქის ხევის მარცხენა მხარეს. სამაროვანზე გაითხარა ქვის ფილებით ნაგები 25 სამარხი და ქვის ფილით გადახურული 2 ორმოსამარხი. სამარხებში მიცვალებულები დაუკრძალავთ კიდურებმოხრილი, მარჯვენა გვერდზე, თავით ჩრდილო-აღმოსავლეთით. დადასტურდა სამარხთა მეორადი გამოყენების შემთხვევებიც (№№3, 4, 6, 12, 16, 18, 19). სამ სამარხში (№№11, 12, 24) აღმოჩნდა წვრილფეხა საქონლის ძვლები (აღაპი). №22 სამარხში მიცვალებულს ზემოდან ეფარა კევრი. სამარხებში აღმოჩნდა: წითლად შეღებილი, მოხატული და ანგობირებული მრავალრიცხოვანი და მრავალფეროვანი ჭურჭელი (დერგები, დოქები, ხელადები, ქოთნები, კოჭობები, ჯამები, ფიალები, სამარილეები. სულ 61 ერთეული). საბრძოლო-სამეურნეო იარაღებიდან აღსანიშნავია: რკინის შუბისპირები, ისრისპირი, ცულები, დანები; სამკაულიდან გვხვდება: ბრინჯაოს სამაჯურები, საკინძები, სასაფეთქლე რგოლები, საკიდები, ვარდული, საკისრე რგოლი; სარდიონის, მინის, გიშრის მძივები. სამაროვანი თარიღდება ძვ. წ. IV ს-ის დასასრულითა და III ს-ის დასაწყისით (ძნელაძე 2001: 140-164; ხოხობაშვილი, ძნელაძე 2008). მასალა ინახება დმანისის არქეოლოგიური ექსპედიციის ბაზაში.
აბულმუგის აბანო ქვით ნაშენი ნაგებობაა, რომელიც შედგება საცეცხლე განყოფილების, საკუთრივ აბანოსა და მის წინ მდებარე ნიშებიანი ოთახისაგან (საერთო სიგრძე 9 მ). აბანო წარმოადგენს კვადრატულ ოთახს, რომელიც გადახურულია გუმბათით. ოთახი კირითაა შელესილი. კედლებში დატანილია წყლის მილები და საკვამურები. აბანოს დასავლეთით მოწყობილია საქვაბე, რომლის ზემოთ მოთავსებულია ცხელი წყლის აუზი. მასში შეყვანილია მილი, რომელიც აბანოს წყლით ამარაგებდა. წყალსადენის მეორე ხაზი შეყვანილია აბანოს ჩრდილო კედელში და ჩადის აუზში. აქვე აღმოჩნდა თონე, რომელიც აბანოს დანგრევის შემდეგ ყოფილა გამართული. ნაგებობის სამხრეთ კედელში არსებული კარის წინ აღმოჩნდა რუსუდან მეფის (1222-1245) მონეტა. აბანოს ტერიტორიაზე გამოვლინდა მოჭიქული ჭურჭლის ნატეხები. აბანო თარიღდება განვითარებული შუა საუკუნეებით (სინაურიძე 1977: 136). მასალა ინახება საქართველოს ეროვნულ მუზეუმში (ს. ჯანაშიას სახ. საქართველოს მუზეუმი).
აბულმუგის ეკლესია მდებარეობს სოფ. ბალიჭის პირდაპირ, მდ. მაშავერას მარცხენა ნაპირას. ეკლესია დარბაზულია (9,6X6,1მ). გვიან შუა საუკუნეებში გადაუკეთებიათ. ეკლესიის დასავლეთ კედელში, სარკმლის ძირის ქვად გამოყენებულია ძველი წარწერიანი ფილა. რვასტრიქონიანი ასომთავრული წარწერა არ იკითხება. ასოთა მოხაზულობით წარწერა თარიღდება X-XI სს-ით (მუსხელიშვილი 1941: 25). დასავლეთ კედელში გარედან ჩასმულია ჯვრისგამოსახულებიანი მედალიონი, რომლის ქვემოთ ბერძნული მთავრულით გამოსახულია „ალფა“ და „ომეგა“. ქვა არასწორადაა ჩადგმული. ჩანს, ძველი მასალა (დაახ. VI-VII სს-ის) შემდგომში გამოუყენებიათ (ყაუხჩიშვილი 1951: 293).
აბულმუგის მახლობლად დაახლ. 0,4-0,5 კმ-ზე მდ. მაშავერას მარცხენა ნაპირას დგას „ორსაყდრის ეკლესია“ (ორი საყდარი), რომელთაგან ქვემო ეკლესია დარბაზულია (7,0X4,1 მ). ეკლესიის ფასადებში ჩაშენებულია ჩუქურთმიანი სტელების 11 ნატეხი, რომლებიც VI ს-ით თარიღდება. საკუთრივ ეკლესია გვიანდელი ნაგებობაა (ჯაფარიძე 1982: 33).
ორსაყდრიდან 1 კმ მანძილზე ორი პატარა ეკლესიის ნანგრევია. პირველს, მცირე შენობას „დაქცეულ საყდარს“ უწოდებენ; მეორე, მოყვითალო ქვით ნაგები, დარბაზული ტიპის ე. წ. სვეტიცხოვლის ტაძარია. შესასვლელი სამხრეთიდანაა. ტაძრის შიგნით, შესასვლელთან დევს საფლავის ქვა მხედრული წარწერით, რომელიც თარიღდება 1658 წლით (მუსხელიშვილი 1941: 29).
ბიბლიოგრაფია: ბაგრატიონი 1986: 52; ბერძენიშვილი 1979: 13; კახიანი ... 1991: 51-59; ლორთქიფანიძე 1935; 1938; მასალანი საქ. სტატ…... 1907: 228, 401; მუსხელიშვილი 1941: 25, 29; საქ. სიძ. 1909: 360; სინაურიძე 1977: 129-141; ქც 4: 315, 19; ქართ. სამართ. ძეგ. 1970ა: 713; ძნელაძე, ხუბულური 1989: 42-47; ძნელაძე 2001: 140-164; ყაუხჩიშვილი 1951: 40; ხოხობაშვილი, ძნელაძე 2008; ჯაფარიძე 1982.
See also: დმანისი
Source: ქართლის ცხოვრების ტოპოარქეოლოგიური ლექსიკონი/გელა გამყრელიძე, ზურაბ ბრაგვაძე, დავით მინდორაშვილი, მარინე კვაჭაძე; რედ. და პროექტის ხელმძღვ. გ. გამყრელიძე; [წინათქმა დავით ლორთქიფანიძე]; საქ. ეროვნ. მუზეუმი, ოთ. ლორთქიფანიძის სახ. არქეოლ. ცენტრი. – I-ლი გამოცემა. – თბ.: ბაკურ სულაკაურის გამ-ბა, 2013. – 739 გვ.: ილ.; 24 სმ..


რამდენი არქეოლოგიური ძეგლი ყოფილა აბულმუგთან - გადაურჩა რამე ბულდოზერებს?



This post has been edited by basa-ttt on 30 Jun 2014, 22:13

მიმაგრებული სურათი

ნინო მიქიაშვილი
16 წუთის წინ · რედაქტირებული
ქართულ-გერმანული ექსპედიციის წევრები (ქართველი არქეოლოგები: ირინა ღამბაშიძე, გოგი მინდიაშვილი...) კაზრეთის პოლიციაში დაახლოებით ოთხი საათი იყვნენ. ისინი იქ მას შემდგე მივიდნენ, რაც არემჯი გოლდის უსაფრთხოების სამსახურის წარმომადგენლებმა არ მისცეს საყდრისის უძველესი ოქროს მაღაროს დეტალური აღწერის საშუალება. არქეოლოგებმა მოითხოვეს დოკუმენტი, რის საფუძველზეც შესვლას უკრძალავდნენ. ამგვარი დოკუმენტი ვერ წარუდგინეს. ამის შემდეგ გოგი მინდიაშვილმა 112-ზე დარეკა. ამას მოჰყვა კაზრეთის პოლიციაში რამდენიმესაათიანი, ტრადიციული გამოკითხვის პროცედურა
ეს ამბავი საყდრისის ვეტერანი მცველის, ირაკლი ლომიძისგან შევიტყვე. ამ დროს, 15:30 წუთზე "ობიექტივში" საგარეჯოში არსებულ პრობლემებზე გადაცემა მიგვყავდა. დავიწყეთ საყდრისით და დავასრულეთ საყდრისით. გადაცემა რომ დასრულდა, "რეპორტიორსაც" ვუთხარი და ნიუსი დადეს, ამ სიახლეზე. ახლა აქ დავწერე და თქვენ წაიკითხავთ
https://www.facebook.com/profile.php?id=100006456489634

მიმაგრებული სურათი

basa-ttt
მოგცლია რაა.

ფორუმი ზოგადად მოცლილებისაა.
შენნაირის, ჩემნაირის,
ზოგი მოროშკინასთვის იცლის, ზოგი ხაბაზისთვის, ზოგიც მასტერასთვის...
ზოგიც კულტურული მემკვიდრეობისათვის..
ყველას თავისი არეალი და პატალოკი აქვს.

შეხვედრა შტოლნერთან - 2.07.2014













https://www.facebook.com/notes/sophia-kilas...152310805422599
თანამდებობები საყდრისის სანაცვლოდ... საყდრისი – ყაჩაღიანის საქმის დეტალები და ფაქტები....
2014 წლის 30 ივნისი, 17:56-ზე
საყდრისი-ყაჩაღიანის უძველეს ოქროს მაღაროს ეროვნული კულტურული მემკვიდრეობის სტატუსი 2006 წელს მიენიჭა.საბადოზე მომუშავე კერძო კომპანია სხვადასხვა დროს სხვადასხვა მექანიზმებით ცდილობდა, რომ სახელმწიფოს ძეგლის სტატუსი მოეხსნა.დასაყრდენიც ყველა ხელისუფლების დროს ჰყავდა. გვარებს რა ჩამოთვლის, ან რისთვის... თუმცა მცდელობები მცდელობებად რჩებოდა, რადგანაც საქართველოს კულტურის სამინისტროში არსებული მეცნიერთა არქეოლოგიური საბჭო, რომელსაც საქართველოს კულტურული მემკვიდორების შესახებ კანონის ძალით ენიჭებოდა იმ რეკომენდაციების გაცემა,რომლის საფუძველზეც საქართველოსკულტურისა და ძეგლთა დაცვის მინისტრს შეეძლო ნებისმიერი ძეგლებითვის სტატუსის მოხსნა და მინიჭება, კერძო კომპანიის მოთხოვნას არ თანხმდებოდა.
“არემჯი გოლდი” მზად იყო 2მილიონი გადაეხადა იმ კვლევისთვის,რომელიც დაასაბუთებდა ძეგლის“უმნიშვნელობას” და გამოიწვევდა სტატუსის მოხსნას. ამ ტიპის შეთავაზება მან საქართველოს ეროვნული მუზეუმის არქეოლოგიურ ცენტრს კიდეც შესთავაზა, რაზეც უარი მიიღო. მეცნიერების სურვილი თუნდაც რომ ყოფილიყო,ეროვნული მუზეუმი უფლებამოსილი არ იყო სტატუსი შეეცვალა რამე. საბედნიეროდ საქართველოში კულტურულ მემკვიდორებას იცავს კანონი კულტურული მემკვიდრეობის შესახებ (რომელში შესატანი ცვლილებებიც ამ მთავრობამ უკვე მოამზადა და ჯერჯერობით ვერ ბედავს განხორციელებას), სადაც ნათლად წერია, რომ კულტურის მინისტრს ძეგლისთვის სტატუსის მინიჭება ან მოხსნა შეუძლია მხოლოდ და მხოლოდ სამინისტროში არსებული არქეოლოგიური საბჭოს რეკომენდაციის საფუძველზე. კანონშჲ ისიც არის აღნიშნული თუ რომელი სპეციალიზაციის მეცნიერ-მკვლევარები უნდა შედიოდნენ საბჭოში. როცა “არემჯი გოლდის” ხელმძღვანელობა გაერკვა ამ საკითხებში,“მუშაობა” და “თანამშრომლობა”საქართველოს კულტურისა და ძეგლთა დაცვის სამინისტროსთან განაახლეს და უკვე მინისტრ გ. ოდიშარის მიერ სამინისტროში არსებული არქეოლოგიური საბჭოს გადაწყვეტილებები იგნორირებული გახდა, მეტიც, საბჭო დაშალა და მინისტრმა 2013 წელს ძეგლს სტატუსი მოუხსნა. მაგრამ მანამდე, იმისთვის რომ გადაწყვეტილებას ჰქონოდა ძალა და გამართლება, მან შექმნა ალტერნატიული და დროებითი კომისია, რომლის რეკომენდაციასა და რამდენიმე დღეში გაკეთებულ ანალიზს დაეფუძნა მინისტრის თამამი ნაბიჯიც. ის რომ ეს ქმედება კანონის დარღვევა გახლდათ, დაადასტურა სასამართლოს გადაწყვეტილებამ, რომელშიც აღნიშნულია, რომ ამ პროცედურული დარღვევების გამო, მინისტრის მიერ სტატუსის მოხსნის ბრძანება ბათილად არის ცნობილი. ეს გამარჯვება ყველას გაუკვირდა,თუმცა გასაკვირი სინამდვილეში არც არაფერი არ იყო, ოდიშარია ზემოთ აღნიშნული ქმედების გამო კონსტიტუციაზე მაღლა დადგა.
“გამარჯვება”?
პრობლემა სასამართლოზე არ აღმოფხვრილა. ყურადღების ღირსია რამდენიმე საკითხი, რომელიც ამ პროცესებს ახლდა. აქ მჭირდება მკითხველის განსაკუთრებული ყურადღება და დაკვირვებულობა!
გ.ოდიშარიას მიერ სტატუსის მოხსნის გადაწყვეტილება ორი დასკვნით“მართლდებოდა”. სამინისტრომ ორი დასკვნა დაუპირისპირა იმ ქართველ დაუცხოელ მკვევარებს, რომლებიც მრავალი წლის განმავლობაში მუშაობდნენ ამ არქეოლოგიურ ძეგლზე და ეს ორი დასკვნა დაგვიპირისპირეს ყველას, ვინც ძეგლის დაცვას ვცდილობდით.
N 1
2013 წლის 28 მაისს ოდიშარიამ გასცა ბრძანება შექმნილიყო სპეციალური 11-კაციანი კომისია. რომელსაც უნდა შეესწავლა ძეგლის მნიშვნელობა, ასაკი, რაობა და სტატუსის საკითხი. რამდენიმე დღეში ამ კომისიამ წარადგინა დასკვნა. სადაც უარყოფილია ძეგლის კულტურულ-ისტორიული მნიშვნელობა. ეჭვქვეშ არის დაყენებული მაღაროს ასაკი და ის, რომ იქ ოქროს მოპოვება ხდებოდა. რეკომენდაციაც კი გასცეს ძეგლისთვის სტატუსის მოხსნისთვის. ამ კომისიაში შედიოდნენ :
1. ომარ ქუცნაშვილი
2. ალექსანდრე თვალჭრელიძე
3. დავით ლომიტაშვილი
4. გურმა მირცხულავა
5. ბესიკ მაცაბერიძე
6. ვახტანგ ლიჩელი
7. ლალი ახალაია
8. გურამ ყიფიანი
9. პაატა გაფრინდაშვილი
10. თემურ ჩიხრაძე
11. გურამ გრიგოლია
რამდენიმემ დასკვნას ხელი არ მოაწერა, ანდა მოაწერა და დაურთო, რომ საკითხი ხელახალ შესწავლას საჭიროებდა. თუმცა, უმრავლესობა იყო ერთსულოვანი - “სიკვდილით დასჯა!”
აღნიშნულ,სახელდახელოდ შექმნილ კომისიას კანონით არ ჰქონდა არანაირი უფლება, რადგანაც ეს 11 მეცნიერი არ გახლდათ კანონით უფლებამოსილი საბჭოს წევრი. ამას გარდა, იყო ინტერესთა კომფლიქტიც, რადგანაც რამდენიმე ამ კვლევართაგან მანამდე თანამშრომლობდა“არემჯი გოლდთან”. მაგრამ ამკომისიის დასკვნა მაინც საბედისწერო აღმოჩანდა სრულიად უნიკალური ძეგლისთვის. ამ დასკვის საფუძველზე ძეგლს მოეხსნა სტატუსი. რის შემდეგაც ის დაზიანდა, რის შემდეგაც დაიწყო “არემჯი გოლდის” მიერ წარმოებული კამპანია, საყდრისის“ლეგენდის და არა სინამდვილის”შესახებ.
და აი, საით მივდივარ:
11-კაციანი კომისიის ზოგიერთი მონაწილე,კონკრეტულად ხელმომწერები 2014 წელს საქართველოს კულტურისა და ძეგლთა დაცვის სამინისტროს დაქვემდებარებულ კულტურული მემკვიდრეობის სააგენტოს მაღალ თანამდებობებზე დაინიშნენ.
დავით ლომიტაშვილი – ნიკოლოზ ანთიძის მოადგილეა. ის ამ თანამდებობაზე დაინიშნა 2014 წლის 1 მაისის ბრძანების საფუძველზე. მეორე მოადგილეა პაატა გაფრინდაშვილიც. დღეს ბესიკ მაცაბერიძე სტრატეგიული სექციის ხელმძღვანელია. მან დასკვნაზე ბოლოს ხელი არ მოაწერა. თუმცა, ღიად მაინც ვერ გაემიჯნა პროცესს. იმედი ვიქონიოთ, რომ ბატონი ბესიკი,არც მაშინ დაეთანხმება ხელმძღვანელებს, როცა ხელმეორედ გახდება განსახილველი (სწორედ მის სექციაში) საყდრისის სტატუსის მოხსნის საკითხი.ეს მომენტიც მალე დადგება...
N2
საყდრისი-ყაჩაღიანს სასიკვდილო განაჩენი გამოუტანა კიდევ ერთმა კომისიამ და კვლევამ. 2013 წლის ნომბერის საქართველოს მეცნიერებათა აკადემიის სამი მეცნიერის (დ.მუსხელიშვილის, გ.ლორთქიფანიძის, ლ. ჯაფარიძის ) დასკვნამ, რომლის სანდოობას წერილობით იქვე ადასტურებდა აკადემიის პრეზიდენტი (გ.კვესიტაძე). ამ ტექსტებში აღნიშნულია, რომ მათი დასკვნა ეფუძნება 2013 წლის ოქტომბერში შპს. “არგეოლოგიური გაერთიანების” ექსპედიციას, რომელსაც ხელმძღვანელონდა კონსტანტინე ფიცხელაური. კოსტანტინე ფიცხელაურის ექსპედიცია დაუპირისპირდა საქართველოს ეროვნული მუზეუმის არქეოლოგირიური ცენტრის მრავალწლიან კვლევებს – ი. ღამბაშიძისა და ტ. შტოლნერის ხელმძღვანელობით და უარყო მათი დასკვნები. კვესიტაძის წერილში პირდაპირ წერია, რომ “კოსტანტინე ფიცხელაურის ექსპედიცია “არემჯი გოლდის” დაკვეთით განხორციელდა....”
კოსტანტინე ფიცხელაური 2014 წლის 2 მაისს ნიკოლოზ ანთიძის ბრძანებით საქართველოს კულტურული მემკვიდრეობის დაცვის ეროვნული სააგენტოს არქეოლოგიური სექციის ხელმძღვანელად დაინიშნა.
სასამართლო გადაწყვეტილებამ აჩვენა რამდენად უკანონო და არაზუსტი იყო მინისტრის გადაწვეტილება, რადგანაც ის არ დაემორჩილა საქართველოს კულტურული მემკვიდრეობის შესახებ კანონში აღნიშნულ აუცილებლობას, რომ სტატუსის მოხსნა-მინიჭებისას უნდა გაეთვალისწინებინა მხოლოდ სამინისტროში არსებული არქეოლოგიური საბჭოს რეკომენდაციები. ის ენდო სხვებს... დღეს ეს სხვები უკვე სააგენტოში გადაწყვეტილებების მიმღებნი არიან. შესაბამისად, მათ შეულძიათ ნებისმიერ დროს ნებისმიერ ძეგლს იგივე პრინციპებით მოუხსნან სტატუსი და ამ შემთხვევაში აღარ მოხდება პროცედურული დარღვევა.
ძეგლთა დაცვის სააგენტოს მიერ მოწვეულმა ბულგარელმა და გერმანელმა არქეოლოგმა და გეოლოგმა დაადასტურეს 10-წლიანი გათხრების შედეგები და დასკვნა, რომ საყუდრისი უნიკალური არქეოლოგიური ძეგლია, მეტიც, ოქროს უძველესი მაღაროა მსოფლიოში.https://www.facebook.com/notes/sophia-kilassonia/სააგენტოს-მიერ-მოწვეული-ექსპერტების-დასკვა-საყდრისის-არქეოლოგიურ-ობიექტზე-სად-ხა/10152203083392599ისინი დაეთანხმნენ საქართველოს ეროვნული მუზეუმისა და ბოხუმის უნივერსიტეტის კვლევებს,რითიც კიდევ ერთხელ დაუკარგეს ფასი ოდიშარიას მიერ შექმნილ 11-კაციან მეცნიერთა საბჭოს დასკვნას, ასევე კოტე ფიცხელაურის შპს “არქეოლოგიურიგაერთიანების” ექსპედიციას, რომელსაც საქართველოს მეცნიერებათა აკადემია უჭერდა მხარს.
სწორედ ამიტომ, გაურკვეველია, რის საფუძველზე და რომელი წარმატების გამო დანიშნა სამინისტრომ ჩემს მიერ ზემოთხსენებული პირები თანამდებობზე? და ვინ მოგვცემს იმის გარანტიას,რომ ისინი უფრო “დაკვირვებულები”იქნებიან სხვა ძეგლებთან მიმართებაში?
დღეს ყველა გვარწმუნებს, რომ მალე მოიწვევენ ტომას შტოლნერს და მას და მის ქართველ კოლეგებს კიდევ ერთხელ მიეცემათ საყდრისის მაღაროში კვლევების განხორციელების საშუალება. ეს ძალიან კარგია შტოლნერისა და საქართველოს ეროვნული მუზეუმის არქეოლოგიური ცენტრის მეცნიერთა სამომავლო სამეცნიერო მუშაობისთვის.თუმცა, ეს არ არის ადეკვატური კულტურული მემკვიდრეობისა და ძეგლის დაცვის თავლსაზრისით და შესაბამისად არ არის ადეკვატური პასუხი მათთვს,ვინც საყდრისი გადაარჩინა.რომ არა საყდრისის დაცვის კამპანია, ამ ძეგლს იქამდე ააფეთქებდნენ, ვიდრე ექსპერტების მოწვევას ვაიძულებდით. რომ არა დაცვის კამპანია, დიდი ხანია ტ.შტოლნერის ავტორიტეტიც და კვლევებიც სამინისტროს მიერ სანაგვეზე იქნებოდა გადაგდებული. იყო კიდეც, უბრალოდ გარემოებამ სიტუაცია შეამოაბრუნა.ხოდა ამ კამპანიაში ჩართული საზოგადოება არ ითხოვდა საყდრისში მხოლოდ კვლევის გაგრძელებას, ინფრომაციის მაქსიმალურად ამოღებას და შემდეგ მის აფეთქებას. არ ითხოვდა და არც მომავალში დაუშვებს ამას.
საყდრისი უკვე არის ინდიკატორი იმისა,თუ როგორ მოექცევა ეს ხელისუფლება ქვეყნის კულტურას და იმ მემკვიდრეობას, რომელიც ჩვენივე საზოგადოების ცივილიზირებული მომავალის გარანტიაა. ბოლნისის რაიონის და უშუალოდ კაზრეთის კულტურული განვითარების გარანტიაა. კვლევა კარგია, მაგრამ კვლევა უნდა ახლდეს პროცესს, რომელსაც კულტურული მემკვიდრეობის დაცვა ჰქვია. პროცესს, რომელსაც კულტურული მემკვიდრეობის მონაწილეობა ქვია ქვეყნის სოციალური და ეკონომიკური განვითარების პროცესში.
ამიტომაც მნიშვნელოვანია ორი რამ. ჯერ მცირე და საჩქარო:
ადამიანები, რომლებიც ხელს აწერდნენ საყდრისის აფეთქებას და ვერ ხედავდნენ მასში ისტორიულ ფენებს, უნდა ჩამოშორდნენ ამ და სხვა ძეგლებისთვის სტატუსის მინიჭება-მოხსნის პროცესებს.
და მეორე და უმნიშვნელოვანესი:
სამინისტრო და ძეგლთა დაცვის სააგენტო უნდა გახდეს ადეკვატური. ადეკვატურობა ნიშნავს კულტურის და საზოგადოების ინტერესების სადარაჯოზე დგომას. გამოსავალი ყოველთვის არსებობს. და არსებობს “არემჯი გოლდთან” თანამშრომლობის და ამავდროულად ძეგლის დაცვის გზებიც. არსებობს მსოფლიოს განვითარებული და პროგრესული ნაწილის გამოცდილება. რატომ არ უნდა გავიზიაროთ ეს გამოცდილება? რატომ უნდა მოვიქცეთ შუასაუკუნოვანი ლოგიკით? რატომ უნდა დავთანხმდეთ საზარელ პერსპექტივას – კაზრეთის მოწამლულ უდაბნოდ დატოვების პერსპექტივას? რატომ არ უნდა განვითარდეს მხარე, სადაც ქვეყანას ყველაზე მდიდარი ნიადაგი აქვს?
ახლაც კი შესაძლებელია სამინისტრომ გმირობის ტოლასი საქმე ჩაიდინოს. შტოლნერის მილიონებით დაფინანსება და ხალხისთვის თვალის ახვევა არ არის გმირობა. გმირობაა თუნდაც ეგ ორი მილიონი ჩადო იმისთვის, რომ განავითარო ის, რაც ჩვენი წინაპრების მონდომებით გვერგო – სრულიად უნიკალური ძეგლი. შესაბამისად სრულიად უნიკალური შანსი კულტურული ტურიზმისა და რეგიონის კულტურული განვითარებისთვის.


Published on Jun 30, 2014
საყდრისი და კაცობრიობის უძველესი ოქროს მოპოვების კერა - პროფესორ თომას შტოლნერის მოხსენება
© Georgischer Verein in Deutschland e.V. გერმანიის ქართული სათვისტომო
მასალის გამოყენების შემთხვევაში დაგვიკავშირდით მაილზე info@satvistomo.de

This post has been edited by basa-ttt on 3 Jul 2014, 01:48

მიმაგრებული სურათი

ნინო მიქიაშვილი: 2014 წლის 6 ივლისს საყდრისში ერთი დღით იყვნენ ჩამოსულები ზვიად გამსახურდიასდროინდელი უზენაესი საბჭოს წევრები და ეროვნული მოძღაობის ვეტერანები: ციალა შანავა, ნუგზარ მგალობლიშვილი, გელა ჩორგოლაშვილი და ვახო ბახტაძე. ეს ვიდეოკადრები საყდრისის უძველეს ოქროს მაღაროსთან მიახლოებისას გადავიღე


გუშინ, 15 ივლისს საყდრისის გადარჩენის საზოგადოებრივი კომიტეტის სახელით შევიდა მიმართვა პრეზიდენტის, პრემიერ-მინისტრის და პარლამენტის თავმჯდომარის სახელზე, სადაც მოვითხოვთ საყდრისისთვის უძრავი ძეგლის სტატუსის აღდგენას. ამ მიმართვას დავამატეთ პოლიტიკური პარტიების მიერ ხელმოწერილი მოთხოვნაც.
გთავაზობთ მიმართვის ტექსტს.
საქართველოს პრეზიდენტს გიორგი მარგველაშვილს!
საქართველოს პრემიერ-მინისტრს ირაკლი ღარიბაშვილს!
საქართველოს პარლამენტის თავმჯდომარეს დავით უსუფაშვილს!
ბატონებო, უკვე დიდი ხანია საზოგადოება ითხოვს საყდრისი-ყაჩაღიანის ტერიტორიაზე აღმოჩენილი 5400 წლის მაღაროს საკითხის კანონის შესაბამისად გადაწყვეტას.
მოგახსენებთ, რომ პრობლემა წამოიჭრა 2013 წლის 5 ივლისს საქართველოს კულტურის მინისტრის გ. ოდიშარიას #03/108 ბრძანებისა და საქართველოს პრეზიდენტის მ. სააკაშვილის 2013 წლის 10 ივლისის #563 ბრძანების გამოცემის შემდეგ, რის თანახმად უძველეს მაღაროს მოეხსნა უძრავი ძეგლის სტატუსი.
2013 წლის 5 ივლისის საქართველოს კულტურის მინისტრის #01/108 ბრძანება 2014 წლის 13 ივნისს თბილისის საქალაქო სასამართლოს მიერ ბათილად იქნა მიჩნეული.
ასევე მოგახსენებთ, რომ თბილისის საქალაქო სასამართლოში მიმდინარეობს რამოდენიმე პროცესი, რომელიც ამ ტერიტორიაზე სამუშაოების ლიცენზიის მქონე კომპანია RMJ Gold-ის უამრავ დარღვევევას ასახავს.
გარემოს დაცვისა და ბუნებრივი რესურსების სამინისტროსაც აქვს ამ კომპანიასთან სერიოზული პრეტენზიები გარემოს დაბინძურების მძიმე შემთხვევების გამო, რაც არაერთი დაჯარიმების საფუძველი გახდა, ამ სამინისტროს სახელით პროკურატურაში 2 თვის წინ გადაგზავნილია ამ პრობლემებთან დაკავშირებული საქმე.
საზოგადოებამ მრავალგზის გამოთქვა აღშფოთება ამ საკითხთან დაკავშირებით და მოგმართათ თხოვნით, რათა მაღაროსთვის დაებრუნებინათ კუთვნილი სტატუსი და გაგრძელებულიყო მისი კვლევა, როგორც ეს დემოკრატიულ ქვეყნებში ხდება.
საყდრისის გადარჩენის საზოგადოებრივმა კომიტეტმა პირველად ამა წლის 20 მარტს მიმართა პარლამენტს (117 ხელმოწერით), შემდგომ კი 14 აპრილს, პრეზიდენტის, პარლამენტის თავმჯდომარისა და პრემიერ-მინისტრის სახელზე გაკეთდა განცხადება (150 ხელმოწერა), ხოლო 20 მაისს კულტურისა და ძეგლთა დაცვის მინისტრს მივმართეთ, რამაც შედეგი ვერ გამოიღო.
საქართველოსა და მის საზღვრებს გარეთ დაიწყო ხელმოწერების შეგროვება მოთხოვნით - აღუდგეს საყდრისის მაღაროს უძრავი ძეგლის სტატუსი.
საქართველოში შეგროვდა 2000-ზე მეტი ხელმოწერა, საბერძნეთში 1600-ზე მეტი, დაიწყო ხელმოწერების შეგროვება სხვა ქვეყნებშიც, საერთაშორისო პეტიციების საიტზე www. avaaz.org დაფიქსირებულია 3000-მდე ხელმოწერა, ასევე ინტერნეტ სივრცეში ვრცელდება როგორც უცხოელების, ისე საქართველოს მოქალაქეების ვიდეო-მიმართვები ამავე მოთხოვნით.
არანაკლები სიმწვავით დგას ამ რეგიონის ეკოლოგიური, სოციალური და ჯანდაცვის პრობლემები, ხოლო დაბინძურებული მდინარეების (კაზრეთულა, მაშავერა) სარწყავად გამოყენება იწვევს საქართველოს მთელი მოსახლეობის ჯანმრთელობის გაუარესებას, რადგანაც ეს რეგიონი ამარაგებს თითქმის მთელს საქართველოს ხილ-ბოსტნეულით.
პოლიტიკური პარტიებიც, როგორც საზოგადოების ნაწილი, აქტიურად განიხილავენ ამ პრობლემას და მას ქვეყნისთვის უმნიშვნელოვანეს საკითხად მიიჩნევენ. ამიტომ, ბატონებო, გიგზავნით მიმართვას, რომელსაც ხელს აწერს 12 პარტია, და ითხოვს:
1. აღუდგეს უძრავი ძეგლის სტატუსი მსოფლიოში უძველეს საყდრის-ყაჩაღიანის ოქროს მაღაროს;
2. გაგრძელდეს ამ მაღაროს არქეოლოგიური კვლევა;
3. სამთავრობო დონეზე იქნას შესწავლილი ბოლნისის რაიონის ეკოლოგიური პრობლემები;
4. სათანადო ყურადღება მიექცეს ამ რაიონში მაცხოვრებელ და დასაქმებულ პირთა შრომისა და ჯანმრთელობის უფლებებს.
სამწუხაროდ, მიუხედავად ამდენი მიმართვისა და თხოვნისა პრობლემა არ გადაწყვეტილა. გთხოვთ, გამოიჩინოთ ყურადღება საზოგადოებისთვის ამ მეტისმეტად მგრძნობიარე საკითხისადმი, რათა ჯეროვნად იქნას იგი შესწავლილი და მოხდეს შესაბამისი რეაგირება.
საჭიროების შემთხვევაში მზად ვართ უფრო ზუსტი და ამომწურავი ინფორმაცია მოგაწოდოთ აღნიშნულ საკითხთან დაკავშირებით.
დანართი 1. საქართველოში მოღვაწე პარტიების მიმართვა მთავრობისადმი - 1 ფურცელი.
საკონტაქტო პირი: ეკატერინე სოხაძე, ტელ.: 599904210, მცხ. თბილისი, მეჯვრისხევის ქ. #5.
საყდრისის გადარჩენის კომიტეტის კომიტეტის სახელით
ა. მიქაუტაძე, ე. სოხაძე, დ. ეფრემიძე, ბ. ბოგველი, გ. კიკნაძე, თ. აბუთიძე, თ. შანავა
11. 07. 2014 წ.

ასევე მიმართვასთან ერთად ჩვენ იგივე პირებს და ამასთან ერთად ჯანდაცვის მინისტრს გავუგზავნეთ შემდეგი მოთხოვნა.
საქართველოს პრეზიდენტს გიორგი მარგველაშვილს!
საქართველოს პრემიერ-მინისტრს ირაკლი ღარიბაშვილს!
საქართველოს პარლამენტის თავჯმდომარეს დავით უსუფაშვილს!
საქართველოს შრომის, ჯანმრთელობის და სოციალური დაცვის მინისტრს დავით სერგეენკოს!
ბატონებო! ჩვენ, ჯანმრთელობის სფეროში მოღვაწე ადამიანები, კარგად ვხედავთ და ვიაზრებთ ქვეყნის მოსახლეობის ჯანმრთელობაზე დღეს მოქმედი ეკოლოგიური, კლიმატური თუ ტექნოგენური ფაქტორების უარყოფით ზეგავლენას. ამ კუთხით განსაკუთრებულ ყურადღებას საჭიროებენ წიაღისეულის მომპოვებელ საწარმოებში მომუშავე და მათთან ახლოს მხცოვრები ადამიანები, რადგან მათი ჯანმრთელობის მდგომარეობა საწარმოს მიერ გამომუშავებული დამაბინძურებელი ფაქტორების უშუალო ზემოქმედებითაა განპირობებული, რაც დადასტურებულია მრავალი სამედიცინო, თუ ეკოლოგიური კვლევის შედეგად.
(ბოლნისის რაიონში ჩატარებული კვლევების სტატისტიკის სამედიცინო ცენტრის მონაცემები; 2000 წ.; დ.წერეთელი, ქ.ნაკაიძე 1999-2000 წლებში ბოლნისის რაიონის სოფლებში ჩატარებული სამედიცინო კვლევები; საქართველოს შრომის, ჯანმრთელობისა და სოციალური დაცვის სამინისტროს სანიტარიისა და ჰიგიენის სამეცნიერო-კვლევითი ინსტიტუტის 2003 წლის ანგარიში; გ, მელიქაძე, "საქართველოს ტერიტორიაზე მიწისქვეშა წყლების მონიტორინგი და სივრცულ-დროითი მოდელირება ეკოლოგიური და სეისმური პრობლემის გადაწყვეტის მიზნით", დისერტაცია, 2006 წ.; გარემოს დამცველი არასამთავრობო ორგანიზაცია CENN-ის 2014 წლის ანგარიში; არასამთავრობო ორგანიზაცია - საქართველოს სამედიცინო ელემენტოლოგთა კავშირის მიერ 2014 წლის ივლისის თვეში ჩატარებული ზოგადი კვლევა და სხვა).
კვლევების შედეგად შემუშავდა მრავალი მიმართვა ხელისუფლების მისამართით, სხვადასხვა ტექნიკური, თუ სამედიცინო ღონისძიებების ჩატარების მოთხოვნით, რასაც სახელმწიფოს ინსტიტუტების მხრიდან არანაირი რეაგირება არ მოჰყოლია.
დღესაც ამ საწარმოებში არ არის უზრუნველყოფილი სახელმწიფოს მიერ დეკლარირებული შრომითი, ეკოლოგიური და სოციალური დაცვის მექანიზმების მუშაობა, რაც თანამედროვე სამყაროსთვის შეუფერებელად გვეჩვენება. რეალურად არ არის დაცული დასაქმებულთა უსაფრთხოების და შრომის პირობები, ბინძურდება გარემო, საფრთხე ექმნება საწარმოებთან ახლომდებარე დასახლებებს, იქ მცხოვრებ მოსახლეობას, ხოლო დაბინძურებულ ნიადაგზე მოყვანილი სასოფლო-სამეურნეო პროდუქტები საფრთხეს უქმნიან საქართველოს დანარჩენ მოსახლეობას, განსაკუთრებით დიდ ქალაქებს, მათ შორის თბილისს.
შემაშფოთებელია ასევე დაავადებათა კონტროლის ცენტრის 2013 წლის სტატისტიკური მონაცემები, რომელიც საქართველოში ყოველწლიურად ონკოდაავადების 7000 ახალ შემთხვევას აფიქსირებს.
ასეთი ვითარება არ შეესაბამება საქართველოს კანონმდებლობას, სახელმწიფო კი ვალდებულია განახორციელოს მოქალაქეებისთვის კონსტიტუციით მინიჭებული უფლებები, რომელთა შორის ჯანმრთელობის, სოციალური დაცვის და შრომითი უფლებები უმნიშვნელოვანესია.
ამიტომ მოგმართავთ თხოვნით, გამოიყენოთ თქვენს ხელთ არსებული უფლება-მოსილება და დაიწყოთ პოტენციურად სახიფათო ინდუსტრიული ზონების სიღრმისეული შესწავლის პროცესი, შეიმუშაოთ ამ დარგის განვითარების ადეკვატური სტრატეგია, რომელიც განაპირობებს იქ მომუშავე და ახლოს მაცხოვრებელი ადამიანების ჯანმრთელობის, შრომის და სოციალური დაცვის უფლებების სათანადო განხორციელებას, ხოლო ჯანმრთელობის დაცვის კუთხით არსებული მძიმე მდგომარეობის გამოსასწორებლად დაისახოს და სწრაფად განხორციელდეს სარეაბილიტაციო ღონისძიებები.
იმედს ვიტოვებთ, რომ ჩვენი ქვეყანა სამაგალითო გახდება სადღეისოდ აღიარებული საერთაშორისო შრომითი და ჯანდაცვითი ნორმების, უფლებებისა და თავისუფლებების მოასხლეობისთვის ამუშავების კუთხით, ხოლო ასეთი საწარმოები ადამიანების უმნიშვნელოვანესი უფლებების შეზღუდვის საშიშ მაგალითებად აღარ მოგვევლინება.
ჩვენ კი ვეცდებით პროფესიული შესაძლებლობების შესაბამისად წვლილი შევიტანოთ სახელმწიფოს წინაშე მდგარი ამ უდიდესი პრობლემის გადასაჭრელად.
მარტინ დ.აბელოფის სახ. კიბოს კვლევის ცენტრის სამედიცინო დირექტორი,
მედიცინის მეცნიერებათა დოქტორი ა. თავართქილაძე
თბილისის დერმატოვენეროლოგთა ასოციაციის თავმჯდომარე;
საქართველოს შრომის, ჯანმრთელობის და სოციალური დაცვის
სამინისტროს ექსპერტი; სქესობრივი გზით გადამდები ინფექციების
ევროპის ბიუროს მთავარი საბჭოს წევრი ს. კობახიძე
ბავშვთა ნევროლოგიისა და ნეირორეაბილიტაციის ცენტრი, ბავშვთა
ნევროლოგი, ასოცირებული პროფესორი ი. ნატროშვილი
ბავშვთა და მოზრდილთა ორთოპედიული დეპარტამენტის ხელმძღვანელი,
ტრავმატოლოგ-ორთოპედი,მედიცინის დოქტორი ლ. ჭანტურია
ექიმი-თერაპევტი, მედიცინის დოქტორი გ. ქაჯაია
აკად. გ.ჩაფიძის სახ. გადაუდებელი კარდიოლოგიის ცენტრის
რითმოლოგიური განყოფილების ხელმძღვანელი,
მედიცინის მეცნიერებათა დოქტორი კ. ეცადაშვილი
აკ. ვ. ბოჭორიშვილის სახ. სეფსისის ცენტრის მენეჯერი,
ექიმი გ. ჯავახიძე
ექიმი- სტომატოლოგი ნ. მოროზი
ექიმი- სტომატოლოგი ნ. კაჭკაჭიშვილი
ქირურგი-სტომატოლოგი გ. ცინცაძე
ექიმი-პედიატრი მ. გოგიშვილი
ექიმი-თერაპევტი, მედიცინის დოქტორი ე.სოხაძე
ექიმი-რადიოლოგი თ.ჩახუნაშვილი
ექიმი-ფსიქოთერაპევტი ნ. მჭედლიშვილი
ექიმი-ეპიდემიოლოგი თ. გაბრიჭიძე
ექიმი-სტომატოლოგი ა. მიქაუტაძე
ფსიქოლოგიის განვითარების კვლევის ცენტრის ხელმძღვანელი,
ფსიქოთერაპევტი ბ. ბოგველი
ექიმი-სტომატოლოგი,
მედიცინის მეცნიერებათა დოქტორი ქ. ჯანელიძე
ექიმი- სტომატოლოგი მ. ფრუიძე
ექიმი-სტომატოლოგი ლ. ტოპეშაშვილი
ექიმი-სტომატოლოგი მ. მოლაშვილი
ექიმი-პედიატრი ლ. ბესიაშვილი
ექიმი-სტომატოლოგი მ.ჯავახიშვილი
ექიმი-ჰიგიენისტი ა. ასანიძე
ექიმი-სტომატოლოგი ბ. ნიკოლაიშვილი
ოჯახის ექიმი, საქართველოს საპატრიარქოს
წმიდა თამარ მეფის სახელობის უნივერსიტეტის
მოწვეული პედაგოგი ლ. გრიგოლია

26 მაისს ხელმოწერებს რომ ვაგროვებდით რუსთაველზე, ერთი ჭაღარა კაცი მოვიდა ჩვენთან სასაუბროდ. საყდრისის გარშემო ატეხილ ამბებს ისე უმოქმედია მასზე, რომ ლექსიც დაუწერია. ირაკლი-ილიად გაგვეცნო. მას ამ რამდენიმე დღის წინ დავუკავშირდი და ტელეფონით ჩავიწერე ლექსი. აი, ისიც, ვბეჭდავ შემოკლებით , ბოდიში ავტორთან. :
ლოდივით მაწევს ნაღველი გულზე,
ვდარდობ სამშობლოს, გაყიდულს ფულზე,
სიმღერას, ცეკვას სხვისას დაკრულზე
ამერიკულზე, თურქულ-რუსულზე.
ვფიქრობ და ვდარდობ საქართველოზე,
ჩემი სამშობლოს მთაზე, მდელოზე,
ვდარდობ საყდრისის ძველ მაღაროზე,
ღმერთო, მტრებოსგან დაიხსენ დროზე!
ვფიქრობ საყდრისის ოქროს გორაზე
და იქ შესეულ მგლების ხროვაზე,
ვფიქრობ ბოლნისზე, ვფიქრობ საყდრისზე,
ჩვენს სიხარბეზე არსაკადრისზე.
გიჟ-ვრაცუებზე თუ ხარბ-ვრაცუებზე
გარეთ მხდალებზე, შინ მამაცებზე,
ვფიქრობ ჩვენს მტრებზე, ჩვენს მეგობრებზე
და ძალზე ჭკვიან ჩენს მეზობლებზე....
.................................
თუ თავს კულტურულ ერებს ვაკუთვნებთ,
არ ვათარეშოთ ჯაშუშ-მსტოვრები,
განძს ნუ ჩავუგდებთ წყეულ მანქურთებს,
თაობებს ზიზღით მოვაგონდებით!
თუ დავდუმდებით, რაც არა მჯერა,
ვაჟკაცი ხარ თუ მანდილოსანი,
იქნება ჩვენი გედის სიმღერა,
გავქრებით ერი კულტუროსანი.
ვხედავ, არ წყდება ესუღმერთობა,
სურთ, მიიყვანონ საქმე ბოლომდი,
რად არ ხმაურობს დღეს სტუდენტობა,
რის მაქნისია ჩვენო ბომონდი?!
მოყვასის გვერდში ვისწავლოთ დგომა,
რომ გაიტანოს სამშობლომ ლელო,
ჯერ არ დამდგარა ჩვენი აღდგომა,
საყდრისი გტკივა შენ, საქართველოვ!
შემოსევია ქართლს "მონღოლები"
ხალხში ეჭვს უკვე აღარ ბადებენ,
დღეს მშველელს უხმობს ოქროს ლოდები,
საყდრისის ქვები კი ღაღადებენ.
ანადგურებენ საყდრისს და ბოლნისს
მგლების ხროვა და ტურა-კატები,
სამშობლოს კლავენ აქ პირველყოვლისს
სულგაყიდული ტექნოკრატები.
..........................................
დამაქცეველო ძეგლის საყდრისის
მე შენ მოგმართავ "მოყვარე მტერო",
ფულის გულისთვის ჩირად არ გიღირს
ხუთიათასი წლის საქართველო.
რასისიხლი გიდგას , მითხარ, მანქურთო,
მტარვალ თემურ-ლენგს რომ ემგვანები,
სამშობლომ უნდა გლანძღოს, გაფურთხოს,
თქვენ ხართ ქართველი თალიბანები!
................................
დღეს ხალხს მოგმართავთ, ვარ პირში მთქმელი,
თბილისელი ხარ თუ ბოლნისელი,
სურთ არსუკიძეს კვლავ მოსჭრან ხელი,
უნდათ კულტურა შემოსრონ ჩვენი.
..............................
საქართველოსთვის თუ ხარ ერთგული,
გიყვარს სამშობლო და თუ ხარ ქველი,
სამშობლოსათვის თუ გიძგერს გული,
გადავარჩინოთ! საყდრისი გველის!



http://reportiori.ge/?menuid=3&id=33100
ნინო მიქიაშვილი: ვინც ჩვენი კულტურული მემკვიდრეობის განადგურებას ცდილობთ - გამხელთ და დაგიპირისპირდებით!
ავტორი: დიანა ლიპარტელიანი
14 ივლისი, 2014. 16:00
დღეს, საყდრისის გადარჩენის საზოგადოებრივი კომიტეტის ინიციატივით დაწყებული კარვების აქციიდან 3 თვე შესრულდა.
საყდრისის მცველებმა, ადგილობრივი მოსახლეობის წარმოამდგენლებმა, პროფესორებმა და პოლიტიკოსებმა, დღეს „რეპორტიორის" პრესკლუბში გამართულ პრესკონფერენციაზე სპეციალური მიმართვა გაავრცელეს.
მიმართვა - ჟურნალისტებს, საყდრისის მცველმა და ჟურნალისტმა, ნინო მიქიაშვილმა გააცნო.
„სადავო აღარ არის, რომ საყდრისის ოქროს მაღარო მსოფლიოში უძველესი და უნიკალურია. ის ჩვენი ისტორიისა და კულტურის სიამაყეა. ამავდროულად, საკაცობრიო მნიშვნელობის ძეგლია. აქედან გამომდინარე, ჩვენ, საყდრისის მცველები საქართველოს ხელისუფლებისგან მოვითხოვთ საყდრისის უძველეს ოქროს მაღაროს სასწრაფოდ აღუდგეს კულტურული მემკვიდრეობის უძრავი ძეგლის სტატუსი.
საყდრისის განადგურების გეგმის ფორმა შეიცვალა - კულტურული მემკვიდრეობის დაცვის ეროვნულ სააგენტოს, საყდრისზე ტოტალური გათხრების ჩატარება აქვს განზრახული, რის შემდეგაც საყდრისის შენარჩუნება შეუძლებლად გამოცხადდება და „არემჯი გოლდს" მისი აფეთქების უფლება მიეცემა. სააგენტო ცდილობს ამ მზაკვრული გეგმის განხორციელებაში ჩაითრიოს შეულახავი რეპუტაციის მქონე მეცნიერები.
ჩვენ, საყდრისის მცველები, მაღაროს არქეოლოგიურ კვლევას მივესალმებით, მაგრამ კატეგორიულად ვეწინააღმდეგებით ისეთი ტიპის არქეოლოგიურ გათხრებს, რომელმაც მაღაროს შენარჩუნება სათუო შეიძლება გახადოს.
საყდრისის უძველესი ოქროს მაღაროს არსებული სახით შენარჩუნებას ითვალისწინებს საქართველოს კანონმდებლობა და ის საერთაშორისო კონვენციები, რომელსაც მიერთებულია საქართველო და რომლის შესრულებასაც გვავალდებულებს ევროკავშირთან ახლახანს ხელმოწერილი ასოცირების ხელშეკრულება.
საყდრისის უძველესი ოქროს მაღაროს არსებული სახით შენარჩუნებას ითვალისწინებს კულტურული მემკვიდრეობის შესახებ საქართველოს კანონის 12-ე მუხლის პირველი პუნქტი და არქეოლოგიური მემკვიდრეობის დაცვის ევროპული კონვენციის (განახლებული ლავალეტას კონვენციის) მეორე, მესამე მუხლები და მეოთხე მუხლის მეორე პუნქტი. ამ კონვენციას ჩვენი სახელმწიფო მიუერთდა 2000 წლის 23 თებერვლის N158 დადგენილებით.
გაფრთხილებთ, ვინც ჩვენი ისტორიისა და კულტურული მემკვიდრეობის განადგურებას ცდილობთ - გამხელთ და კანონით დაშვებული ყველა ფორმით დაგიპირისპირდებით!
აქვე შეგახსენებთ, რომ „არემჯი გოლდმა" მაღაროს ნაწილი ბარბაროსულად დაანგრია. შესაბამის უწყებებში არაერთი საჩივარია შესული, მაგრამ რეაგირება ჯერჯერობით, არც ერთს მათგანს არ მოჰყოლია.
საყდრისში, კარვების აქცია გრძელდება. ასევე გრძელდება საყდრისის დასაცავად დაწყებული სასამართლო დავები. თბილისის საქალაქო სასამართლომ ბათილად ცნო ის საკანონმდებლო აქტები, რომლითაც ძეგლს მოეხსნა არქეოლოგიური დაცვის ზონა და რომლითაც გაუუქმდა უძრავი ძეგლის სტატუსი. მეორე პროცესზეც საყდრისის მცველების მოთხოვნა დაკმაყოფილდა და „არემჯი გოლდს" ფართომასშტაბიანი სამუშაოების უფლება აეკრძალა, მანამ, სანამ სასამართლო საბოლოო გადაწყვეტილებას არ გამოიტანს",- ნათქვამია განცხადებაში.

This post has been edited by basa-ttt on 16 Jul 2014, 21:03

მიმაგრებული სურათი

http://pia.ge/tv-daijest.php?id=6637&lang=geo
20:54:44ოთხშაბათი
16 ივლისი 2014 წ
RMG ის კბილაშვილი დაიცავს

ნინო მიქიაშვილი
დღეს საღამოს ვიყავი "არემჯი გოლდის" თბილისის სათაო ოფისში, ამავე კომპანიის მრჩეველთან, არჩილ კბილაშვილთან დახურულ შეხვედრაზე. როგორც ყოფილმა მთავარმა პროკურორმა ბრძანა, საყდრისთან დაკავშირებით დოკუმენტაციას გაეცნო, მაგრამ პრობლემაში გასარკვევად ეს არ აღმოჩნდა საკმარისი და ამიტომ არჩია იმ ადამიანებს შეხვედროდა, ვინც საყდრისს იცავს.
დახურულ შეხვედრას ესწრებოდნენ: ახალგაზრდა იურისტთა ასოციაციიდან კახა კოჟორიძე და სულხან სალაძე; "მწვანე ალტერნატივიდან" ნინო გუჯარაიძე და ირმა მახათაძე; ირაკლი მამალაძემ თქვა, რომ საყდრისის გადარჩენის საზოგადოებრივი კომიტეტის სახელით ესწრებოდა შეხვედრას; იგივე ბრძანა თეონა ბექაურმა, რომელიც ამავდროულად "სალომე ზურაბიშვილი საქართველოს გზას" წევრია;
მე, ნინო მიქიაშვილი ვარ საყდრისის გადარჩენის საზოგადოებრივი კომიტეტის წევრი, მაგრამ ზემოხსენებულ დახურულ შეხვედრაზე წარმოვადგენდი საკუთარ თავს და საყდრისის ვეტერანი მცველის ირაკლი ლომიძის სახელით საუბრის უფლება მქონდა.
შეხვედრიდან ყველაზე მნიშვნელოვანი იყო შემდეგი: კომპანია "არემჯი გოლდში" ორი თვის წინ შეიცვალა მმართველი რგოლი, მაგრამ საყდრისთან დაკავშირებით მიდგომა არ შეცვლილა - ისინი ისევ თვლიან, რომ საყდრისი არ არის უძველესი ოქროს მაღარო, სადაც მსოფლიოში პირველად ხდებოდა ოქროს სამთო წესით მოპოვება.
ვისარგებლე შემთხვევით და ვცადე გამეგო ვინ დგას კომპანია "არემჯი გოლდის" უკან - საიამ იკვლია, იკვლია და ვერ გამოარკვია ვინ დგას ამ კომპანიის უკან, თქვენ მრჩეველი გახდით და ეგებ გვითხარით ვინ დგას ამ კომპანიის უკან-მეთქი. არჩილ კბილაშვილის პასუხი იყო ასეთი - მე შევხვდი დიმიტრი ტროიცკის. რამდენად მეწილეა, ეს არ ვიცი, გავარკვევ, ორი თვის წინ კომპანიის მენეჯმენტი შეიცვალაო.
ჩვენი პოიზიცია უცვლელია, საყდრისს ვიცავთ ბოლომდე - მსოფლიოში უძველეს მაღაროს კულტურული მემკვიდრეობის უძრავი ძეგლის სტატუსი, რომ აღუდგება, სადემარკაციო ხაზი რომ შემოევლება და ხელისუფლება საყდრისის დასაცავად, რომ გამოყოფს დაცვის პოლიციას, მე და ირაკლი ლომიძე კარვებს დავკეცავთ, თბილისში დავბრუნდებით და ჩვენ-ჩვენს საქმიანობას გავაგრძელებთ.
ჩემს უკან "ობიექტივი" რომ დგას, ამაზე დეტალურად საუბარი ზედმეტად მიმაჩნია, ისევე, როგორც იმ ადამიანების ჩამოთვლა, რომლებიც საყდრისს თბილისიდან იცავენ, ისე, ვისაც როგოც შეუძლია

ნინო მიქიაშვილის გადაღებული ფოტოები: პირველ ფოტოზე საყდრისის ფერდი ჩანს, ზუსტად ამ მხარეს მუშაობდა ბულდოზერი და კვალიც აშკარაა; მეორე ფოტოზე ირაკლი ლომიძეა, მესამეზე თამარ შანავა - მან საბერძნეთში საყდრისის დასაცავად 1500-ზე მეტი ხელმოწერა მოაგროვა. ის ორი დღე ჩვენთან ერთად იყო; მეოთხე-მეხუთე ფოტოზე საყდრისთან გადაღებული სამარხებია; მეხუთე ფოტოზე, ახლო კადრში გამოსახული სამარხია, რომელიც ორსაყდრებთან ახლოს, გზაზე გადავიღე; შემდეგ სამ ფოტოზე საყდრისიდან რამდენიმე მეტრში არსებული ქვევრი ჩანს (ზემოდან ნახშირის ფენებია); მომდევნო სამ ფოტოზე ღუმელები ჩანს (ეს ღუმელები ირაკლი ლომიძემ აღმოაჩინა); შემდეგ ფოტოზე ჩანს მდინარე მაშავერაზე ბალიჭელი ბავშვები როგორ ბანაობენ; მომდევნო ფოტოზე ამავე სოფელში, ძეძვებში გადაღებული არქეოლოგიური ძეგლი ჩანს (შეგახსენებთ რომ სწორედ ძეძვებში ხდებოდა ოქროს მეორადი გადამუშავება); ლურჯ მაისურში გაიოზ მეხრიშვილია. ის ახლა საყდრისს მარტო იცავს; აი, ამ ყვითელ კარვებში ვცხოვრობთ; სულ ბოლო ფოტოზე ჩვენი ბანაკის დარაჯები ჩანან














გოგიტა ბუხაიძის ფოტოობიექტივით დანახული აქცია-"ერთი წელი საყდრისისთვის ძეგლის სტატუსის გაუქმებიდან"





აღუდგეს საყდრის-ყაჩაღიანის უძველეს ოქროს მაღაროს ძეგლის სტატუსი!- ეკა სოხაძე. 05.07.2014

This post has been edited by basa-ttt on 16 Jul 2014, 21:06

მიმაგრებული სურათი

basa-ttt
როგორ ფიქრობ როდესმე თუ დასრულდება საყდრისის ირგვლივ შექმნილი ამბები? აღუდგენენ თუ არა ძეგლის სტატუს.

ახლა ამაზე მიდის ბრძოლა
ჯერ კიდევ არ აქვს აღდგენილი ძეგლის სტატუსი
სვავებივით უტრიალებენ საყდრისს
და ეტყობა ელოდებიან, რომ საზოგადოებრივი აქტივობა დაეცეს.
ნორმალურ ქვეყანაში აღდგენილი კი არა უკვე მუზეუმი იქნებოდა უკვე იქ
და ტურისტების ნაკადიც,
მაგრამ ჩვენ არანორმალურები ვართ
არანორმალურ ქვეყანაში ვცხოვრობთ და
ჩვენდა საუბედუროდ დიდი ისტორია გვაქვს,
რომელიც არ დაგვიმსახურებია!

This post has been edited by basa-ttt on 17 Jul 2014, 21:06

გუშინ ერთ ფილმს ვუყურე ეგვიპტეზე სადაც ასეთი ფრაზა ისმის რომ თურმე როცა ეგვიპტელები პირამიდებს აშენებდნენ დანარჩენები გამოქვაბულებში ველურ ცხოვრებას ეწეოდნენ, ბუნებრივია რომ ეს ნებისმიერ ადამიანის ცნობიოერებაში რჩება,მე კიდე პროტესტის გრძნობა მიჩდება როცა ისეთ ფუნდამენტს როგორიც ეს მაღაროა ანგრევენ ,მერე ჩვენმა მეცნიერებმა რაზე დაყრდნობით ამტკიცონ რომ ქართული ცივილიზაცია არანაკლებ ძველია ნებისმიერ ცივილიზაციაზე რომელიც სიძველის პრეტენზიას გამოთქვამს
ტერიტორიიის ანექსიას კიდე აიტანს ადამიანი როცა იცი რომ ყველა აღიარებს ამ ტერიტორიების დაპყრობის ფაქტს მაგრამ უძველესი მაღაროს განადგურება ისტორიის განადგურების ტოლფასია და ამ ნაბიჯის მომხრეებს შემოლაწუნება ჭირდებათ, კულტურტის მინისტრი მოიხსნა იმ მიზეზით რომ ძვრები არ შეინიშნებოდა ,ეკონომიკაში ხო ნახტომებს ვაკეთებთ მოკლედ ბორია ჭორვილსკის დიდი საფლავის აშენება მოუწევს რომ მიწაში დარჩეს თუ ის ამ ნაბიჯს გადადგამს.

ხთფუიი, ჯერ ისედაც ეჭვი მქონდა, ვისი ინტერესებშიც შედიოდა საყდრისის განადგურება და ახლა ვინღა გადამარწმუნებს, რომ ივანიშვილის დაინტერესება არ არის ამ სამქმეში ?!

კბილაშვილი რომ ხელისუფლებასთან დაახლოებული პირია არაუშავს?

რა დრო მოვიდა, კუბლაშვილის მოსამართლეების იმედზე რომ იქნები კაცი!
თუმცა კბილაშვილის უუნარობას თუ გავითვალისწინებთ, რაღაც იმედის ნაპერწკალი მაინც არსებობს (ეს ნახევრად ხუმრობით).

მოკლედ, მე აღარ მაქვს არაფრის იმედი.
კულტურის სამინისტროს ხელმძღავნელადაც ბოდიში მომითხოვია და "მაძღარი ბუზი" დანიშნეს-გადაუგდებენ მსუყე ლუკმას და რასაც უნდათ იმას მოაწერს ხელს.

პ.ს.ბიძო მაგრად მიქარავს! ასეთ უნიკალურ ძეგლს რომ ანადგურებინებს, ამის მერე, როგორ სეიძლება დავიჯერო, რომ კეთილშობილური ზრახვები ამოძრავებს ამ ქვეყნის მიმართ!